阿叔泰麵 (西菁街) (已結業)

天氣凍凍地，好想食熱辣辣又暖胃既野，做完功課落樓行搵野食。經過見到阿叔泰麵，門口已經見到係有心人，而且食麵又符合到我孤獨食既要求，上吧！好，坐底睇下有咩好食先。冬蔭功湯麵，湯底夠濃郁，酸味同辣味比例啱啱好，麵質爽口夠彈，我喜歡呢個豆卜，一夾起索晒個湯底，正！熱青檸蜜，冬天梗係飲杯熱飲，要講下個杯，傳統花紋好靚，而且好大杯，抵飲。芒果糯米飯，原隻芒果上碟，芒果好靚，好甜，一D都唔酸，糯米飯黏度足夠，食到煙韌口感又唔黏牙，好食！

一入到去，餐廳嘅佈置令人感到好温暖。我地就嗌左杯泰式奶茶($24)同椰青($38)。泰茶方面，茶味濃郁，甜度適中。椰青就椰香撲鼻，非常清甜，仲有好多椰汁同椰肉，正！餐廳主打嘅牛肉船麵（$58），又有牛腩又有牛丸，一次過滿足你兩個願望！湯底嘅牛肉味同香料味都好重，配搭金邊粉就完美喇。唔想食金邊粉，仲有河粉米粉同埋粉絲揀。另外我哋有嗌到青咖喱牛腩飯。青咖喱甜味較重，啱曬啲食唔到辣嘅人。入面仲有好多香料配搭，好有泰國風味。望落細細碗嘅咖喱汁，入面仲有好多舊牛腩。值得驚喜嘅係，入面仲有兩條秋葵食。好抵呀！我地仲嗌左兩個小食，其中一個係火辣阿嫂青木瓜沙律（$38）。辣度足足值4個辣椒！青木瓜同辣味嘅配搭非常之新奇，口感方面就非常爽脆，青木瓜嘅清甜配搭佢酸酸辣辣嘅味道，非常之開胃，係鍾意食辣嘅人嘅首選！另一個小食係地踎炸豬皮（$18）。份量十足！就咁食就非常脆卜卜。浸落船面啲湯度，就林林地幾有咬口，可以稱得上係神級嘅小食。

主要係試了 牛肉的船面 ＋ 泰式奶茶價錢 -  並非高性價比，如果好好食係冇問題，e.g. 似好味既 越式牛肉湯河 就掂；湯底 味道 非常普通，加埋麵落去，兩者味道係完全分開。。。「食之無味」的感覺； 味道 - 絕對係冇味精，材料OK既；但味道似屋企煮，亦係 平平無奇。。。調味有待改進；泰式奶茶還OK；上餐速度 - 極慢。。。 唔清楚廚房流程係點，但感覺極慢，有外賣客催左兩次，好唔耐煩。服務 - OK；但有位 男仕應 講野態度比較粗野少少，唔會俾你自己揀位又唔一早講，態度有待改善。總括：縱合所有觀點，試左一次。。。應該唔會再試。。。網評好多LIKE，但並不是我杯茶。。。

阿叔泰麵。牛肉船麵、三色雞翼拼盤、泰式玫瑰奶茶、碟豆花蜂蜜($58、$58、$32）.牛肉船麵係有牛腩、牛丸🐂河粉係泰國闊身既河粉，夠晒正宗😍啲湯底又好夠味~~feel到落足料！最值得推介係個三色雞翼拼盤，$58係有9隻雞翼，會唔會太抵😱兩個人食到好滿足！.飲品方面都好驚喜，泰式玫瑰奶茶特別得尼又唔太甜，又有玫瑰味🌹好好飲，係泰式奶茶另外既選擇！至於碟豆花蜂蜜就相當靚，影相一流📸 味道都唔錯架！

一直對泰國平價船麵情有獨鍾，友人強烈推薦呢間黃店，門口已經痴滿memo紙。🥰-店舖主食選擇不算多。我地一行三人都叫左船麵。價格雖然無泰國咁平，不過都幾抵食。😛-牛肉船麵（$58）- 金邊粉-麵底方面有得選擇金邊粉、河粉、米粉、粉絲。麵一送到去面前就，香味即刻湧黎。麵上有7舊炸豬皮，脆而不膩；牛腩有3舊，大舊入味軟熟；牛肉丸有3舊，食落似豬肉丸/貢丸😂。不得不讚個湯底，友人話有少少似肉骨茶，不過我無試過就不清楚，湯底非常濃郁，加半匙辣椒粉🌶️仲惹粉😍-泰式奶茶（$28）-有去過泰國一定知佢地落冰有幾重手。呢杯泰茶既冰、奶、茶比例出色，甜度適中，夠哂大杯。兩個人share都得，不過太好飲我地試左一啖決定一人一杯。🤪

