醉胡爐 (已搬遷) 新店位置

見到3xx幾個好評讚野食多十幾個負評+中評話服務差自己食過2次龍蝦鍋食到好kuok喉、期望過高棷青雞㷛青青地比較好味第一次試過朋友識老細可以坐VIP房第二次坐樓下但無論坐邊啲侍野都好似唔得閒理你無輪男女禮貌、笑容欠奉電話booking接電話的（應該是經理）冇乜禮貌、問多2句嫌你煩服務方面可以睇其他中負評、完全認同野食方面其實好普通一般野但價錢略貴價錢與質素不成正比麻麻地一間明星效應嘅火鍋店🤨🤨🤨完⋯⋯⋯⋯⋯⋯⋯⋯⋯⋯⋯⋯

今日朋友介紹我哋去咗一個好特別嘅地方打邊爐，入到門口已經聞到好香嘅味道。我地其中一個朋友遲左少少，我地愈坐愈肚餓，忍唔住落個冬瓜花膠雞翅鍋先。。。香濃嘅花膠配搭勁有雞味嘅雞，好快就比我地KO 左d 湯。最難得係依家出面都可以食到大大塊的花膠，感覺好似燉湯一樣，好鮮味！身為牛魔王嘅我哋點會唔叫個胡爐牛拼盤？ 每款牛都有得試下，每款食物都好精緻，手打牛丸加入了濃郁芝士，第一次食到墨魚丸裡面有黃金鹹蛋王，推介👍🏻我自己最滿意係雲吞，每粒都大大粒，原隻蝦係裡面咖！最難忘係佢原個冬瓜圈上，中途中職員拎把刀出黎幫我哋切。

今日黎到胡爐既另一分店醉胡爐，就朋友係尖沙咀放工。天氣開始回暖，食返個花膠冬瓜雞湯底，打邊爐又同時可以清潤一下，為春天打打氣。我朋友最鐘意食牛，所以一黎到就話要叫拼盤，可以一碟滿足曬多個願望。我自己個人最鐘意都係牛舌同安格斯手切牛，爽爽脆脆既感覺。我自己係有心丸既粉絲，所以除左芝心牛丸，仲叫左黃金墨魚丸，我朋友一咬落去，真係爆左啲涵出黎。另外手工雲吞最足料，真係有原隻蝦係入面，仲要超新鮮彈牙的❤️我朋友覺得魚麵唔錯，但我平時都好少食，所以不是我杯茶😬不過望到隔離食龍蝦湯底，啲火焰高過頭頂，我朋友話下次要再食一次😂同埋鐘意呢道可以叫埋串燒同有酒飲，坐得又舒服，下次會再黎的。

今日係情人節，而且又係我生日，男朋友又知我最中意就係打邊爐，就一早就book左呢間醉胡爐去慶祝！book左6點，時間尚早去到所以方便影一影個餐廳環境，裝修簡約潔淨。職員先放下醬料架給我們，同平時火鍋店ge種類差唔多。火焰龍蝦海鮮鍋依家餐廳做緊promotion，$1有半隻龍蝦海鮮鍋，加$88有多半隻，所以一鍋加埋都唔洗$90，好抵！而且質素一d都唔馬虎，職員先落清酒去個鍋到，再點火燒香去，龍蝦肉質鮮甜仲有d酒香，龍蝦鉗肉真係啖啖肉架，鍋裡仲有好多蜆！一定要讚下個湯底，係我暫時飲過最好味最濃郁ge龍蝦湯，我同男朋友都飲左好多碗先再加湯打邊爐。男朋友仲預先訂左d海鮮，有蟶子、貴妃蚌、鮑魚、基圍蝦、卜卜蜆。全部海鮮都食得出係新鮮ge，尤其蟶子同鮑魚最好味！蟶子大大隻，就算煮完都唔會縮好多，入口爽彈鮮甜！鮑魚質感好有咬口，真係好鮮味！發現依家多左火鍋店有鴨血揀，呢到ge鴨血係厚切架，口感更加好！黑牛柏葉焯一焯就食得，而且吸收左d龍蝦湯，入口唔韌但就偏鞋口。左邊：麻辣牛肉餃，個人覺得根本就係用餃子皮包住一粒辣味牛丸咁，味道一般般啦。右邊：芝心蝦丸，𥚃面芝心餡唔多，但蝦丸好出色，入口爽彈，真心推介

