331
2
16
開飯介紹
主打蒸氣火鍋，配以各種新鮮的海鮮，當中以「刁鑽海鮮套餐」最為吸引，包括東星斑、龍蝦、鮑魚、貴妃蚌等，十分豪華。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
-
網上訂座服務暫停
招牌菜
食家推介
同阿仔又行書展，完咗坐船過尖沙咀，陣陣海水味攪到好想食海鮮。即刻諗起尖沙咀呢間海鮮專門店「蟹仙」，之前已經想試下呢間尖沙咀店，於是即刻打電話去留檯。大概8:30pm 到達，餐廳位於天文臺園最盡頭，遠遠已可見口門放著隻招牌大紅蟹，望住佢即刻好有日本feel 。安排入坐後，店員便為我們消毒餐具。選了有十款食材的海鮮套餐，點好餐後，很快店員先送上第一輪共六款海鮮。店員會分開每一款海鮮去蒸，務求令蒸煮時間恰到好處，可以逐一慢慢品嘗每一款海鮮的味道。海鮮十分新鮮，日本大赤蝦認真係超大鮮甜。尚有蠔、鮑魚、青口、元貝及刀貝蚌。本人尤其喜歡刀貝蚌，肉爽兼海水味。第二輪係蒸魚，店員介紹魚品種係來至日本名「喜之次」，有海中紅寶石美譽。肉質結實海水味特濃，有天然鹹味，清蒸正好食到魚的原味。第三輪係我最期待嘅，就係龍蝦及奄仔蟹。即劏即上枱，拎起時仍然會微動，絕對新鮮。龍蝦肉爽彈鮮甜、蟹肉有膏，食到舔舔脷。最後一輪係蔬菜，食完蔬菜仲有鍋底粥食，吸收各款海鮮所產生的水份，再加上蔥花菜甫，回味無窮。剩餘嘅粥仲可以打包回家，一啲都唔會浪費。最後更每位客人附送清潤糖水「椰汁雪燕」一碗。餐廳設有多款海鮮套餐及時令海鮮可供選擇，另有各式餐前小食，喜歡食肉者亦有豬、牛、雞肉及雜丸併盤。當然亦有不同飲品選擇，我哋點了冬瓜露，夠曬冰涼消暑。
繼續閱讀
今日放工同好友去尖沙咀食蒸氣海鮮，知道蟹仙一向以新鮮海鮮聞名，老闆從事海鮮批發40年，經營青蟹批發經驗，每天將最新鮮直接空運到店鋪。點了尊貴海鮮套餐（$449/位）1. 太平洋饅頭蟹 或 日本深夜石斑一夜干（任選1款）2. 野生琵琶龍蝦 或 澳洲青年龍蝦（任選1款）3. 台灣九孔鮑魚4. 日本野生大赤蝦5. 大西洋野生青口 或 紐西蘭刀貝 或 野生日本深海白刀背 （任選2款）6. 紐西蘭月亮貝 或 日本大元貝（任選1款）7. 韓國釜山珍珠蠔8. 有機蔬菜籃9. 海鮮粥底調味醬料DIY, 建議大家可以不用添加太多醬料，吃海鮮最原始的鮮味👍🏻日本赤蝦肥美新鮮的赤蝦，肉質鮮嫩，甘甜可口，蝦頭還滲出新鮮蝦膏。蒸喜之次之前喺居酒屋食過燒喜之次，蒸喜之次是第一次吃，肉質鮮嫩，配上香甜醬油味道更佳。太平洋饅頭蟹琵琶龍蝦琵琶龍蝦外殼摸上去像絨毛一樣，肉質鮮嫩，比龍蝦還要甜，一試難忘！紐西蘭刀貝刀貝口感很好，肥厚的肉質超鮮甜。紐西蘭月亮貝月亮形狀的紐西蘭月亮貝，鮮味十足，建議不用蘸豉油吃。韓國釜山珍珠蠔建議大家要先呷剛蒸出來的珍珠蠔水，超鮮，鹹鮮味香。台灣九孔鮑魚肉質肥厚，吃來有膠質感兼彈牙有機蔬菜籃娃娃菜、生菜、粟米海鮮粥底海鮮粥底加入新鮮排骨，再吸收海鮮精華，加入菜甫、蔥花，鮮甜可口，粥底綿滑。最後食埋甜品—椰汁官燕燉雪燕，好足料，滋潤又養顏，好滿足😍
繼續閱讀
媽咪比較少食肉，佢就最鍾意食海鮮，就帶佢食蒸氣鍋海鮮餐，呢間喺天文台道附近，行個斜路轉彎直入就到了今日食呢個餐做緊$449優惠，有多款新鮮海鮮及蔬菜，食到尾仲有粥㗎咁熱天時叫枝冰凍啤酒先，上海鮮喇，會有侍應幫你計時間去蒸，咁就食到剛剛熟嘅海鮮先正牡丹蝦刺身？原來用咁高一級刺身級別，真係好大隻好多肉，入口特別濃鮮台灣九孔鮑魚都算厚肉，好新鮮爽口彈牙珍珠蠔就細咗一點，但都好鮮甜蠔味偏重，蠔身都好飽滿扇貝都洗到幾乾淨，入口無沙幾鮮味，旁邊刀貝好肥美飽滿，肉特別鮮甜，我好鍾意食貝類海產青口正常幾鮮味，係新鮮青口嚟，都厚肉另一盤海鮮就係龍蝦、琵琶蝦、大黃奄蟹，款款份量十足琵琶蝦比較少地方食到，唔係到到都會入貨，食落好鮮甜，肉質爽彈，幾鍾意食呢個大黃奄蟹好多膏，膏香肉甜，媽咪都大讚好食，入口鮮味爆發、成啲海鮮汁滴哂落粥底，應該好正龍蝦係新鮮喺水缸養住，所以非急凍貨好新鮮，食落啖啖肉好鮮甜彈牙啊會有埋時令3款蔬菜，食番啲菜中和一點呢個粥真係精華所在，所有海鮮汁流哂入去，仲有鹹豬骨同埋粟米㗎，係水多咗啲
