蜜庵本膳 (已結業)

香港吹起一股日本pancake風潮，好多pancake店都相繼從日本進駐香港，好多網紅都一定要去呢啲班cake店影一啲漂亮嘅食物照片，同姊妹相聚又點可以少得呢啲打卡嘅元素，今日就同朋友嚟到呢間新開，在尖沙咀旺區赫德道嘅蜜庵本膳，慶祝姊妹生日！大家對pancake嘅刻板印象係甜點、蜜糖口味，但原來可以鹹甜兩食！呢款唐揚雞腿肉pancake就係用炸雞配pancake，pancake配上加拿大蜂蜜，真係好食！而雞肉都嫩口！夜晚又豈能無飯到肚，呢個和牛漢堡丼香軟牛未重，加上上面的溏心蛋，配合不錯！炸三文魚柳伴芝士波菜膿汁丼，omega3係女士恩物，cheese濃而不膩，而且有菜食，健康又低ca！生日點會無蛋糕，pancake配朱古力同橙係有驚喜！細心廚師整德好靚好有心。

聖誕日,就約了好友到high tea,今次我選擇的不是傳統英式的下午茶,而是最近很熱門的日式米粉班戟。尖沙咀赫德道店鋪本身樓底很高, 裝修比較溫馨，以木傢俬為主。店鋪中吊着七盞圓燈，悠悠的播著聖誕吉他音樂 。唐揚雞腿肉配他他醬米粉班戟。雞腿肉難得佢炸完之後都好肉質嫩滑。 米粉班戟有五個,大約有6cm直徑左右。 佢係好似一個海綿蛋糕好鬆軟,配上加拿大有機楓糖漿好好味。活力人蔘茶，烏龍茶加上人蔘粉末再加甘草。難得有點清香。繁忙都市中享受一杯熱茶，一樂也。甘草對胃唔舒服嘅人係特別好架。最近而家接受到成日出街食飯，飲翻甘草係好舒服啊。覺得不好的就是份量太少但味道爆分,令你想再encore回味。滿分為10分(1分最低，10分最高)食物：9環境：9衛生：8服務：7.5價錢: 7舒適度：8總分：8.5

女生最愛吃甜品,特別係聖誕佳節。要有一件甜品去慰勞自己的辛勞。今日和朋友去了人氣食府蜜庵本膳,點了一個"和"米粉班戟。最經典的日本產紅豆蓉和抹茶粉沖繩黑糖蜜。送上嚟好開心啊,因為色彩很豐富,好似一幅美麗嘅圖畫。有紅豆蓉,沖繩黑糖蜜同埋係有一粒栗子,仲有抹茶粉米粉班戟,還有另外有一個highlight係咖啡cream,我覺得最好食最夾的就是這個咖啡cream,忌廉的幼滑配上班戟的鬆軟,有入口即融的感覺。日本紀州南梅蘇打， 藍莓汁好酸, 原來喺入邊仲加埋蘋果醋, 飲之前一定要搞均佢啊。慢慢享受和朋友一齊的時光。聖誕節快樂。

雖然午餐已經食左一大個burger，至少9成飽。但經過見到呢度開左間pancake店，裝修走清新文青風，好似幾正，所以都入左去試😍我地叫左兩個pancakes同兩杯茶，打算慢慢坐、慢慢傾。想講啲pancakes啲賣相真係好靚！尤其是開心果士多啤梨pancakes真係冇得輸。佢地嘅pancakes係米粉班戟，一客有4-5塊，面積唔大但其實都好飽肚。空氣感唔重，反而食落似cakey口感，唔錯。開心果醬好多，味道清新，食完都唔會好滯。另外嘅朱古力香橙味就較似typical 甜品pancake嘅味，食落香甜，仲有一塊塊橙增加口感。PS 呢度真係坐得幾舒服，仲有一系列吧檯櫈，一個人黎食都唔怕😂

Came here for desserts after having lunch nearby and I was quite impressed by their very cute pancakes!🥞We order 2 pancakes to share. I preferred the one with pistachio & strawberries which had the perfect amount of sweetness yet managed to remain refreshing! The strawberries were very fresh and sweet as well.The one with orange & chocolate was nice too. I really liked the light cream on top of the pancakes, giving them an extra layer pf lightness and flavour.We also ordered some tea to go with

日式班戟店愈開愈多，其實各有特式，今次來到這間以米粉製為特色的餐廳一試。餐廳門面很大，很容易找到。店內也傳統日式裝飾，感覺舒服。我們先點個咖哩和牛班戟（$188）是店裡的招牌，班戟一共五片，是咸食。班戟是薄薄一片的，有別於像吃了一陣風的疏乎厘班戟。和牛挺大份的，夠拌五片班戟。咖哩味濃厚，拌上點點辣粉，偶然會吃到超微辣的味道。伴碟的薯片也可以吃哦！甜食方面，我們點了開心果士多啤梨Pancake($138)經過門口時發現士多啤梨是來自日本的，難怪這麼甜。旁邊應該還有山楂，也是非常醒胃。忌廉醬也是非常出色！朋友點了繁星之夜。味道可以。我點了山楂疏打，點的原因是餐牌寫著大量的好處為了健康決定一試。味道特別，是好喝的。不會很甜！推薦推薦！總結：咸甜各有特色，飲品種類多選擇。