其實一向都好鐘意打邊爐! 有朋友介紹醉胡爐，話好好食喎，咁就趁新年同d朋友食團年飯就一於試下佢啦! 佢個位置都算方便，地鐵站行十分鐘就到啦。我地book左食7點，去到個陣冇乜人但係坐坐下都係滿座既。可能太多人既關係，職員未必及時招呼到，不過佢地都維持到好好既服務態度，都好勤力幫手換碟同埋收野，呢一方面值得欣賞。講下佢個環境先，環境乾淨企理，而且每張枱都非常之大，我地6個人仲夠哂擺埋d食物係枱面。肉類方面，我地叫左飛驒和牛肉眼A5同西班牙黑毛豬豚肉。飛驒和牛油脂分怖平均，食落又唔會覺得肥膩。黑毛豬豚肉有驚喜，肉質嫰滑，又唔會韌，十分好味。鍋底方面，我地係叫左火焰龍蝦海鮮鍋同埋冬瓜花膠雞翅鍋，兩個鍋都真係好出色，唔係講笑。海鮮鍋有龍蝦、蜆及蕃茄，龍蝦大大隻好甜食落好有口感，絕對推薦！蜆肉鮮甜美味味道不錯！雞翅鍋有有鮮雞，花膠，瑤柱，金華火腿，素翅等等食材。如果唔叫火鍋料，真係剩食湯料同飲埋湯都飽左一半。隻雞d肉好嫩好好食，食得出唔係冰鮮貨，花膠都夠厚肉，認真推薦！蘇格蘭特大聖子，灼一陣就可以配醬汁進食，肥美新鮮口感豐富！特別推介 紫菜響鈴卷！好似話係每日舖頭新鮮即炸，比平時食開既響鈴卷更脆

早排朋友生日，諗住搵個地方食飯慶祝，根據慣例我地都係會打邊爐，啱晒我地夠多人又可以好嘈咁haaha見到網上嘅食評都幾吸引，所以今次就揀左醉胡爐試下我地六個人，決定叫兩個湯底，一清一濃，滿足唔同人嘅喜好。清啲嘅係濃湯花膠雞翅鍋，雖然話係感覺清啲，但係佢一啲都唔淡，係令人飲完會超滿足嘅雞湯味，再加上足料嘅雞同翅，好好味，會令人想一飲再飲。另一個就係火焰龍蝦海鮮鍋，入面有原隻龍蝦，然後就係等睇店員表演，佢喺我地面前先略炒龍蝦同其他海鮮，再落酒，即刻就有火焰效果啦! 絕對要拍片呃like哈哈。呢個湯用黎淥牛肉同烏冬都係無得彈的!佢嘅火鍋配料都值得一讚，特別係安格斯肥牛同蟶子，都係好新鮮同好甜，配落嗰敇個湯底度好似令味道更昇華咁 。店員嘅服務態度都抵讚，配合到我地想要好驚喜咁拎個蛋糕出黎，又俾左兩枝火花蠟燭我地加強影相效果haaha大家食完都覺得呢間店可以再encore! 下次一於試埋其他湯底!

又是生日飯的夜，來到了久違的醉胡爐。早已知道它由串燒店轉作火鍋一排，今天終於有機會再訪。環境格局沒有大轉變，最吸引我們再來的是那$1蚊火焰龍蝦海鮮鍋！ 我們以為$1蚊的質素是噱頭玩意，湯底不是太差其實已值回票價。然而上枱一刻，我們都呆了。因為大大一鍋好足料！！！仲有原隻龍蝦！！！完全是原價的質素！！！ 龍蝦大過手掌，肉質望得到的新鮮。而且加入了蜆、番茄等，大大一鍋很豐富。最精采的是那火焰表演！侍應哥哥在我們面前加清酒入熱鍋中，一點火，我們哇聲四起，這個鍋娛樂性一流。 上菜速度也一致，我們下單的大部份餸都差不多時間上枱，所以可以來個大合照。先說個湯，好濃郁，料也夠多，所以性價比好高。 蠔、水餃亦肥美飽滿。花雕醉滑牛醃得好滑，酒香有牛味也有。脆肉鯇骨不多，入口結實。 墨魚滑新鮮，有粒粒蟹子，食落卜卜脆。薑汁豬肉丸和手打芝心牛丸也頗特別，出面好少見到。 不得不點呢度的響鈴，因為大得驚人，而且入面包了紙菜，用佢黎蘸湯食，吸晒龍蝦湯啲精華。手切安格斯肥牛雪花紋分明，入口肥美而帶牛香。 呢度啲小菜都新鮮即製，值得一試。黃金魚皮炸得厚實香脆，咸蛋黃滿佈，邪惡非常。糖心皮蛋酸薑夠開胃，椒鹽一口豆腐細細

