醉胡爐 (已搬遷) 新店位置

一開始搵餐廳個陣，仲以為自己行錯，裝潢感覺高級，唔似平時打邊爐的鋪頭。因為朋友唔食辣，簡左個花膠雞湯，好好味！湯頭好甜！入面仲有個冬瓜，食到一半個店員仲會幫你切開，方便進食。配料叫左安格斯肥牛，比平時的要厚身，有牛味。仲加左薯粉、娃娃菜、牛骨髓、蟹棒、豆腐、雲吞同自家製的響鈴。響鈴大大舊，好脆！ 雲吞入面有蝦，夠足料。見到佢仲有個串燒餐牌，但實在太飽，冇叫到， 唯有下次再試。野飲叫左菊花蜜，無酒精類飲品選擇多，仲有梳打等等。 最後仲有甜品食，係水玄信餅，配埋黃豆粉同黑糖～～ 打卡都好靚

一年一度男朋友生日又到啦！佢今年就話想食火鍋做生日飯！我同事就介紹左我食醉胡爐！佢話呢間幾好食，環境都唔錯！係尖沙咀附近，食完又可以去行街！我一早預約好餐廳，去到環境裝修都好豪華、舒服！我好欣賞佢天花嘅波波吊燈，好靚😍順便一讚，員工服務超好，好友善，有禮貌👍🏻睇返餐牌，除左火鍋之外，仲有刺身同串燒我男朋友好鍾意食海鮮，我地就叫左個卜卜蜆鮮蟹魚湯鍋！超級足料，勁多蜆，d蜆都幾鮮甜！蟹肉質都唔錯，多膏新鮮店員會幫我地加酒煮海鮮，之後再加上魚湯！個火幾猛烈😂我男朋友瘋狂打卡📸火鍋配料：我同我男朋友都唔係好多野，所以好多都叫半份手切頂級安格斯肥牛～肉質鮮嫩，條紋分明，有咬口紫菜炸響鈴～手工自制，超脆黑松露墨魚丸～好重黑松露味，墨魚丸彈牙手打芝士牛丸～呢個幾正，一咬落口，好多芝士爆出黎手工雲吞～大粒，足料，蝦大隻爽口竹蔗茅根～多款醬料選擇～餐廳整體感覺唔錯，服務好，環境高級，食物質素高，下次有機會會再去食！

好耐無打邊爐, 見食評幾好就去試試訂了六時準時到達, 我們是第一枱客竟然分配一個門口位, 要求轉枱再分配一張電線絆腳, 兩個爐頭的枱給我們要我們全晚靠著一邊吃, 重點在進餐期間只有5枱客, 價錢算是中高檔,需要這樣安排嗎?是次選用訂座及二人同行每位惠顧滿$200或以上免費送火焰龍蝦海鮮火鍋火鍋配料質素不錯, 湯底略嫌太濃蓋過了食物原味條款上要留意每人收取醬料$22茗茶$8 (收我茶錢又無茶飲算點呢)唯有叫嘢飲, 簡單如竹庶茅根馬蹄水, 夠膽用馬蹄粉去沖, 難飲至極但員工有禮殷勤挽回少少分數

前排同朋友食呢間醉胡爐，估唔到呢間野越開越多分店！之前黎個陣，仲係食緊串燒，依家已轉左火鍋，可能好賺D啦！🙃🙂🙃🙂叫左椰子雞湯底，雞嘅雞質正常質數，但雞湯味道好香，唔算就好濃，但飲落口好重椰子味，唔錯！每人飲到一碗湯，之後就加多D湯打邊爐啦！紫菜響鈴響鈴入面包左大大片紫菜，入口多陣layer, 響鈴脆但唔係岩岩炸起，但夠脆同香就合格啦！雜菇盤種類幾多，有四五種，不過不失！牛柏葉黑色牛柏葉唔係到到都有，即係無漂白過。烚兩烚就可以食得，入口好爽，唔un!

環境幾好 每個位都有兩邊隔住唔驚你眼望我眼火焰龍蝦湯底火鍋 別出心裁！我地一行四人第一次黎醉胡爐 惹味龍蝦湯底 真材實料既原隻龍蝦 店員即場烹調原隻龍蝦 再加入濃郁既龍蝦湯底和蜆 再加入白酒 令龍蝦同蜆肉更鮮甜店員先讓我地品嚐龍蝦湯 好重龍蝦味 之後再加入番茄湯 好正，兩種味道好夾 加入大量番茄湯後仍然有很濃既龍蝦味 打邊爐正式開始!黃金墨魚丸 - 蛋黃味好重 彈牙 口感不錯黑松露雲吞 - 不過不失 蝦肉爽口啫啫魚麵 幾特別 咸咸地 手切肥牛 - 新鮮 質素高 肉質林 算大碟蝴蝶腩 - 肉質彈牙😂 有嚼口 不太肥膩 好大碟滑牛 - 酒味好濃 好滑好林 性價比高 值得一試

