阿叔泰麵 (西菁街) (已結業)

呢度嘅泰國船麵精髓在於湯底，每日用超過30斤牛骨再加入藥材熬足12小時，所以湯底牛味非常濃厚，而且仲帶點帶陣陣藥材香，令人回味無窮。船麵主要分為牛肉、豬肉、雞肉3款口味，可配金邊粉、粉絲、泰式河粉同米粉，我點嘅牛肉船麵配有牛丸同牛腩。女朋友點嘅豬肉船麵配豬肉片同豬肉丸，豬肉丸同牛丸一樣爽口彈牙。牛腩入口肉質鬆軟，泰式河粉同我地一般食開嘅河粉唔同，比較大塊而且滑溜。呢度跟足當地傳統提供白醋、砂糖、辣椒粉、魚露，客人可以自行調味。泰式檸檬茶青檸七喜魚露雞翼

喺元朗呢個美食天堂嚟講，呢間阿叔泰麵嘅位置都算穩世Haha不過好彩有朋友帶路，先無錯過呢碗咁好味嘅船麵~我揀咗牛肉船麵，除咗有牛肉外，最正嘅當然係船麵必備配料：炸豬皮、芽菜、通菜、花生碎，再加埋魚露、白醋、白糖、辣椒粉，簡直覺得自己去咗泰國啊

到達餐廳時門面及內部裝修好有泰式地道既風味這是值得一讚但係牛肉船麵味道令我失望到極點冇得再極。船麵係當地咁地道既野，點解佢地可以整到咁難食？係對泰國美食既一種侮辱.肉碎炒飯，只係中式既普通炒肉碎，肉碎唔靚有異味，肉碎炒飯又係好地道既野，點解佢地會整到咁難食？要食正宗野，真係要搵正宗泰國鋪頭，今次真係有被騙既感覺，真心唔明點解咁多人話好食？究竟有冇食過地道既泰國野？依間鋪連地道既泰國鋪1/3都跟唔到呀仲有，依家有肺炎，點解要迫啲客搭枱坐咁埋？你地要迫人搭枱，好中就探下熱啦

Last stop here in yuen long and tried their Thai boat noodles. They have set lunches until 1800 so we ordered the Thai noodle set that comes with a drink. Delicious and tasty, and the portions were generous. I find that most yellow shops are generous with servings and good and fresh ingredients. Maybe the owners aren’t just tying to maximize profits but also really think about their customers

話明而家要支持黃色經濟圈，食野就緊係要揀間黃店，今日就黎到充滿泰式風味既阿叔泰麵開餐星期一至五既套餐都幾抵食，五十幾蚊就食到一個晏晝，仲包左杯飲品添我同朋友一人加左十蚊，升級做特飲，高身杯裝住既係班蘭特飲，鍾意班蘭味既朋友絕對唔可以錯過，因為唔係度度都飲到而綠色果杯就係綠奶茶，係我人生第一次試，好有異國風味，其實呢杯就係綠茶溝奶茶，當中有陣陣既苦澀味道，大家可以試試呢個特別既味道冬蔭公夠辣，又唔會太酸，岩哂我口味，配料有青口、蟹柳、蝦仁、豆腐卜河粉係較問身，有d似紙巾，但食落係幾煙un

◾️#香葉肉碎蛋飯 HKD$55這應該算是泰式打拋飯豬肉香辣，配飯真的絕配👍🏼辣度沒有泰國的辣但很適合香港人的口味喔◾️#三式雞翼拼盤 HKD$58超適合選擇困難症的朋友份量也比我想像中的多三種各有特色而且都好吃🤤◾️#泰式小牛扒 HKD$52這份小菜看似一小碟但怎麼吃都看不到底😂😂而且越吃越辣🥵🥵喜歡吃辣的應該會喜歡像我不太會吃辣的....要多點杯飲料喔🤣—————價錢優惠味道正宗在香港真的很難找了經過元朗可以去捧場一下👏🏼(各項滿分為5分)餐飲分數: 🌕🌕🌕🌕🌖環境分數: 🌕🌕🌕🌑🌑服務分數: 🌕🌕🌕🌗🌑價錢分數: 🌕🌕🌕🌕🌖 總分數: 🌕🌕🌕🌕🌖-阿叔泰麵🍴 元朗西菁街20號, 地下3號鋪, 益輝大廈📞28873269🕑11:30-11:30

