蜜庵本膳 (已結業)

食日本野好多人只會想起 刺身壽司放題烏冬等等， 但要嘗嘗日式住家菜的風味， 香港不是很多地方可以吃得到。 今次去了蜜庵本膳， 吃了一頓非常清怡的日式午餐，肚皮沒有重重的負擔，卻有滿滿的飽肚感。午餐是三主菜定食 ($118)三主菜定食已經包括 飯類 可選十穀飯或白飯 、頭盤主菜、沙律、 餐湯 、鍋物、燒物和甜品沙律菜非常之新鮮， 配搭的醬汁也非常清新。香菇菠菜冷盤主菜選了香菇菠菜菠菜非常之嫩，配上淡淡的麻油味，輕怡卻開胃。柚子風味燒雞燒物選了柚子風味燒雞雞皮燒得夠脆，雞肉夠嫩唔鞋口， 配上獨特的柚子風味醬， 感覺清新。鍋物選了山椒豚角煮味道有點像平時煮的數字骨， 味道濃郁，豬肉也十分之入味。 唯一美中不足的是豬肉可能煮得太久， 肉質沒有想像之中的嫩，但 醬汁用來送飯是非常之不錯。另外不得不提的是這裏用的米除了是日本米外，選用的十穀米讓整餐飯的配搭更感健康有營。焙茶雪糕最後送上的是焙茶雪糕，味道濃郁，非常香滑。最後我還叫了一杯 日本茶「沉默搖籃曲」，有菊花，薑，洋甘菊， 甘草和有機金盞花。 據說可以舒緩傷風感冒的症狀呢。

近哩幾年「文藝青年」(簡稱文青)兩個字已經廣泛係飲食界度岀現😋相信大家都唔會陌生 今日同老表六點未夠就黎到哩個小店食晚飯 (趕睇戲睇八點🙈)點解話拒係「文青」小店呢 (當然係個人意見啦😛) 地方闊落 裝修簡約 簡單將日文文化帶黎香港， 而文藝個藝呢 我覺得本身烹飪就係一門藝術，包括賣相，食材既配搭等等☺️兩個人叫左兩份丼飯兩杯飲品同一個pancake 4xx 價錢合理(補充一句waitress 們好友善講解做野快手👍🏻加分)份量對女孩子黎講屬剛好我個人就比較喜歡王和牛漢堡丼🤤👍🏻🐄充滿牛汁肉質嫩，每口牛配上淡淡紅酒香既飯撈埋隻生雞蛋🤤正！💯看著人來人往的街道，自己卻食飽飽坐係窗邊慢慢喝茶☺️ 值得一試的小店

#LuBie尖沙咀係條眾多酒吧既街之中有一間格調完全同條街格格不入 完全走另一種待格既日式餐廳。一走入去 覺得鋪頭的燈光好柔 且光亮度好充足，俾人好舒服既感覺，店內裝修都係以木既顏色為主 就連所有枱櫈都係用木既 好配合日式既主題同食物。🔽阿Lu選擇左佢地呢度類似bar枱既向牆坐位度坐 餐廳位與位之間有好足夠既空間 而且上面會有一盞吊燈，bar枱位好有一種 俾自己私人空間既感覺，可以俾自己係一日工作之後好好咁坐低食下野享受下自己既休息時間 放鬆一下。🔽🥞和王牛漢堡咖哩米粉班戟首先賣相黎講非常高分 將主角放到齊齊地靚靚地咁 加埋側邊既 檸檬味既sources 同一啲乾果做伴碟 又食得又精美 碟上仲有啲紅咖哩粉 係班戟旁邊 賣相一流。味道方面 個牛漢堡都幾厚身 牛肉既味道好重 但係就比較乾身 唔算juicy。咖哩相比起日式甜咖哩黎講 會辣少少，但係咖哩夠香濃 同牛漢堡幾夾。米粉班戟方面 會比普通班戟質感上實身啲 但都鬆軟既 幾香 有微微蛋香，咸食班戟都係第一次試 夾咖哩食都幾得意 味道唔錯 絕對接受到。🔽🍸抹茶蘇打之前未試過類似既產品 對我黎講好新穎，抹茶粉會係杯底沉澱 所以飲之前要先攪拌，

