醉胡爐 (已搬遷) 新店位置

依家天气凉凉地，真系啱晒打边炉，但香港有咁多间打边炉，是但拣一间嘅话可能会好意中伏！所以今日就嚟咗醉胡炉！呢间出名服务好，食物质素高！今次就嚟试吓个新汤底金汤鸽翅花胶锅，首先水滚左之后，就可以先饮汤，再食少少花胶，在可以食鸽肉，唔错几好食！今次我就唔系好想食牛，所以就今次拣食猪肉，仲有叫咗个细嘅蔬菜拼盘，莴笋，咁就唔怕食得太多肉而觉得太肥啦！可以解解腻都几好！跟住又叫左一柞竹蔗茅根！都唔会太甜几好！之后仲拣咗手打墨鱼丸，芝心虾丸，都几弹牙几好食！食芝心虾丸食嘅时候要小心，唔可以熟左就即刻食，流心芝士会热亲个嘴！仲有叫左特别少少嘅XO鲍鱼虾饺王！几得意几好食涡！最后仲叫左老友鬼鬼同埋串烧鸡腿肉！好食唔错！

一入到餐廳就已經有種高級既感覺啲野都好乾淨 醬料方面… 應該有既基本野都有😂叫左個蟹煱底～好好味既打邊爐 ！ 蟹邊爐 佢先會抄下啲蟹再落酒 … 最後先落湯…牛是必點的！ 我地一行4人點左細併盤覺得份量岩岩下始終都要留下位食其他野既😎好多丸都係自家制我覺得個蝦丸係唔錯～ 雖然呢到消息唔算平 但勝在環境乾淨 枱同枱之間有本身裝修既間板 個場會靜啲 … 有返啲私人空間… 另外 服務員好nice ~ 會見到你有需要即刻就幫手～ 是一間會想再幫襯既邊爐餐廳！

尖沙咀美食同打卡餐廳林林種種，比我搵到一間高質素既火鍋店，當然要介紹一下。醉胡爐除左一般湯底之外仲會有養生湯底選擇，今次就試金翅花膠乳鴿湯，原隻乳鴿，加上大量既魚翅同花膠，上台都有啲震撼。店員仲站話打邊爐前可以飲返碗湯先，味道鮮甜又唔會太咸。打邊爐最好就食海鮮，推介一下海鮮拼盤, 海鮮鮮美同大隻，性價比高。另外可以試埋佢既餃子，餡料用乾貝帶子/飽魚蝦餃整，第二度未必食到甘特別既餃子。封門柳色澤相當吸引, 唔會太厚身，牛味重。至於小食就推介招牌炸魚皮，夠晒香脆。

轉眼入秋，又到邊爐時間。士别幾年，是夜再訪，水準依舊。沾醬是港式火鍋其一靈魂，這裏選擇充足。湯底點了椰子雞湯，配料新鮮足料，充滿椰香，侍者是幫忙炒香，加上足料雞湯，一碗入魂。這裏的火鍋配料同樣出色。黑松露墨丸爽口彈牙，韮王帶子餃十分清香，誠意之作。點了個海鮮拼盤一過口癮，種類豐富。蜆肉清甜，海蝦結實彈牙，鮑魚煙韌。另蟶子皇非常新鮮，海水味足，略灼肉質保持鮮嫩。再追加黑松露蟹肉餃，松露香足，加上蟹肉充滿鹹鮮香。蔬菜拼盤新鮮，乾爽嫩綠， 健康之選。

尖沙咀一向出名多美食餐廳，連我最愛既打邊爐都唔例外。朋友口碑介紹左尖沙咀呢間醉胡爐比我，果然無令我失望。湯底選左舖頭最近新推的金湯鴿翅花膠鍋，果然都係真材實料，魚翅同花膠都好多，乳鴿仲大大隻。開始打邊爐前仲可以飲一兩碗湯先，正！食物配料方面，大家可以點海鮮類，夠新鮮，打方爐正。是日試左海鮮拼盤同鮑魚蟶子拼盤，好夠大隻。另外XO鮑魚餃同干貝帶子餃做得唔錯，2隻餃無用平時常見既蝦做餡,味道幾特別。黃金魚皮必點，香脆可口。肉方面就試左封門柳，睇外表都知靚野。