近來發現價錢極為親民的船麵泰國餐廳開設於元朗，上次一試便愛上的我決定走入元朗一試。嚐後發現性價比甚高，食物有濃厚泰國風情中帶有港式影子，既可滿足到泰菜癮同時又有種熟悉感餐廳鋪位較隱蔽，遠離煩囂元朗鬧市，瑟縮於村落外圍車房旁，門面明亮的燈光照射著百葉木廉、打開的木窗戶、小桌子及泰國常見的小販車檔放於門外，簡約地呈現了泰國感甫進室內便被那藍色卡通牆身吸引眼球，少有地泰國餐廳擁有一幅大卡通牆而又能將兩者融為一體，完全沒有違和感，為餐廳增添不少生氣。門面之淺木伸延至內，並與黑鐵為主色調，天花還掛著與泰國有關之吊飾，整體是頗有心思的裝潢特別的筷子膠器皿本人非常欣賞！保留到自助取餐具同時既衞生又方便，筷子顏色更與別不同，顏色鮮艷奪目，粉色系列的筷子也是本人首之遇見，也是我大愛的顏色！膠料器皿配上鐵質水杯巨有大排檔感覺，不但是泰式風情，更導出了餐飯的起源與歷史碗內有芽菜、通菜、花生碎、炸豬皮、牛丸及牛腩，自選金邊粉。湯底必定是船麵主角，湯底帶著香濃牛肉汁鮮味而不油膩，掛麵程度尚可，每口金邊湯也能嚐到肉汁，但單一的味道欠缺了用豬血及豬內臟所熬成的多層次濃郁純和豬血味，與我預期中的船麵湯底有所出入，若說

阿叔泰麵間餐廳位置有d格sip，但本著良知，就算幾遠幾偏我都會去食。邊款船麵都會用同一種湯底，勁濃勁多香料既船湯，牛肉味濃，唔會鞋口。唯一美中不足既係，碗麵有dd細碗，男士可能會唔夠飽。

最近因為疫情都少咗出街食飯，但適逢有朋友生日，就近近地搵左間💛餐廳，短暫咁見個面啦。黎左依間西菁街嘅阿叔泰麵，門口有架飲品檔仔，貼滿字條，真係勇武之國，入面都係充滿泰式風情既裝飾，配埋啲泰國歌，真係令人有置身泰國嘅感覺。🐥叫左個三式雞翼拼盤，有香茅雞翼、紅咖喱雞翼、酸辣凍雞翼，份量都唔少，香茅雞翼不過不失，紅咖喱雞翼最出色，個味幾夾，酸辣凍雞翼最麻麻，雞翼太實，唔入味。🐔雞肉金邊粉有三大嚿雞鎚，又有雞腎、芽菜、通菜咁，個湯好飲，唔太咸，大大碗夠晒飽🥤泰式奶茶唔會太甜又唔會太澀，個陣味同泰國飲到既差唔多仲有個無骨鳳爪就正常發揮啦，食泰國嘢開胃同必點之選☺️

我哋經過間鋪頭好多次，都聞到佢哋煲湯嗰陣味，但係見成日都好多人排隊，有一次排咗20分鐘到條隊冇乜點郁過，所以就作罷。今次唔啱我哋見經過人少少，諗住快快手去食返個晏，我哋嗌左個河粉同埋船面，一杯奶茶同埋班蘭特飲，配埋個無骨鳳爪沙律。兩碗面嘅湯底係好香好正好足料，河粉亦都好滑，但係飲品就冇咩特別，個鳳爪沙律好辣辣到食唔到其他味。裝修氣氛都好有去咗泰國嘅感覺，但係空間唔大，差唔多好多客，所以好多時都要等位。不過我覺得值得一試。