一直覺得 k11是美食沙漠雖然有很多餐廳但有話題性的餐廳並不多 其實附近反而有很多很有特色的小店 其實只是一街之隔的Hart Avenue 找到這間蜜庵本膳 甜品店一類也有提供日式的丼飯雖然餐牌上沒有相片但店鋪牆身的班戟相片非常吸引店家標榜使用的優質食材是誠意之作雖然不是近期大熱的厚燒或鬆軟pancake基於賣相不錯還是放手一試 班戟有分鹹甜很肚餓的我點了招牌王和牛漢堡咖哩班戟朋友也點了一個甜班戟(開心果士多啤梨)好像是期間限定的說等了10分鐘左右先來的是咖哩和牛很豐富的畫面移開和牛 底下的班戟跟酒店早餐班戟好像有沒有試過 在班戟上淋上大堆蜜糖 然後蜜糖浸糊了班戟的表面心想肯定非常soaky 但班戟居然充滿彈性咖哩的辣搭上微甜的班戟意外地美味大概因為使用的是米粉?對甜的變得沒太大興趣但開心果醬香濃亦不太甜士多啤梨也是採用熊本出產的不喜歡死甜的很推薦這味道Starry starry night茶我覺得味道不太濃 正常的山楂蘇打也不會太甜跟甜班戟是good match途經可以一試喔

酒吧林立的尖沙咀赫慫道開咗一間好似無印Style 的日式Cafe.餐廳坐位唔係好多，但勝在坐得舒服。Pancake 用日本米整的米粉Pancake 有鹹有甜的可以選擇抹茶/焙茶粉，加上帶甜的紅豆蓉，黑糖蜜，恰到好處，完全的配合。芝士提子芝士醬濃濃的，加上香印提子及帶有紅酒味的汁味道濃郁。正!另外，午市定食飯可以選擇十殼米/白飯，豚肉煮得入味，又有餐湯，沙津同甜品。超級豐富！！！

大多用日本的食材的餐廳主打班㦸有咸 有甜 另有主食 但分午市及晚市由於時間關係 已過午市 所以選了甜點 及被期間限定吸引 試了芝士士多啤梨班戟 等了15分鐘 終於出場深深被濃厚芝士吸引了 日本的士多啤梨不是太甜 但大大粒的 在廚櫃看到應該是日本來的 班戟軟軟的 叫了一杯拿鐵☕️ 不是普通 加有甘酒的味道不錯 👍🏻剛看完有關甘酒有美肌功效的報導 今天就有得試 真是幸運👍🏻

甜品有心思創意，意想不到連飯類都甘出色豚三味丼 （ $128 ）日式健康定食，微熱既麵豉湯，入口輕盈；醃漬物青瓜，清新脆口。三款豚肉煮法，香腸好juicy，爆哂汁；腩肉麵豉醬油味；飯裹仲有勁入味勁軟稔既豚肉，整體黎講冇好激烈味道，淡而不寡，重口味既人士都會喜歡！朱古力香橙pancake ( $108）頂層有口感輕盈既cream，每塊pancake都有鮮香橙片間隔，pancake入口鬆軟得黎又吾會空氣感重，口感綿密，散發出微微既蛋香，香橙皮經蜜糖醃泡去走哂甘澀味道，pancake同香橙呢個組合又幾合襯。仲有朱古力伴碟，可可味味香濃，瀟上朱古力同香橙醬點綴。活力人參 （熱）$32泡1-2分鐘先飲，味道更出更香醇。聞落飲落人參味吾突出，茶味清幽，甘甜，養生，女生飲可以減輕m痛。

簡約風Pancake店食到日式家庭味早排經過尖沙咀就留意到呢間新店，同附近餐廳特別唔同，外面睇木材設計以為又係文青Cafe，其實佢真實身份係Pancake店仲有唔同定食呀沙律呀湯呀之類，唯獨就真係冇咖啡，飲品全部都係茶成個感覺其實係有啲似無印Cafe咁樣。🔸可可香橙米粉班戟 $108同成日食嘅日式梳乎厘Pancake唔同，佢地嘅Pancake係特別用米粉做，質感似一般日式Pancake/類似鹹Pancake咁，食落就乾身啲冇咁軟綿綿，蛋香味都重。橙味最特別係加咗啲橙皮添！我以為啲橙凈放咗係度裝飾，原來中間每一層都夾咗一塊，係一塊連橙皮醃過嘅橙片，食落已經冇晒橙皮嘅酸澀味，仲中和咗超濃郁嘅朱古力醬，整體感覺係好fresh，好似食咗成個橙咁一啲都唔膩。食到最後我知米粉做嘅有咩唔同啦，就係勁飽肚！平時食完好似冇食咁架嘛～🔹和王牛漢堡丼 $158定食我反而冇太大感覺，和牛漢堡唔算好食到和牛個種油香肉嫩反而個日本蛋黃醬油漬加分，甜甜地好似巨型溏心蛋黃咁，撈飯好好味～🔸遊樂無罪 $32有機可可豆、牛奶烏龍茶、甜葉菊。呢幾種混合埋有啲似麥茶，冇純烏龍茶咁濃幾易入口，仲有抗氧化、燒脂同放鬆心情嘅功效。