天氣涼涼地最啱就係打邊爐喇😁同朋友book左呢間打邊爐，店內嘅座位私隱度高，每兩枱就有一塊板隔住，好啱傾計又唔怕俾人聽到🙈招牌鮮椰青雞鍋 $288staff會喺我地面前炒鍋，鍋入面會有椰子肉同雞件，落埋牛油一齊炒，啲香味一邊炒一邊飄出嚟，炒到最後落啲啲酒燒下啲雞，最後倒埋高湯同椰青水就食得😍我哋即刻飲咗碗湯先至開始打邊爐🙈胡爐牛拼盆(小) $388有五款，包括牛舌芯、安格斯手切肥牛、極上手切牛頸脊、牛胸爽、霜降牛粒，牛舌芯同手切肥牛係我嘅最愛，牛舌芯比較Q彈，肥牛軟嫩😋黑松露蟹肉餃(半份-4粒) $68餃子皮都幾薄，黑松露味好香，入面有菇類食落有口感，不過蟹肉唔夠多牛骨牛汁丸(半份4粒) $48口感好彈牙，咬落有牛汁流出黎，牛味都幾重👍🏻鮑魚蟶子拼盤 $88呢個拼盤好抵，呢個價錢有鮑魚同蟶子，超值，蟶子仲要幾大隻添皇帝菜 $48我平時比較少食，朋友話想試下，都好新鮮呀👍🏻呢間原來有串燒同埋刺身食㗎，不過太飽，我哋無試到🙈下次再黎試下先！

金翅花膠乳鴿湯（$348）足料,原隻乳鴿,有翅同花膠,湯濃,美味,每人都飲左兩碗湯先.原條魚刺身$398, 好新鮮,即叫即切.南非活飽魚起片$98/隻, 叫了2隻胡爐牛拼盆(牛舌芯,安格斯手切肥牛,極上手切牛頸,牛胸爽,霜降牛粒$498蘇格蘭特大聖子$58/隻,每人一隻,好鮮甜,又大隻.老友鬼鬼$78, 好香脆,入面是墨魚.紐西蘭草飼羊肉片$138花雕醉滑牛$148美國桶蠔$168黑松露墨魚丸 $98桂花蚌$138

醉胡爐 秋冬最岩食火鍋❤️❤️呢間係高質打邊爐，環境舒服，味道一流👍🏻金湯鴿翅花膠鍋 $348入面好多料😍😍有乳鴿、花膠、金翅和南瓜，花膠大大件，好滋補，好岩秋天食😋😋個湯底味道濃，好好飲💕💕飲完滿滿幸福👍🏻食胡爐豚拼盆 $268有秘製蝴蝶腩，豬頸肉，西班牙黑毛豬豚肉。真係款款都好好味，肉質和肥脂平均，新鮮嫩滑😋仲有好少食到的蝴蝶腩 😀😀手打墨魚丸（半份）（4粒）$48墨魚丸彈牙👍🏻鮮味十足🥰🥰最愛墨魚丸鮑魚聖子拼盤 $88 (1份)鮑魚聖子好新鮮，喜歡海鮮的朋友一定要試😗😗好味😜😜蔬菜拼盤（小）$58有娃娃菜及油麥菜，份量都幾多，2人夠哂食，蔬菜仲好新鮮😆😆地址：尖沙咀柯士甸路20號保發商業大廈地舖整體評分：5/5味道：5/5環境：5/5抵食：4/5

湯底款式好多，而且特別罕見，當晚職員推介：招牌鮮椰青雞鍋，嚟到俾啲材料嚇親，又係物超所值，裏面已經包左半隻雞，新鮮椰青水，仲有人幫你炒香個鑊添，見到湯底咁正，梗係要叫返啲菜式襯托一下！拼盤入面有齊牛舌芯、安格斯手切牛、極上手切肥牛、牛胸爽同霜降牛粒🥩價錢上可能偏貴，但係的確物超所值！牛舌芯爽口，極上手切肥牛牛味比較重 ，霜降牛粒較有咬口。丸就分別叫咗兩種，每款四粒，黃金墨魚丸同XO鮑魚蝦餃，粒粒嘅餡料都好充足，特別係個水餃，裏面啖啖蝦肉。紫菜響鈴炸到上枱會有少少油，不過食落非常香口，而且勁大條，兩個人食六條都會有少少滯架。啲人成日都話，打邊爐叫菜就最唔化算，但係卻係打邊爐必備嘅菜式，今晚叫咗蘿蔔同皇帝菜，份量嚟講都幾多！白蘿蔔放落去煲湯，更加鮮甜。