每天都是上班下班營營役役, 今天難得平日放假, 偷閒去上yoga課, 放課後是屬於一個人的時光, 好好享受一個豐富又健康的午餐。找到這一家在赫德道的日式餐廳蜜庵本膳, 餐廳環境以淺木色做主調, 感覺是非常日系。午餐有一湯一飯三主菜定食$118, 想起了一個日本電視節目, 說起腸道健康其中一個因素是吃東西多樣化, 一餐吃很多不同的食物, 對日本人來說很習慣, 但我們的港式食物非常單一, 是沒可能的, 而這間餐廳卻做到了。選了對街的位置, 喜歡自然光, 也讓眼光看看遠野放鬆放鬆。跟餐半價叫特飲日本紀州南梅梳打$19 (跟餐半價)用紀州南梅汁和發酵蘋果醋配製而成, 這樣的組合第一試嚐試, 酸酸微微, 又幾夾。午餐: 十穀飯、香菇菠菜、柚子風味燒雞、季節野菜鍋 + 餐湯及沙律- 餐湯是麵豉湯, 最怕太鹹, 但它不會, 似自己煮出來的, 還有蘿蔔和牛蒡條可吃。- 沙律菜新鮮調味又剛好。- 十穀飯煮得較軟身, 有點黏口, 吸收多點纖維。- 香菇菠菜味道有點怪, 似酒味, 個人不太喜歡。- 柚子風味燒雞, 燒得剛好, 皮有少少脆, 輕輕柚子味, 雞是雞腿部分夠滑。- 季節野菜鍋 有大粒的本菇、南瓜、

第一次嚟呢類型嘅日式餐廳😚環境簡潔，好喜歡呢種木系嘅style😍仲有啲餐具都好靚添✨#三主菜定食 ($118)😋好味指數：(7.5/10)選擇飯類、冷盤主菜、鍋物/炸物、燒物、餐湯沙律、甜品🎃南瓜高野豆腐醬油煮豆腐睇起上嚟平平無奇，一咬落去好驚喜😍因為佢索咗勁多汁係入面!!一食就爆晒啲醬油汁😎🐥柚子風味燒雞個皮燒得幾脆，雞肉嫩滑👍🏻帶有清新嘅柚子味😳🐷甘筍味噌煮日本厚切煙肉配菜有一啲菇洋蔥同埋紅椒 ，個汁用嚟撈飯好開胃🍚煙用真係勁厚切🤣食落去有肥有瘦🤓🍦佢地嘅雪糕係冇奶冇蛋，呢個食落去有啲似豆乳味，都ok嘅🤔.🍲味噌湯偏咸😖#芝士提子班戟 ($128)😋好味指數：(7.5/10)側邊有日本巨峰提子同香印提子，另外仲有紅酒煮雜果😚🍇香甜多汁好好味呀🤤因為加咗米粉，所以班戟食落去帶有小小米香😳最正係上面鋪咗層滿滿嘅芝士，帶有咸香😍.⭐溫馨小提示📌三主菜定食可以追加食物😚

難得星期六可以放假，相友愛吃的朋友一起來試新開不久的餐廳! 因這家餐廳有我們三各偏愛的食物種類呢! xpLunch set 有自選三主菜定食 ($118)，每個主菜都有三款可選擇，飯也有十穀米呢! 這次我們選來了南瓜，柚子風味燒雞和甘荀味噌煮日本厚切煙肉，另外跟餐還有沙律和麵豉湯，拼湊成一盤豐富的午餐! 因去的時間已是午市的尾聲，有些主菜已售罄，故想有較多選擇便要趁早呢!沙律菜和青瓜以醬油輕微調味；南瓜以醬油醃製，鹹中帶微甜，口感偏爽；燒雞外皮香脆，肉質頗嫰，有淡淡的柚子甜香，味道不錯! 厚切煙肉甚有咬口，一層肉一層油脂，卻完全不覺肥膩，配上菇，洋蔥，黃椒和蕃茄作調味，酸酸甜甜，減低膩度，同樣不錯! 麵豉湯我沒有試，但友人表示稍鹹呢!套餐還有軟雪糕，是無奶無蛋，只用上豆乳配上甘酒的全素蛋糕，有別於一般吃到的雪糕味道，是很濃郁的豆乳味，喜歡豆乳的朋友應該會喜歡。然後是很期待的開心果提子班戟 ($138)! 用上米粉和蛋白調配，是較為薄身的班戟，口感就是貼近熱香餅偏實少少的；面層淋上開心果醬，味道頗濃，但偏甜一點；當日沒有日本巨峰只得香印提子，當然是很香甜!還有紅酒煮雜果味兗也不錯。定價略