【 豬肉船麵 】湯頭夠濃味，豬皮切到好似蝦條大細，炸得酥脆乾身唔油膩，等佢吸收湯頭變淋身再食又有另一番滋味。薄切豬肉片肉質剛好，一口豬肉丸細細粒，應該係手打先會有爽口彈牙嘅口感，值得一試😋

元朗出名多野食，今次就黎到呢間阿叔泰麵，估唔到佢除左野食出色鋪頭裝修都落足心思，牆有好多靚既畫同裝飾，氣氛唔錯。嗌左碗牛肉船麵黎食，食落真係有以前去泰國食船面個隻味道。湯底濃郁，牛肉又唔韌，都算出色。配埋杯泰式奶茶，唔講以為自己身處曼谷呀！想食船麵既朋友真係要黎try try

（阿叔泰麵）已經在元朗開咗一段時間，因為每次午餐時段都好多人，所以都放棄咗。剛好今天十一時半，店舖剛開店，可以直接入坐😅😅！店舖座位主要四人枱為主，大約七張至八張枱，地方不大，但坐得舒服，而且裝飾擺設都好特別，好吸晴👀！雞肉船麵 🍜＄55雞肉原來是雞鎚和雞腎，加上配料已經有炸豬皮，芽菜，通菜和花生碎，感覺超豐富，湯底亦好濃郁被金邊粉吸收一吓，好好味😋！記住加點辣粉，就更加惹味！香葉肉碎蛋飯🍚＄55肉碎炒得好香口，再配上白飯和半生熟的煎蛋，吃起來非常過癮滿足👍🏻👍🏻！酸辣凍雞翼🐔（2隻）＄15酸酸甜甜帶點辣，外皮亦好爽口，入味之餘肉質亦好嫩滑，真正泰國風味😄！

呢排lunch 開始發掘下附近地區有咩好野食，又俾筆者搵到呢間小店。泰式野就真係食得多，但真係冇食過泰式麵食。冬陰功湯麵食得泰野，又點可以唔食冬陰功呢？個種冬陰湯底既酸辣味一食就由個喉嚨直沖落個胃度，筆者即刻鼻水都出埋黎。但真係食得好開心，愈辣愈想食。炸豆腐又索哂冬陰d 汁，一食落去，d 湯底直接慘哂出黎，正！筆者仲加左5蚊轉mama 麵(類似泰國既公仔麵)，幼得黎好有咬口，同個麵好夾。泰式檸檬茶港式檸茶飲得多，今次就試下泰底既。茶底轉左做泰茶，味道帶少少甘香留係咀邊。檸檬亦變左做青檸細細粒，味道冇咁甜，感覺清新好多，絕對值得一試。冬陰功又點少得蝦？門口都有連儂牆俾大家寫低心聲，為大家打下氣。外面裝修都好有泰式餐館既風格。餐牌黃店既證明，香港人加油！

泰國菜就食得多，粉麵亦食過唔少次😊，味道辣辣的特別惹味😃，所以都特別喜愛，朋友介紹元朗有間💁🏻‍♀（阿叔泰麵）有船麵食，第一次聽，又未食過，當然要試吓啦！環境不是很大，但裝修擺設很有風格，坐位都很舒適！午市時間超多人，11時半入座剛剛好，午餐餐牌亦好清𥇦👍🏻👍🏻！牛肉船麵 🐮＄58湯底濃郁的牛骨湯，加上軟腍的牛腩，彈牙的牛丸，分量剛剛好！配料亦有炸豬皮，芽菜，通菜，花生碎，更添口感😋😋！麵底方面，更可自由配搭金邊粉，米粉，河粉，粉絲或米飯！聖巴東無骨酸辣鳯爪 （跟餐另加＄15）餐前開胃小食，酸酸甜甜又爽口，😌不錯！泰式奶茶🥤（另加＄10）泰式奶茶有別於一般我們茶餐廳經常飲的味道，比較偏甜，顏色亦好特別，不妨一試！