下個星期開始轉涼，梗係要開始介紹番啲打邊爐餐廳俾大家啦！！今次嚟到尖沙咀，呢一間堪稱高質散叫嘅火鍋店。招牌鮮椰青雞鍋果然係招牌，會有職員幫手炒香啲雞，然後加入椰青水、 椰子肉同雞湯，一開蓋超級香，湯頭超甜好濃郁，未開餐之前已經飲咗兩碗。牛肉拼盤(小)雖然價值$400，但裏面包含嘅種類非常之多： 牛舌心、安格斯手切肥牛，極上手切牛頸脊、牛胸爽、霜降牛粒。每款牛肉各有特色，牛舌心非常爽脆，小編建議淥10秒就好足夠；手切肥牛雪花平均，食落軟腍鮮嫩；牛頸脊牛味非常香濃，較肥牛多一分嚼勁；牛胸爽牛脂滿瀉且帶爽口感；牛粒肉質較為厚實。紫菜響鈴必點之一，條條都炸得金黃可口，入面加入大大塊紫菜令菜式香口及脆口，淥3秒後依然有脆脆口感。蔬菜：皇帝菜，白蘿蔔打邊爐小不了要叫返碟菜，呢度嘅蔬菜價錢唔係特別貴，而且款式較多，分量來講都算OK黃金墨魚丸（半）比較少見嘅丸類款式，又引起我嘅好奇心試一試。滾起之後，記住細啖啲咬落去， 因為墨魚丸裏面包着流沙蛋黃嘅餡料，爽口彈牙之餘仲帶份咸香。XO鮑魚蝦餃(半)因為係手工自家製，外間都比較少見，食落非常之有驚喜，XO醬味好突出，配上淡淡既鮑魚同蝦肉，味道好夾。除咗打邊

之前有食過CWB分店,記憶中味道同service都唔錯.今次同朋友試埋係TST呢個分店,睇下野食質素如何.呢到比CWB分店大,位置都方便,距離JORDAN MTR幾分鐘路程.招牌鮮椰青雞鍋 $288首先炒下啲雞,再落酒燒,之後再落 雞湯同埋成個椰子水!打邊爐之前要飲下個湯先,好鮮甜!胡爐牛拼盆(小) $388牛舌芯 | 安格斯手切肥牛 | 極上手切牛頸脊 | 牛胸爽 | 霜降牛粒最愛質感爽既牛舌芯同X既安格斯手切肥牛黑松露蟹肉餃(半份-4粒) $68好香黑松露味,個餃皮夠薄牛骨牛汁丸(半份4粒) $48呢個有牛味,咬落真係有牛汁,好JUICY,好味!鮑魚蟶子拼盤 $88見佢呢個拼盤幾抵,所以嗌左2SETS. 蟶子幾大條, 鮑魚有咬口皇帝菜 $48打邊爐食咁多肉,一定要食返啲菜既,平時食開娃娃菜既我今次轉食皇帝菜,又幾好味!

天氣越黎越有涼意 又係打邊爐嘅好時機啦👻今次食嘅呢間醉胡爐位於尖沙咀柯士甸路📍餐廳裝修打破傳統中式格調 有少少似西餐廳咁🤣而食物方面都幾有水準😚先從鍋底介紹先啦😆.呢個招牌鮮椰青雞鍋🙂上枱時唔係成煲湯咁上😧店員會即場喺鍋度輕輕炒熟啲雞件👨🏻‍🍳炒到咁上下就會贊酒再點火 啱晒食客打咭📸之後先加湯滾熟🔥不特止呀 而且仲會將成個椰青裡面嘅水倒埋落湯底🤤可想而知呢啖湯幾濃椰香味道啦🥥好啱襯肉類/海鮮/蔬菜等配料 個人覺得必試🤘🏻.牛頸脊採用左騸牯牛😎騸牯牛即係被閹割左嘅牛 呢類牛脂肪含量會較多😏分佈都會平均啲 所以食落覺得更嫩更滑😋而且牛味仲特別濃厚添 𡁻落口感好好 一啲都唔韌😮餐廳另外提供飛驒A5和牛肉眼 下次認真要試試😈.XO鮑魚蝦餃王覺得幾新奇🤣餡中個XO醬味道都幾香☺️仲食到中間有啲煙煙韌韌嘅鮑魚粒🤓呢款餃仲要讚係皮夠薄😉唔會好似食緊一大堆粉皮入口咁😙.蝦同墨魚丸同屬自家手打系列😚而墨魚丸中心仲有鹹蛋黃碎🤩所以個名就叫黃金墨魚丸🥸一個幾新鮮嘅配搭 咬落好爽好彈牙😬有得揀半份/全份 俾食客可以試多幾款唔同種類嘅丸💁🏻‍♂️.成餐邊爐嘅感覺相當滿足🙂環境舒服亦非常重要😌食物質素更加係掂👍🏻