話說尖沙咀新開了一間日系餐廳無論環境同食物都好有muji嘅影子感覺上幾清新幾舒服😌。。。。。。。。。。。。。。。。自選三主茶定食(白飯，南瓜高野豆腐醬油煮，柚子風味燒雞，甘荀味噌煮日本厚切煙肉)▸本身想揀十穀飯，可惜太晏所以賣晒▸南瓜高野豆腐醬油煮，豆腐賣晒，只淨下南瓜，南瓜都算幾淋，但就咸左少少▸柚子風味燒雞，雞燒得很不錯，雞皮帶點脆，雞肉都幾嫩滑，如果柚子味再濃啲會更好😊▸甘荀味噌煮日本厚切煙肉，煙肉好厚切，賣相有點像扣肉，食落有點像煙鴨胸，還好不太肥膩，可能因為個甘荀味噌醬汁嘅關係。。。。。。。。。。。。。。。。香蕉甘酒▸雖說是甘酒，其實無酒精成分，反而是有益健康嘅飲料，香蕉味好突出，有點像香蕉奶昔，很不錯😊。。。。。。。。。。。。。。。。開心果提子米粉班㦸▸米粉班㦸比平時食開嘅輕盈啲淡味啲，感覺上健康啲，但我比較喜歡邪惡一點，開心果醬不錯，還有巨峰提子同香印提子

在尖沙咀行街行到有點攰時，見到這間日本文青簡約風格的甜點店，主打又是我最喜愛食的pancake，於是便打算入內食個甜品休息一下。星期六下午6點，可能大家都準備去食晚飯了吧，所以沒有什麼客人。店內燈光柔和，配以原木色的檯凳令人感覺溫馨，感覺被治癒了。門口的日本青印提子看起來十分新鮮甜品有刨冰以及米粉pancake選擇。如果不想食甜點，下午時間也有鹹pancake選擇喔。我從來沒有食過米粉pancake呢，好好奇是什麼味道店員得悉我們還不算肚餓，所以特登介紹我們嘗試一款比較輕盈的雙茶蜜pancake。另外這裡的飲品也很有趣，有出面少見的甘酒同茶味蘇打。水果味蘇打就飲得多，茶味真的未試過。所以我們叫了一杯艾草豆乳甘酒以及抹茶蘇打。 日本產艾草豆乳甘酒雖然甘酒名字裡有酒字，確是不含酒精的飲品喔。據店員介紹甘酒是日本十分受歡迎的美容飲品，雖然有甜味但是卡路里極低艾草獨特的草藥味加上豆乳，令到這杯飲品非常特別，值得一試抹茶蘇打抹茶色澤和香氣一樣的濃，不愧是選用了日本頂級抹茶粉末。加上蘇打水，在夏天飲非常清爽解渴雙茶冰米粉製作pancake配以黑糖蜜、抹茶蜜以及培茶蜜，一次可以試曬三種口味第一次嘗試

