蘇媽.蘇媽馬來西亞茶餐室

平日8點幾去到等左3個字就入座，店舖面積都幾大，有兩層，環境都算舒適，唔會好逼。

等緊位已經俾佢嘅燒麵包吸引住，門口帶位嘅姐姐話係飛機貨，唔知係咪指塊麵包。

海南鴛鴦燒麵包

鴛鴦燒麵包入面有斑斕醬同牛油，加埋外脆既焦糖麵包，咬落去既口感真係好正！絕對為左佢返轉頭再食
但斑斕冰來講就比較普通，冇乜特別。

大雜燴

大雜會入面好足料，肉骨茶做底都幾濃味，不過食完真係會好口渴

今次兩個人食唔到太多野，下次會再想試埋佢另一款咖央多士同埋麵食