910
28
13
港鐵佐敦站 D 出口, 步行約6分鐘
繼續閱讀
電話號碼
26062106
開飯介紹
主打高質港式火鍋及美酒，湯底鮮味香濃，火鍋配料十分新鮮，另有供應串燒及刺身。餐廳設計典雅，燈飾更仿如蒲公英，氣氛浪漫。
繼續閱讀
營業時間
今日營業
17:30 - 22:00
星期一至日
17:30 - 22:00
公眾假期
17:30 - 22:00
公眾假期前夕
17:30 - 22:00
以上資料只供參考, 請與餐廳確認詳情
有關餐廳
有關獎賞計劃
食家推介
[ 醉胡爐 ]呢間火鍋店朋友介紹咗幾次話好食，今日經開，心血來潮走入去試試。✿ 胡椒豬肚花膠雞鍋 $328湯底鮮美，加入豬肚、花膠等食材，湯底口感細嫩，豐富嘅胡椒同香料令湯汁更加清爽而不膩。另外雞肉令整個湯底鮮美提升🆙。雞肉本身8-9成熟，只需再焯一陣就可以食，雞肉好嫩滑，可先飲湯再打邊爐🍲。✿ 日式和風蕃茄沙律🥗 $58蕃茄新鮮🍅🍅，味道清新爽口，酸酸甜甜，好適合作為開胃菜。✿ 手切頂級安格斯肥牛🐮🐮(小) $298肉質細嫩，肥瘦均勻，叫個小份足夠2-3人食。✿ 餃子拼盤🥟🥟 $128五寶餃有芫茜豬肉餃、黑松露香菇餃、鮮蝦雲吞餃、韭菜餃同水餃，5款都做得唔錯，全部大大隻，夠哂新鮮。✿ 丸類拼盤 $128手打五寶丸有黑松露丸、梅菜豬肉丸、牛肉丸、蝦丸同墨魚丸，最特別喺梅菜豬肉丸，豬肉嘅鮮味同梅菜嘅鹹酸味互相融合，口感豐富，非常美味。✿ 蔬菜拼盤🥬🥬 (小) $63呢個包羅萬有嘅蔬菜拼盤啱哂我地d選擇困難症嘅人，款式夠多，擺盤好靚。總結🫦食物質素好好，而且3-4人仲可以包廂，私隱度夠哂高。餐廳設計典雅，燈飾更仿如蒲公英，氣氛浪漫，整個環境不會太嘈吵，感覺好舒適👍🏻👍🏻。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿醉胡爐地址: 尖沙咀柯士甸路20號保發商業大廈地舖電話:26062106✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀
🧡Please follow my IG : orororenji☆ 醉胡爐尖沙咀柯士甸路20號保發商業大廈地舖✦ 胡椒豬肚花膠雞鍋一開頭飲左碗湯先，好暖胃，同埋入面好足料，好多豬肚，至於花膠同雞就係另外上，本身d雞都7成熟，食之前淥返一陣就得，所以keep到好滑溜，正！✦ 手切頂級安格斯肥牛呢個牛唔會太肥，但口感鬆軟，入口即溶，肉味濃，好食。✦ 醉胡爐五寶丸分別有蟹籽蝦丸、手打墨魚丸、黑松露墨魚丸、梅菜豬肉丸、手打香茜榨菜牛丸，其實全部都好味，如果講最鍾意就係黑松露墨魚丸同梅菜豬肉丸，比較特別，彈牙又好食。✦ 醉胡爐五寶餃呢到嘅餃我覺得好好食，入面有XO醬鮑魚蝦餃王、香茜豚肉餃、手工雲吞、自家製韮菜餃、黑松露蟹肉餃，有平時常見嘅款又有特別嘅款，黑松露蟹肉餃好好食！松露味好濃但又會食到蟹肉味，好正！其他都好好食好出色(〃ω〃)✦ 蔬菜拼盤打邊爐食咁多肉點都要食d菜，呢個拼盤份量都幾多，好多款菜，生菜、娃娃菜、油麥菜、西洋菜，鍾意食咩都得。✦ 日式和風蕃茄沙律好清新，食得多肉解下膩唔錯，而且砌得成花花咁好靚。
繼續閱讀