天寒地凍梗係打邊爐啦，好彩同女友都係鍾意烚吓烚吓嘅人，簡單叫個湯底再加幾個火鍋料就可以一餐兩個人打邊爐唯一唔好嘅地方就係唔可以擺到成枱都係野，始終打邊爐放到一檯野先夠興奮嘛，不過呢度嘅層架都有成張枱咁高，都算係方便嘅湯底嘅選擇非常之多，不過因為始終得我同女友兩個，如果叫咗嗰啲特色嘅湯底，湯底嘅配料已經食到飽，唯有今次食返普通嘅湯底啦我個人非常鍾意呢個大鐵鍋，傳熱快keep住個湯都好滾火鍋配料選擇非常多，精選返幾樣同女友嘆下先叫得貪心啲，叫左呢個胡爐牛拼盒，每個部位樣樣都有啲，大滿足有得半份咁叫，又可以食多幾樣野手打蝦滑非常之新鮮羊肉都唔錯個湯底其實真係不得了，只係一個普通沙嗲湯底，大量既豬皮已經可以食到你飽，因為真係好好食呀

天氣涼涼地，最岩心水晚當然係打邊爐啦🤩🤩今日同個fd去左食醉胡爐，佢個火焰龍蝦湯我見Openrice 好多人都話好食，所以今次特登黎試下😆😆我地叫左個火焰龍蝦海鮮鍋跟住職員會加酒，點火先將龍蝦同配料炒香，再加上濃郁既番茄龍蝦湯，提升左龍蝦既鮮味👍🏻👍🏻左：芝心牛丸右：黃金墨魚丸兩隻丸都十分彈牙大大條，粗身既牛骨髓，新鮮唔會有腥味🤤🤤豬潤同本地手切肥牛，豬潤爽口，肥牛味濃👍🏻紫菜嚮鈴脆口整體黎講，食物水準都唔錯，而且份量都係大大碟🤤

Happy Friday 當然要約男朋友食好野，之前同屋企人黎過食，因為性價比高，所以要再黎encore七點半黎到，已經坐爆人，我地一坐底當然先叫左個招牌火焰龍蝦🦞海鮮鍋有半隻龍蝦，上枱仲好生猛，店員會幫手炒熟啲海鮮，然後加入龍蝦濃湯，等到煲熱就可以先飲湯同食蜆龍蝦，之後再加龍蝦蕃茄湯作火鍋湯底配料方面依度叫左細手切安格斯肥牛同細飛驒牛和牛，兩樣都好大份同入口即溶，岩哂牛魔王手打芝心牛肉丸(半份)都係必叫，食個時要小心比入面流心芝士燙到口。依到個紫菜響鈴都好岀色，有手掌✋🏻咁長，即叫即炸，用三秒係火鍋淥完仲跪卜卜。依到啲食物都超級新鮮，再加上個濃濃嘅龍蝦湯底，唔洗點醬油都夠哂味，而且店員又會好主動收碟同換碟，值得之後約班friend 過黎再食

咁多位有留意開我嘅朋友，都知道我熊貓度打邊爐情有獨鍾。今次因為朋友生日，呢個朋友都好鍾意打邊爐，所以我帶咗佢去我嘅火鍋首選——醉胡爐。第一次嚟佢嘅姊妹店舖——胡爐，我就試咗佢嘅招牌龍蝦湯底。今次試吓佢另一個招牌湯底——花膠雞翅湯底👍🏽👍🏽湯底來到之後，大家記住第一時間就放食物，最緊要先試一下佢個湯底。而且呢個湯底非常足料，非常值得推薦。食物方面，一如以往冇令我失望。首先叫咗熊貓兩款最愛嘅牛肉。分別係安格斯以及A5和牛。如果大家都好似我咁鍾意食牛，就兩款都要點。喺呢度食嘅好處，就係可以大或小的份量。呢度嘅手打丸都非常好食，除咗出名嘅芝士牛丸之外，鮮蝦丸亦十分好味。即炸響鈴也是必點。總結而言，今次和朋友到這兒最慶祝生日，一如以往沒有令我失望。而我和朋友都吃得很盡興，大家要慶祝生日的話，這裏是不二之選。

