莆田 (荷里活廣場)

營業中

休息中

Chinese cuisine is amazing and diverse. Though most people only know Cantonese, there are actually eight very distinctive styles. Fuijan cuisine is one of them. This cuisine focuses more on the original  flavor of the ingredients. Taste is more stronger with a mix of spicy, sweet and sour. I guess the closest comparison to a well known example of Fuijan cuisine is Taiwan as most of it's population are Fuijan in origin.Boyfriend and I love Chinese food. So we decided to try out Putien. Originatin

莆田之前係佢開張嘅時候已經係試過一次。由一個福建人係新加坡開嘅，主打新鮮嘅海鮮同埋簡樸嘅農家菜。今晚同埋屋企人黎再次到訪，5個大人加2個BB，門口等既時候有熱薑茶俾客人試，超辣，大愛呀，而且BB一人又有一個造型吹氣扭扭氣球。興化米粉興化米粉原來係有當地農民純手工製作嘅，聽講好有來頭，已經被列入為非物質文化遺產。興化米粉嘅粉條好幼細，如髮絲般均勻，加埋d紫菜、花生同蝦，整體感覺融洽。極品椒鹽豬手豬手外皮呢好脆，而且入邊呢就好稔，一D都唔肥，，因為經過左長時間嘅烹調，所以豬手入邊嘅肥肉其實已經慢慢溶曬，剩番只係豐富嘅骨膠原，女仔食咗都唔怕肥呢。百秒黃花魚係老人家最欣賞嘅一道菜。新鮮嘅小黃花魚重量岩岩好，而且肉質鮮美滑嫩，保留着清新嘅原味。慢慢將魚係魚湯嗰度浸熟，所以細路仔都啱食。冰浸苦瓜個苦瓜真係考驗到大廚精湛嘅刀工。經過冰鎮左，師傅再將呢啲苦瓜慢慢切薄片，砌成一朵花咁，點埋蜜糖就可以食出到苦瓜嘅甜，清新！九轉小腸有個火熱住上既，整左好耐，所以腸完全稔曬，無渣既，一層又一層咁套著，貌似簡單，卻係難度菜呀！莆田扁肉湯$78扁肉湯其實就好似一個雲吞湯咁，肉質彈牙，湯清甜，BB都飲幾碗。莆田醉海

這間發跡於新加坡，並在東南亞各地也有分店的福建菜餐廳，是少數小弟認為有水準的連鎖形式食店....今天一家三口前來點了一份"二人原味套餐"，份量絕對是超過所想。吾認為就算有三至四人前來亦應夠吃....被安排坐於一個非常舒適的四人梳化卡座上。小友吃飽後竟差不多欲就地便睡，真識嘆....小弟就沒他那樣好氣，先各來一壼大紅袍及鐵觀音嘆一下。個人較愛味更濃更甘的前者，是明符其實的令口腔充滿著回甘....前菜的焦點乃在於那含酸的一撮紫菜上。這一道蝦苗拌頭水紫菜，初時還以為它是鹹的，但嚐過後卻發現是有略醋漬過味相當的酸，令人吃後精神登時為之一振。其酸咪咪之味道配合著蝦皮的鮮味也覺蠻相襯的。小友一向最愛紫菜的了，一口氣便將大半碟清掉....福建小食中著名的扁肉，和小弟從前吃過的燕肉餃可算是大同小異的東西，分別在於這扁肉是屬於超小的迷你版的餃子。皮是相當的夠煙韌甚見吸引。餡料雖只是最簡單的豬肉及蔥而已但卻嚐得出擁有著豐厚的肉鮮味來，而且整體感覺是十分的清淡(包括湯在內)，非常適合正抱著小恙的太太去食....若您問我今天最喜歡那一道菜呢....小弟的手指便毫不遲疑的點向這一味酥炸芋頭....切成丁方塊的芋