第一次食呢間火鍋餐廳 尖東近天文台道個邊，餐廳環境超正 間左好多一格格房仔咁 好搞笑，私隱度極高，可惜我地無book台 當晚full哂 就坐唔到房啦😌 不過都唔緊要，其他坐位都好闊落坐得好舒適。食物方面一早做哂功課 見到好多人食呢個濃湯佛跳牆雞翅鍋 $398 👉🏻 職員話滾起2分鐘就可以飲湯，湯好好飲 唔似火鍋湯底 似老火湯，同埋飲到湯底膠質好重。湯底有半隻雞、鮑魚、花膠翅、螺片、海參…真係一個冇花冇假嘅佛跳牆🤭🤭 好好味。頂級安格斯手切肥牛🥩 $298 👉🏻 手切牛係我打邊爐必點item，呢隻牛肉嘅牛味好濃 大大塊 呢個質素街市都未必買到💯 🥟餃子拼盤 $128/10粒 👉🏻 黑松露餃未咬開已經聞到香味…食完真係想再食🥹🥹 另外冬菇豬肉餃 雲吞 韭菜餃 芹菜餃 全部都好足料 大大粒💯手打丸拼盤 $128/10粒 👉🏻 🦑黑松露墨魚丸 🦐蝦丸無得輸😋 彈牙足料 💯🥬蔬菜拼盤小 $63 👉🏻 好多款唔同既菜，全部菜都只保留最新鮮既部分 而且洗得好乾淨💯呢間絕對係可以去完再去既火鍋店🍲🥢
繼續閱讀
天氣開始凍啦，又喺打邊爐嘅時候~知道尖沙咀有間中等價位的火鍋店湯底鮮味香濃，火鍋配料新鮮，而且座位寬闊，適合聚餐，一於同朋友過嚟試下。店內裝修設計典雅，燈飾猶如蒲公英一閃一閃， 相當漂亮。<泰式無骨鳳爪>份量頗多，味道酸辣，好開胃。<濃湯佛跳牆雞翅鍋>呢個湯令人驚艷，湯裏面有好多配料，除咗雞件之外，仲有花膠，鮑魚，蔬菜同粉絲等等，雞湯呈金黃色，飲落清甜， 所有食材嘅精華都匯集係湯底入面，味道鮮美。飲完個湯之後，店員會加啲豬骨湯落去畀我哋攞嚟打邊爐。<手切頂級安格斯肥牛>肥牛雪花紋平均，切得薄身，放入湯好快就淥熟，入口牛肉味重，油脂比例剛剛好。<招牌手打丸類拼盤>丸類共有五款，分別喺黑松露墨魚丸、梅菜豬肉丸、墨魚丸、蝦丸同埋牛肉丸，當中梅菜豬肉丸同埋蝦丸令人印象深刻，梅菜帶出咗豬肉嘅香味，而蝦丸蝦味濃郁，彈牙美味。<招牌餃類拼盤>餃子分別有黑松露餃、韭菜餃、鮮蝦雲吞、芫茜豬肉餃同埋鳳城水餃，水餃採用新鮮食材，其中韭菜餃子香氣溫和不辛辣，獨有醇香，食落煙韌。<蔬菜拼盤>蔬菜拼盤有4款蔬菜，包括生菜、油麥菜、娃娃菜等，放落啲湯落煮得耐咗，吸收曬湯底精華。餐廳最近仲出咗個全新嘅火鍋配料胡爐十二度牛盛合，今次太飽食唔到，下次有機會再嚟試下。
繼續閱讀
香港人四季都愛打邊爐，近日天氣終於開始寒冷起來打邊爐的癮又發作啦！今次來到「醉胡爐」，位於尖沙咀柯士甸路20號保發商業大廈地舖。「醉胡爐」是新派火鍋店，他們的食材品質高，環境舒服，裝修設計時尚，還有Vip包房私隱度極高。湯底是有自家特色選擇好多，我們選了「酸菜胡椒豬肚花膠雞鍋」，秋冬季節必吃之選。 湯底淆煮至奶白色，入口胡椒香微辛辣順喉，酸菜胡椒豬肚香濃，用料十足。打邊爐前先呷一小碗湯暖暖胃。豬肚嫩腍，雞肉滑溜，花膠口感較軟身滋陰養顏。開胃前菜「泰式無骨鳳爪」，無骨鳳爪酸酸辣辣，份量及配料勁多，好正宗的泰式風味。「手切頂級安格斯肥牛」擺盤很美有鮮花作襯托，雪花紋清晰， 油脂分佈均勻，一點都不膩，牛肉味夠香濃，入口即化。「丸類拼盤」共5款全是手打的，有墨魚丸、蝦丸、梅菜豬肉丸、松露墨魚丸和牛骨牛汁丸。每粒大細平均，口感彈牙，鮮甜濃郁。松露墨魚丸有驚喜，梅菜豬肉丸香口惹味，牛骨牛汁丸仲爆汁勁正。我們超喜歡每款口味都不會令人失望，CP值都好高，必點推介。「蔬菜拼盤」種類多有生菜、西洋菜、油麥菜、娃娃菜及西洋菜，每款都很新鮮，浸透湯底精華，爽！
繼續閱讀