蟹慶 (已結業)

好朋友嘅生日，打算請佢食餐蟹，搵左好耐，都係決定去蟹慶，地點方便。我地食下午嘅蟹餐，book 2點半，去到冇乜人，然後個staff先話原來3點半last order. 4點落場。因為我經由OpenRice book，完全唔知有落場時間。為免令朋友失望，我地都照食，因為4點要交枱，所以staff話佢地唔會一道道菜咁上，會一次過上哂。食物大致上ok，但因為餐廳一次過上哂d食物，唔係好食得切，有要求過可唔可以埋左單先，然後比我地坐住食，佢地話因為師傅會響到訓，所以要閂燈🤷‍♀️價錢方面都不是平，性價比唔太高，不過食蟹嘛，大家都係想過下蟹癮😆

一入餐廳就見到生猛的蟹向我們招手，環境寬敞，設有舒適的卡位，仲有部清酒機。第一次見餐廳內有部清酒機，有各色各樣不同牌子及產地的酒，當中以清酒種類最多，所以好奇問問店員，原來總共18款！餐廳除了有不同種類的蟹和酒之外，店員推薦還有時令海鮮例如金目鯛，可選擇不同的煮法來烹調，刺身或燒均可。不經不覺經已有超過一年時間無得去旅行，但又掛住日本的美味，心癢癢叫了有十道菜的特選會席套餐，一次過滿足我想食蟹及A5和牛的願望！前菜有鴨胸沙律配牛蒡、青瓜和魷魚漬物，燒過的鴨胸較為香口，煮法和擺盤有很有心思。香煎鵝肝多士厚身肥美，外層煎得很香脆，滿口鵝油香。時令刺身四款分別是大拖羅、牡丹蝦、赤貝和平時少見的魴鮄。款款都是厚切的，很鮮甜，啖啖肉，大滿足！每次吃高級日本料理，套餐中，總會有一份茶碗蒸。黑魚子海膽蟹肉蒸蛋內有蟹肉、冬菇，底部還有大量蟹籽，有心思之餘，令茶碗蒸更好吃又有驚喜。然後到主角是北海道獨有的海產，因全身長滿金黃色的細毛而得名的毛蟹(一隻)。亦是我們選擇叫特選會席套餐的原因。成隻毛蟹以蒸氣蒸得剛剛好熟，不但保留了蟹肉原有的鮮甜，而且剛熟的蟹肉非常嫩滑，濃郁鮮甜。毛蟹膏更令我垂涎三尺，濃郁蟹香

幾年前有朋友介紹過去蟹慶食蟹話好好食，但係咁耐而嚟都冇去過。直到前日晏晝想食日本嘢，但係打左俾幾間壽司店都話full booking，所以突然諗起就去左呢度食晏。 我明明記得朋友同我講過蟹慶係食高級日本料理，但係我一行到入去間餐廳，我覺得間餐廳俾我嘅感覺好似仲差過一啲連鎖式嘅local日式餐廳。一入到去，前台冇人，企左一陣餐廳入面有待應見到我哋先行埋嚟。因為我哋之前打左俾幾間餐廳都full booking，所以為免摸門釘，我哋都book枱。雖然當時去到間餐廳係完全唔full，但係待應問都冇問過我哋有冇book枱就帶我哋入座，好明顯餐廳覺得午市冇客，所以收到booking都當冇收過😅(呢刻我就覺得俾朋友呃左🤣，呢間唔係佢所講嘅高級餐廳) 但係一坐低，見到午膳會席料理 $700幾蚊一位... ok fine dining嘅價錢，低質素嘅服務😶 就係因為咁，所以本來想食個好啲嘅lunch都唔夠膽叫佢個會席料理(驚中伏😣）而事實證明，冇叫到佢嘅會席料理係正確嘅決定。想知點解，可以睇埋落去最後我哋一行2人都只係叫左佢哋menu上放到最大嘅蟹lunch set同埋另外叫左幾款壽司。個lunch s

今日同媽媽出黎行街，行行下見到大大隻蟹字，令我想起日本大板既蟹宴，一於入去試下。 環境舒適，卡位特別好坐 午餐餐牌，本來想食蟹的，但見到餐牌有其他更吸引，媽媽又想食和牛，叫個和牛比佢嘆下先。 陶板燒和牛定食 － 成個陶板上，上菜時和牛中間還有血紅色，很喜愛可以自己調較，因我喜歡生一點，媽媽喜愛熟一點，現在兩款都可吃到，方便我們。和牛入口有香濃牛味，非常有口感，配上日本珍珠米，飯也吃多一點。 極上壽司定食 －  有海膽，三文魚子，三文魚，吞拿魚，帶子等等十款之多，每件都很新鮮，媽媽說喜歡壽司飯，軟硬適中。 每款定食均設有漬物，湯，飯／烏冬，食完飽飽又再行街街。下次要再來這個銅鑼灣坐得舒適，價錢合理的好地方。

