蓮香居 (已結業)

為了一嘗舊式茶樓風味; 星期日專誠往蓮香, 心知蓮香樓實在超難揾位, 所以往上環的姊妹店蓮香居, 到達已是下午 2:00, 但還是全場爆滿, 要站在檯後等位, 大約等了 15 分鐘終於有位, 但要搭檯. 三人都要普洱, 茶博士問要茶壺或茶盅? 咁梗係要茶盅懷舊啦, 要一讚蓮香居的普洱, 在全程沒加添茶葉下都由頭到尾都咁茶味濃郁, 咩叫水滾茶靚, 咪就係咁囉 點心叫了: 叉燒腸 和 蝦腸 - 腸粉需不算太滑, 但有米香, 蝦不是坊間大路的啤水蝦, 需不大隻但爽口兼夾有蝦的鮮味 豬肚燒賣 - 足足有 5 塊豬肚, 豬肚夠厚身沒臊味, 好味道乾蒸牛肉 - 吃到陳皮/芫茜香和馬蹄粒, 夠水準蝦蛟 - 皮需有點厚, 但有蝦的甜和筍的爽咸水角 - 不夠熱, 普通魚肚扎 - 外貎和雞扎一樣, 但腐皮內裏沒有雞和火腿, 祗包着很多魚肚和點點肉, 正蠔油鴨掌 - 非常普通 再嚟多 2 碗叉燒瀨, 叉燒肥燶豐腴, 一口咬下滿嘴都是香滑油脂又香又軟完全不放膽固醇在眼內 可惜來得太晏, 我非常想食的雞球大包和糯米雞都向隅了 同場加映搭抬的大叔大嬸不停的想當年, 大叔是 50 後, 細說父親在黃大仙徙置區

見到openrice評分咁高，就同男朋友去試一試。o個度所有野都好舊式，正﹗不過o係依度一定要手快，一見到o的點心車就要行去拎，坐定定係無野食嫁，因為等到點心車行到黎d好野就俾人拎晒喇。個經理幾好人，差不多走o既時候仲問我要唔要紙袋拎走個包。不過可能太遲喇~由2點-4點食到佢地落場都無乜野食-.-馬拉糕: 無得頂﹗已經好多年(可能係十幾年)無食過咁好味o既馬拉糕^^煎糕: ok, o係車仔煎糕，十分有風味蝦餃: 好鮮味千層糕: 唔好食，好難食豬潤燒賣: 真係無咩地方有得食。賣相好差，不過超好食﹗連我男朋友唔鍾意食內臟都話依個好食蓮蓉包: 好味~不過唔覺佢好似其他人講得咁好整體黎講非常好﹗

本身想去蓮香樓, 但因為無得訂位關係, 轉咗去分店蓮香居, 論環境氣氛, 分店當然無得比, 但論服務我就覺得分店好好多, 可能人流較少o既關係啦…點都好, 晚飯始終差d 鑊氣, 只係飲茶點心較有風味, 試過就算龍躉 2 味 $188 ~碧綠炒球 ~ 魚大大件厚身, 魚味濃郁, 雖然用咗我唔鍾意食o既西芹去炒, 但都無覆蓋魚o既鮮味, 唯一缺點係魚有少少鞋身清蒸魚腩 ~ 魚好滑好鮮, 相比炒好味好多, 落咗少少果皮絲去蒸, 果皮好香兼更加帶出魚鮮味, 而豆卜就一般, 好似吸收唔到魚o既精華北菇鵝掌 ~ 鵝掌好大隻但不夠入味, 北菇淋但不夠入味, 而墊底o既白菜仔則炒得比較生白飯x2紅荳沙 ~ 激讚, 雖然係送o既, 但味道同甜度都恰到好處, 煲得好入味唔太甜, 豆唔硬, 果皮香, 仲好味過出面o既甜品鋪添3人共消費 : $280

