蘇媽.蘇媽馬來西亞茶餐室

營業中

休息中

行完話新唔新，話舊唔舊的上海街，無乜斬獲，準備走人之際，朋友指出旁邊的蘇媽蘇媽平時需排長龍，今日行過平日4點幾完全無需排隊，雖然剛吃完午餐才行街，但好機會放在眼前，還是決定要一試！一入去就係古色古香的裝修風格，很多東西甚至不是我的年代，是更早期的東西，所有點大開眼界，在劇中才能看到古時的玩意，但由於都有客人，不方便拍照，只拍下少量我坐旁邊的照片，推薦大家親自去感受！由於我地都食左午餐，只好試下小食好了，因為為食狗唔係好食到辣，本想食魚仔醬撈啦啦(蜆)，見到辣椒圖案有點卻步但咖吔多士又怕太飽，正口upup唔知點揀之際，員工友善地告訴我們醬可另上，所以第一樣就揀左啦啦(蜆)！好食！個醬其實唔係好辣，可以接受，反而咸香咸香的，魚仔味道好濃，朋友很喜歡，我一般般，覺得太腥，要看看你對魚仔的喜愛程度，而個蜆，重點:無沙！無沙已經拿到一半分我真係好怕食到有沙，肉質飽滿，每一個殼都有肉，無肉都只係掉到旁邊，份量雖然唔多，但起碼係足夠的，不是一堆空殼，鮮味就一般，但以小食來說都好ok了。之後就係同馬來西亞菜無乜關係的燒雞翼，因為見圖好吸引，之後真係好開心有揀雞翼！佢真係外脆內軟，入面保持到肉質鮮嫩！而

今日尼到呢間位於上海街既蘇媽，環境有特色，同普通嘅餐廳好唔同。食物方面，叫左喇沙、咖央多土、炸香蕉同飲奶茶。喇沙味道唔同泰國既，佢係偏酸同辣，但好有味道。咖史多士冇牛油，同斑斕醬，唔會太甜，特色之選❤️而炸香蕉，佢係用春卷皮包住香蕉，再炸，仲會有雪糕🍦配搭，一凍一熱，好滿足🥰奶茶方面，feel到茶底濃郁，唔會好似普通奶茶咁甜，好好飲！所以我下次一定再過嚟食，有個叫做老鼠粉好想試，期待下次！

星期日下午茶時段唔洗等位，直入好方便。裝修設計懷舊好有特色，好有80年代風味。黎過幾次今次試唔同野食。一杯馬拉奶茶好夠奶香，茶葉香濃，另一杯薏米水清甜易健康。沙嗲串燒選擇雞，雞肉嫩滑有彈性，配埋有花生🥜粒既沙嗲醬好惹味。流心牛角包🥐香脆酥軟，入面榛子熱辣辣流心。白咖哩喇沙比原味喇沙更清甜，更有海鮮味又無咁辣，唔會太濃好易入口。榴連雪糕🍦好大碗，未食已經聞到好重榴連香味，邊邊有急凍榴連肉，涼爽！

蘇媽蘇媽 @ 旺角推介⭐️⭐️⭐️⭐️/5星滿分🤣🤣再食❤️肉骨茶(雞腳)$52雞腳都夠淋我發覺肉骨茶凍左去飲會苦d 要襯熱飲最好👍🏻檳城白咖喱麵$58好重椰香味 呢個正湯咖喱米通粉$58好奇試下米通粉 不過我覺得一般湯底都好重咖喱味 仲有跟薯仔但都係咖喱撈飯好食d

蘇媽.蘇媽馬來西亞茶餐室⛳️🌸人氣正宗馬來西亞菜🇲🇾🌸🌸大蝦油麵🌸🌸分店佈滿港九🌸════════════════════🔸檳城福建蝦麵（油麵）(̆̈$̆̈5̆̈8̆̈)̆̈🌟湯底最重要，不會過鹹而且濃骨湯味🌟 大蝦味甜肉厚🌟 油麵份量適中，吃一碗是會很飽🌟重點是配料多：豆卜、芽菜、通菜、豬腩肉、魚片、蛋蝦…🎈好抵食吖😆🎈.🔸 蜜糖燒雞翼(̆̈$̆̈4̆̈5̆̈/̆̈2̆̈)̆̈🌟外表少焦，但食落好香，沒有焦苦味🌟蜜糖塗得好多，上碟還有輕微蜜糖絲🍂價錢有少貴，認為$30兩隻是可接受.🎈餐應裝潢充滿地道懷舊特色，門外打卡一流🎈.🔸 海南鴛鴦燒麵包(̆̈$̆̈3̆̈8̆̈)̆̈🌟真！🌟係！🌟好！🌟脆！🌟塊牛油真係不得了🧈🤤🌟麵包雖然是黑黑的、但並不是燒焦，是少少帶甜的咖啡包🌟中間夾了咖央醬和厚厚的牛油🧈💬💬這次不用襯熱食😂放涼了也保持脆口👍🏻🔸 美綠恐龍(̆̈$̆̈3̆̈3̆̈)̆̈🌟奶味夠👍🏻🌟不會因為加了冰而變淡🍂不夠凍☹️似飲暖的美綠🍂價錢有點貴，我認為$21-$25會較合理

