醉胡爐 (已搬遷) 新店位置

呢間火鍋店有好多好評，今次同成班同事一齊去食，然後就出事啦.最出名嘅火焰龍蝦海鮮鍋影相係幾靚嘅，食落去都重龍蝦味一開始打邊爐都正常但當去到要求加湯就出事話晒個鍋都成$398，價錢有返咁上下，我哋當然預期係加「湯」啦點知個侍應加水，我地成班呆左😳原來加湯係要額外收費呢點真係大大扣分講真個湯值幾錢啫，打邊爐打到咁上下啲湯一定唔夠要加，但你連加湯咁基本嘅要求都要加錢嘅話，顯得餐廳好小家.講完湯，當然就要講火鍋料啦總結四隻字，非常一般啲牛肉睇圖都知，一般雪藏貨色其他火鍋料，例如餃子、丸，同一鍋堂任食差唔多.總體來講，呢間店都唔知點解咁多好評貴得來一般貨色，又小家最後每人唔係食咗好多嘢都要差唔多$400呢個價錢寧願食一鍋堂，真係差唔多㗎咋冇必要要去呢度食

今日同老婆係尖咀想打邊爐，就試下呢間靚裝火鍋店卜卜蜆鮮蟹魚湯 $298蜆肉大大隻，爽口鮮甜，配埋成隻蟹咁食好正本身都幫手拆左小小殼，所以幾易食胡爐豚拼盆 $268豚拼盤有蝴蝶腩，豬五花同豬頸肉，各有特色，油脂甘香香菇韮黃帶子餃 (半份 - 4 粒) $58特別口感仲有原粒貝柱，大大隻夠飽肚椒鹽雞脆骨 $58呢個十分出色既小食，炸得熱辣辣超香脆，炸蒜好香皇帝柱貝墨魚丸(半份 - 4 粒) $58墨丸大大粒好爽口，好多墨魚粒蔬菜拼盤(小) $58份量都多適合兩個人，有油麥菜，娃娃菜同唐生菜

天氣轉冷當然係會想打邊爐啦於是就嚟咗尖沙咀呢一間好大間餐廳！見到佢哋有唔少補身嘅湯底！於是就決定叫咗個椰子雞煲嚟試吓！👅招牌鮮椰青雞鍋（ $288 ）打卡指數極高，首先佢哋會用二鍋頭炒香左啲雞！然後再會有點火儀式！落埋原來椰子既水！再加埋雞湯！咁樣炒過嘅雞肉好滑😍而且帶有輕微嘅酒甜味！可以先飲椰子雞湯🤤🤤之後先再打邊爐！👅XO醬鮑魚蝦餃王（$58-半份@4粒）👅黃金墨魚丸（$52-半份)墨魚丸係手打丸！入邊係釀咗鹹蛋黃！另外蝦餃王入邊超足料！皮薄餡靚啱晒打邊爐😋👅紫菜炸響鈴($88)大大條響鈴入邊嘅超大片紫菜！夾心效果！脆卜卜嘅口感更上一層樓浸3秒即刻食得！👅娃娃菜（ $48 ）👅粉絲（ $38)椰子雞咁補身嘅湯底！就梗係要加個粉絲同菜索晒全個湯嘅精華啦！👅椰青水（ $78- 一扎）好大渣嘅椰青水！清甜解油膩！飽飽既一餐✨✨抱住個肚腩仔走！🤤👅

呢間打邊爐都算我心目中好高分既打邊爐餐廳之一，所以平日都好爆場，每次黎都會訂定位先。今晚凍冰冰，兩個人黎烚吓烚吓。.鍾意呢度坐位闊落，用QEcode落單唔使煩，野食高質得黎又唔貴，如果想食火鍋以外既野佢仲有串燒食😋.🍴湯底「卜卜蜆鮮蟹魚湯 $298」原隻蟹+芫荽+卜卜蜆加上酒做成火焰效果，再加魚湯一齊滾，蟹既鮮味出晒黎，未打邊爐前已經飲左幾碗湯。.🍴胡爐豚拼盆 $268早兩日食左好多牛，今日唔食牛，食豬！豚拼盆包括：豬頸肉，豬梅五花，蝴蝶腩。份量足之餘，佢既肉真係有返咁上下高質，色澤鮮明，咬落好彈牙。.🍴香菇韮黃帶子餃 $58 自家製餃子，咬落真係有原粒帶子👍🏻皮薄得黎好香冬菇味，唔錯唔錯。.🍴皇帝柱貝墨魚丸 $58手打墨魚丸加左粒粒貝柱，彈牙得黎又爽爽地，好好味。.🍴蔬菜拼盤(小) $58叫個小既拼盤都唔小，兩個人都差啲食唔晒，菜類直頭好抵食🙏🏻.冬天最愛打邊爐，醉胡爐真心好味😘😘

