阿叔泰麵 (西菁街) (已結業)

餐廳位於元朗西菁街20號益輝大廈地下3號舖。中午見到長人龍，心諗人龍店應該唔會伏，就同同事排埋一份。睇佢店面細細，原來裡面空間感都不錯。牆上滿是色彩繽紛的圖案，好有rock style。一反傳統。餐牌上食物種類貴精不貴多，通常專注放幾個菜式的餐廳都有返咁上下水準，急不及待要試啦。牛肉船麵$58濃濃的湯底，用上新鮮食材和大量香料煮成，每啖都揚溢著精華的香氣。因為粉絲最吸湯，所以是為絕配，牛肉好嫩口。冬陰功湯麵$58酸辣的冬蔭公湯頭，非常開胃，香料都好足。如果辣d仲正～篤篤炸肉$42炸到好正！彈牙到飛起。一碟好多粒～泰式奶茶好香滑，茶味好濃，奶味都好正～甜度啱啱好。青檸梳打，檸味好開胃，清爽到不得了。

元朗新開泰式船麵我哋叫咗 牛肉船麵， 雞肉船麵， 炸豬皮，豬頸肉， 仲有杯泰式奶茶， 先講牛肉船麵， 個湯底都算唔錯， 河粉感覺上似腸粉硬少少嘅質地， 因為佢係一塊塊唔係一條條， 牛腩食落口有點似清湯腩， 整體嚟講牛肉麵都挺不錯， 如果食我會推薦食牛肉😋 ，因為雞肉船麵啲雞肉冇味同好硬仲有少少雪藏味😢， 炸豬皮非常香口👍🏻 停唔到口， 豬頸肉就好大塊好厚身， 泰式奶茶就偏甜， 整體嚟講呢間都算唔錯 可以再返食佢個牛肉船麵。題外話： 大家可以喺openrice 購買阿叔泰麵現金券， 用$85蚊就可以買到$100現金券， 每張單只可以使用一次 openrice現金券優惠， 用埋現金券去食就平啲啦

其實冇去過泰國但對泰國菜情有獨鍾，見到幾多人排隊嘅船麵，今日就試下啦。元朗千色店行5分鐘左右就到，裝修係幾別緻！一坐低，首先揀好豬牛雞麵然後揀麵底。有粉絲同金邊粉叫左個牛肉船麵金邊粉，份糧唔會太多，湯底香到想飲！湯底都已經包埋菜！牛腩有3大舊，浮面嘅朱皮好香脆，喜歡油渣麵嘅朋友一定會喜歡。我至愛泰式奶茶！好多人都叫，因為真係好飲，茶濃香料味好出。小食揀魚露雞翼，有6隻咁多！位置唔太多，但亦唔會等太耐位，值得一去！

最近元朗這個勁多餐廳食肆既小區又出現左間長龍店喇 今次係在車房隔離既小小泰粉店原先位置係咩都無咩印象，直至這「阿叔泰粉」出現後連夜晚都見有人群等位就知又係我出動既時候喇明知係長龍店梗係去搵定位先叫老豆陪食啦醒到呢去到等第八張枱...食粉姐唔會太耐既，唔使驚最後等廿分鐘就入得啦！等既時候仲可以望吓車房出面幾隻守護狗，門口又影吓相，話咁快就到我開餐喇嘩入到去又幾特別喎，有壁畫，怖置，連筷子筒都好colourful, 睇落精神，食慾大增Menu 其實好簡單，以泰粉店同portion 黎講價錢算中中間間，小食都有幾款選擇我同老豆都係牛魔王， 梗係點個「牛肉船河粉」試下啦賣相很不錯， 泰式船粉出名湯底夠濃呢間講明用牛骨整既，加埋微微藥材味，仲有其他香料胡椒粒係幾有自家特色既每啖闊河粉連埋濃湯黎食I like it, 加埋金不換送湯平時豬皮就唔食架啦， 不過這幾塊細細粒仲炸既很不錯喎牛腩係煮到腍晒架，牛丸口感也尚算合格整體來講係...下次要約埋個吃貨試埋其他小食囉雞翼、豬頸肉、甜品都好好好想試呀

睇完雜誌介紹之後⋯心癢癢當晚就去鋪頭一試！星期五晚2位大概等左就嚟45分鐘⋯鋪頭地方唔算大⋯座位有少少迫啦⋯係咁繁忙嘅晚餐時段職員都算有禮貌嘅⋯因為唔知自己食到幾多碗，店員都有提議一開始叫住10碗食先⋯唔夠再落單⋯大概等左10分鐘終於有嘢食啦梗係相機食先啦! 小船麵有牛雞豬三款餸可以揀！麵嘅配搭都有好多選擇！我會推介粉絲或者河粉！粉絲入晒味！河粉就滑身！而三款餸我就會比較推介牛同豬啦！即係牛腩，豬肉同肉丸⋯而雞脾仔真係冇咩味囉隨後帶咗兩款雞翼兩款小食！等左15分鐘⋯居然漏單⋯味道亦普普通通⋯依樣野真係要改改先留得住啲客食完野推開門條隊居然更加長！想挑戰大胃王嘅朋友都係揀平日嚟挑戰啦！

