289
64
21
電話號碼
28873269
開飯介紹
發跡於元朗的人氣泰國船麵店，湯底是熬製十二小時的牛骨湯，加上炸豬皮、牛肉、豬肉或雞肉，非常正宗；另外也供應泰國街頭食物和飲品。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
食家推介
相關文章
今日就同朋友來到位於元朗西菁街「阿叔泰麵」食個午餐。位置好方便，就近於元朗千色店附近。餐廳裝潢好有泰國風格，位置好寬敞坐得舒服。我地叫左豬肉船麵，泰式椰子雞湯麵，加配小食香茅魚露雞翼，篤篤炸丸(隻拼)同炸魚餅。飲品叫了凍泰式檸檬茶同熱青檸蜜。泰式椰子雞湯麵，配上雞肉，雜菇，車厘茄。麵底叫了金邊粉，椰子雞湯清甜濃郁，滿滿的椰子香味，雞肉好嫩豬肉船麵，亦都選擇咗金邊粉，配料有豬肉片，豬肉丸同炸豬皮，配上濃郁牛骨湯，用料十足。可以加餐廳推薦嘅四大調味(魚露,白糖,白醋,辣椒粉)，令到口感更豐富。豬肉煮得入味，麵質亦好綿滑。篤篤炸丸(隻拼)，有兩款炸丸，雙重滋味，炸到脆卜卜，咬下去肉汁爆滿炸魚餅，微辣香口，新鮮即炸，配上泰式辣醬，好滿足香茅魚露雞翼，雞翼大大隻，而且醃得很入味，肉汁好juicy凍泰式檸檬茶，夏天飲一流，微甜熱青檸蜜，大大杯，配上青檸可以解渴。好滿足嘅一餐！
繼續閱讀
元朗西菁街的「阿叔泰麵」，店子不大，但裝修非常富泰國特色，尤其是天花吊著熱帶風情的雨傘和草帽，兩邊牆壁上又畫滿趣緻的壁畫。餐廳除了提供麵食外，還有多款泰國美食供客人選擇，例如咖喱、泰式小炒、泰式小食和泰式特飲等，真是舖子小小，選擇多多。午市套餐還相當實惠。「牛肉船粉」必食之選，材料很豐富，有牛骨湯、牛肉、牛丸、芽菜、通菜、花生碎、炸豬皮和金邊粉（自選）。牛肉份量多，而且新鮮細嫩，肉質上乘。牛骨湯底濃味，金邊粉幼滑可口，加入「調味四寶」（辣椒粉、魚露、白醋、砂糖），份量隨意，就更加美味絕倫。「黃咖喱雞飯」，雞塊也不少，而且是雞脾肉。黃咖喱香濃兼帶泰國香料的味道，香而不辣，送飯一流。「炸魚餅」，新鮮即炸，微辣香口。「芒果糯米飯」，我至喜愛的泰式甜品，新鮮芒果肉配椰香糯米飯，最佳拍檔。「凍泰式奶茶」，有泰國特色，茶味清香宜人。「凍蜂蜜菊花露」，不太甜，味道自然。一頓豐富午餐，人均消費不需100元，性價比奇高！
繼續閱讀
今晚約咗朋友係元朗西青街網球場練習。完場後係時候要補充體力，選擇了附近「阿叔泰麵」食泰國菜😍。來到店舖，門外的設計好似住家式的食店感覺很休閒😍。進入店內，環境好舒服，播放泰國流行曲，好像置身於泰國🎉😍。餐牌印在餐桌紙上，很方便客人查看菜單👍。餐廳點單運作，用手機掃描二維碼，方便又環保♻️。<荔枝梳打>🍹荔枝肉爽口，口感清新，甜度適中，夏天當作消暑飲品一流😋。<青檸梳打>🍸飲落口感非常清新，酸甜味道啱我口味，很解渴😋。<炸蝦餅> 熱騰騰的，香脆可口，份量十足😋。<芒果蟹肉炒飯>🍋芒果肉切片加上雞蛋、豆角、蟹肉炒飯，食落不油膩，越食越開胃😋。<牛肉船麵>🍜風味獨特，食材豐富有炸豬皮、通菜、芽菜、金不換、豬肉丸、鮮牛肉等….. 建議再可以加入四大調味有魚露、白糖白醋、辣椒粉，調教自己喜歡的口味，我比較喜歡辣，加上辣椒粉湯底酸酸辣辣味道更加鮮美可口😋。很滿足享受一餐豐富泰國菜晚餐🎉🎉
繼續閱讀
元朗阿叔泰麵 阿叔已經開左好多年，經過疫情洗禮，仍然 屹立不倒牆壁圖畫和天花裝飾別具心才正宗泰國船麵不是很多地方有, 而且味道令人回味每次來我最喜歡吃船麵和炸蝦餅今次船麵我選了金邊粉，有4粒豬肉丸，豬肉片多片,搭配芽菜，通菜和花生碎, 口感豐富靈魂炸豬皮非常重要！記得加埋四種調味魚露，白糖，白醋，辣椒粉,我最喜歡喝湯底（香料）味道好獨特。朋友喜歡香葉肉碎蛋飯香葉肉碎辣得刺激食欲，太陽蛋的蛋汁撈飯更是一絕！餐廳炒肉碎比較多汁，不是乾柴柴感覺所以送飯好惹味！我們還選了炸榴槤波波甜品第1次點有些期待.真的脆皮流心，要好小心吃非常燙口,沒有中伏外皮酥脆，軟糯柔軟，和榴槤很匹配！驚喜之作香甜軟糯！而且榴槤味道不算很重，放心吃完不口臭。飲品選了菠蘿香矛特飲和泰式奶茶簡單一餐但很滿意！80分
繼續閱讀
泰菜🇹🇭都係港人熱門選擇菜式之一，酸酸辣辣好開胃，元朗有間小店主打泰式船麵，更可主選麵底無需另外加錢，(多達5款，比較少見的蛋麵也有🥚)，店內佈置亦注入泰國元素，兩邊牆壁畫上色彩鮮艷泰國人像，食物未到前可以打下卡📸～🦐炸蝦餅 $72每次食泰菜一定要嗌炸蝦餅～依碟炸蝦餅都幾大塊！炸粉較薄，食落係啖啖蝦肉，大件關係食完都幾飽🐽豬肉船麵 $63湯底係新鮮牛骨湯，船麵配有豬肉片、豬肉丸，另有芽菜，通菜，花生碎及炸豬皮，配菜都幾豐富。湯底濃郁惹味，另有4款調味料：魚露、白醋、白糖、辣椒粉增強泰式風味，金邊粉份量都幾多，認真性價比高🌶️冬蔭功湯麵 $64配料有青口、蟹柳、豆卜及海蝦，海鮮煮到剛剛熟好鮮味，酸辣冬蔭功越食越開胃，我揀咗蛋麵，比起其他粉麵多咗陣陣蛋香味。2隻大蝦同青口好加分！依個價錢食到海鮮真係好抵㗎！🥥阿咩糕點拼盤 $38賣相一流，凍點係香甜椰汁糕，熱點係玫瑰花造型班蘭椰青糕，食開凍糕，食落先知係熱糕，原來比起凍食更香甜🥭蝶豆花芒椰奶香 $30好靚嘅一杯飲品，味道仲好好飲，香濃椰汁奶味，加上粒粒芒果，推介一定要試🌼熱蜂蜜菊花露 $18甜蜜潤喉，陣陣清香菊花味阿叔泰麵 📍地址：元朗西菁街20號益輝大廈地下3號舖
繼續閱讀