又黎這間我幾喜歡的火鍋店打邊爐，餐廳座位都有很多，而且坐得舒適！現在餐廳改了用電腦下單，可以減少用紙，十分環保!招牌鮮椰青雞鍋，這個湯底真係好正，鍋上枱後，店員會先幫忙炒雞件，而且還會點火一齊炒，很適合影相打卡！雞炒好後便會下湯和椰青水，用上新鮮椰青，所以湯底好有椰青的味道而且好清甜！雞件的份量都幾多而且肉質嫩滑！胡爐牛拼盤(小)，這個拼盤分別有牛舌芯、安格斯手切肥牛、極上手切牛頸脊、牛胸爽和霜降牛粒！當中牛頸脊的牛肉味濃，油脂分佈平均，肉質鬆軟！霜降牛粒牛肉味都好濃，而且好juicy！酥炸火腿午餐肉，每次打邊爐必點，炸得脆口的午餐肉再浸入湯中，味道惹味！珊瑚蚌，珊瑚蚌口感爽口鮮甜，再吸了這個湯底的味道，令鮮味更突出！牛骨牛汁丸，牛丸彈牙，一咬開已經好多汁濺出，味道好鮮甜！芝心墨魚丸，手打墨魚丸中間流心芝士，墨魚丸彈牙又有芝士咸香，口感豐富！鮮淮山，淮山配上這個雞湯，吸收了湯的精華，而且爽身，口感十足！蔬菜拼盤，這個湯底不可能不配上蔬菜，蔬菜淥過後吸收了雞湯的味道，更加鮮味!

個店名幾得意呢🤗入面裝修有大大嘅波波燈好鬼靚❤️佢地店鋪有兩層上層係有房坐而今次我和姊妹們就坐下層一坐低枱面已經放咗8種調味醬俾你選擇火鍋湯底我哋揀咗兩款：胡椒豬肚花膠雞湯和芫荽皮蛋湯底好足料通常係先飲咗碗湯再打邊爐揀咗小食一款：脆炸蝦醬墨魚餅出奇地陣味幾夾如果鍾意食蝦醬嘅話😂做緊推廣的鮑魚蟶子拼盤滾完唔靭但又唔算淋牛肉方面揀咗兩款：封門柳和牛頸脊相比之下前者比較重牛味另外配菜我哋揀咗十款：蔬菜拼盤（大）、厚切萵筍、鮮淮山、午餐肉、黑牛柏葉、芋頭、手工干貝帶子餃、招牌炸魚皮、炸支竹、烏冬餃子幾特別可以一試其他都幾新鮮食得好鬼飽😌😂飲品就揀咗兩款：竹蔗茅根水(扎）做緊優惠買二送一青檸梳打好好飲

呢排咁涼嘅天氣有咩正得過打邊爐所以就揀左最就近嘅胡爐好坐夠靜 次次都keep到水準點左鮮椰青雞鍋湯底店員一開始用牛油起鍋 炒香左啲雞再加入白酒 有火焰show睇下先等酒精揮發完再加入原個椰青同高湯煮多幾分鐘就可以飲湯同食雞先喇雞肉超嫩滑 雞湯有酒香同椰青嘅甜味秋冬飲好滋潤我地每人飲左兩碗先開始打邊爐蟶子+鮑魚 呢個好抵食 又新鮮一隻鮑魚+一隻蟶子先98 每枱必點蟶子爽甜鮑魚係南非鮑 味道濃又厚肉手工雲吞豬肉同鮮蝦比例啱啱好 食落好爽口手打牛丸好有彈性又好juicy 牛味濃最後點個紅薯粉呢隻比較幼身 好吸湯汁呢個湯底咁鮮甜 好正