公司同事生日, 高層話要去蓮香居, book左7:00, 一行16人浩浩蕩蕩到達, 多得店員安排, 一圍檯坐哂, 先哩個杏仁豬肺湯, 豬肺湯我好鐘意飲, 但就非常抗拒杏仁, 無辦法都要一試。杏仁味的確濃烈, 但豬肺又的確好味, 簡直又愛又恨, 半推半就下把宅喝完.再哩是要預早訂的金錢雞及八寶鴨- 金錢雞無得頂, 中間舊肥肉入口即溶, 仲快過和牛; 八寶鴨也很好吃, 鴨肉很腍, 不會好實同"un", 釀入去d料粒粒分明的, 不會一pet野咁;蝦多士- 很一般;蝦子柚皮- 諗住應該唔0岩自己食, 抱住一試心態, 點知食到唔停得口, 柚皮好腍, 完全唔似柚皮, 蝦子本是咸, 點解兩者會夾??鬼馬牛肉- 唔覺鬼馬, 淨係覺咸;蓮藕餅- 燙口、香口、爽口、 停不了口;醬燒骨- 又腍又入味; 雞蛋焗魚腸- 有蛋香, 同埋幾腥, 但我唔怕腥, 照吃可也;椒鹽排骨豆腐- 因為唔食豆腐, 所以無食, 而排骨則好乾;金銀蛋莧菜- 我又唔"好", 但同事話幾好食;當紅炸子雞- 見同事食蝦片多過食雞, 都係無謂唗左個胃; 荷葉飯- 色香味皆淡; 西米焗布甸- 正呀! 唔太"好"甜點的我, 也情不自禁哩

Finally tried this restaurant for a big-group gathering on a Sunday evening. Settings are very similar to the "old" one at Wellington Street at Central, but I'd say the food and services are considerably better. We ordered about 9 typical "family dishes", including "fried egg with silver egg", "eight treasures duck" - good portions and delicious, and no extra charge for a bottle of wine we brought in. Recommended for group or family gatherings, and I'd say a much better choice than stalls in

生日當日，CM和我請了假，沒很神秘的安排當日行程，與他輕鬆簡單的過一天已經很開心，更何況今年的生日禮物盡顯了他的心思和對我的了解。因事要到上環一趟，原本欲到曾記粿品，但中秋節的關係，只售月餅，沒粿品食，我已是第二次撲個空了> <，總想不起節日不應該來。下雨的關係，不欲走太遠，幸好對面便是蓮香居，我倆便順勢飲個早茶。我不太喜歡飲茶，因對我胃口的食物不多，但今次卻飲得異常滿足，一來難得與男友清清靜靜的飲茶，二來這家的食物不錯吧~鐵觀音很清香，CM和我名乎其實的猛飲茶，哈哈~點心車緩緩的推進，我倆便悠然的飲茶，與假日跟家人飲茶匆匆忙忙的感覺截然不同。山竹牛肉: CM每次飲茶的鐵膽，而終於讓他找到心中的冠軍，他認為這家的最嫩滑，又香又帶點油潤，極愛~魚片粥: 粥底夠綿，沒甚味精味，不過個人認為不夠的清甜。鮮蝦腸粉: 是日最差，蝦都算爽口，但腸粉皮厚得過份，又不滑且有點膩口。咸水角: 外皮不夠鳳城的脆，但內層的煙韌度很讚，餡料好美味，比鳳城的更勝一籌。芝麻糕: 原本有點飽的了，但聽見是生磨的芝麻糕，怎可能不試？看樣子已經相信不是開粉的，咬落去不會很硬，是偏軟的糕點，不會很甜，芝麻

沒有帶位沒有派飛等叫號碼考眼力瞄準將近離座之枱沒有點心紙沒有枱布或多餘的用具覇佔細小的双層古舊中式餐枱沒有因繁忙工作而黑面的伙記沒有不建談的點心阿姐沒有追點心未到的機會沒有遲遲未回的結帳部長沒有花巧無謂靠外觀取勝的點心沒有在現代新式酒樓的一切…只有最簡單不過半自助模式。伙記沒太忙自不然心情開朗,特意詢問食客对食物之意見點心阿姐不用双臂捧著點心來回廚房十多次,自不然輕鬆一点,特別為點心介紹一番結帳部長只在門口收銀處,食客慿點心咭自行在離開前結帳,食客自不然不用苦等。全酒樓的人也懷著輕鬆開朗心情, 食物質素亦一律合格有餘, 食客也開懷, 港式飲茶…本就應該是這樣!