福建菜，香港並不多見。莆田，短短年半間，在香港連開五間店，雄心壯志，銳不可當﹗然而，在不斷擴充其飲食版圖之餘，食物水準又是否能夠繼保持呢？是夜，去了一趟鑽石山分店，略感失望﹗硬件不變，裝潢依舊清新明麗，客似雲來。餐廳於冬日，推出以黑白為主題的暖笠笠滋補健營食物。福建人重視家庭，莆田推出一系列「家宴」，由兩人餐至八人餐均有，梗有一款啱你吔﹗坐下安頓好後，店員送上一小碟繞富家鄉風味的菜脯，即醃製過的白蘿蔔乾。在閩南地區，稱白蘿蔔為「菜頭」，因此把醃蘿蔔乾稱為「菜脯」。莆田的菜脯，其色澤黃珀鮮豔，肉厚多汁且酥脆，味道香甜。吃一口，不禁想起老祖母當年親醃菜脯的老味道。莆田以清香味濃菊花茶奉客，友人素來不愛花茶，要了一杯鐵觀音38，連加一，索價𧼯四十大元，不平宜啊﹗幸而，店員會主動地添加熱水，回沖數回。晶瑩剔透的冰鎮苦瓜$48，每片幼長苦瓜都不厚過兩毫米，蘸上蜜糖來吃，入口爽脆，苦中帶甘甜，口感清新，特別醒胃！完全會推翻你對苦瓜既有的印象。九轉小腸$78連熱爐奉客，只是，熱度仍不夠也。九轉小腸是新鮮豬腸，以傳統九摺式滷製而成，入口極實香醇惹味，且爽口彈牙。只稍嫌小腸肥膏較多，有點肥膩。引頸以待的

上月從同事口中得知莆田這餐廳後，一直也深感興趣，原因是母親大人蠻喜歡這類型的菜式。今天放工終於有時間與我的母親大人去了鑽石山荷里活廣場的莆田，二人共聚晚餐。聽說莆田是新加坡非常有名的一個餐廳品牌，在港也有數間分店。這餐廳頗具人氣，雖然有逾百座位，但晚上七時許已經需要排隊。從餐牌看到食物價錢好像並不昂貴，可是部份菜式份量真的偏少，實則不怎麼划算。冰浸苦瓜: 作為晚餐的前菜，這美輪美奐的賣相確實令我相當讚賞，薄切苦瓜片放在冰粒上，還可配蜜糖進食，苦中帶甜。苦瓜清甜，用冰鎮的方法使其份外清涼，是不錯的前菜。可是苦瓜片切得太薄，令苦瓜味道未盡突出，因此美是美，唯有點美中不足。九轉小腸: 既為店家所說的必吃之選，我們也試著看吧。這九轉小腸就如店家所形容，滷製的豬腸味道香醇，頗有鹹香，而且質感爽口彈牙，可是份量太少，吃起來也不怎麼滿足。極品椒鹽豬手: 豬手剛炸起，非常香脆熱騰騰，豬皮極度脆身；其肉質卻極盡嫩滑，咬下去還能感受到那一絲絲油脂香在口中迴盪著，相當有層次。在味道方面，椒鹽的香味使其更加香口及惹味，很好吃。興化米粉: 這米粉才是一道較為飽肚的菜式，米粉較乾身及有咬勁，主要材料有豬肉、蝦、蜆

興化菜式在香港比較少有、隨了莆田我想不起還有其他嗎？曾經試過銅鑼灣分店、一試難忘。今日途經荷李活廣場見到有分店、於是乎入內享用午餐。冰鎮苦瓜這個菜式非常討好。晶瑩剔透的苦瓜、爽、甜、特別醒胃。醮少許蜜糖、苦中帶甘、苦瓜味更顯突出。九轉小腸附上熱爐、邊食邊熱、保持温度。小腸肥而不膩、有嚼口又不帶羶味、滋味。不過淺嚐即可。極品椒鹽豬手豬皮炸得比較硬身、有點過火喉。骨膠原滿瀉、多吃可美顏。百秒黄花魚原條黄花魚上枱勁有睇頭。肉質鮮嫩細滑、不過要小心嘴饞因比較多骨。興化米枌米粉炒得失敗、一球球、不夠鬆散。蝦隻還有厚的生粉漿著、是我最怕的。調味方面比較淡、幸好有辣媽醬、即刻人氣回升。食物隨了單點外、還有套餐多款選擇、梗有一款合心水的。