上星期同朋友一齊去食晏，店內燈光比較暗，但同店外嘅感覺好唔同，有時仲播住泰文歌，最近冇得出走，都可以喺嗰度感受下國外氣氛。🤣我叫左豬肉河粉而朋友叫左牛肉金邊粉，湯底我地都跟左佢枱上面加嘅醬汁落去，酸酸地幾開胃。豬肉片同豬肉丸都ok，而我好鍾意食佢啲炸魚皮！每碗上面都會放少少，浸左小小湯就最好食。店員亦好貼心，攞左張凳比我地擺袋😄整體用餐過程都係舒服同滿意😁

第一次認識呢間店，係因為元朗朋友介紹佢係黃店。今日去開附近買野，見佢lunch set大約$50幾蚊包埋野飲，又有唔少選擇，決定會一會佢。門面望落簡簡單單，原來入面裝修好有泰式風情，加埋背景嘅泰文歌，真係有少少覺得去左泰國小市鎮。叫左兩樣野share食，牛肉船麵湯底好濃郁但感覺唔油膩，加埋4種調味料，令原來嘅湯底加入酸、甜、辣嘅層次，真係更加好食，我每啖金邊粉都連埋湯一齊食~~牛腩份量多、入味、夠淋，牛丸彈牙有肉汁，整體有驚喜，應該係我喺香港食過最好味嘅船麵，比起九龍城泰國舖嘅船麵更岩我口味。豬頸肉飯嘅豬頸肉有輕微炭燒味，外脆內軟，個脆脆邊勁好食，酸辣汁亦都好對胃口，我鐘意用酸辣汁撈飯黎食，餐廳或者都可以學下泰國做法，提供配糯米飯嘅選擇。我揀左跟餐既泰式檸檬茶，朋友+$10要泰式凍奶茶。泰式檸檬茶茶味幾濃，青檸份量慷慨，好清新。泰式奶茶我試左一啖，幾正宗，冇叫少甜都唔會過甜。我幾欣賞餐廳用彩色筷子，食都食得開心d，亦都有泰國特色啤酒供應，絕對有再黎嘅理由。

每逢星期日都唔知食乜嘢，今日個仔帶我去食晏晝，見到呢間泰國菜館就入去試！我試咗個冬陰功湯金邊粉，一個豬肉船粉絲，OK喎，簡簡單單味道都不錯。而小店除咗食物味道質素外，佢啲擺設放筷子嘅盒，都非常別緻。

入元朗食好嘢😆😆太耐冇去過元朗啦估吾到多左咁多好味既小店朋友介紹👍🏻👍🏻話依間既船麵湯底好飲不過我最後揀左冬陰公船麪🤪湯底有驚喜唔會太奶唔會太酸 辣度恰到好處配埋粉絲一流🥰試左朋友既原味船麵湯底都好好飲😊好食過尖沙咀/觀塘

嚟到元朗，特登由地鐵站行咗15分鐘，終於搵到呢間好隱蔽嘅小店。一到門口已經見到架車仔，上面放咗好多memo紙比大家寫字。入到店內，更加有好多音樂，由熱門到小眾、由廣東話到泰文歌都有，睇得出店主對音樂都好有自己一套。店內裝飾有傳統嘅紙傘，亦有好夏日氣氛嘅水槍，同牆上嘅畫風好唔同，但又出奇地夾。我就叫咗雞肉船麵，整體嚟講比較一般，成碗麵偏油，所以好快就好飽。朋友叫左豬肉船麵，食落就唔會話好特別，正正常常，不過佢話個湯都幾濃下，有少少偏咸但可以接受既杯泰式奶茶幾好味，好香茶味，係真係沖到同港式奶茶好唔同既，抵飲！