由於見到網上推介覺得呢間鋪頭幾特別，某天晚上同朋友周圍行揾左好耐先揾到呢間餐廳，門面好靚，都幾岩打卡，入面仲有好大幅既卡通壁畫，仲有五顏六色既筷子，鐘意咩色自己揀，哈哈，餐廳裝修得好有特色，鋪頭雖少，位置不多，所以要食既都係早d去好，因為都幾多人，我地去到都差唔多坐滿晒。食物選擇唔多。不過貴精不貴多。叫左牛肉船麵，個麵可以轉金邊粉，河粉都得，我揀左金邊粉，同埋叫左個三色雞翼拼盤同沙律。牛肉湯底用12個鐘煲成，所以湯底味道鮮甜，牛肉味濃，牛腩好淋好入味，仲配有炸豬皮都真係幾特別，好好食價錢合理。三色雞翼有酸辣開胃的凍雞翼，香茅同紅咖哩，個人比較鐘意香茅同紅咖哩多d,凍既就第一次甘食法，不過略為無乜味。所以黎呢度最緊要當然係食佢既牛肉麵啦～

平常逛元朗總愛流連又新街一帶覓食，今回轉個場地，來到西菁街一帶，同樣是美食多蘿蘿。這次試了街尾的「阿叔泰麵」，站在門口已經看到甚具特色的裝潢，非常的泰式風情。等侯了一會便可入座，店員們態度熱情。船麵的麵底可以自行揀選，分別有金邊粉、河粉、米粉和粉絲。這一碗豬肉船麵配了寬河粉，薄溜滑嫩的麵質把由新鮮牛骨熬製的湯底盡索。每一口都感受到湯底的鮮甜。豬肉跟豬肉丸則不過不失。冬蔭功湯底偏重椰奶香，入口先是甜甜的椰香，再來就是微辣的剌激快感。麵底選擇了金邊粉，麵量蠻多的。配餤有鮮蝦、青口、蟹柳，還有豆卜。鮮蝦肉甚為彈牙。香茅魚露，又是一道泰式特式小食。香茅獨有的檸檬香味，令雞翼多了一份清香，減少油膩。加入濃味的魚露，甜中帶咸，相當惹味。

有很多朋友都跟我說這間阿叔泰麵的船麵很好味，所以今天午餐就和朋友來吃。 我們叫了牛肉船麵和豬肉船麵，它可以選擇不同的粉類， 而我們選擇了金邊粉。午餐都會贈送飲品，我們叫了青檸七喜和熱青檸蜜。他們的湯底都很濃郁，食下去味道很清新，不會感覺到很油膩，能夠感受到師傅很用心去煮這個湯底。牛肉船麵配料有牛腩和丸，而豬肉船麵就有豬肉片和豬肉丸。一碗的份量也很足夠，而餐廳也有推薦可以加辣椒粉令湯底更惹味，我也加了少許，令湯底更突出。

半年前左右已經聽過呢間人氣小店，不過地點唔係話好方便，所以一直未去試。不過今個 weekend 終於試左喇。一入去就覺得間餐廳好有特色。牆上的顏色繽紛的壁畫令人覺得耳目一新好可愛的筷子筒任你挑選想揀的顏色泰式奶茶。我未在泰國試過泰式奶茶，所以無法比較是否正宗。不過飲落同港式奶茶係有分別的，比港式奶茶甜少少 , 茶味就淡d , 奶味重 d ，幾啱我口味，不過就唔知啱唔啱大家的口味了。豬肉船麵陪河粉。船麵是這裏的招牌菜。我看到另一食評推介豬肉船麵，佢話覺得比牛肉船麵更佳。由於我都係豬肉的 fans, 而豬肉又比牛肉平$6，一於試下。豬肉船麵嘅湯底都係牛肉湯，充滿牛香，不過豬肉溝牛肉湯，完全無衝突。河粉係闊河粉，同平時茶餐廳嗰 d 河粉有唔同，不過都幾吸到湯味。配料有新鮮豬、豬肉丸、炸魚皮等。特別的還有通菜，食落去同麵幾夾，感覺又健康 d 咁。泰式豬頸肉飯。由於男友不是麵的 fans，他叫了飯。豬頸肉都算燒得香，配上泰式甜辣醬，不過飯的份量對男孩子來說，略有點不足。希望店方可以留意下這個位。總括來講，泰式船麵來講對我頗新鮮，出品亦都味美。

有朋友介紹呢間泰式麵，平時自已都鐘意食泰式野，但係香港食泰麵反而第一次，今次lunch有時間所以試一試佢，店內鋪頭唔算大，但裝修環境都幾唔錯，位就窄左少少，但對於我呢d瘦人嚟講冇乜影響。同朋友要左碗泰式雞肉米粉同泰式豬肉米粉，飲玫瑰奶荼。先講個湯底，冇想像中咁濃味，不過本人比較接受到好濃味野，對一般香港人嚟講都夠味，雞鎚份量都夠，整體配搭得幾好，特飲選擇唔算多，但都算得上中上，整體嚟講係元朗度算係有d特色，而且味道整體唔算，所以都推介