真的不知多久沒有好好跟家人吃飯了，因為早前加班的日子加到瘋！今晚終於可抽空和家人們來試家中附近的餐廳「莆田」。媽媽最喜歡的是冰浸苦瓜，每片苦瓜都不厚過兩毫米，沾滿蜜糖來吃，入口爽脆，且甜又甘，口感清新！完全會推翻你對苦瓜既有的印象。而弟弟就對黃金荷葉包讚不絕口，包子炸得香口，加上點點芝麻更是惹味。在包中加入肉絲及洋蔥，濃濃的調味令整個包子起了畫龍點睛的作用。至於我自己就對興化米粉最感興趣，粉條很幼很幼，口感不會糊掉。有著多重的配菜來炒，使米粉並不單調。還有秘密絕招，就是加上莆田的辣媽醬，酸酸辣辣的米粉更是昇華到另一層次，好味到一個點！而其他的褔建菜都不過不失，有水準，但就價錢不算親民。另外，我覺得餐廳的氣氛很好、很舒適，這是裝潢的功勞。還有一點，我在等枱的時間有薑茶提供，很貼心喔！九轉小腸；冰浸苦瓜。芥蘭豆皮；藥膳竹筒蝦。黃金荷葉包；椒鹽豬手。興化米粉；莆田荔枝肉。餐前小吃；辣媽醬。薑茶。（後記：下次我想試試莆田的特色六小碟下午茶，找天試試看！）店名：莆田 PUTIEN地址：鑽石山龍蟠街3號荷里活廣場2樓214舖＜香港有五間分店，除鑽石山外，還有銅鑼灣、屯門、荃灣、將軍澳。＞

見佢話米芝連推介，下午茶又$48+10%, 價錢ok 呀！食評都未睇，就衝左入去了。一看menu, 其實菜名全都好陌生。問了店員，佢地講完我都係唔知係乜。反正第一次來，就求其點了:小吃: 冰鎮苦瓜+滷水豆腐主食: 包菜飯苦瓜好薄，唔點蜂蜜其實都唔苦。好味，但好似好唔抵咁…得兩片咁大把!豆腐好食，似台灣菜的味，我覺得有啲豬油。中間個碟我以為係其中一款必有的小吃。食了兩啖………oh no! 做乜唔話我知呢碟係甜品，搞到我一開始就KO 左半碟!!!主菜個飯幾得意，濕濕的，似住家炒飯，有蝦米，所以好香。整體味道唔太濃，而且味道比坊間食店特別，而且免茶芥都有得飲好香的菊花茶㖭！that's all.......portion 真係好細，值唔值就見仁見智啦。但係$53 食到米芝連，仲想點!

中國菜五花八門，主打福建菜既莆田，近年響香港愈開愈多，原因無他，因為香港既精緻福建菜選擇唔多，貪新鮮既香港人，當然個個爭住去試，而我，都係其中一個新屎坑。今日五姐妹黎到，試盡佢既招牌菜。莆田扁肉湯，湯入面係一隻隻好細既菜肉餃子，我覺得幾好食，一啖一隻，食左兩碗。炸皮蛋，賣相好核突，味道都麻麻，黏成一pat，溏心部分都仲好味d，但如果係蛋白部分，你想像一下將皮蛋蛋白外層加層炸漿，炸完後味道真係唔太好。酥炸芋頭，呢個唔錯，外層甜甜的，脆脆的，入面係好粉既芋頭，正斗，五姐妹爭住食！興化炒米粉，我特別鍾意呢種幼身米粉，配合埋蜆肉、鮮蝦、菜絲，味道唔錯，而且勝在夠飽肚。雜菜腐皮湯，用火鍋暖住上枱，味道偏鹹，不過腐皮夠腍，索晒湯都幾好味，加番d分數。炸豬手，外層炸得好脆，咬落嗦嗦聲，好似食薯片咁，入面豬肉都好嫰滑，其實係唔錯既，不過始終豬手肥膩，食落有d漏，淺嘗一下就足夠。