凍冰冰最岩打邊爐，今晚一早BOOK左醉胡爐，同朋友仔撐枱腳。.獲安排坐二人卡位，環境寬闊舒適，擺滿野食都唔會覺得好逼。.湯底揀左招牌鮮椰青雞鍋，上枱後店員用牛油炒一炒雞件，贊酒後即時有火焰效果，好岩影相打卡！.之後倒入新鮮原個椰青水，飲落湯頭特別鮮甜，好正！.雞件份量正常，食落都幾嫩滑。.本地新鮮騸牯牛脊肉脂肪分佈平均而細膩，入口脂香豐腴，牛味濃郁，嫩滑而不韌，口感十足。.秘製蝴蝶腩入口軟熟又爽滑，充滿肉香又爽口。.黃金炸魚皮面頭舖滿鹹蛋黃碎，鹹香又鬆脆，好邪惡啊！.竹蔗茅根味道清甜，清熱潤燥岩哂打邊爐飲。

訂檯問要唔要份海鮮，留咗兩份。到咗之後佢無自動上埋，問個侍應，話要客人喺電話system 落order. .. 最後口頭幫我落多次order. 佢之後只上咗一份。明明留名要兩份，佢無check record 架？同番個侍應講爭一份。個侍應同一個貌似經理嘅女人講番呢張檯上少咗份海鮮，個女人大大聲喺我張檯隔離講："咁頭先問佢係咪要一份架嘛"(語氣極差）。當時問留名要海鮮嘅意義到底喺邊？唔可以check 番留檯紀錄嘅？連鎖餐廳好巴閉？室內空間奇窄，見佢有咁多分店先試下，點知服務態度咁，幾好食都唔會俾錢買難受囉！

而家流行打邊爐要養生，我哋梗係都揀藥膳湯底！鴨肉湯底夠滋潤，由滾起的一刻就可以先飲湯！真材實料！同時間叫左我一直好想食嘅象拔蚌刺身！🥰尼度嘅例牌都大份，2個人食岩岩好，鮮甜爽脆！片片大塊而且厚肉🥰牛丸水準正常發揮👌🏻菜就唔多講了，但牛肉一定要提！騸牯牛頸肩部位唔算特別，但本地牛食落有咬口肉味香濃，但一定要留意時間，唔好淥過熟😂豬都為我哋帶來驚喜！一碟有三款: 豬梅肉、豬頸肉、蝴蝶腩，豬味唔算濃但入口新鮮淋滑，個人覺得梅肉最好食😋而蝴蝶腩就要早少少放入鍋煮，口感偏硬👌🏻/總結餐廳好爆，記得訂位😂

天氣開始凍啦打邊爐暖胃就最啱🍲呢間餐廳環境大樓底高令到無咁大壓迫感而且坐得非常舒適門口個大招牌都好👀吸睛椰青🥥雞煲個湯底簡直一碗入魂🔸招牌鮮椰青雞煲 $288上檯時，店員會先炒香雞件，之後再倒入湯及椰青水，非常足料！成個湯底變左好鮮甜，每人先飲一啖湯，再食雞！啲雞索晒椰青鮮甜味道，肉質亦非常鮮嫩。雞嘅份量亦都多☺️🔸本地新鮮騸牯牛脊肉 $268牛脊肉係🐄牛隻腰嘅部位，肉質口感較鬆軟，牛味亦較濃。牛紋好出好靚，騸牯牛脂肪分布比普通牛更平均。因為經過閹割過的牛隻，脂肪會均勻地分布在身體不同部位，令牛肉脂肪有若雪花般細緻的紋理。份量剛夠兩個人食用。加上店員悉心擺放牛肉位置及裝飾，令整碟牛賣相加晒分。🔸紫菜炸響鈴 $88響鈴非常鮮脆，配上紫菜的味道！係出面食唔到，整個響鈴沒有油味。再響鈴放入火煲味道會更突出🤣🔸皇帝柱貝墨魚丸(半份) $58墨魚丸仲有柱貝，半份有4粒，爽口彈牙，十分出色👍🔸黑松露蟹肉餃(半份) $68蟹肉餃入口鬆軟，半份有4件，蟹肉鮮味十足，黑松露十分多，入口黑松露配上蟹肉絕不失色😍🔸皇帝菜 $48新鮮大份👍🏼菜吸埋湯汁正🔸稻庭烏冬 $38一人一個烏冬，非常滑！份量啱啱好☺️

前排轉冷, 又係打邊爐既時候, 朋友提議黎呢間醉胡爐, 估唔到幾年後再黎, 人氣依舊, 記得BOOK枱!仲記得呢間醉胡爐出名既就係湯底, 今日就試下花膠翅鴿湯, 黎到真係見到好多條翅係上面!滾起先飲兩淡湯, 真係好甜好濃郁, 而且勁多花膠好好食, 對得住價錢!!牛拼盤有幾款唔同既牛, 牛味濃, 好食!仲有好難得一見既黑柏葉, 鮑魚雞肉餃, 全部都好新鮮好食, 質素相當高!除左火鍋料仲有海鮮, 刺身, 串燒等等, 可以唔洗獨沽一味淨係打邊爐,  聚會一流!