今日同朋友去左銅鑼灣食飯，佢加左人工請食飯，我哋去豪嘆一餐日本全蟹宴餐廳主打蟹肉料理，我哋望到餐牌就叫左二人前蟹宴晚餐啦沙律用上簡單醋汁調味，味道酸甜開胃又新鮮，另外配上兩款日本漬物！刺身有四款，我哋比較鐘意牡丹蝦，大大隻又爽口，蝦肉新鮮甜美，刺身全部好新鮮蟹肉蒸蛋時間掌握得剛剛好，雞蛋好滑溜， 加上蟹肉和醬汁，蒸蛋既味道好驚喜！蒸毛蟹、燒長腳蟹、天婦羅我哋都好滿意！蟹肉好新鮮，餐廳有大水缸擺放蟹，保持貨源新鮮！蟹肉好鮮甜好鮮嫩，蟹肉非常重！天婦羅即叫即炸，天婦羅蝦夠哂爽甜，仲有炸蟹鉗最後有個蟹肉日式釜飯，上枱黎燒一燒再加埋配料攪拌，好正

今日同媽咪去左食飯慶祝佢生日佢超鐘意食海鮮，我特登上網搵左一間主打蟹既日式餐廳，餐廳門口有個大水缸養住新鮮日本蟹！望到都流哂口水啊！我哋叫左二人前蟹宴，好豐富！先來前菜，有蟹肉沙律，沙律菜好爽甜，仲有新鮮蟹肉！好開胃！另外仲有兩款日本漬物！刺身超驚喜，好新鮮！厚厚刺身入口鮮嫩鮮甜，最愛牡丹蝦和赤身，好鮮嫩，赤身入口厚肉魚味突出！蟹肉蒸蛋媽媽好滿意滑溜雞蛋入口蛋味清甜！主角出場啦！有蒸毛蟹，毛蟹拆開左上碟，蟹味鮮甜，肉質爽嫩！燒蟹腳比較合我哋口味，蟹肉燒香蟹味更加濃香突出！蟹甲羅燒滿滿蟹膏，味噌醬好滿足！配埋米餅味道會更平衡啲蟹肉釜飯，加埋黑松露味道好重好惹味，每一口都有蟹肉

朋友說很久沒吃過螃蟹，想起我以前有來過這間專門食蟹的餐廳，記得味道都不錯，就建議一起再來嚐蟹😆坐低不久，店員就拿來一盤生魚作介紹，如果喜歡的話可以選擇火鍋或浜燒。見到有我很喜歡的金目鯛，但又想吃刺身，店員就推介我們選擇二人前的特選會席。見到菜單上又有魚刺身又有蟹又有和牛，我們就毫不猶豫地下單了🤩鴨胸沙律是和風的味道，沙律菜有切細，容易入口，與鴨胸的咸味十分配襯。鵝肝多士是對我來說其中一個主菜😆 鵝肝外脆內軟，咬開是滿滿鵝油，十分齒頰留香。刺身方面有大拖羅、魴鮄、赤貝和牡丹蝦。大拖羅顏色粉嫩，入口即溶，非常好吃😋 魴鮄是我第一次吃的白身魚，魚肉有咬口，有淡淡魚味，我非常喜歡。赤貝沒有異味，自帶貝類的甜味；牡丹蝦大大隻，十分香甜👍🏻黑魚子海膽蟹肉蒸蛋的蛋非常滑，帶有淡淡日式高湯的味道，連同黑魚子的咸味，入口濃淡剛剛好，我很喜歡👍🏻主角要出場了！蒸毛蟹的蟹膏甘甜，蒸的煮法保留著蟹肉的鮮味，而且蟹殼全部有剪開，吃得十分方便，十分推介。鱈場蟹柳鍋是蟹腳的火鍋，蟹腳非常大隻，蟹肉較結實，入口啖啖肉，鍋內有其他吸湯的食材如娃娃菜和金菇，食材吸滿高湯和蟹的甜味，非常好吃😋鹿兒島A5和牛以鐵板形式出場，