We came here last year over the weekend or weekday night. This was the 1st time that we checked in during the weekday lunch time, busy business hours. Suprisingly, it was very easy to find seats, we shared the table with the other visitors or customers. It was of good services, spacious environment and friendly waiters around. The dim sums we ordered were okay, not super delicious we must say. It was the affiliate of the other Lin Heung of Central, this one was far easier to get the seats. Not b

睇完食評就去試嚇。可惜大失所望：1) "霸王鴨"竟變八寶鴨 - 濕淋淋，無味2) 部長推介"燘斑尾" - 點知唔夠熱不特止，所有材料好似豆腐啦、腐竹啦都無味 (唔知點樣收我哋$380)3) "梅子蒸排骨" - 梅子醬好得，但係D 排骨好似未解凍就放落去蒸，雪味重到你唔信4) "金錢雞" - 好似無燒過咁。雖然唔係好難食，但係無特別5) "叉燒併燻蹄" - OK啦6) "金銀蛋莧菜" - 一般7) "鬼馬牛肉" - 都係普通貨色8) 成晚最好食嘅，竟然係是晚特價($20) - "南乳燘藕片腩肉"。雖然份量係少D，但係腩肉好淋同入味。價錢唔算貴，但環境一般，仲嘈到講唔到嘢添！

蓮香樓我都去左好多次，第一次黎到上環尾／西環頭o既蓮香居~星期五晚, 六點幾未七點, 來這裡吃晚飯~一入到黎唔駛等位, 就拎左飛, 我同媽媽兩個人上二樓, 坐左o係一張四人檯~入到去驚見, 嘩, 我可能係最young的食客... hahaha.. 除左跟家人黎的小朋友之外... =p環境比蓮香樓闊落得多, 新的裝修, 還是懷舊~菜單和蓮香樓是一模一樣的, 不過伙記的服務態度, 真係好好多, 問你飲咩茶之後又會企o係你張檯附近等你點菜, 見我猶豫不決.. 就走埋黎同我搭訕, 同我講今日有個每日特價, 「子薑蒸魚雲」$20 ja~ 咁諗左好耐之後, 就叫左金銀蛋莧菜, 生炒牛仔骨 同埋是日特價子薑蒸魚雲~ 真係好擔心兩個人食唔食得晒, 眼闊肚唔闊呀~落單的時侯,其實發生了一件事.. 話說隔離檯七八個人, 我落單佢地岩岩食完, 佢地叫左個焗西米布甸, 勁香, 香味從佢地檯傳到我地檯~ 可惜我同媽媽兩個人, 又食唔到咁大碟, 於是就眼見隔離食我地都唔可以叫~ 香味又令到我地唾延三尺!! 我一心諗住食完飯就上黎寫我個食評~ 所以就膽粗粗問了侍應可唔可以再有人叫左焗西米布甸, 太少人無得食, 都可

是日去了上環辦一點事, 順道找這家疑似”老牌子”的酒樓試一次飲茶,環境比原本的那家寬敞一點但枱與枱的空間也是放得很密集, 四人枱真的只能座四個人而且枱面很細, 尤其對於這種可以搭枱形式的茶樓來說, 所以客人能座得耐過一粒鐘的不多,我們那天也盡量堅持了差不多兩個鍾有多,品嚐的點心如下:鮮蝦腸粉 – 味道未見突出, 蝦肉一般的爽, 如果有少許筍絲會更理想啦蒸排骨 – 賣相就麻麻不過味道唔錯喎, 醃料味道剛好獻汁又沒有一舊舊在面糯米雞 – 尺碼適中但內餡就不足, 只吃到1/4咸蛋黃同一些攪爛了的肉漿, 味道只有鹽/糖/醬油/雞粉做成的獻汁, 跟住就係糯米了,沒有冬菇/蝦米味, 所以食後感是”好飽肚”因為七成是糯米的關係,這個不是自己杯茶囉粉菓餃 – 自己經常都叫的一個點心, 無論是潮式/粵式都會叫來試一下,這裡的也是一般, 餡料主要是蝦肉, 反而青豆在粉菓內較少見喎雞飽仔 – 合格, 餡料/飽皮都OK好味, 飽皮又不太甜冰花蛋球 – 呢個真的”好渣呀” 一咬開首先見顏色出奇的”黃”,無理由話全是用蛋黃做的啩, “人做色素”機會大D囉, 內部的口感很濕同外皮的脆格格不入,同我們在長洲吃過的一間