放工草子話想去馬來西亞旅行，咁就帶左佢去旺角蘇媽蘇媽食飯椰香咖央多士多士焗得脆卜卜又熱辣辣 勁多咖央醬 邪惡得來又超級好食😋沙嗲串燒 半打沙嗲醬有超濃郁嘅花生味 食落又幾惹味😬湯咖喱麵湯底有點似喇沙，豆卜薯仔入曬味。 不過唔食得辣真係要留意，我哋譚仔十小辣level 覺得呢個湯咖喱少少辣😂招牌砂鍋老鼠粉呢個無影到相，但味道卻就最一試難忘有好多魚乾蝦乾豬肉醉，加埋隻蛋一齊撈埋嚟食勁滑、勁惹味🤤美祿恐龍🦖超好飲！阿姐落美祿粉勁重手，夠曬濃味！🤤店舖裝修好花心思，食物價錢都算貼地，又高質，唔怪得成日都咁多人排隊

係旺角食馬來西亞野，蘇媽蘇媽絕對係我嘅首選！店面好大，環境好闊落，坐得好舒服裝修行復古懷舊風～喺香港已經好少可以搵到咁有傳統風味嘅餐廳了～價錢又親民，性價比超高！三層肉肉骨茶豬腩肥瘦適中，好香油香！肉肉仲好有咬口，唔會煮到好鞋！肉骨茶香味好濃郁～讚！另加左個白飯，好開胃！椰香咖央多士多士烘得脆卜卜，咖央醬塗得滿滿，唔會好孤寒～啖啖都有濃濃椰香！馬來西亞拉茶味道偏甜，奶味比較突出～整體都好香滑！讚！

一直偏愛馬來西亞🇲🇾的肉骨茶多過新加坡🇸🇬的。新加坡肉骨茶味道是重胡椒味，而馬來西亞肉加入了當歸、黨參、肉桂、杞子等藥材，充斥著濃郁的藥材味。百吉爹肉骨茶 大雜綿 $145肉骨和中藥熬製而成的湯，苦中帶甘，甘中有淡淡的甜味。大雜綿有滿滿的肉，棒棒骨的肉質嫩滑，豬肚煮得入味軟腍而不失嚼勁的口感。材料還有三層肉、豬手仔、豆卜、響鈴和油炸鬼，十分豐富，但我還是比較喜歡一字骨肉骨茶。另外一提，肉骨茶是可以無限添加，當天我喝了三碗😆😆特製辣椒🌶️板麵 $58板麵麵質煙韌，把銀魚仔，豬肉碎，豬油渣和特製的辣醬攪拌在一些吃下去很惹味。雖然有🥚蛋汁中和辣味，但對我來說還是有點辣🥵喜歡食辣的朋友，可以試試。海南鴛鴦燒麵包 $38即叫即製，多士🍞香脆可口，配上咖央醬和厚厚的鹹牛油🧈鹹甜鹹甜的感覺🤤似水榴槤 $45餐廳採用了榴槤果肉來調製，品嚐到香甜的榴槤味，非常滋味。

蘇媽蘇媽 semua semua （旺角店）📍：旺角上海街618號地下G01號舖🚗：旺角港鐵站A2出口 步行3分鐘📞：+852 2389-3829💲：~HKD150/head Food quality ✔️：馬來黑叉燒、咖喱酥👌🏼：棒棒骨肉骨茶、通菜魷魚、砂煲老鼠粉、椰香珈央多士、薄餅❌：荔枝冰總結：👍🏼人氣黃店 以黃店質素算好💛👍🏼環境好有馬來西亞feel 以為返去咗檳城度😆👍🏼性價比好高 人均百五就食到你飽飽👍🏼一定可以食到勁飽 因為肉骨茶係無限添飲 所以建議唔需要叫嘢飲 佢杯肉骨茶都唔係隨便hea 你包裝沖嘅茶🤣👍🏼肉骨茶藥材味偏重 我就飲開中藥湯 所以覺得有啲淡 但同行嘅朋友都覺得有啲濃 建議麻麻地藥湯嘅朋友唔好叫👍🏼大部份嘢食嘅份量都對得起價錢 而嗰叉燒同咖喱酥都好好食 令我留下深刻印象😋 👎🏼大部分質素正常 無話特別好食 但絕對對得住嗰價錢👎🏼佢大部份話招牌我食落都覺得正常 反而啲小食喜出望外🤪👎🏼唯一伏嘅係杯荔枝冰 連我鍾意甜嘅人都覺得得嗰甜字就知有幾伏🤮