一入去覺得鋪頭嘅格局同座位都唔錯，因為佢有分一卡卡咁坐，比較有私隱度同埋唔會好嘈俾人騷擾。店員都好有心機咁按照我哋想食啲乜而推介嘢食我哋。嗰日我哋想食海鮮，佢就介紹咗我哋食卜卜峴煲。佢首先會炒香左啲峴同埋肉蟹先，炒到咁上下就加白酒落去繼續炒。之後就會再加魚湯。我哋覺得卜卜峴好鮮味，唔使點任何野都好食。另外個魚湯好濃郁同埋完全冇味精味。之後我哋再嗌左半份本地牛，紫菜響鈴，黃金墨魚丸，豬肉片同牛丸。牛丸真係超級有牛味，好似仲好味過食一片片嘅牛，影真出色。紫菜響鈴 除非你真係鍾意食紫菜，如果唔係我哋覺得淨嗌響鈴會比較好。豬肉片質感好似食緊豬頸肉咁爽口，幾唔錯。

太耐冇打邊爐啦，要食餐好😍 去試下大陸好輕嘅卜卜蜆我地3個人就叫咗個卜卜蜆鮮蟹魚湯底。要讚讚呢度嘅服務員，超親切，好細心幫我地推薦我地食咩。把聲仲好誘惑，聽佢講完真係咩都想食。係湯黎前有揀調味，正常嘅都有職員就建議我地食曬海鮮，飲完湯再打邊爐。其實食咗啲海鮮都半飽啦😂湯真係好好飲😭 平時已經煲好嘅魚湯，所以魚味會強啲。但真係會不停再添小食我地叫咗個炸魷魚，呢個就麻麻，偏油。其實仲有豬肉但唔記得影😂豬肉好食過牛👍🏻牛筋丸超好食😍 好似食咗只牛響鈴就好特別，有紫菜😍 最後就食埋個菜拼盤。吸曬湯嘅精華👍🏻👍🏻👍🏻

今次同朋友慶祝生日，見到佢如果2人以上訂座每位食夠$200就送個龍蝦海鮮鍋！見佢咁吸引，決定要試下佢火焰龍蝦海鮮鍋 ($368)呢個龍蝦海鮮鍋真心高質呀佢會有清酒倒係鍋先，之前就會點火，炒左一陣佢就會加龍蝦湯，要飲左湯同食左海鮮先再打邊爐因為有用清酒炒過，海鮮都有陣酒味，而且仲好鮮甜！個龍蝦湯都真心正呀，勁濃勁香飲完龍蝦湯之後佢地就會幫你加蕃茄湯，成件事真係好正，龍蝦蕃茄湯打邊爐牛拼盤 (細: $388 大: $488)呢個拼盤都唔錯，有牛舌，安格斯手切牛，極上手切肥牛，霜降牛粒，牛胸爽岩哂我呢D有選擇困難既人！咁多款都好正，牛味好重，但又唔會好韌紫菜炸響鈴 ($88)平時食炸響鈴食得多，加左紫菜既係第一次食，又幾正喎當然打邊爐少不了丸呀，餃呀，豆腐之類啦！個人就推介佢既黑松露鮮蝦雲吞同黑松露蟹肉餃！去到尾聲，比我地發現有甜品，果然係要食番個甜品先最正岡山白桃雪葩(優惠價: $19)夠refresh！打完個邊爐食呢個雪葩好舒服，仲好似可以解下飽水信玄餅　(優惠價: $24)呢個都唔錯，不過個人鐘意fresh既雪葩多d不得不提，佢地既staff服務一流

朋友生日當然要食好D，揀好餐廳俾朋友揀，然後係openrice訂好位!餐廳位置雖然唔算係正尖沙咀人流最多的位置，但係星期五的晚上都有不少人黎到這裡打邊爐!呢間餐廳除左有邊爐鍋底出色，串燒、小食同甜品都一樣出色!因為未齊人的緣故，但係又好肚餓，朋友提議不如點D小食同串燒食住先!自家製醉鴨舌($88)，份量都幾多，平時通常都食醉雞，好少食醉鴨舌，酒香味濃，令人有一食再食的衝動!和牛舌心($45/串)，呢款牛舌雖然燒過，但係沒有收乾其水份，而且唔會好硬，仲配有蜜糖芥末醬，很惹味!人齊了，終於可以開始打邊爐!招牌鮮梛青雞鍋($288)，店員會在你面前炮製這個湯底。預熱鍋後，店員會把雞肉先落入，然後點火，嘩!成枱都係到影呢個玩火的時間，火熄後，店員會炒一炒雞，然後再落成個椰青的椰清水，最後加入湯。湯滾後一人一碗，湯非常鮮甜，有淡淡的椰青味，也有雞的鮮味，雞肉很嫩滑!由於今晚都有5個人食，所以都點了不少火鍋配料!包括豬牛羊肉、墨魚滑、韮菜餃、丸類、鴨血、豬潤及不同的蔬菜。手切安格斯肥牛(小)($228)，牛肉味濃，厚薄適中，油脂分佈平均!爽滑豬潤($68)，真係同個名一樣，夠哂爽滑，而且食得出好新