下午茶時間3⃣ 3⃣0⃣今日係尖沙咀食下午茶，去到呢間食pancake既地方，同平時大家所食既最大分別係呢到除左甜pancake都有唔少咸pancake選擇，而且唔係外國成日會用既breakfast combo而係一啲日式食材，好似和牛漢堡同炸雞等等。第一樣黎到既係甜pancake叫做雙茶蜜，雙茶意思係焙茶同抺茶，個人認為抺茶味道比較突出，上面仲有黑糖槳試過唔同組合，三個醬一齊用既時候都係抺茶味較突出，黑糖槳提升甜度，大家可以根據個人起好去選擇落幾多同落咩醬。唐揚炸雞腿肉配pancake係我第一次既嘗試，炸雞好有肉汁，配搭檸檬汁都好開胃，咸既炸雞係食完之後食pancake都好搭，楓糖槳相對清甜，pancake蛋味都唔錯。另外叫左兩杯熱茶，沈默搖籃曲係菊花同洋甘菊等既混合花茶，加左薑，有舒緩咳嗽感冒等作用。員工服務態度良好，反應快亦主動提供各協助，熱茶都會加水再沖泡，想享受一個休閒下午黎呢到將會係一個唔錯既選擇。

今日去到尖沙咀想搵個恬靜啲既地方食個下午茶，最後黎到呢間蜜庵本膳食班戟。呢到做緊班戟同刨冰系列，其中班戟又有咸甜兩種，我地兩個人就試返一個甜一個咸啦。雙茶蜜，一個係焙茶醬，另一個係抺茶醬，仲有黑糖醬，手工班戟食落幾有口感，蛋味都幾重，重點係大家見到既三點cream，烘焙味幾濃郁，配合兩個茶既黑糖蜜食落好夾。咸食叫左唐揚炸雞，雞肉炸得好嫩滑，同時發現同班戟一齊食都好夾，檸檬可以提升胃口，楓糖都好清。叫左兩杯茶去送個餐，呢杯係午夜伯爵，飲到伯爵茶味加上薰衣草同薄荷令到個茶好涼快。沈默搖籃曲主要有菊花，洋金菊等等既花茶組合，中間加左薑，有驅寒作用。總結感覺呢到班戟都係即時製同埋有好多不同配搭，食落感覺好清新，又唔會太濃太甜太重味，員工態度同反應都唔差，係市區中一個幾好休息清靜既地方。

我同我個閨蜜都係甜品控 食完正餐之後 我哋決定去附近再戰甜品 今晚食呢間甜品幾有特色 唔係一般嘅普通糖水 而係日式和式甜食有六款米粉班戟選擇 餐廳選用嘅食材均由日本空運到港 即叫即做 需時10至15分鐘和Wa和$92日本產紅豆蓉 可選抹茶粉或焙茶粉 和沖繩黑蜜糖揀咗焙茶粉 因為比較少有少食 茶味更為香濃 有種炒製過嘅味道 幾特別今期食黑糖嘅潮流 亦都帶到甜品之中 黑糖珍珠奶茶就飲得多 黑糖漿pancake你又食過未 黏稠嘅黑糖漿 味道又甜又香 配pancake食一流日本嘅紅豆蓉起曬沙 味道唔會太甜 有陣陣嘅頭香 取代平時嘅牛油 轉做揸紅豆蓉 又幾得意喎pancake口感非常鬆軟 空氣感十足 軟綿綿 入口即刻化開另外叫咗個全素雪糕 冇奶冇蛋 用了豆乳配甘酒 等天然食材嘅自家製軟雪糕$38質地比起平時嘅雪糕紮實 唔容易溶呢個雪糕入面有好豐富嘅酵素 維他命b雜 同埋益生菌 其實是用米來發酵的乳酪 所以又叫美人雪糕 健康又好味 味道唔會太甜 好香嘅豆乳味道沉默搖籃曲 包括菊花 薑 洋甘菊 甘草 金盞花 有助保養眼睛舒緩咳嗽 喉嚨痛非常清香嘅一杯花茶 聞落去味道非常清香 飲完個喉嚨勁舒服 餐廳好