天氣凍果然最啱打邊爐，今日放工就去左呢間叫醉胡爐既酒吧火鍋店，早一日已經book左，朋友介紹，話非試不可，所以呢排天氣凍凍地就決定試。餐廳唔難揾，係尖沙咀同佐敦中間，去到時幾乎全滿，好彩有book姐。我哋係OpenRice 訂枱，消費滿$200以上可以$1蚊叫個藥膳蟲草花鴨鍋，原價好似都要$2百幾，感覺幾抵，我哋叫左加拿大象拔蚌刺身、本地牛頸脊、皇帝菜、豚肉拼盤、牛骨牛汁丸、油麥菜，仲叫咗支大吟釀，叫加賀吟釀🤤加拿大象拔蚌刺身4.5/5⭐️超出預期，推介🤤 好新鮮，每一塊切得剛好，入口超鮮甜，少少爽口，但真係好甜，唔需要點任何醬油，本身已經好鮮，好食😋本地牛頸脊4.2/5⭐️少餐廳有本地牛，所以都少食到本地牛，難得呢到有，當然要叫，果然冇失望，好食😋 好有牛味，冇乜脂肪，所以冇乜油脂味，對啲唔鐘意食肥牛既人，呢個絕對係恩物，推介🤤豚肉拼盤4/5⭐️呢個豚肉拼盤賣相一般，但係因為個西班牙伊比利亞豬，所以最後都係叫，果然冇失望，伊比利亞豬肉質鮮嫩，好食😋 不過個豬頸肉同蝴蝶腩就略為普通，下次應該只會叫伊比利亞豬🤣牛骨牛汁丸4.3/5⭐️睇個名覺得特別，少可將牛骨打成丸，所以叫左，雖然份量唔多，但質

天氣凍左咁多，即刻約同事放工去打邊爐，揀左位於尖沙咀既醉胡爐，大大個招牌好易認。餐廳環境闊落，卡位坐得舒服，又夠地方擺野食。今晚試左個招牌鮮椰青雞鍋，店員先用牛油炒香雞件再贊酒，火焰效果好吸晴！之後再將成個新鮮椰青水倒入，金黃色既湯頭夠哂鮮甜，滋補又養生，忍唔住飲左幾碗！雞件仲好嫩滑，啖啖肉好正～黑松露蟹肉餃有齊我鍾意既黑松露同蟹肉，見到即嗌！入口好重松露香，絲絲蟹肉好彈牙，仲夾雜菇粒。黑松露墨魚丸 有得揀半份，即4粒，岩哂二人份量，充滿黑松露香，食落爽口又彈牙。手打香茜炸菜牛丸味道香濃，夠哂Juicy。竹蔗茅根打邊爐點少得竹蔗茅根水，清熱又解渴。

今次食呢間火鍋，係連staycstion package 酒店148的。不過喺純睇味道黎計，絕對好味。先講湯底，因package,有椰子雞同金翅花膠乳鴿。椰子雞周圍都有，所以試金翅乳鴿湯，估唔到個湯好濃，仲好好味，有啲翅，同花膠，未打邊爐先每人嘆一碗，已經好享受。另外，每次乾水時，都會加魚湯，令湯底唔會淡，好鮮味。火鍋料有牛肩胛同伊比利亞黑毛豬，手打牛肉丸，蝦丸，雲吞同魚皮鮫，脆脘片，日本廣島蠔，炸魚皮，唐生菜。追加了黑松露墨魚丸。熟食方面有串燒鴨腎，燒牛舌，一夜乾，老友鬼鬼。無論火鍋料，定熟食，都好出色。老友鬼鬼尤其出色，外層油炸鬼炸得好深層，除了脆之外，仲有深炸既味道，而上面既墨丸滑又好彈牙。炸魚皮比出面既出色，一片片好工整，不似出面啲魚片會扭埋，而且鬆脆耐浸，浸過湯底一陣都仲係好脆。環境方面都好整潔乾淨，服務態度好，而提供既熱茶都好有淡淡茶香。如果唔計價錢，絕對好味。