同朋友傾開知道元朗西菁街有一間泰國船麵叫《阿叔泰麵》，今日經過附近，特意來試一下。餐廳牆身畫滿彩色繽紛的壁畫，充滿朝氣。牛肉船麵 ($58) - 牛肉有牛腩及牛丸，牛腩炆得腍身，牛丸爽口彈牙。湯底牛味香醇有底蘊，金邊粉滑溜有米味，配以爽口芽菜、通菜，香口鬆化炸豬皮及香脆花生，味道同口感都豐富。冬陰功湯河粉 ($58) - 材料包括蝦、青口、蟹柳及豆卜，河粉腍滑米味濃，配以酸辣冬陰功湯底，十分惹味。香茅班蘭特飲 (跟餐半價$12) - 充滿香茅及班蘭香味，味道香甜。泰式奶茶 (跟餐半價 $12) - 茶味香濃帶有香料味，口感順滑。

香港真係好少地方有泰式船麵食，喺元朗我既地頭開左間，即刻要試試！船麵最緊要係個湯底，聽講傳統船麵個湯底會落咗豬血或者牛血，所以先咁濃郁，唔食血類食品既朋友要注意啦！麵既主食只有四款，我同老公都揀左牛肉船麵，可以揀米粉、金邊粉、河粉或粉絲。另外再叫左個三式雞翼拼盤我揀左金邊粉，湯底好濃郁，應該落左好多花椒八角等香料去煮，飲落好香好甜，正！鍾意佢加左啲炸豬皮，浸落湯會好似海綿咁吸哂啲湯！牛丸幾爽口，牛腩都好味，如果煮腍小小更好！試左粉絲同金邊粉，都係覺得配金邊粉比較match~三色雞翼拼盤係香茅魚露雞翼、紅咖喱雞翼同酸辣雞翼。酸辣雞翼係凍食，建議先食呢個，味道類似酸辣鳳爪，酸酸地幾開胃，又唔會太辣。紅咖喱雞翼好香嘅咖喱味，係唔辣既，食落香口。至於香茅魚露雞翼，我覺得偏咸。三款雞翼中，比較喜歡酸辣雞翼。埋單前上OpenRice 睇到有coupon，$85可以買到$100 coupon! 可以即買即用，發揮小師奶本色，咁又慳咗$15！yeah!!! 🤑

牛肉船麵($58)餐廳主打船麵，呢到既湯底與別不同，用牛骨熬製而成。麵底可選米粉、粉絲、河粉、金邊粉。配料有牛丸、牛腩、炸豬皮等。牛腩炆得入味軟淋，牛丸夠彈牙。不過份量頗少，對於男士們就未必夠飽。

奇奇怪怪同事聚會 山長水遠走入元朗搵上面最近新開見到好多好評嘅泰船麵阿岛 好仔細細裝修好有特色筷子隻隻唔同色。全間舖頭非常之有泰國特色 但其實一個泰國人都冇所以大家唔好諗住用泰文 落order 點知以為叔叔非常之有禮貌但係問佢杯泰式奶茶有冇落 連埋佢竟然答話佢自己嗰個杯好飲啲。你話冇咪冇囉……泰式奶茶如果唔落 煉奶又點算係 泰式奶茶……😡 加多 半茶羹煉奶 頂盡咪嗰一蚊 幾毫……呢杯就係冇煉奶嘅泰式奶茶講下主角分別有泰式牛肉麵 我揀咗金邊粉 另一碗雞麵 揀咗粗河粉 再嚟一碗豬肉麵 都係粗河粉 大家可以見到成碗粉無論顏色味道湯料配料 都非常之似船麵 呢碗嘢冇得挑剔 最多只可以話 唔可以同泰國一樣有湯底揀 不過算啦 呢度始終係元朗唔係曼谷比較失望 係碗雞麵 嗰幾舊雞腿非常鞋 冇曬味 完全係煲湯渣豬肉麵中規中矩 自己一樣加啲配料入去 有90分輪到青木瓜沙律 24蚊 得幾條 真係好少食 怕食辣嘅朋友可以先試少少另外叫咗個 香茅魚露炸雞翼好食到食曬唔記得影相 結論建議各位飲番啤酒 青檸梳打 汽水 之類現成飲品一嚟畀咗五份一杯水你 唔知用嚟飲定用嚟洗筷子 有啲奇奇怪怪