一個人食咩好 一人前丼飯係個唔錯嘅選擇有飯，有湯，有前菜 重要好食，又好睇晚市丼飯有三種選擇 分別係和王牛漢堡丼$158， 豚三味丼$128， 三文魚南蛮丼$88作為牛魔王嘅我 梗係揀 和王牛漢堡丼啦每款當飯都會附送湯物及漬物超級精美嘅造型 擺位經過悉心安排 就是喜歡日本菜的精緻第一個吸睛位係個雞蛋黃 又圓又大嘅蛋黃顏色鮮艷亮麗 好想拮穿佢呀中間係和王牛漢堡 又厚又圓嘅一塊肉 未食已經聞到香噴噴底層嘅飯加咗自家製嘅紅酒醬 所以飯粒都變成迷人嘅粉紅色 靚到唔捨得食吉穿過蛋黃嗰一刻 內心非常澎湃 金黃色嘅蛋漿一直往下流 色香味俱全 拌飯吃簡直一流粒粒珍珠米都黏有蛋漿 充滿蛋黃嘅香味 口感煙韌有飯香 漢堡嘅油脂都被米飯所吸收 帶有陣陣牛香味厚厚嘅漢堡非常有質感 外層煎至金黃香脆 中間肉汁豐富 牛味非常濃 有油脂香味 但係一啲都唔油膩附送麵豉湯一碗 熱騰騰嘅麵豉湯 味道唔太鹹 是我喜歡的口味入面放咗大量蔬菜 增添一份健康及清新感覺 配料包括紅蘿蔔 白蘿蔔 及牛蒡餐廳樓底好高 完全冇焗促感 加上柔和嘅色調 比到我一種好寧靜 好放鬆嘅感覺餐廳設有雪櫃擺放著一些日本時令嘅水果 仲有open kitc

蜜庵本膳，一間以甜品為主打的日本輕食餐廳，營造健康與休閒的日本料理店，午餐都有選擇，可以輕食，食材都比較高質。餐廳內木質枱凳，比人比較休閒的感覺。揀左十穀米，南瓜高野豆腐醬油煮，冲繩紅鹽燒三文魚季節野菜鍋餐湯，沙律，甜品系附送。三文魚好好味，健康首選，燒得火候岩岩好，晤鞋，口感不錯。沙律賣相不錯，和風沙律汁，好清新。南瓜好甜，高野豆腐醬油煮食落好有驚喜，豆腐會吸收左醬油汁，再溶入口中，好特別。面豉湯有蔬菜，口感豐富。

尖東有間日式甜品店，之前食過甜品，今天路過見到佢都有午餐，所以決定試下。午餐有套餐選擇，自選三道主菜的套餐是每位118蚊，我揀左十殼米，香菇菠菜，柚子風味燒雞，季節野菜鍋，另包餐湯和沙律同埋甜品，免加一。坐低都順便嘆杯野飲，養生茶，揀左一杯玫瑰之吻，是由黑茶，玫瑰，薄荷調配而成，可以寧神relax。賣相不俗，食材健康，品質高，釆用日本食材。野菜鍋，南瓜好甜好粉！金針菇好新鮮，醬油底，已經好入味，清清地,淡淡地，對身體好有益。香菇菠菜，配搭完美，補充好多維他命。甜品系胡麻雪糕，不是好甜，胡麻味濃郁

今日試左間日式料理，lunch set 係一飯一湯三自選主菜定食加甜品。•南瓜高野豆腐醬油煮豆腐口感好特別，係似海棉咁，唔係平時食開既滑豆腐，醬油味唔太出。•柚子風味燒雞雞皮好脆，肉好嫩滑，煎得好好，有少許柚子甜味，帶點清新又減少左雞既油膩，係整個餐入面最滿意最出色既！•甘筍味噌煮日本厚切煙肉煙肉好厚，肥肉較多，食落似煙鴨胸肉，可能我唔太喜歡食煙肉，所以覺得一般。•香蕉甘酒甘酒其實係無酒精成分，係由米釀製成既健康飲料，具有極高營養價值，依家日本女士都好流行飲，滋補養顔，店員話佢地係暫時香港唯一一間自己釀製甘酒既餐廳。味道唔錯，好香牛奶味，飮落似香蕉奶昔。•美人軟雪糕豆乳加上甘酒自家製既雪糕，味道淡淡的，豆味好突出，無左香蕉甘酒既奶香味，反而食得出米味。•京都焙茶咖啡軟雪榚 豆乳加上甘酒自家製既雪糕，味道比美人雪糕濃，咖啡同豆乳味好出，反而我食唔出焙茶既味道，兩款比較我個人較喜歡焙茶咖啡味。