今日係食TEA，佢個TEA SET最得別係，好似好西方GEI PRESENT，但中式食物咁佢一個SET好似9宮格咁，有9款食物，每款好精緻，即係好細...不過味道OK，佢有兩個SET揀，之後可以ON TOP加食物，3款3款咁加。有飯麵，有'跟'，有小食，有甜品。我覺得兩個人去，點一個9款加一個3款就夠喇，真係當去試品，如果諗住當一餐就唔好喇..食物係幾好食，個樣都好靚，但我唔鍾意佢SET晒9/3款食物，因為總會有一兩款冇咁岩口味...如果可以自己配就更好!另外一個唔好係佢TEA TIME就淨係OFFER TEA SET，冇其他野可以ORDER，所以如果TEA唔岩食，就會變左冇野食。但我覺得TEA都值得一試，夜晚,.,我都食過一次，食物8成同TEA一樣，但大份D，價錢倍增，性價比不高。最大問題係，當我問個WAITRESS拎MENU睇，佢竟然話下午茶時間廚房唔開呀!! 咁我有兩個問題好想問，(1. 咁我地TEA GEI野食係已經整定好晒GA?? 2. 我係想睇下個MENU，下次DINNER TIME黎都得GA，而家冇，你都應該比個MENU我，之後提我一聲而家冇丫) ，不過算啦.......

倒敍法之核心，告訴你結果之後才告訴你發展過程，扭橋至強，如電影<凶心人>等，令你久久不能忘懷。今次過黎鑽石山食，係之前係荃灣食完之後，覺得真係唔錯，再翻啅。和家人吃個簡單飯聚，又要好泊車，又要好坐，又要好食，個日荃灣店話我知，呢個地方，係唔錯的選擇。中秋的第二日追月晚上，第日要番工，加上之前請三日假，可以放九日去轉歐洲的日子，仲要食八點半，差唔多任坐。今次可以食啲上次食唔到嘅野。開頭就番吃呢個冰浸苦瓜，依舊甘甜涼快美味，我越來越喜歡不用蜜糖就隨口吃，全因其滋味無窮，"今天竟吃得出那睿智愈來愈記掛"，是我越成熟，還是味覺不同了呢。上次吃不到的有這個酥炸蟶乾，蟶子乾應該係三十年人第一次吃的東西，全因的好愛蟶子，不過，呢種食法太新奇，對我來說我喜歡又煙韌又juicy彈牙的蟶子，如果係屋企睇波送酒大概會適合一點。土荀凍，福建名菜，自土瓜灣的廈門珠記後就未試過的美味，不過我喜歡廈門珠記多一點，呢度相對冇咁野性，味道來得高貴大方。喜歡的還有這裡的莆田荔枝肉，荔枝味好強烈，而那些肉又不會太過肥美，還附上一些荔枝肉，吃得味道像是清一點，健康一點，有大中小你選擇，可以就人數來叫，絕對好方

莆田這間食店聽就聽得多了，但一直未找到機會試試。近日網上見佢開業15年兼送一些禮物，當然要去試試啦。因為知道它是長期排隊的食店，又擔心禮物派曬，所以我們6點半左右到達，但已有很多客人了，而且是限時的，一個半小時要交枱，如果打算三五知己傾計幾粒鐘，相信它不是一個好選擇呢。莆田扁肉湯 ($78)扁肉的口感好似魚皮餃，細細隻，易入口。每口都是滿滿的肉汁和湯，而湯底加入較多的醋，酸酸的，甚感開胃，另我一碗接一碗吃下。酥炒芋頭 ($88)這款是我最喜歡的菜式，外皮鋪滿焦糖醬汁，脆脆地，外甜內鹹很特別，芋頭味道很香，而且不覺油膩。興化炒米粉 ($78)特點在於米粉，莆田米粉很幼，炒過後保持爽口，與其它米粉有分別。而其它材料不算特別，菜、肉、蝦……，與主角米粉很配搭呢。蟹肉紫菜豆腐羹 ($88)紫菜健康有益，蟹肉味道突出，食完都不覺口渴，應該不是味精湯。雖然我們點了一個湯也點了這個羹，但材料有別，所以不覺重覆。凡是十月生日的食客都會有禮物，女友正好也是十用生日的，所以埋單時店員都送了莆田限定禮物給我們，入面有一包莆田米粉和一本精美記事本，很開心啊。