和王牛漢堡丼麵豉湯普普通通 漢堡扒好厚身 不過就唔多食得出係和牛 最加分既地方就係個蛋黃醬撈漢堡汁 完全唔膩 味道同塊漢堡好夾 而且仲有多可以撈埋落啲飯度 可可香橙味米粉班戟朱古力同橙味都幾夾 橙味既鮮中和返朱古力既膩 起初以為只係橙味就只係係醬汁或者伴碟上 原來連班戟入面都有橙既夾層雖然入面既橙係連皮 但因為係漬物(即係有醃製過)所以都唔突兀 米粉班戟冇美式既咁實淨 但又未去致梳乎厘班戟咁綿 好有蛋香 口感都唔錯建議兩個朋友仔可以share一個 少飽遊樂無罪--幾香烏龍茶味 可可豆同甜葉菊既味雖然偏淡 但配合得幾好 鍾意嗒茶既朋友可以一試繁星之夜--未飲已經聞致薄荷香 但飲落茶味略嫌不足 而其他配搭既味道有點複雜 唔係我杯茶～

近日就比我發現左尖沙咀呢一間日式餐廳，環境好舒服，食物都好健康。今次就揀咗午餐三品定食，有沙律，湯，三道自選菜式，仲有甜品。冷盤主菜揀咗香菇菠菜，加咗少少沙律醬同麻油撈過嘅香菇同菠菜好開胃。燒物方面就揀咗牛油燒糖心番薯，切左片嘅番薯燒完之後好甜，焦香再加埋牛油香，健康之餘仲好好食！鍋物方面就揀咗味噌豆乳煮雞，味增同豆乳嘅味道比例啱啱好，雞肉亦都好嫩滑，鍋入面嘅蔬菜索晒d汁，送飯一流。提起飯，其實呢度飯都可以選擇白米或者十穀米，我當然揀比較健康嘅後者啦。味噌亦都好有誠意，入面有大量牛蒡絲同埋紅蘿蔔絲，味道亦都唔會過鹹。最後仲有甜品咖啡雪糕，雪糕質地好軟滑，而且咖啡味夠濃亦都唔會太甜。最後仲加咗一杯飲品抹茶梳打，真係第一次將抹茶加落梳打水入邊，原來有汽嘅抹茶都幾特別。一個人除咗食快餐/茶餐廳之外，亦都有更加好味同健康嘅選擇。

Lunch 跟同事來到新開的日式餐廳蜜庵本膳開餐。以為平平無奇的餐廳, 原來有驚喜。餐廳裝潢簡約清新。Lunch時間, 餐廳都好多人食, 幾full, 所以我們被安排坐Bar枱。雖然是坐bar枱, 但椅的高度剛好,都坐得幾舒服。Lunch menu:我們各人揀了自選三主菜定食。包飯,冷盤主菜,燒或炸物,鍋物主菜,餐湯和沙律及甜品, 好豐富。十穀飯以為十穀飯會吃不慣和不好吃, 原來不是. 十穀飯有咬口, 飯粒軟硬適中。而且十穀飯較健康及高纖, 多吃有益。不過如果不喜歡十穀飯, 可以有白飯可選。冷盤主菜:蘆荀白味噌蘆荀清爽,配上白味噌, 有種鹹中帶甜的味道。燒物: 牛油燒溏心番薯溏心番薯清甜, 用牛油燒, 都幾香。主菜:甘荀味噌煮日本厚切煙肉煙肉厚切, 大塊, 都不少煙肉, 配上甘荀味噌來煮好入味。跟餐有麵豉湯和沙律菜。甜品:甘酒豆乳雪糕這個雪糕特別,無奶無蛋,健康美顏。雪糕豆味濃郁，口感香滑。跟餐可以半價追加茶,咖啡或蘇打。我要了烤紫米綠茶。烤紫米綠茶可以降低膽固醇和提高腦部記憶力。

與好友happy Friday lunch, 試試新開的蜜庵本膳。一室木製桌椅倍添和式小店感覺。午市定食餐牌各款食物放置在木盤上健康十穀飯有咬口雲丹豆腐頗滑，海膽味道較淡鹽燒鯖魚兩件，其中一件煎得恰到好處，另一件則比較乾。大根牛尾煮以小鍋上，牛根尾和蘿蔔也炆很好腍店員送來甘酒豆乳雪糕時，特意告訴我但雪糕是沒放奶和蛋的，吃多幾口也不怕胖。點了午市定食後，可以半價$16加購茶品。我點了這杯「沉默搖籃曲」，內含菊花、薑、洋金菊、甘草和有機金盞花，味微甘，更有明目之效。