醉胡爐主打法日fusion菜，想同朋友食個火鍋之餘，又可以有個安靜啲同坐得舒服啲嘅環境，就揀左呢間了。呢度有屏風阻隔，都幾保持到私隱度我地就叫左個卜卜蜆海鮮湯底有一份蜆同一隻蟹，職員會幫我地炒一炒先，再用火炒多炒，仲好貼心咁提我地陣間會幾大火，要小心唔好咁近炒完左就落魚湯煮，過一陣就可以食喇 建議食哂湯底嘅海鮮先，因為啱啱熟左就食，好有鮮味同口感，然後先再落火鍋配料。啲野食都好快上到，我地叫左個椒鹽鮮魷，外脆內軟，好滋味呢款響鈴係有紫菜喺入面，浸一浸落湯再食，仲會有少少微脆，同埋有啲湯嘅鮮味，都幾過癮呢個牛肉丸真係大推，好有牛肉嘅鮮甜味，同普通嘅牛肉食落無謂質感定味道，都覺得佢好高質好好食，完全一試難忘

火焰龍蝦海鮮鍋 - 侍應首先會用酒炒一炒隻龍蝦,香到不得了,然後再倒啲龍蝦湯落去,滾一陣我哋先品嚐個湯,又濃又鮮甜!!! 我哋不停飲,飲到差啲見底,之後侍應再加蕃茄湯落去俾我哋開始淥嘢食. 往後再加都係蕃茄湯招牌鮮椰青雞鍋 - 啲料好足!! 侍應將成個椰青嘅水倒入個煲,等啲雞滾熟,我哋又係先品嚐個湯同啲雞. 嘩~ 湯清甜到不得了!!! 雞又嫩滑 真係好正!!! 牛拼盤 - 不錯,粉紅色牛胸爽要快淥,耐咗會韌.黃金炸魚皮 - 超多蛋黃,攤一攤先食更加脆,超正黑松露墨魚丸 - 黑松露味濃,墨魚丸爽滑彈牙 蟹籽蝦丸 - 蝦味鮮,超彈口紫菜炸響鈴 - 由於湯底實在太正,有紫菜嘅響鈴吸咗龍蝦湯實在太美味喇! 好味到再點多一客! 冰豆腐 - 湯底咁正,當然要點冰豆腐 貴妃蚌 - 新鮮,好食!雖然價錢唔平,但個湯底同每道菜都咁有特色又有質素,我同屋企人都非常滿意,決定會再嚟食

成日都話要減肥，食少啲，但係又心思思想食火鍋，好似今晚，嗰邊爐鬼又出咗嚟，諗都唔諗就去。我哋揀咗位於尖沙咀嘅醉胡爐，之前都有同朋友嚟食過，覺得佢嘅湯底幾特別，同埋啲配料都幾新鮮好味，所以今晚再回頭。上次試過佢哋嘅龍蝦湯底，味道非常濃郁，超正。今次我哋揀咗椰子雞湯底，佢哋用上鮮雞半隻，整個椰青，再加上一啲上湯，一滾起已經非常清香，椰香味十足，二話不說，一人即刻飲咗兩碗，鮮甜好味，雞肉亦非常嫩滑另外我哋亦叫咗一個牛肉拼盤細份$388，足夠兩個人食，有牛舌芯，牛胸爽，安格斯手切牛，極上手切牛同霜降牛前粒，當中最牛粒同牛胸爽，牛粒有牛味，唔靭，夠諗。牛胸爽，輕灼之後，入口爽，唔肥唔油，極品手打芝士牛丸半份有四粒，新鮮手打，夠彈性，裡面嘅芝士唔算太濃，但係咬落去有爆漿嘅效果 熱辣辣嘅芝士汁噴射出嚟，所以食嘅時候要小心。卜卜蜆份量不少，新鮮，無沙。其他配菜叫咗鮮冬菇同埋荳苗，都非常新鮮好食。