銅鑼灣壽司有要事去了銅鑼灣，在這裏吃了quick lunch。我們點了：極上壽司定食 ： 10貫壽司，一小碗烏冬和味噌湯。壽司刺身算新鮮，味道不錯。トロ和蝦味道鮮甜，10貫裏面味道比較最突出。海胆也新鮮，不過不算很優質。整體CP 值算高。滑蛋煮豬扒丼 ：豬扒炸得剛剛好，豬扒軟腍。調味亦不錯，可惜蛋煮得不過細滑。唐揚炸雞 ： 套餐追加的炸雞。雞腿肉多汁軟腍，新鮮即炸特別惹味。這裏地點方便，環境舒服，CP值高的午餐。

由入門口果一刻就已經感受到餐廳完全唔歡迎小朋友，進食期間好幾位服務員連同經理不斷用歧視眼光望向小朋友們進食，感覺一直監督住小朋友有冇整污糟距嘅地方。小朋友食完距嘅udon之後嘔吐，完全冇任何餐廳工作人員過呢問候了解或提供幫助，事後只關心距地餐廳嘅公仔掉在地上，要求我地執翻起身。試問一間有基本服務態度嘅餐廳都會了解是否食物出品有問題導致，而唔係重視一隻公仔是否被人及時撿起！食物出品如何，不予置評！小朋友食完當場嘔吐🤮從不寫食評，但服務實在太令人生氣😡如果唔想食一肚氣請三思⚠️

我覺得作為一間餐廳，處於銅鑼灣中心位置，先不論食物品質如何，服務態度都好重要，呢間餐廳有好幾個員工啲服務都好差，然後發現經理都一樣，真係大開眼界，食咗咁多年野都未試過咁認真去打一篇評論大家唔想俾錢買難受，食得唔開心，去前請三思！！

今日返工真係有D辛苦, 又未到 weekend, 最好就可以同一班朋友聚一聚, 消遣下.聽到話有個地方有蟹食, 又有清酒飲, 一於去試吓啦.   個位置真係好方便, 就係喺崇光隔離.  蟹慶, 一D都吾難找.步入餐廳, 除了看見池缸的蟹游得好活躍, 重見到部好大嘅清酒機, 有超級多種酒類.   第一次見餐廳有這部清酒機, 覺得好新奇,  清酒種類多, 有唔同牌子及產地, 總共18款, 每一杯要兩個至四個金幣, 店員推薦我哋叫清酒任飲,  而家做緊優惠, $198  有 150  個金幣, 過程好簡單, 首先喺電話下載程式, 每次喺部機度一杯出  30ml  清酒. 由於限時  90 分鐘, 基本上都唔會用得晒啲金幣, 所以查實係任飲.可以一次過試晒唔同嘅清酒, 絕對係物超所值！真係越飲越興奮 !!飲完啲凍嘅清酒, 當然要食返個餐.   我哋叫咗個 蟹慶會席 ,前菜 (三點),   看來清爽,    菜沙律有我仲意的魚籽, 另有牛蒡, 青瓜, 開胃 !蟹肉蒸蛋, 熱辣辣.啱晒出邊仲未熱嘅天氣, 啱啱春天開始，其實都仲有一絲嘅涼意。最緊要, 就係個蒸蛋都幾足料, 到底都仲有好多材料, 有蝦

今日要同好姊妹慶祝一番，又一姊妹出嫁了，選了到蟹慶賀一賀，大食一餐。套餐是不二之選，食齊各款烹調方式，十分全面前菜 是鯊魚魚骨伴牛膀和青瓜，清新可口精選廚師發辦刺身金目鯛 油脂豐盛，入口甘香深海池魚  肉質厚，十分有口感帆立貝 鮮甜美味赤蝦 大隻鮮甜美味又彈牙蟹肉蒸蛋滿滿蟹肉，蛋味香濃入口滑溜蒸北海道栗蟹 清蒸栗蟹最能食到蟹本身的鮮味，配用蟹醋帶甜不酸，更令蟹肉鮮味突出浜燒松葉蟹( 幼腳) /鱈場蟹腳 (粗脚) 以浜燒來烹調，多了種香烤的味道蟹甲羅味噌燒濃濃蟹羔，不鹹配上小蝦餅一起進食更好極品海鮮天婦羅 有蝦 蟹柳 南瓜 蕃薯仔 粉漿十分簿，入口清脆利落，不感油膩燒A5和牛扒  配胡麻醬跟炸蒜，但本人更愛原味，入口即溶化，十分幸福吸物豆腐蜆肉湯，熱熱的作最後暖胃之用松葉蟹釜飯 有侍應來作調配，配黑松露，芝麻，葱未吃味覺已在享受，黑松露味道剛好，配上松葉蟹肉滿口蟹香，十分滿足甜品日本蕨餅入口煙韌彈牙又幼滑另一款抹茶布甸，抹茶味香味十分美味

