蟹仙海鮮私房．蒸氣石碢 (環海大廈)

營業中

休息中

好耐無食海鮮, 之前已經聽過呢間餐廳個名, 近近地就去尖沙咀分店食蒸海鮮, 雖然餐廳有提供醬料, 但食海鮮就係要食原汁原味, 唔點醬都夠鮮味 $449/位已經食足九款海鮮, 仲有專人幫忙蒸, 不需自己動手, 包唔會過曬火, 一般蒸幾分鐘就食得啦, 好快熟 扇貝幾大隻, 蒸完連湯都鮮甜過人, 青口同蠔都好濃味, 比一般出面餐廳食到更濃郁, 食落係唔同好多, 鮮味出曬嚟, 膏仔蟹真係必食, 非常多膏又濃郁, d 肉又多, 肉質結實 最後仲有海鮮粥底做結尾, 吸收曬海鮮精華, 個粥本身都有芋頭, 豬骨, 粟米等, 另外仲會加上蔥同菜脯, 粥底好綿密

係市區想食海鮮，蟹仙係唔錯嘅選擇！每款海鮮都好鮮味，店員仲會介紹海鮮款式和來源地，又會幫你蒸埋海鮮，只需要坐定定等食就得啦!$449的海鮮餐，非常豐富！有大大隻的日本野生大赤蝦、台灣九孔鮑魚咬落去軟香中滲出甜味，海水味濃郁，非常鮮甜。日本大元貝、黃金翡翠螺和大西洋野生青口都大隻，食落去超鮮甜，仲包含了滿滿的海水鮮味😋另外韓國斧山珍珠蠔咬落去微甜中帶鮮味，水準不錯！太平洋饅頭蟹，蟹肉比較少，主要是吃鮮甜味 ，特別喜歡橙色膏的蟹，食落去超鮮甜！野生琵琶龍蝦，蒸的時間調配得剛剛好，啖啖肉之餘肉質超新鮮彈口！野生膏仔蟹，蟹膏食落去甘香味重，吃過後有好特別的回甘味，再加上甜香實在的肉質，一吃難忘。食埋吸收了海鮮精華的粥，真係好鮮甜！

今晚約埋朋友去食餐好, 就揀咗去食蒸海鮮, 餐廳門口有隻大蟹logo, 遠處都望到, 呢度嘅海鮮會有專人幫手蒸埋, 可以坐低等食😋🔸️$449/位尊貴海鮮套餐套餐已經包了九樣海鮮、蔬菜籃同粥底, 今次揀左琵琶蝦、青口、扇貝、翡翠螺、野生膏仔蟹、九孔鮑魚、野生大赤蝦、龍躉片同珍珠蠔, 全部都鮮味十足個人覺得海鮮當中最好食係野生琵琶蝦, 蝦膏好香, 入口肉質鮮美彈牙又爽甜, 媲美龍蝦肉, 菲律賓野生奄仔膏蟹, 蟹膏濃郁, 蟹肉鮮甜又多肉, 令人一試難忘食完咁多海鮮就食蔬菜清清味蕾, 跟住就食埋粥底, 蒸完海鮮嘅鮮味流落下層粥底鍋內, 十分滋味

作為海鮮控既我，成日都會想食海鮮，最近去左尖沙咀的蟹仙食蒸海鮮！除左海鮮好鮮味之外，店員仲會親自幫你蒸埋海鮮，真係好貼心！ 尊貴海鮮套餐 （$449一位）日本野生大赤蝦大赤蝦好大隻，肉質又彈牙又鮮甜!台灣九孔鮑魚鮑魚充滿海水味，口感爽彈! 日本大元貝味道鮮甜，唔駛點醬汁都好好食!黃金翡翠螺大大粒好鮮甜!大西洋野生青口肉質肥美，又爽又鮮。韓國斧山珍珠蠔海水味重，爽滑彈牙，蠔味越食越甜，帶礦石的味道! 太平洋饅頭蟹唔係好大隻，不過蟹膏超鮮甜!野生琵琶龍蝦琵琶龍蝦好特別！肉質鮮甜又彈口，超級鮮甜!野生膏仔蟹啖啖蟹膏好香口，充滿蛋黃香又creamy, 好想encore!有機蔬菜籃有栗米有蔬菜，有機特別鮮味!最後仲有索晒海鮮精華既粥底，暖笠笠大滿足!