繼續閱讀
講到蒸氣火鍋尖沙咀呢一間絕對冇得輸，全部選用時令新鮮海鮮！放上枱嗰時仲見到識郁！😱每蒸一款海鮮店員都會幫忙放入蒸籠同調校時間，務求令客人享受到海鮮最美味嘅時候☺️一開始店員仲會將用具全部放入蒸籠高溫蒸焗一次，令我哋都食得好放心👍🏼❣️尊貴海鮮套餐 $449罕有大黃奄蟹超多蟹膏！蟹味好鮮甜🤤，肉質有咬口，呢個價錢有呢啲質素，真心超值❗️琵琶蝦呢款係連店員都大讚嘅蝦！聞落去已經有一浸海水味😍食落嘅味道好清甜，的確同普通嘅龍蝦有唔同😙蟹膏cream又好味！蒸嘅時間啱啱好所以都好容易甩殼👍🏼讚❗️澳洲青年龍蝦成隻手掌咁大！蝦肉較多，同樣好新鮮，肉質夠彈牙，蟹膏味好濃，蝦肉連同蟹膏一齊食超正🥰日本大赤蝦一蒸完出嚟，啲蝦膏已經流晒出嚟😍蝦膏一啲苦味都冇👍🏼直接食唔使點豉油都已經好正🤤台灣九孔鮑魚肥厚飽滿，蒸嘅時間剛剛好，易咬又好味☺️大西洋野生青口呢款青口同一般食嘅有啲唔同，味道稍為清甜些許，不錯不錯☺️日本大元貝超Juicy! 元貝好厚肉，同樣唔需要任何醬料原汁原味夠晒鮮甜！🤤韓國慶南珍珠蠔一定要趁熱食！口感好滑身，蠔味好出，蒸得啱啱好，而且一啲腥味都冇👍🏼有機蔬菜籃所有海鮮食晒之後，店員會幫忙放上蔬菜嚟蒸，有機蔬菜連口感同味道都好唔同！短短10分鐘左右嘅時間已經蒸得好淋，食落超清甜❗️完全冇諗過普通蒸出嚟嘅菜都可以咁好味！就連山菜都好有驚喜🤩🌟每個蒸氣鍋底部都預先放咗粥料，每次蒸海鮮嘅時候，海鮮嘅汁就會流落到粥底，令粥底充滿海鮮嘅鮮甜，加上原先粥底有配料，食落鮮甜又惹味🥰份量都幾多下，真係飽到抱住個肚走🤣
繼續閱讀
💖 蟹仙海鮮私房．蒸氣石碢 (環海大廈) (尖沙咀)✨尖沙咀天文台圍2號環海大廈2期地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️今日我又約咗foodie朋友食食食🤩 @fin.foodie💁🏻♀️ 難得搵到有緣人，梗係要食豪啲啦🤣估唔到呢間餐廳我哋邊食邊傾傾咗咁多計😆一黎到佢地已經即刻係我地面前蒸碗筷😎-尊貴海鮮套餐🦞 $449/人日本大赤蝦🦐:滿滿嘅蝦膏，一擰佢個頭就咇晒出嚟🤤台灣九孔鮑魚🪹:已經清潔好起埋邊，冇屎，大家可以放心食用韓國慶南珍珠蠔🦪:生蠔變熟蠔，平時我麻麻地架，因為怕熟得滯縮哂水，今次蒸得剛剛好😝啲肉唔會太實的的😍紐西蘭刀貝蚌🪸:好好好大隻😍肉質鮮甜日本大元貝🐚:蒜蓉蒸扇貝就食得多，就咁蒸扇貝就好少食原來係咁鮮甜😝大西洋野生青口🤪:好鮮好重海水味😋澳洲青年龍蝦🦞:一上枱龍蝦仲識郁🤣龍蝦鮮美又彈牙👍🏻有韌性琵琶蝦😈:琵琶蝦係我第一次食，平時覺得佢樣衰衰一啲都唔吸引，今日見套餐有嘅時候試下啦‼️點不知咁好食😱彈牙有口感👍🏻罕有大黃奄蟹🦀:我真係好鬼死鍾意食蟹，今次終於食返啲正常嘅奄仔蟹，大隻又餘又多膏🥰有機蔬菜籃🧺:有我最鍾意食嘅娃娃菜、生菜🥬同埋粟米🌽，因為底下有海鮮粥底所以感覺上所有嘅蔬菜都吸左啲海鮮味😎最後食埋個粥底火鍋🍲飽到上心口😆諗住買單嘅時候職員同我哋講因為我哋之前訂咗位所以會有糖水送😍老實講佢個糖水都好好味😋想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
繼續閱讀