過年同親戚朋友食團年飯，除咗食中菜之外，打邊爐亦都係一個唔錯嘅選擇，之前試過同集團嘅胡爐，今次就試吓尖沙咀嘅醉胡爐。-呢間分店係可以食串燒嘅，椒鹽雞軟骨$58喺火鍋未黎之前我哋嗌左個小食，佢同外面嘅雞軟骨好唔同，加咗好多炸蒜，好惹味！-我哋一行六個人，叫咗兩個湯底，分別係濃湯花膠雞翅鍋，火焰龍蝦海鮮鍋。-個人比較鍾意濃湯花膠雞翅鍋，好足料！似飲屋企嘅雞湯咁，外面比較少見有咁足料嘅湯底。另外嘅火焰龍蝦海鮮鍋，真係有成隻龍蝦，店員會係你面前落酒，然後就有火焰嘅效果，煲滾左，店員會提醒我哋首先飲咗湯先之後再加番茄湯。-叫咗好多唔同嘅餸，不過以下係我嘅favourite!好欣賞佢啲餃子有得半份咁叫，可以叫多幾款唔同味道。-安格斯手切肥牛$338紫菜炸響鈴$88聖子$48一隻西洋菜帶子餃$58半份-其他嘅餸都好好食，埋單平均每人$400，環境同服務同食物都值回票價！

我真係幾鍾意打邊爐，尤其是搵到同道中人陪你瘋狂打，呢間食食物水準好好，今日約咗好友嚟邊食邊傾由侍應推介叫咗個做緊優惠嘅龍蝦湯鍋底，平到只要1蚊咋，入面有花甲及蔬菜等配料，再配堆隻龍蝦～原來個鍋會先倒酒入去再點火爆炒佢，等佢吸哂啲酒味，有點似西式做法，之後先加入預先你好嘅龍蝦湯煲滾後就可飲龍蝦湯先，真係好香好濃郁嘅龍蝦味，會不停咁追住飲另外飲品叫了竹庶茅根，清甜滋潤好啱打邊爐潤下個喉嚨火鍋料就叫了鴨血，都幾滑身鵝腸好爽脆又幾大條，唔會有雪味，吸堆湯底食幾正西班牙黑毛豬份量都多，豚肉大大塊口感不錯，豬味都重幾嫩朋友愛食魚皮餃就點了，魚皮幾白入面好多餡又幾香，呢個好好味另外仲點了黑松露墨魚丸，每粒都幾大粒，食落好香松露味，仲好彈牙唔會好粉蔬菜方面叫咗萵荀同番茄沙律，萵荀好爽口清甜，另外番茄好清甜，好開胃有中和打邊爐嘅膩感

最近心血來潮突然想食龍蝦，收工後女朋友就帶我去咗呢間位於尖沙咀專做火鍋既餐廳。原來佢地有出名既龍蝦🦞鍋做既湯底，初初有職員幫我地較個火候，等一陣之後叫我地試吓啲湯先之後再滾其他野食，我要極力推介既係，佢既龍蝦鍋，佢D個湯做得非常濃郁，好大陣龍蝦膏味，非常好味，之後飲咗兩三碗黎，有職員月就幫我加湯，佢用番茄湯調返味，之後就好似我哋正式嘅打邊爐我地叫咗「飛驒和牛肉眼A5」「手打芝士牛丸」「鱈場蟹棒」「紫菜炸響鈴」「安格斯手切肥牛」我極力推薦大家叫既係 佢個A5牛肉眼 食落超級軟熟 入口即溶我感覺，同埋佢既紫菜炸響鈴 大大件響鈴夾住紫菜簡直係 食一啖同時享有2種感覺呀最後講講環境 入面係乾淨，間隔企理，光線柔和。約埋一班朋友一齊打邊爐就最適合不過

相約了幾位朋友要去團年食飯，但又不想到一般西餐廳了事，於是便聽了朋友介紹到醉胡爐中西合璧一次。朋友特別介紹火鍋海鮮湯底，果然名不虛傳。店員首先將湯底送上配以牛油乾炒龍蝦主角，洋蔥等配料讓湯底的味道有出鮮味。後再加入濃郁的蕃茄湯，整個湯底充滿海鮮鮮味。龍蝦更不是欺場的質素，啖啖肉。現時在做優惠，食滿400就送湯底，完全超值。牛肉少不了，但最值得一提的是，原來店內提供串燒，我們也點了大啡菇淺嚐，不錯，但如果不是配木魚絲會更香。可見誠意非常高。今次，我們也嘗試了蟶子，還整個海鮮湯底昇華到另一個層次，很鮮甜。可以分享一件小事就是店內只提供日本出前一丁，本來覺得本地同日本既出前一丁應無分別，但原來口感真係食得出，真係令我地食得招積。