蜜庵本膳 (已結業)

今日試左間日式料理，lunch set 係一飯一湯三自選主菜定食加甜品。•南瓜高野豆腐醬油煮豆腐口感好特別，係似海棉咁，唔係平時食開既滑豆腐，醬油味唔太出。•柚子風味燒雞雞皮好脆，肉好嫩滑，煎得好好，有少許柚子甜味，帶點清新又減少左雞既油膩，係整個餐入面最滿意最出色既！•甘筍味噌煮日本厚切煙肉煙肉好厚，肥肉較多，食落似煙鴨胸肉，可能我唔太喜歡食煙肉，所以覺得一般。•香蕉甘酒甘酒其實係無酒精成分，係由米釀製成既健康飲料，具有極高營養價值，依家日本女士都好流行飲，滋補養顔，店員話佢地係暫時香港唯一一間自己釀製甘酒既餐廳。味道唔錯，好香牛奶味，飮落似香蕉奶昔。•美人軟雪糕豆乳加上甘酒自家製既雪糕，味道淡淡的，豆味好突出，無左香蕉甘酒既奶香味，反而食得出米味。•京都焙茶咖啡軟雪榚 豆乳加上甘酒自家製既雪糕，味道比美人雪糕濃，咖啡同豆乳味好出，反而我食唔出焙茶既味道，兩款比較我個人較喜歡焙茶咖啡味。