-🍴🍽🍴🍽🍴🍽 🦀🦀🦀🦀🦀🍴🍽🍴🍽🍴🍽-上兩個禮拜係船渦食完蒸氣火鍋之後心思思想食多次。今次就揀咗係香港有幾間分店嘅蟹仙。店員推薦我同朋友試一人餐，入面包咗九款海鮮同1款蔬菜，另外加$15就可以有埋粥底。🦀尊貴海鮮套餐 $449🥢野生仔膏蟹 🆙 🥢大平洋饅頭蟹 🆙 / 台灣花尾龍躉片🆗🥢澳洲青龍蝦 🆗 / 野生琵琶龍蝦 🆙🥢台灣九孔鮑魚 🆙🥢日本野生大赤蝦 🆙🥢大西洋野生青口 🆗🥢野生日本深海白刀貝 🆙🥢紐西蘭月亮貝 🆗🥢韓國斧山珍珠蠔 🆗🥢有機蔬菜籃 🆗膏蟹蟹膏滿滿，鮮味濃郁😋。饅頭蟹就第一次見，尺寸偏細隻，肉質嫩滑。龍蝦啖啖肉，好鮮甜爽口，唔洗點任何醬汁食都好好食。鮑魚夠大隻，肉質飽滿彈牙。大赤蝦蝦肉鮮嫩；青口同蠔嘅海水味幾出幾鮮甜；白刀貝同月亮貝肉質幾嫩滑。食完海鮮之後會有一煲吸引曬海鮮精華嘅粥，之後店家仲送咗碗椰汁燕窩，夠哂清甜滋補👍🏻。🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7.5/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10服務 𝗦𝗲𝗿𝘃𝗶𝗰𝗲 8/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10整體 𝗢𝘃𝗲𝗿𝗮𝗹𝗹 7.625/10-🍴🍽🍴🍽🍴🍽 🦀🦀🦀🦀🦀🍴🍽🍴🍽🍴🍽

呢間蒸氣海鮮火鍋真係好正！今晚我哋嚟到呢度，試咗啲專貴海鮮套餐，真係好滿足🥢黃金翡翠螺佢嘅肉質好滑嫩，而且煮熟嘅味道非常鮮甜，令人食後回味無窮！🥢日本野生大赤蝦呢種蝦係日本嘅食材，佢嘅肉質好鮮甜，蝦頭更加鮮美，呢隻蝦就係要食佢啲蝦膏，真係一絕！🥢韓國釜山珍珠蠔佢嘅肉質好鮮嫩，質感好彈牙飽滿，令人食後十分滿足。🥢台灣九孔鮑魚呢種鮑魚質感爽滑，而且鮮味濃郁🥢扇貝同大西洋野生青口兩款軟體動物都係肉質鮮美，口感爽脆，而且經過蒸氣煮熟，保留原汁原味。🥢澳洲青年龍蝦澳洲龍蝦係呢度嘅熱門食材肉質鮮甜，好多汁，仲有淡淡嘅海鮮味肉質富有彈性，清蒸更好咁突出佢啲鮮味同口感。🥢太平洋饅頭蟹呢款蟹比較細隻，肉同膏都唔算多，因為主要係食佢啲汁！佢啲海水鮮甜味😍而家諗返起都好想再食多次！🥢菲律賓野生奄仔蟹呢種蟹肉質鮮嫩，厚肉嘅同時又有膏可能因為係野生嘅關係，特別鮮甜😙真係就咁蒸係最食到原汁原味🥢粥底食埋蔬菜最尾緊係要食個粥底啦！蒸完咁多海鮮啲精華滴哂落去😍好鮮甜好好味！加埋啲蔥同菜圃食又增加左味道嘅層次總括而言，呢間蒸氣海鮮火鍋非常適合同朋友一齊嚟😇