今日打完波照例齊齊開餐，但今日只剩下四個飯友，有人未去過蓮香居食飯，最後決定去蓮香居，今次是我第二次來。 蓮香居跟蓮香樓的"蓮心風暴"官司早前平息後，巳繼續營業了一段時間，聽說蓮香居有部份員工是由蓮香樓調過來的，今日正好又來一個双城記式比拼。 這天人少了不能叫太多餸，之前蓮香的名菜已試過多次，隨便在菜牌上選了四款未吃過的小菜。鬼馬牛肉鬼馬牛肉是用切了片的油炸鬼，用薑葱起獲跟牛肉片同炒，油炸鬼明顯是翻炸過，入口太硬身而不夠脆口，幸好牛肉片都幾嫩口，整體算不過不失。北菇鹿脚筋這道菜只花數十元便有鹿腓腳筋食，除了北菇外還有唐生菜墊底，據中醫書所述鹿腳筋有食療效用，可補腎氣、舒筋絡，取其以形補形，既可補益腎精，又可使筋絡舒緩，去除筋肌疼痛，幾適合我們這種老波友，長期打波難免有些筋骨勞損，可惜 Mr.Helen 今次無到，唔係就最啱佢食啦！腐竹煑鯪魚球因為傳统粵菜都難免淋上鑊尾油及打茨，以求賣相較覩，這睞跟北菇鹿腳筋都有頗多茨汁，腐竹索飽了油太過油膩，不過處理鯪魚是蓮香的強項，鲮魚球有魚鮮味，只是魚肉稍為腍身了一點唔夠彈牙。金银蛋莧菜這是阿Van點的基本菜式，基本菜當然難不到專業的厨師，金銀

這晚吃飯要了三個煲仔，由於太肚餓所以吃了一半才影相 hehe紅燒魚頭煲 $50 :兩大個魚頭，炆得很入味，煲內還有燒肉、津白、香菇、豆腐等，足料了吧!南乳粗齋煲 $50 :整體不錯，美中不足是枝竹與粉絲較硬蜆芥薑蔥牛肉煲 $50 :味道 ok 但基乎試不到蜆芥味，牛肉亦似"那"過，但非常多牛肉茶也香濃，白飯另叫，綠豆沙是送的，普通馬拉糕則熱盪盪的，鬆軟甜香，認為比蓮香做的更出色三人埋單二百有找，算抵了

周末又係出街食飯嘅日子，母親提意黎哩度，就book咗五個位。六點半去到仲有唔少位,一早搵咗梁部長留咗隻百寶鴨，但就硬係留唔倒個冬瓜盅，可能要再之前一日book先留倒呱! 今次無叫D招牌菜，例如古法鴨腳包、金錢雞、古法焗魚腸、...................因為真係食咗好多次，叫吓其它，睇吓D真功夫先。百花釀蟹鉗: 蟹鉗無乜蟹肉，但外面包住嘅蝦膠就好鮮味，彈牙感就好一股。住意:最少叫兩隻蟹鉗，每隻28蚊酥炸軟殼蟹:炸得好薄好酥脆，炸粉漿一流，但係就唔太鐘意佢地用鹹蛋黃炒，咁樣好唔健康。仲有一樣野要彈，就係隻軟殼蟹唔夠鮮味紅酒腰豆牛尾煲:哩個係蓮香居嘅特別推介，感覺上個汁勁似紅豆豬手哥個嘅葡菜，有抄習之嫌疑。個汁有紅酒同埋腰豆味，又唔鹹，唔錯! 埋面仲有洋蔥同埋紅蘿蔔，全部材料都煲得好稔雲翠炒馬蹄:馬蹄嘅甜味可以係雲耳同埋D翠玉瓜到食得到，翠玉瓜&馬蹄夠爽脆清甜煲煲靓例湯:主要係用昆布同海帶瘦肉黎煲嘅靓例湯，五個人每人可以分倒兩碗。個湯幾有昆布同海帶味道，唔會過鹹蜜汁叉燒:舊伙記已經問定你要乜叉燒，咁就梗係簡半肥瘦個隻啦! 叉燒切得薄D就更好，甜甜嘅蜜汁好惹味粉絲什菜煲:一般粉絲什菜

今日我地有事要到上環，一於來試下「蓮香居」。我地都有點趕時間，好在唔洗等位! 座低無幾耐，我地竟急不及待點野食。呢度唔係用茶壺0既，而係每人一碗茶，感覺幾得意。我地先要左馬拉糕。一試之下，真係好好味，係細個果時食0既味道! 而家好少茶樓做得到!另外，雞扎都做得好出色!奶黃包同鵪鶉蛋燒賣都好味，不過奶黃包d 「涵」唔夠多。因為我地趕時間，所以只係急急食左呢幾樣就check bill。整體我地都好滿意! 下次一定會再來幫襯。