醉胡爐 (已搬遷) 新店位置

尖沙咀一向出名多美食餐廳，連我最愛既打邊爐都唔例外。朋友口碑介紹左尖沙咀呢間醉胡爐比我，果然無令我失望。湯底選左舖頭最近新推的金湯鴿翅花膠鍋，果然都係真材實料，魚翅同花膠都好多，乳鴿仲大大隻。開始打邊爐前仲可以飲一兩碗湯先，正！食物配料方面，大家可以點海鮮類，夠新鮮，打方爐正。是日試左海鮮拼盤同鮑魚蟶子拼盤，好夠大隻。另外XO鮑魚餃同干貝帶子餃做得唔錯，2隻餃無用平時常見既蝦做餡,味道幾特別。黃金魚皮必點，香脆可口。肉方面就試左封門柳，睇外表都知靚野。