位於尖沙咀天文台圍主理每日新鮮到港的野生海鮮全程有專人為你烹飪不用擔心海鮮蒸過時而影響食物質素今次和朋友選了尊貴海鮮套餐蒸氣鍋是芋頭排骨粟米粥底每天都有不同海鮮食材是日海鮮☻日本野生大赤蝦🦐鮮甜肉厚，蝦多高黃金翡翠螺🐚煙韌有咬口台灣九孔鮑魚🦪肉質飽滿，肉質彈牙新鮮元貝🦪鮮味十足大西洋野生青口🦪大隻又飽滿，超級新鮮韓國釜山珍珠蠔🦪吃落爽口罕有黃膏肉蟹🦀超級推薦，滿滿黃油蟹膏升級大龍蝦🦞蟹肉鮮甜，質地很像刺身很少能超級新鮮的海鮮蒸氣石鍋每樣海鮮的精華都混合在鍋底的粥內最後吃一碗粥滿滿海鮮味

今次嚟到尖沙咀嘅蟹仙海鮮私房．蒸氣石碢，鋪頭喺一條巷仔嘅盡頭，遠處已經見到門口有隻好大嘅蟹，絕對唔難搵到。坐低之後職員會喺我哋面前蒸餐具消毒，同時講解啲套餐嘅分別。我哋今次食嘅係每位$449嘅尊貴海鮮套餐，套餐包括九種海鮮、有機蔬菜籃及海鮮豬骨芋頭粥。點好餐後會上粥底，同拎調味醬料比我哋。不過成餐飯我都冇咩用到個醬料，因為啲海鮮真係好鮮甜，好夠味！首先會先上螺、蝦、元貝、鮑魚、青口、生蠔，然後先到龍蝦同蟹。嘢食到咗之後店員會幫我哋逐樣海鮮蒸，全個過程都唔需要自己蒸，枱上會有個計時器，時間一夠蒸氣就會停，可以確保海鮮蒸到啱啱好，唔會太老。同時店員都好細心，會講解下我哋食嘅海鮮來源同特點。店員亦都有提到海鮮會由最淡味食起，最後先食最濃味，咁先可以品嘗到所有嘅鮮味。其實全部都好新鮮好味，但都簡述一下啲海鮮，方便大家選擇～ 次序為蒸煮嘅順序，海鮮方面我哋選擇咗：🦀 黃金翡翠螺：比我想像中更大粒嘅螺，一啖係食唔哂嘅大小。我冇點豉油都覺得鮮甜，肉質亦爽口彈牙🦀 日本野生大赤蝦：非常鮮甜嘅赤蝦，一咬落去啲甜味爆出嚟，而蝦頭入面都有膏🦀 野生日本深海白刀貝：好鮮味又大大粒嘅元貝🦀 台灣九孔鮑魚：鮑魚好

如果你係鍾意食海鮮嘅人，咁一道以多款海鮮為主打嘅蒸氣火鍋絕對可以滿足你嘅口腹。蒸氣火鍋嘅烹飪方式可以完美保留海鮮嘅原汁原味，唔止可以保持海鮮嘅鮮美口感，同時都可以保持佢哋嘅營養價值同埋健康食材嘅特點，非常啱晒注重健康飲食嘅人士。每一款海鮮都有獨特嘅風味同埋口感，帶俾食客無限嘅驚喜同埋美味。黃金翡翠螺 - 鮮甜厚肉；日本野生大赤蝦 - 鮮甜肉嫩，大大隻，啖啖肉，滿足口感；韓國釜山珍珠蠔 - 蠔味唔太出，但勝在肉身肥厚爽脆；台灣九孔鮑魚 - 濃郁的鮮味、嫩滑的口感；扇貝 - 帶有海洋氣息，肉身肥大軟嫩；大西洋野生青口 - 爽脆味濃；澳洲青年龍蝦 - 蛋白質非常豐富，結實多肉；太平洋饅頭蟹 - 肉唔會太多，主打品嘗天然海水味道；菲律賓野生醃仔蟹 - 肉質嫩滑鮮甜最後以有機蔬菜清一清洗味蕾，再享用鍋底粥，全部吸收晒海鮮嘅精華而煲成嘅粥底，非常鮮甜又飽復😋。總括黎講，海鮮嘅蒸氣火鍋係一道非常美味同埋健康嘅菜品，可以滿足對美食同埋健康嘅需要嘅人士，係非常值得推薦嘅菜品。

