影片
更多
2019-03-20
1917 瀏覽
打邊爐係我地一年四季聚會、慶祝嘅首選，火鍋形式各種各樣，近年少食放題、任食一類，重質冇咁重量。呢間位於尖沙咀嘅醉胡爐一向多人介紹，位於柯士甸路，附近火鍋選擇唔多，加上做火鍋湯底，平日晚上生意都唔錯。全店面積頗大，應該仲有樓上，裝潢方面高級，樓底高，顯得空間感足，枱與枱間亦都有適量位置，唔會同隔離太近。只係當晚我地坐得比較近門口，所以比較侷促。作為一間消費唔算低嘅火鍋店，客人重視服務亦好自然，當晚招待嘅男店員值得一讚，細心不時收拾、換碟、加湯，令我地印象深刻餐牌選擇非常多，火鍋湯底十多款，由普通嘅沙嗲、麻辣、皮蛋到花膠雞、蟲草花鮮雞、龍蝦海鮮鍋都有，而且不時有訂位湯底折扣優惠。其餘配料有刺身、海鮮、肉類、丸滑、蔬菜等，而且佢地仲有燒烤類例如白鱔、雞軟骨啊、豚肉串等。雖然價格稍高，但種類多元，帶朋友黎食都唔會失禮。醬料、茶芥 $30/位鮮椰青雞鍋 $288湯底揀左鮮椰青雞鍋，店員先上雞件，待鍋稍熱就會再過黎輕輕炒起。加入清酒再點火，除左有噱頭，都令湯底有少許酒香。然後倒入原個椰青同湯底。滾起後可以飲番兩碗先開始打邊爐，味道方面頗濃郁，並唔係清新嗰種椰青水嘅味道。雞件大件，肉就唔算多，食落唔
作為一間消費唔算低嘅火鍋店，客人重視服務亦好自然，當晚招待嘅男店員值得一讚，細心不時收拾、換碟、加湯，令我地印象深刻餐牌選擇非常多，火鍋湯底十多款，由普通嘅沙嗲、麻辣、皮蛋到花膠雞、蟲草花鮮雞、龍蝦海鮮鍋都有，而且不時有訂位湯底折扣優惠。
其餘配料有刺身、海鮮、肉類、丸滑、蔬菜等，而且佢地仲有燒烤類例如白鱔、雞軟骨啊、豚肉串等。雖然價格稍高，但種類多元，帶朋友黎食都唔會失禮。
醬料、茶芥 $30/位
鮮椰青雞鍋 $288
湯底揀左鮮椰青雞鍋，店員先上雞件，待鍋稍熱就會再過黎輕輕炒起。
加入清酒再點火，除左有噱頭，都令湯底有少許酒香。
然後倒入原個椰青同湯底。
滾起後可以飲番兩碗先開始打邊爐，味道方面頗濃郁，並唔係清新嗰種椰青水嘅味道。
雞件大件，肉就唔算多，食落唔鞋唔柴，呢個湯底還可以，期後再加湯都冇話搞到好鹹。
牛拼盤 $388/小
呢個牛拼盤性價比較其他單品高，兩至三人食小份都夠，一份有齊牛舌芯、安格斯手切牛、極上手切肥牛、牛胸爽同霜降牛粒，每款六件，整體質素都非常唔錯
牛拼盤
$388
27 瀏覽
1 讚好
0 留言
安格斯牛帶嚼勁，肉味濃郁；手切肥牛較滑嫩。
我地最鐘意牛胸爽同牛舌，前者輕輕一淥，口感極爽脆，後者厚切，食落完全唔韌，好正
手打芝心牛丸 $52/半份
牛丸手打，肉質爽彈，只不過芝心唔明顯。
新鮮卜卜蜆 $98原本想點大蟶子，價錢唔貴，見幾大隻，可惜當晚隻罄呢，點左沙白。一份份量不少，大粒肉飽滿，基本上全部都乾淨冇沙粒，好鮮甜
鮮冬菇 $38
比起金菇，我比較鐘意冬菇，幾入味架。
豆苗 $68豆苗嫩口。
最後原本想埋單，不過店員送上左甜品餐牌，炸香蕉、雪芭等都好好食咁話，我地點左個白桃雪芭share，清涼一下。
張貼
