影片
更多
2010-10-13
21 瀏覽
公司同事生日, 高層話要去蓮香居, book左7:00, 一行16人浩浩蕩蕩到達, 多得店員安排, 一圍檯坐哂, 先哩個杏仁豬肺湯, 豬肺湯我好鐘意飲, 但就非常抗拒杏仁, 無辦法都要一試。杏仁味的確濃烈, 但豬肺又的確好味, 簡直又愛又恨, 半推半就下把宅喝完.再哩是要預早訂的金錢雞及八寶鴨- 金錢雞無得頂, 中間舊肥肉入口即溶, 仲快過和牛; 八寶鴨也很好吃, 鴨肉很腍, 不會好實同"un", 釀入去d料粒粒分明的, 不會一pet野咁;蝦多士- 很一般;蝦子柚皮- 諗住應該唔0岩自己食, 抱住一試心態, 點知食到唔停得口, 柚皮好腍, 完全唔似柚皮, 蝦子本是咸, 點解兩者會夾??鬼馬牛肉- 唔覺鬼馬, 淨係覺咸;蓮藕餅- 燙口、香口、爽口、 停不了口;醬燒骨- 又腍又入味; 雞蛋焗魚腸- 有蛋香, 同埋幾腥, 但我唔怕腥, 照吃可也;椒鹽排骨豆腐- 因為唔食豆腐, 所以無食, 而排骨則好乾;金銀蛋莧菜- 我又唔"好", 但同事話幾好食;當紅炸子雞- 見同事食蝦片多過食雞, 都係無謂唗左個胃; 荷葉飯- 色香味皆淡; 西米焗布甸- 正呀! 唔太"好"甜點的我, 也情不自禁哩
book左7:00, 一行16人浩浩蕩蕩到達, 多得店員安排, 一圍檯坐哂,
先哩個杏仁豬肺湯, 豬肺湯我好鐘意飲, 但就非常抗拒杏仁, 無辦法都要一試。杏仁味的確濃烈, 但豬肺又的確好味, 簡直又愛又恨, 半推半就下把宅喝完.
再哩是要預早訂的金錢雞及八寶鴨-
金錢雞無得頂, 中間舊肥肉入口即溶, 仲快過和牛;
八寶鴨也很好吃, 鴨肉很腍, 不會好實同"un", 釀入去d料粒粒分明的, 不會一pet野咁;
蝦多士- 很一般;
蝦子柚皮- 諗住應該唔0岩自己食, 抱住一試心態, 點知食到唔停得口, 柚皮好腍, 完全唔似柚皮, 蝦子本是咸, 點解兩者會夾??
鬼馬牛肉- 唔覺鬼馬, 淨係覺咸;
蓮藕餅- 燙口、香口、爽口、 停不了口;
醬燒骨- 又腍又入味;
雞蛋焗魚腸- 有蛋香, 同埋幾腥, 但我唔怕腥, 照吃可也;
椒鹽排骨豆腐- 因為唔食豆腐, 所以無食, 而排骨則好乾;
金銀蛋莧菜- 我又唔"好", 但同事話幾好食;
當紅炸子雞- 見同事食蝦片多過食雞, 都係無謂唗左個胃;
荷葉飯- 色香味皆淡;
西米焗布甸- 正呀! 唔太"好"甜點的我, 也情不自禁哩左兩碗;
壽包- 我也不"好", 但兩大籠給同事們清哂, 應該不錯吧。
佈局懷舊配新的裝潢, 感覺麻麻, 怎裝也裝不出古典來吧...
侍應倒是親切的很.
埋單千九, 十六位請兩位, 每人百二, 抵到爛!!
張貼