近排迷上蟹仙嘅蒸海鮮，價格實惠，質素又唔錯，之前試左佢銅鑼灣、鯉魚門嘅分店，今次試吓尖沙咀分店，睇吓質素有冇唔同到。我和朋友都係叫左個尊貴海鮮套餐（$449），有幾款海鮮係可以揀，今次揀左饅頭蟹、琵琶蝦、青口、扇貝、翡翠螺，仲有幾款係定左，分別有膏仔蟹、九孔鮑魚、大赤蝦及珍珠蠔，最後有個蔬菜籃及粥底，非常之豐富。今次海鮮一樣都好新鮮同美味，唔使點醬料都很夠鮮味，非常鮮甜。其中以野生膏仔蟹尤其鮮甜，成隻蟹都爆膏，蟹肉鮮甜，蟹膏甘香，令人齒頰留香。另外，珍珠蠔都好特出，一啲都唔腥，非常肥美同creamy，鮮甜到令人回味無窮。最後以吸收晒所有海鮮精華嘅粥作結，本身粥底有排骨、粟米、芋頭等材料，加上菜脯同蔥花，非常鮮甜，正！p.s. 原來以現金或轉數快俾錢，仲送#椰汁燕窩，抵！

🙋🏻‍♂️餓底探員今晚去咗尖沙咀調查呢間蒸氣海鮮鍋，餐廳老闆做海鮮批發，呢度有好多海鮮喺出面好少食到，店員會幫忙蒸海鮮，又會細心講解食材，服務一流🦞🦀專貴海鮮套餐 $449🐚黃金翡翠螺｜🦐日本野生大赤蝦🐚野生日本深海白刀貝｜🦪台灣九孔鮑魚🦪韓國斧山珍珠蠔｜🐚大西洋野生青口📸表示啲海鮮夠晒新鮮，好多都係野生嘅，一大盤海鮮放咗喺隻蟹造型嘅盤上面，賣相別緻🙋🏻‍♂️表示翡翠螺食落好有鮮味，赤蝦肉質彈牙，店員提醒隻蝦可能會有沙，建議食前挑走蝦腸，白刀貝食落鮮甜，鮑魚煙韌有咬口，珍珠蠔食落juicy，青口食落充滿濃郁海水味，所有海鮮都好鮮甜，唔使加任何調味都已經好好食🦞野生琵琶龍蝦｜🦀罕有澡食綠膏蟹📸表示隻琵琶龍蝦外型好似條魚咁，好的骰，隻蟹係菲律賓野生蟹，啲蟹膏多到爆晒出嚟，隻蟹主要係食海澡，所以啲蟹膏都係綠色，好罕有🙋🏻‍♂️表示琵琶龍蝦食落鮮甜，肉質彈牙，店員提醒個蝦頭有兩滳汁非常鮮甜，至於隻綠膏蟹，食落個蟹身啖啖肉，啲肉一梳梳嘅，好有口感，蟹身同蟹蓋都有好多蟹膏，好有鮮味，店員都會細心照顧到客人識唔識點拆開隻蟹嚟食，仲提醒蟹腳都有好多肉，記得食埋，呢隻綠膏蟹真係好味到無得頂👍🏻🦀太平洋饅頭蟹📸

今日去到尖沙咀食一間高質蒸氣鍋，不過食好野前要付出少少，因為行錯方向，以及唔識路，搵左一段時間先搵到，好彩有付出，就有回報，食物新鮮有驚喜。我地叫左個尊貴海鮮套餐，依個套餐暫時都係尖沙咀及銅鑼灣先有，我地揀左兩款蟹、澳洲青年龍蝦、鮑魚、赤蝦、青口、日本白刀貝、翡翠螺、珍珠蠔，最後係蔬菜藍，坐定定，等食，係依間餐廳就係咁，會有專人幫手蒸海鮮，而佢地又唔係隨便蒸，會有一個順序去蒸，先食左比較淡味既蝦、螺、再食貝、蠔、鮑魚、青口，最後係龍蝦同蟹，海鮮都好新鮮，仲有啲海水既咸味。蝦頭都可以吸一吸，而最驚喜係青口，佢地用既係新鮮青口，同平時食既味道好唔同，絕對值得試下。最後會食粥，融合所有海鮮既精華，加上蔥花，芫荽，食到😋😋😋。