呢排時冷時熱，天氣一涼少少，即刻同friend去食返個打邊爐先。今次選咗尖咀間醉胡爐，之前食過佢另一間分店，好滿意，應該水準都有返咁上下喇掛~同friend睇完展覽就嚟到，6點就坐低，算好早未有好多人，環境夠寬敞，樓底高，好岩坐得耐。天氣呢排都幾乾燥，叫咗個椰子雞湯底潤一潤佢。佢嚟咗一樽椰子湯，我差點以為係我叫嘅椰青水，原來係湯底一部份。一點火咋咋聲，炒到d配料好香，再淋椰子水。個湯好好飲，飲咗幾碗。配料我哋無叫好多，因為湯底已經有雞食。個雜菜盤意外地大份，個花雕午好滑，差點想問係牛嘅咩位，不過我怕羞無問(我湯底已經問錯人係椰青水，好𤓓：P 雖然d職員好nice好好人)整體好滿意，兩個人埋單6百度，質素加環境嚟講都好合理，再凍d嚟試個補d嘅湯底～

經過好多次醉胡爐都冇入過去試，今日終於得閒約朋友嚟試吓！一坐低例牌就有醬料盤！望到都知非常乾淨同新鮮卜卜蜆鮮蟹魚湯鍋有專人為你炒香蜆同埋蟹，再加上酒令成件事升級咗，先飲湯再打邊爐！啖啖蟹肉，蜆既份量都足夠伊比利亞黑毛豬豚肉睇圖都知道肉質唔錯啦，脂肪比例平均一啲都唔難咬，豚肉味濃厚！蔬菜拼盤(小)生菜，娃娃菜芝心墨魚丸 半份雖然唔係好流心，但係夾埋既味道幾配合咬落去彈牙冰豆腐份量都幾多，口感剛剛好總結，性價比非常高既邊邊！

一入場內，見有唔少人都係兩個人撐枱腳，叫到成檯野食望落很吸引😋。餐廳以白光為主，竟然係有兩層，環境都幾大，同時覺得算是整潔！第一次黎，兩人一鍋的確好好吹水，我地都唔小心坐左成晚🤟🏼😛🔸🦞火焰龍蝦海鮮鍋（$388）💎呢個湯底好架勢! 首先會有個姐姐黎幫你爆炒左d龍蝦、卜卜蜆同洋蔥等等嘅料，跟住佢會加d酒去整個火焰🔥😹先再煲一煲個湯底。龍蝦size比想像中大，斬開都有五、六舊，係有d儀式感😛姐姐特別提醒我地，一滾起可以先飲湯底，唔好浪費食材咁話。結果，我地一開波就飲左兩碗龍蝦湯🦞🦞非常鮮甜而濃郁！！！係幾surprise ，值得一試嘅特色湯底😋🔸🐮牛骨牛汁丸(半份)($48)💎強烈推薦呢個牛骨牛汁丸!!!💦一咬開好多湯汁，好耐未食過咁juicy嘅牛丸喇，彈牙爆汁，而且牛汁係相對濃味，稱得上係一個高分嘅丸子! 完全同瀨尿牛丸有得揮，令我地幾surprise，即刻開心左hehe。🔸 🔲🦑黑松露墨魚丸(半份)($52)💎呢到嘅丸的確幾creative，亦都好多款選擇。呢款丸有切粒狀嘅墨魚係入面，幾有口感，加埋黑松露係無得批評，而同樣爽口彈牙! 覺得2個人真係叫半份就夠，咁就可以貪心小狗咁試多幾款