一排冇星期一出街食晚飯, 仍然 home office,  比較悶, 真要處理一下藍色心情, 黃昏去銅鑼灣行吓街, 順便搵嘢食.見到崇光隔離地庫有一間食蟹餐廳，蟹慶, 感覺特別.  看似是一間老店, 於是我們毫不猶豫就行咗入去. 經過一段小樓梯, 就去到另一個空間, 有如置身於日本一樣！慢慢睇蟹新聞.樓梯有各式各樣蟹嘅裝飾, 有游水蟹, 好攪笑.卡通蟹, 眼大大.紅卜卜蟹, 幾有趣.好啦, 落到去當然要即刻掃個安心出行, 體溫確認冇超標, 就可以入座, 可能星期一晚嘅關係, 都唔係太過多人, 好好彩就有得坐卡位.我哋揀咗個 Crab  Course，好犀利, 剛好有折.首先是前菜 (三點)有沙律, 仲有我最鍾意食嘅開胃牛蒡. 沙律 好清爽鮮甜, 上面有好多蟹肉同埋蟹子. 絕對係好味到加零一.刺身四款, 由廚師發板.刺身有春季時令海產:  鰹魚, 金目鯛, 赤貝, 甜蝦. 鰹魚, 金目鯛,   兩種魚嘅肉質都好紮實, 食得出唔係養魚, 似係野生魚,  魚有魚味, 真係清甜鮮美. 赤貝 好新鮮, 彈牙, 一啲奇怪嘅腥味都冇. 呢個時候, 大家最緊要食物要新鮮, 安全第一,  這餐廳食物新鮮

疫情肆虐超過一年，除了無得外遊，出外用膳都少了很多，今午約了友人聚舊，當然要吃餐好的。由於我們都喜愛日式料理，於是揀選了銅鑼灣一間頗有人氣的食肆「蟹慶」。此店位於澳門逸園中心地庫，與地鐵站只有咫尺距離。此店環境佈置簡約，舒適寧靜，實為閒談聚舊的好地方。餐牌食物的選擇相當豐富，分別揀選了極上壽司定食和蟹御膳定食。 壽司定食有十件之多，特別喜愛油甘魚 - 每口都充斥魚油香氣，具獨特清爽口感，營養價值又高，絕對是不可錯過。三文魚 - 脂肪紋分佈均勻，肥美甘香。赤蝦 - 大大隻，啖啖肉，新鮮彈牙。拖羅 - 魚肉佈滿魚油花紋，入口甘香，油香四溢，不愧為刺身的極品。蟹御膳定食的松葉蟹份量雖少，但貴精不貴多，蟹肉鮮甜軟滑，天婦羅外脆內軟，還有蒸蛋和烏冬。意猶未盡還多點了一客和牛定食，用陶板燒出來的和牛相當滋味，入口甘香軟滑。

上次來因為有朋友生日，今晚來，唔需要生日都可以慶祝皆因心情好，鍾意這個套餐非常豐富，有八款食物，幾乎道道有蟹。首先送上毛蟹原貌看看，很生猛個嘴仲郁的，這頭是加大碼， +$300 抵，因為肉會多好多。然後蟹肉沙律配鯊魚軟骨、牛蒡青瓜前菜共三品，配角是漬物，鹹鹹地，還是沙律爽爽的好吃。刺身四款，伊左賀、池魚、赤蝦、赤貝。蟹肉蒸蛋剛蒸好即出來，很熱辣，很滑。蟹肉甲羅燒超正然後是蒸毛蟹，啖啖肉，用小公具慢慢食、一面與朋友傾偈，是很好的享受，蟹醋味道一流。然後食燒蟹，浜燒松葉蟹腳或鱈場蟹腳，我們兩個人可以兩樣都點，我覺得燒的更香口。本來已經覺得差唔多，點知尚有雜錦天婦羅，一隻蝦一隻蟹腳，有番薯南瓜等，炸得唔油，好吃。麵豉湯沒有蟹，但有蜆仔、豆腐。最後松葉蟹壼飯，混合芝麻、黑松露、蔥，疑似清淡，實質味道又鮮又美味。綠茶布甸配蕨餅，餅煙韌，布甸很滑，未食過咁好，超正呀！