我地係尖沙咀行完街 又係附近到食野～ 今日岩岩出糧食間好啲既🙈 但呢間有啲難搵 開得偏僻左啲🤣🤣環境座位寬敞 冷氣非常大😂 食成個餐都唔需要自己蒸 因為店員好細心地幫我地整曬🙈 同埋每蒸一樣野店員都會稍作介紹 等我地了解下啲海鮮 因為有啲海鮮比較特別啲 同埋係野生既🤭我地今日叫左尊貴海鮮套餐， 今日係有野生膏仔蟹、太平洋饅頭蟹、澳洲青年龍蝦、台灣九孔鮑魚、日本野生大赤蝦、大西洋野生青口、野生日本深海白刀貝、黃金翡翠螺、韓國斧山珍珠蠔、有機蔬菜籃～店員話幫我地蒸啲由淡味至濃味既海鮮食， 所以第一個係食蝦 最後先食蟹！赤蝦好大隻 肉質彈牙 非常新鮮！鮑魚非常大隻 而且店家仲預先幫客人處理好啲內臟同洗乾淨 呢個位幾貼心！最有印象一定係龍蝦，青口同膏仔蟹！ 龍蝦非常新鮮 又爽彈鮮甜😍 青口好大隻而且食落好甜 同平時急凍個啲好大分別 而且有淡淡海水味👍🏻 膏仔蟹都係好鮮甜又多肉！🙈所以今晚食得非常滿足🤰🏻

蟹仙海鮮私房．蒸氣石碢📍尖沙咀天文台圍2號環海大廈2期地舖講到食蒸氣石碢海鮮就即時會諗起蟹仙！大半年前去過九龍城店，試過全程有專人為你服務嘅蒸海鮮之後一試難忘，後來發現原來尖沙咀都有分店，所以今次就近近地揀咁尖沙咀店，就算平日都十分熱鬧，連VIP 房都有人添！揀咗個中價「專貴海鮮套餐」 每位$449有9款海鮮+1籃有機蔬菜，仲有一個粥底。1. 野生日本大赤蝦 非常大隻，蝦頭位置有好多膏，厚肉鮮甜2. 台灣九孔鮑魚 3. 韓國釜山珍珠蠔 肉質依然鮮甜細嫩4. 日本大元貝肉質細嫩，清甜爽滑！5. 大西洋活青口 體型上亦都比較飽滿6. 加拿大翡翠螺 翡翠螺食落都彈牙爽脆！7. 澳洲青年龍蝦 龍蝦肉質緊致，蟹肉幼嫩鮮甜8. 太平洋饅頭蟹 饅頭蟹蟹膏味道香濃！8. 菲律賓大黃奄蟹 蟹膏味係最濃郁，最鐘意！9. 有機蔬菜籃每款蒸過嘅蔬菜都特別甜！最後加少少水繼續蒸個粥底，充滿着海鮮嘅鮮味！

蟹仙主打野生海鮮 而且係每日新鮮到港🌊店員會幫忙控制蒸煮海鮮嘅時間⏰咁就唔洗驚自己整會浪費咗d靚海鮮😎😎店員都好好服務同貼心為我地詳細介紹每款海鮮傾傾下講起店老闆已經經營海鮮批發多年經驗十足 會入口各種時令同埋比較罕見嘅海鮮👀海鮮fans絕對可以一戰😝🦀 尊貴海鮮套餐 • $449由店員掌控烹調 我地可以食到最鮮嫩嘅海鮮首先黎一個拼盤不得不提係個超級qq嘅蟹盤🦀🥰🥰上面有以下咁多款海鮮 好豐富🤩๑ 台灣花尾龍躉片🐟啖啖肉 口感嫩滑๑台灣九孔鮑魚肉質扎實有口感๑日本野生大赤蝦🦐份外爽口彈牙๑大西洋野生青口๑紐西蘭刀貝蚌 ๑黃金翡翣螺๑韓國凳山珍珠蠔🦪食完qq蟹盤之後 就到重頭戲๑野生琵琶龍蝦🦞๑ 野生膏仔蟹🦀琵琶龍蝦同膏仔蟹都係來自菲律賓琵琶龍蝦比較罕見 tummy係第一次試！蝦肉比一般鮮甜 肉質彈牙😼而膏仔蟹又稱為處女蟹蟹膏位超正 蟹膏鮮濃程度高🤤🤤而且蟹肉肉質嫩👅๑有機蔬菜籃🥬๑ 排骨粥🥣蒸盤底下嘅排骨粥吸收哂海鮮嘅精華勁鮮味 大滿足🤩๑椰汁雪耳糖水以現金 / fps付款仲有得嘆埋糖水唔好錯過🤪