影片
更多
2021-04-16
185 瀏覽
幾年前有朋友介紹過去蟹慶食蟹話好好食，但係咁耐而嚟都冇去過。直到前日晏晝想食日本嘢，但係打左俾幾間壽司店都話full booking，所以突然諗起就去左呢度食晏。 我明明記得朋友同我講過蟹慶係食高級日本料理，但係我一行到入去間餐廳，我覺得間餐廳俾我嘅感覺好似仲差過一啲連鎖式嘅local日式餐廳。一入到去，前台冇人，企左一陣餐廳入面有待應見到我哋先行埋嚟。因為我哋之前打左俾幾間餐廳都full booking，所以為免摸門釘，我哋都book枱。雖然當時去到間餐廳係完全唔full，但係待應問都冇問過我哋有冇book枱就帶我哋入座，好明顯餐廳覺得午市冇客，所以收到booking都當冇收過😅(呢刻我就覺得俾朋友呃左🤣，呢間唔係佢所講嘅高級餐廳) 但係一坐低，見到午膳會席料理 $700幾蚊一位... ok fine dining嘅價錢，低質素嘅服務😶 就係因為咁，所以本來想食個好啲嘅lunch都唔夠膽叫佢個會席料理(驚中伏😣）而事實證明，冇叫到佢嘅會席料理係正確嘅決定。想知點解，可以睇埋落去最後我哋一行2人都只係叫左佢哋menu上放到最大嘅蟹lunch set同埋另外叫左幾款壽司。個lunch s
我明明記得朋友同我講過蟹慶係食高級日本料理，但係我一行到入去間餐廳，我覺得間餐廳俾我嘅感覺好似仲差過一啲連鎖式嘅local日式餐廳。
一入到去，前台冇人，企左一陣餐廳入面有待應見到我哋先行埋嚟。因為我哋之前打左俾幾間餐廳都full booking，所以為免摸門釘，我哋都book枱。雖然當時去到間餐廳係完全唔full，但係待應問都冇問過我哋有冇book枱就帶我哋入座，好明顯餐廳覺得午市冇客，所以收到booking都當冇收過😅(呢刻我就覺得俾朋友呃左🤣，呢間唔係佢所講嘅高級餐廳) 但係一坐低，見到午膳會席料理 $700幾蚊一位... ok fine dining嘅價錢，低質素嘅服務😶 就係因為咁，所以本來想食個好啲嘅lunch都唔夠膽叫佢個會席料理(驚中伏😣）而事實證明，冇叫到佢嘅會席料理係正確嘅決定。想知點解，可以睇埋落去
最後我哋一行2人都只係叫左佢哋menu上放到最大嘅蟹lunch set同埋另外叫左幾款壽司。個lunch set黎到，待應姐姐話2個蒸蛋要後上(所以我幅圖冇左個蒸蛋)，然後啲壽司到左，我哋就開始食飯。食物質素其實好一般，烏冬味道好清淡，蟹蓋食完唔會有回味嘅感覺，壽司亦唔算新鮮，連杯熱茶都有濃烈嘅水喉水味😅 不過個lunch set唔貴，200零300蚊，有湯、烏冬、蟹蓋、蒸蛋，都算抵食。差唔多食完個餐，突然諗起：個蒸蛋呢？仲未到😓 追問左待應之後，過左1分鐘，蒸蛋終於到。呢個日式蒸蛋...可以話係我人生食過最老嘅蒸蛋。好明顯廚房唔記得有野蒸緊，所以咁遲個蒸蛋都未送上黎。
最後埋單2個lunch set連10件壽司，埋單980幾蚊。價錢唔算貴，但係絕對唔值得再去。我從來都唔寫食評，不過今次真係唔寫唔得。因為我細妹食完呢個lunch之後，返到屋企又屙又嘔(我哋嗰日只係食左呢間餐廳）除非你想清下腸胃，如果唔係真係要考慮下去唔去食😅
題外話：
呢間餐廳以蟹做主題，所以我見到好多枱上面都有個細細嘅玻璃樽放左兩隻蟹仔係入面。但係枱上冇任何標語叫人唔好餵食或者叫人唔好搖個玻璃樽，同埋兩隻蟹喺一個咁細嘅空間入面困獸鬥，我一路食飯，一路見住兩隻蟹打交，我覺得佢哋好可憐。其實海洋生物都係生命，如果真係養，可唔可以養得好少少...
午市套餐
4 瀏覽
0 讚好
0 留言
蟹蒸蛋
6 瀏覽
0 讚好
0 留言
張貼