之前係銅鑼灣分店食過，今次同媽咪慶祝生日，所以第一次黎到鑽石山既分店。整體黎講，食物特別亦好食，但侍應生們既服務好混亂，令人失望，下次要食應該會去其他分店。蝦苗撈頭水紫菜 - 驟眼睇以為係髮菜XD，食落先知係貨真價實既紫菜。鹹鹹地配上蝦苗，好香好送飯。(小知識︰頭水紫菜係指一年裡面第一次收成既紫菜，營養價值高，份量少，好矜貴 <~~菜牌話既)冰鎮苦瓜 - 其實本人係唔食苦瓜既，但父母鍾意食，所以想俾佢地試下。苦瓜片好薄，一入口有青瓜既清新感，咬到第4下，甘味先慢慢浮出黎。雖然我唔食苦瓜，但我都食左幾片，因為可以點好香既蜜糖(水XD)，甘甘地都幾清熱氣XD九轉小腸 - 冇銅鑼灣店咁好味，不過都好爽，味道唔算好濃酥炒芋頭 - 芋頭外圍有或脆或硬既蜜糖包住，芋頭亦有粉有硬。粉既好好食，硬既就稍嫌乾左啲，但味道係好食既！興化米粉 - 米粉好幼好滑，配料都好惹味，只係有我唔食既芹菜啫...椒鹽豬手 - 叫左兩件，再二開四。上次係銅鑼灣食好食好多，究竟甚麼出了錯....?*叫左佢一開二，但上枱又冇開到，唯有叫啲好難叫到既侍應生幫我地拎入廚房再切開佢...農家擦粉 - 驚喜！配料有切成粒粒既

拍拖婚後也盡量抽時間與父母共聚。父母怕阻礙我們，常提議我們倆口子二人世界。但我知道他們也希望大家能多相處。所以，一有機會便一家人一同外出逛逛。今晚便一家人去看電影和吃晚飯。老一輩大多愛中菜，今晚特別一點，不選大路的粵菜選擇了福建菜莆田。在門外等候安排時，店方突然推出興化米粉給客人試試，味道不算太特別，但炒得乾身美味。門口亦擺放了薑茶予客人。試了一杯，很好喝！不會太甜，薑味突出卻不會太嗆喉，絕時是女士欣物！店員很快便安排座位給我們，店員大致上也很有禮貌，加上店內帶點中國風的舒適裝潢，整體感覺不錯。打開餐牌，食物種類種類頗多，而且很特別。大部份食物也附上清晰的圖片，設計貼心。下單時，店員也能清楚解釋每道菜的特色和味道如何，讚！因太多選擇，花了一點時間才能完成下單呢。終於有時間嚐嚐台面上的小碟。炸菜和滷水眉豆花生：炸菜不太特別，但味道是不錯的。滷水眉豆花生很好吃！滷水味突出，不會過咸。眉豆花生充滿了滷水味，不會煮得過腍，仍帶點脆口。真的很好吃！絕對值得付這茶芥錢。看到餐牌有多款特別飲品可選，因此也點了兩杯嚐嚐。冬瓜薏米水：有凍或熱。份量很多！薏米亦下得重手大方。味道不錯，不會太甜，解渴之選！

今日公眾假期，喺荷里活廣場睇完戲差不多六點，以免晏啲食飯時間多人等，不如早啲食晚飯。廣場無咩選擇，之前試過莆田都幾好，所以兩個人揀左呢間喇。環境裝修簡單，枱與枱之間頗近，所以都聽到隔離枱傾計。食物每枱有一小碟甜醬油花生眉豆，醬油濃帶甜，花生眉豆少少淋，夠入味。我地唔太餓，叫左蝦苗紫菜、酒糟雞(細)、扁肉湯(細)。蝦苗紫菜（$48）酸酸甜甜，好開胃。酒糟雞（$98）以沙鍋上，份量足有七、八件雞，有少量雲耳，伴以大量南乳味醬汁，非常咸。扁肉湯（$78）都係沙鍋上，大小不一嘅扁肉放上加有醋嘅雞湯，外形似魚皮餃，餡料有豬肉伴少量菜，味道清淡，都不錯。服務Serve我地嘅侍應無論樣貌、服務都好似未訓醒，唔知落單搞錯枱號定其他原因，每樣食物都將我地同隔離枱搞亂，問佢問題淨係O咀(經理即刻補位回答，反應快)，埋單亦要叫兩次先記得，希望有所改善。