打邊爐係我地一年四季聚會、慶祝嘅首選，火鍋形式各種各樣，近年少食放題、任食一類，重質冇咁重量。呢間位於尖沙咀嘅醉胡爐一向多人介紹，位於柯士甸路，附近火鍋選擇唔多，加上做火鍋湯底，平日晚上生意都唔錯。全店面積頗大，應該仲有樓上，裝潢方面高級，樓底高，顯得空間感足，枱與枱間亦都有適量位置，唔會同隔離太近。只係當晚我地坐得比較近門口，所以比較侷促。作為一間消費唔算低嘅火鍋店，客人重視服務亦好自然，當晚招待嘅男店員值得一讚，細心不時收拾、換碟、加湯，令我地印象深刻餐牌選擇非常多，火鍋湯底十多款，由普通嘅沙嗲、麻辣、皮蛋到花膠雞、蟲草花鮮雞、龍蝦海鮮鍋都有，而且不時有訂位湯底折扣優惠。其餘配料有刺身、海鮮、肉類、丸滑、蔬菜等，而且佢地仲有燒烤類例如白鱔、雞軟骨啊、豚肉串等。雖然價格稍高，但種類多元，帶朋友黎食都唔會失禮。醬料、茶芥 $30/位鮮椰青雞鍋 $288湯底揀左鮮椰青雞鍋，店員先上雞件，待鍋稍熱就會再過黎輕輕炒起。加入清酒再點火，除左有噱頭，都令湯底有少許酒香。然後倒入原個椰青同湯底。滾起後可以飲番兩碗先開始打邊爐，味道方面頗濃郁，並唔係清新嗰種椰青水嘅味道。雞件大件，肉就唔算多，食落唔

周末family day夜晚選擇打邊爐👨‍👩‍👧‍👧去到佐敦發現一間主打火焰龍蝦海鮮嘅餐廳 見幾特別便立即衝入去試試🔥。🦞火焰龍蝦海鮮鍋 $368今晚嘅主角👑市面好少見到嘅龍蝦湯底💓大大隻龍蝦上枱絕不馬虎同場加映火焰表演🤩🔥龍蝦啖啖肉😋而且入面仲有其他新鮮海鮮添🦐🦑🦞🦀🐙食完再加埋蕃茄濃湯🍅湯底濃郁之餘 仲好鮮甜 淥嘢食一流👍🏻。🦐蟹籽芝心鳳凰蝦 $108店員推介💥蝦滑包住原隻蝦🦐蝦肉夠彈牙 裏面仲包住芝士流心添🧀份量都幾大🧐食一個都有少少飽😂。💫紫菜炸響鈐 $88小編推薦🌈火鍋必叫item吧本身就好喜歡食 索矖龍蝦蕃茄湯汁 而呢個嘅特別之處係入面加左紫菜 多一層香脆口感😝。🦑椒鹽鮮魷 $78打邊爐當然要配埋小食 岩岩炸起 滿滿的炸蒜 蒜香味超濃 魷魚亦十分彈牙 一口接一口食曬🤡。📍醉胡爐 (尖沙咀)尖沙咀柯士甸路20號保發商業大廈地舖

朋友高度推介我黎食呢間餐廳，佢話有個$1鍋底點都要試一試，我聽到$1鍋底平到咁誇張，試下都無壞呀黎之前我仲以為咁平應該係平民裝修餐廳，黎到見到餐廳真身都幾有驚喜，感覺幾高級鍋底諗都唔洗諗就可以ORDER，其中有D配料可以半份咁叫，岩曬我地今晚兩個人黎打邊爐，打邊爐必食既牛肉有唔少選擇火焰龍蝦海鮮鍋 ($1)呢個就係傳說中既$1龍蝦海鮮鍋，唔好以為收你$1就會俾HEA貨，一上檯足料到嚇親我，有原隻龍蝦、新鮮蜆、西芹、洋蔥蕃茄，店員先落牛油炒香，跟住就落酒放火表演一下，穫氣十足，最後就加勁濃龍蝦湯，滾一陣就食得先飲龍蝦湯跟住會再加蕃茄湯打邊爐，龍蝦湯好濃好香，質地係濃到杰身，高質到可以媲美五星酒店質素西洋菜墨魚丸 - 半份 ($58)、手工雲吞 - 半份 ($48)呢兩樣食品都可以半份咁叫，每碟4粒，兩款都係餐廳手工製，所以特別足料，西洋菜墨魚丸食落幾彈牙油麥菜 ($48)、冰豆腐 ($48)冰豆腐同油麥菜都係超級吸湯，龍蝦蕃茄湯咁好味用呢兩種食材黎打邊爐就岩曬，強烈建議大家同我一樣要ORDER冰豆腐呀安格斯手切肥牛 - 小 ($228)安格斯手切肥牛肉質嫩滑，灼幾秒就食得，估唔到份量叫左