680
26
10
港鐵佐敦站 D 出口, 步行約6分鐘 繼續閱讀
電話號碼
26062106
營業時間
今日營業
17:30 - 22:00
星期一至日
17:30 - 22:00
公眾假期
17:30 - 22:00
公眾假期前夕
17:30 - 22:00
付款方式
Visa Master AlipayHK 支付寶 現金 AE 銀聯 微信支付
座位數目
100
其他資料
網上訂座
餐廳運作模式 - C類 詳細介紹
Wi-Fi
自帶酒水
切餅費
泊車
電話訂座
加一服務費
當面支付
有關獎賞計劃
食評 (750)
等級4 2021-06-11
2755 瀏覽
🔥Golden Fish Maw and Squab Soup Base ($328) 金翅花膠乳鴿湯🍲金黃色的素翅不但環保還較耐煮,口感得以保留。配上花膠和乳鴿,湯底奶白濃郁且清醇,裡面還有冬瓜養胃生津。湯一上,待煲滾後我們都一定要先喝一碗湯😋。-🔥Hand-sliced Prime Angus Beef (Small $228) 手切頂級安格斯肥牛🐮火鍋比不可少的肥牛片。手切大小均勻,軟嫩牛味重。-🔥Iberica Pork ($208) 匈牙利鬈毛黑豬豚肉🐗較牛肉大片,口感十足。-🔥Handmade Cuttlefish Balls ($98) 手打墨魚滑🦑上盛墨魚自家手打而成,爽口有口感。-🔥Fish Skin Dumplings ($48)手工魚皮餃🥟魚皮香味很足,亦有咬口。-🔥Sweet Potato Vermicelli Noodles ($48)🍜紅薯粉喜歡煙韌口感的最愛,亦很能吸收湯的香味。-🔥Vegetables Platter (Small $58) 蔬菜拼盤🥬兩至三人叫小份已經足夠,蔬菜亦很新鮮。-🔥Sugarcane Water ($68 per jar)竹蔗茅根水🍶大大一瓶,清爽解渴。-第二次光顧醉胡爐 ,不止環境舒適,還一樣被他們的豪華湯底深深吸引。另外不論肉類、丸類、還是其他菜式都能看見店舖的用心。是與朋友聚會一流的中式火鍋店。-📍Wulu Restaurant 醉胡爐尖沙咀柯士甸路20號保發商業大廈地舖 - 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-29
4012 瀏覽
尖沙咀醉胡爐出名「醉湯底」,今次專登去試吓佢哋近期人氣嘅火焰龍蝦海鮮鍋!第一次嚟食,原來呢個火鍋真係好架勢,連個鍋都好古色古香!成個火焰龍蝦海鮮鍋裏面有原隻龍蝦切件、好足料,加上大蜆、蕃茄同埋西芹。首先店員喺我哋面前用猛火將龍蝦炒香然後即刻灒酒,火焰龍蝦即刻喺我哋面前出現,畫面好震撼同埋陣陣海鮮香味撲鼻而來!🤩最後再加入龍蝦高湯,一滾起就可以享受咗碗靚湯先😋淡淡鮮甜濃郁龍蝦味而且仲有蕃茄酸甜味,好開胃!我都飲咗好多碗先開始打邊爐😝 龍蝦肉大大嚿好彈鮮甜好新鮮,大蜆都好肥美!手切頂級安格斯肥牛賣相超靚😍油花分布好均勻所以幾乎入口即溶,質感好滑溜又juicy,而且牛肉味好濃呀!黑松露蟹肉餃比較少見而特別嘅火鍋配料,黑松露味好香蟹肉亦都好鮮甜,同個湯底好夾!不過要注意滾嘅時間,滾太耐好容易會爛咗個皮,食唔到珍貴嘅餡料😝黃金炸魚皮睇相都見到上面布滿晒鹹蛋黃醬,超級邪惡但係極度好味😋仲脆過薯片,充滿鹹香好惹味!鍾意食炸魚皮嘅朋友一定要試吓!最後不得不讚負責照顧我哋嗰台、比較年長嘅店員服務真係好殷勤、好有禮貌,不停幫我哋換骨碟,招呼好周到,呢種服務態度真係好值得嘉許呀! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-10-13