老婆同外母 係荃灣食完話好正！強烈推介！！所以就去試下佢咩料子！！7點左右去到！都有d人排緊隊！拎左飛就去左格離個商場行住等！等左25分鐘左右就入到！！叫左個肉骨茶大雜燴！椰香咖央多士！馬來西亞拉茶！落完單就比左個肉骨茶飲住等野食！個茶好大陣黑蒜味！同印象中飲過架有唔同！好冇味就見仁見智！我覺得冇咩特別！p.s個肉骨茶係可以添e個我老婆覺得好開心！大雜燴 最失望係個豬肚 完全唔淋一字骨 ok淋又有d肉味 金姑 豆卜 響玲 油炸鬼都幾ok吸晒d汁食！三層肉冇咩突出 正常野 豬腳冇毛好乾淨 又夠淋幾好 雞腳 有斬埋d指甲 同夠淋 幾好 咖央多士 幾好味 小小甜中又帶椰香 多士夠熱同脆 good!!!馬來西亞拉茶 比較滑同茶味濃幾好！埋單207 價錢可以接受

平日8點幾去到等左3個字就入座，店舖面積都幾大，有兩層，環境都算舒適，唔會好逼。等緊位已經俾佢嘅燒麵包吸引住，門口帶位嘅姐姐話係飛機貨，唔知係咪指塊麵包。鴛鴦燒麵包入面有斑斕醬同牛油，加埋外脆既焦糖麵包，咬落去既口感真係好正！絕對為左佢返轉頭再食但斑斕冰來講就比較普通，冇乜特別。大雜會入面好足料，肉骨茶做底都幾濃味，不過食完真係會好口渴今次兩個人食唔到太多野，下次會再想試埋佢另一款咖央多士同埋麵食

🍞椰香咖央多士 $28第一次食甘正宗既咖央多，熱辣辣又多醬😋好邪惡好食😋😋❤️🦐🍜檳城福建蝦麵 $58無唸到佢個湯甘出色😲濃濃蝦味！！配菜有蛋、蝦、腩肉、芽菜，濃湯配上油麵好夾😋呢個cp值高🤩🐥🐷🐮🍢串燒 6串 $85 叫左牛、豬、雞各2串，串燒食食下都分唔出邊隻肉😂，佢個特別就係個沙爹醬度🤩🤩超香濃花生🥜醬味配上小小辣😋😋好難唔令我瘋狂點佢😍玻璃魷魚配通菜 $48我為左個魷魚而叫，通菜加左辣醬，微辣可以接受😌馬來西亞拉茶 $19 無咩特別，正常味道

蘇媽絕對係旺角CP值最高嘅平價之選呢度既肉骨茶只要一個價錢，就可以免費無限添飲，相當抵玩。我哋就揀咗豬腳做肉骨茶嘅配料。佢先將肉骨茶俾我哋飲然後豬腳係另上嘅。另外我哋叫咗個喇沙麵，味道相當地道，非常好食。但係香港人未必接受到呢一種辣，因為佢真係還原當地嘅辣到，未必適合香港人口味，建議同店員講小辣。榴槤似水亦都相當推薦大家叫嘅。我見到其他客人基本上每一台都有叫呢一杯嘢飲。佢味道就好似飲緊榴槤嘅水，名如其名，唔會話太稀，亦唔會話太濃，恰到好處。而且冇大陣榴槤味亦都唔會影響到唔鍾意榴槤味既人。

一直聽到好多好評 想試好耐 今次咁啱經開又冇人排隊 所以就試咗啦 個咖央多士真係好正！！！整得好香脆，個味道真係一流👍🏻👍🏻👍🏻真係暫時食過最好食既咖央多士 另外肉骨茶都唔錯 個湯好濃 我叫咗大雜燴 乜都有啲都幾好 個老鼠粉我就一般 覺得好似冇乜餸食咁🤣🤣🤣

係隔離睇完市集，順便過黎食蘇媽。朋友介紹，佢話食過好好食。因為叫左肉骨茶，所以每人送左一碗肉骨茶，店員話仲可以任斟。一飲落去，好濃香，好好飲。不過最後食到好飽，都冇添飲。砂煲老鼠粉，一送上黎仲出緊煙，最鐘意食熱辣辣既野，好有鑊氣，應該係炒完再上砂煲。老鼠粉好足料，啖啖都有唔同既野入口，口感豐富。棒棒骨肉骨茶，呢個肉骨茶味道同佢開頭送既唔同味道，呢個仲香，可能因為加埋肉味，所以更好飲。個骨都好滑，好易咬。椰香咖央多士，一送上枱，呀姐話呢個要趁熱食。所以我地都事不宜遲，即刻食舊先。真係好食，又脆同好香既咖央味，黎既朋友值得叫番碟黎試下。椰汁班蘭冰，我地抱住會中伏既心態叫，點知黎到又好飲wor。好香既班蘭味，不過甜左d，唔知有冇小甜簡，如果有既話，下次叫會試小甜。