在網上看見在下午茶時段有層層疊船面challenge 自認大胃王的我滿心歡喜和朋友打算星期日去挑戰一下事前已經打去問過 店方回答星期日下午是有船面challenge的 不過比較多人店方會先讓食大碗的人進場 之後才到細碗一心想玩的我們三點就去了去到已有不少人在排隊餓瘋的我們就先去吃點東西大約四點回去就可以進去了下單時原本想點細碗面的但叔叔說細碗面要等大碗面會快d(搞不懂什麼道理)所以最後還是下了兩碗大面加炭燒豬頸肉結果等了半小時都未上到半小時後叔叔再過來問我們剛才點了什麼(怕是漏單了😓)又再等了十分鐘 面終於來了我們點了雞肉河+豬肉金邊粉河粉很硬 已經粘成一團感覺像是一早烚好 再把湯加上去(如果是這樣為什麼要等那麼久呢)湯底普普通通 不算濃郁 雞肝也是偏硬最好吃的是雞鎚 一碗有三隻 挺入味的阿萊豬頸肉才是經典很厚切但表面只有輕微燒的痕跡味道像白灼一樣 肉還有點粉紅色吃完之後想玩challenge的心也没有了不是吃不下 而是不好吃 上菜也慢 也懶得再等了整餐感覺就是想哄我們食大碗的看見旁邊的人都是叫了兩碗細碗就埋單了但如果冇心的話 為何還要整細碗船面challenge呢 畢竟船面是要小碗才

原本好開心今日收工同朋友諗住三個人黎試吓呢一間新假期介紹嘅泰國餐廳船麵我地兩個食船麵一個食冬陰公 加個小食冬陰公湯底唔似冬陰公居然個味道似茶餐廳罐頭喇沙公仔麵既咪個船麵湯底唔識講 一個字甜只可以用好甜 真係太甜喇 同埋好重芽菜味重點個麵系無芽菜既唯一一樣好食啲就係個鳳爪總括黎講係食得落 唔難食 但食既野同佢講果樣野係兩樣野價錢吾叫平 亦未去到太貴既 但真心試一次就夠可以試下咩叫船麵 但未必岩香港人口味亦吾稱得上正宗泰國野

休休閒閒又到晏晝三點鐘,出去🏃‍♀找吃嘅時候 喺西青街兜到最入才揾倒近期好hit嘅泰國食船麵嘅👇地方😅此店裝修好吸睛啊四周牆身畫上色彩繽紛以船麵作主題嘅公仔，天花也有靚靚嘅裝飾坐位唔算多，但坐得幾舒適喎連裝筷子嘅器皿也很有玩味😆餐牌非常簡單~船麵跟豬、牛、雞，另有小食、飲品貪得意叫咗船面層層疊 ~ 一碗跟牛丸、牛腩， 另外一碗跟豬肉、豬丸😆，小食篤篤炸丸🍡第一碗$15.00第二碗$13.00味道夠，好味~炸豬皮、夠熱氣、好脆 、唔乜油牛腩好腍，肉丸size同味道跟泰國一樣篤篤炸丸$15.00泰國檸檬茶🥤幾清新🤭👩‍⚖ 可能係平日，所以呢段時間冇咁多人， 一路食嘢，一路聽泰國歌曲， 感覺好休閒 、愉快，好有度假feel

做完產檢， 容鳳書旁邊原來有間ASOK 泰麵內外裝修，望落都幾花心思， 圖案畫得好靚。 餐牌主食唔多， 三款麵， 牛肉、雞肉或者豬肉。 除左粉， 都可選擇飯。 小食就幾多選擇， 可惜我今日一條友， 如果唔係， 想試下雞翼拼盤，牛扒沙律。未食之前提提你。牛肉船麵， 湯底唔錯， 濃得來又唔係咸。 驚喜地有炸豬皮鋪面， 牛丸幾彈牙牛腩都有4-5 件， 炆到好淋。 👍🏻👍🏻👍🏻通菜有少量菜叫麵加飲品可以半價香茅斑斕特飲， 幾特別， 味道清新， 無氣， 唔太甜

同事介紹這小店，由於該店的位置頗隱蔽，故找了一小段時間，終於找到愛吃牛的我，當然選了牛肉船麵($58)，主角是肉嫩的牛腩，和好味的牛丸，這兩個主角的肉質和味道，我都滿意選了粉絲，碗內還有炸豬皮、通菜條、不太熟的芽菜等等還叫了香茅魚露雞翼($46)，從餐牌看到魚露這二字，便隨即order，因喜歡魚露的香，殊不知，失望呢1. 整碟雞翼很油膩2. 雞翼冇沾上魚露的香3. 有兩隻雞翼的肉質是「鞋」的(從來不打緊是雪藏的，只要烹調前處理得宜加上好手藝，什麼雪藏的食材也可美味)青檸梳打($12)，可以，不過不失

喺網上見到就過嚟試一試「地點」：輕鐵站行過去都需要15分鐘元朗千色再行去後面「環境方面」：需要拼枱，環境乾淨店舖旁係一間車房大約八點多 需要等候10分鐘 兩個人 「食物方面」：點左兩碗（豬肉金邊粉船面）分量方面唔算太大 男生的話一碗可能不夠飽肚湯底好濃 夠晒味道令我諗起泰國嘅味道豬肉片 同豬肉丸都好食👍🏻（冷盤雞翼）👍🏻👍🏻酸酸辣辣 不錯的選擇「服務方面」：服務很好 但可能新店開落單有點亂 但整理都可以「價錢」：兩個人 兩碗粉一個小食$156