0 瀏覽
醉胡爐上次食過位於銅鑼灣分店嘅胡爐,一試難忘,決定咗再去呢間尖沙咀分店嘅醉胡爐打邊爐😍非常高質嘅火鍋店,員工非常有禮,而且非常殷勤收碟,抵讚💓👏🏻今次揀咗招牌鮮椰青雞鍋,超正啊招牌鮮椰青雞鍋~$288店員會喺你面前爆香啲雞件先,然後會加少少米酒點火,再加入雞湯和椰青水,真係好正,店員同我哋講可以飲一碗湯先再打邊爐,佢個湯超清甜,我同朋友一人飲咗兩碗,真係唔講得笑,雞件亦都非常嫩滑醉胡爐酒泡鴨舌~$78我哋叫咗個餐前小食,有少少酒香嘅鴨舌,真係好開胃,正啊☺️紫菜炸響鈴~$88即叫即炸嘅響鈴加咗塊紫菜喺入邊,好豐富嘅口感,打邊爐冇響鈴真係唔得,呢一間響鈴十分出色👏🏻本地新鮮封門柳~$288封門柳其實係牛嘅橫膈膜肌肉,每一隻牛只有一條,所以係非常罕有,而且肉味十分濃,口感都冧嘅,肉質鬆軟,不易變韌☺️好好食香菇韮黃帶子餃(半份)~$58半份有四粒,好重香菇味,仲有粒帶子添,口感勁豐富,喺出邊嘅火鍋店比較比較難食到啲特色餃子,呢度嘅餃子相當唔錯😋皇帝柱貝墨魚丸(半份)~$58哇呢個墨魚丸相當驚喜,墨魚味好重,丸亦都好彈牙啊蔬菜拼盤~$88入邊菜類都幾多,有唐生菜,油麥菜,娃娃菜,白菜,而且顏色非常吹綠,菜亦都好新鮮豆腐~$38豆腐真係好香豆味,勁好食,豆腐勁滑🤩椰青水~$68椰青好清甜,係我最愛嘅味道啊😍醉胡爐 🏠:尖沙咀柯士甸路20號保發商業大廈地舖☎️:26062106 繼續閱讀
(以上食評乃用戶個人意見 , 並不代表OpenRice之觀點。)
等級3 2021-10-11
0 瀏覽
今日嚟到尖沙咀醉胡爐打邊爐,門口招牌好大一眼就見到。餐廳推出咗金翅乳鴿湯底,店員推介就試吓啦。除咗素翅,真翅,乳鴿仲有南瓜墊住。賣相特別,湯頭好濃。加湯後非常適合打邊爐 。配料唔少得牛,貼咗安格斯肥牛細碟,牛肉幾厚身。黑松露蟹肉餃係必點,淥1分半鐘剛剛好。海鮮點咗海蝦,一份有8隻,2個人食啱啱好。心血來潮想食冰豆腐,嚟到真係一舊冰咁,真係無呃我。落鍋解凍之後吸到好多湯汁另外有芝心蝦丸,油麥菜,淮山。樣樣都好食。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-09
26 瀏覽
一星期連打兩日邊爐係咩玩法?!不過唔同餐廳唔同湯底對於我嚟講就已經唔同咗,今次係比佢個金湯鴿翅花膠鍋吸引左去的,湯底用料十足,特別有一排排嘅翅,六件以上花膠,同埋出名滋補嘅鴿咁多材料味道固然濃郁,帶少少金華火腿咸味令食物味道更加豐富!打邊爐重中之重係牛肉,叫左胡爐牛拼盆(小)有齊六個部位,包括:牛舌芯、安格斯手切肥牛、極上手切牛頸脊、牛胸爽、霜降牛粒,當中以極上手切牛頸脊最吸引,牛味香濃,油脂亦好豐盛!我應該係嫌打邊爐唔夠熱氣所以每次唔多唔少都會叫炸物今次嘅黃金炸魚皮& 風沙椒鹽粟米條超好食!黃金炸蛋皮加左金沙非常香脆,浸湯幾秒我就食左啦~另外椒鹽粟米條成日見人食,到今日先知點解個個都叫啦~粟米粒好甜🌽加埋椒鹽,將辣、咸&甜味道平衝成一種新口味真係令人一試難忘其他火鍋配料都十分唔錯,未試過打邊爐帶子餃,估唔到幾香禍~愛餃人士可以一戰而蝦滑打得好好,彈牙又夠滑身,重有幾粒原隻蝦肉,增加口感,非常滿意好啦~我係一個唔多生痱滋嘅人,同行友人就係一個無啦啦都生嘅人,佢嘅咀仔簡直係痱滋之母🤣🤣🤣所以就叫埋竹蔗茅根水抗衡一下粒痱滋,我覺得都好足料,飲完喉嚨幾清潤,最重要係唔會過甜,好過飲可樂吖😄 繼續閱讀
(以上食評乃用戶個人意見 , 並不代表OpenRice之觀點。)