莆田 (荷里活廣場)

營業中

休息中

閒時間中都有嚟呢度食吓飯，喜歡佢嘅餸菜精緻較少油。晚市時間唔使點等，即入座，侍應姐姐俾咗壼菊花茶，感覺好清新，而且菊花都好香。見佢地推介緊黃花魚，於是就點咗黃花魚燜飯(細)。黃花魚件鋪在飯上，魚肉好實，好鮮味，而飯亦滲入了魚香，加上蔥花，味道幾好。   食飯又點可以冇菜呢，於是點咗金湯莧菜苗(細)，菜苗加入上湯、皮蛋、蒜頭一齊煮，將平凡嘅菜苗煮得好鮮甜；而且皮蛋亦唔會碎濕濕咁，可以皮蛋黃and皮蛋皮一齊食，好正啊!   聽到鄰枱個個都點豬手，咁我又跟風點咗。豬手椒鹽炸到非常香脆，但是勁多油呀！！！鍾意香口嘢嘅人一定非常like，只是唔係好啱我啫。其實隻豬手好大隻，有成隻匙羹咁大，仲有呀，成隻豬手充滿骨膠原，啖啖骨膠原，而且味道都唔錯，簡直係大滿足，怪不得點這道菜係指定動作啦。不過唔知係咪有味精呢，返屋企好口渴，飲咗好多好多水都仍然好口渴呀!

莆田是一間來自新加坡的福建菜餐廳, 獲獎無數, 除了食物質素高之外, 服務亦很好, 亦會重視每一項細節, 例如會供應薑茶予排隊候座的客人, 店員亦會主動添水加菜, 態度有禮誠懇. 享譽全城,自有道理.奉上前菜及菊花茶, 菊花茶味濃而沁心.綜合蔬果汁 ($29)由鳳梨, 綜合蔬菜, 話梅調製而成, 鳳梨和話梅味突出, 味道酸甜, 容易入口之餘, 又可以吸收來自綠色蔬菜的營養.蝦苗拌頭水紫菜 ($52/ 例)紫菜每年可以採收多達12次, 頭水紫菜是指每年第一次採收的紫菜, 營養價值特別高, 而味道亦特別好.紫菜口感爽脆, 不會有黏口的感覺.加入香醋, 令味道酸酸甜甜, 令人有醒胃之感. 另加入蝦苗, 令味道鮮上加鮮.莆田燜豆腐 ($89/ 例)採用福建當地上等食材- “九月珠”黃豆, 以人手磨成豆漿, 再以傳統鹽滷點製而成用冬菇, 紅蘿蔔, 蝦仁等配料, 煮成鮮味的湯汁. 配以吸汁力強的豆腐同吃, 寧舍匹配. 豆腐豆味濃郁, 但味道帶點焦焦的, 個人不太喜歡.酥炒芋芯 ($88/ 例)有點像甜品的菜餚, 鹹中帶甜, 味道甚有驚喜. 採用當造的檳榔芋, 而且特別選取中心部份, 口感特別軟糯,

今晚book咗枱同屋企人食飯，因為中秋佳節關係，我地都一早知道8點15分要交枱，但一名部長名叫Emily，無笑容，黑口黑面，我地已經一早通知佢地可以上蛋糕，但係遲遲都無人理，之後問佢地，佢地就話攞緊，轉個頭有人要我地埋單，但講緊個蛋糕都未嚟，我地都照埋單先，因為我地都唔想影響之後嘅客人，但前前後後講緊已經20分鐘啦，個蛋糕終於嚟啦，但呢位部長Emily已經黑口黑面，重話我地左住佢，又唔早啲叫佢地安排，又話自己俾門口嘅客人鬧，重要切到我地個生日蛋糕爛晒咁，真係忍唔住要爆啦，服務性行業有呢啲咁嘅服務員，真係死得，一啲禮貌都無，重話做部長喎，super bad service👎🏻👎🏻👎🏻

睇完屍殺烈車 驚魂未定 哈哈。諗住去飲茶 全部勁多人。呢間唔洗排隊 所以先揀。冇咩期望。唔想諗食咩 叫個二人餐最好。$8茶位 菊花 幾清香。頭盤*凍苦瓜 堅係好甘苦～但我都食到苦既 所以覺得OK. 最好係夠凍 亦都夠凍。配埋蜂蜜食 新嘗試。蝦米紫菜 ～ 紫菜幾軟熟 幾香口 不過咸左少少。另外一款其實我食完都冇咩概念係乜 啫喱口感配好像沙茶醬既汁 普普通通 醬汁偏咸左少少。椒鹽豬手 ～ 炸得幾香口喎。唔乾 而且外脆內軟 又夠入味。👍🏻自家豆腐 ～ 呢個好味喎。豆腐香而且滑。藥膳醉蝦 ～ 麻麻地。只有酒味 唔好飲。但隻蝦幾新鮮。炒米粉 ～ 讚！米粉好幼但有咬口 炒得好乾身 好足料 有蛋 芹菜 小棠菜 旺菜 肉片 蝦 花生 炸蒜。配埋佢地自家製酸酸辣辣醬 真是yummy!

入去坐低, 開壺茶＄29（冇諗過要＄），菜蒲＄8, 門口set lunch＄65, 寫免茶免加一，再叫一碗豬手麵＄58,埋單加一，飲品又話無限添飲, 結果冇人理，冇下次，騙人！！

第一次黎食，因係係福建食過，一見到有土荀凍所以即刻叫黎試下，個醬汁好好味好有當地風味，但d蟲仔有好多黑色野 唔夠乾淨咁 ,但味道都唔錯啊 個麵幾好味 可值得一試個曼頭包住d肉食 男友就好中意 但我覺得肥膩左少少：) 我地仲叫左個鹽焗聖子 好細隻

莆田剛開張，不少電視的飲食節目，常介紹此店食品。故此，我一直都想試。今天跟Honey到來。侍應推介多款茶類，Honey選了菊花茶。菊花香濃，味甘，真材實質！飲到尾，更有甘澀。兩款點心：白糖糕和牡蠣春卷白糖糕和黃糖糕都無什味道，非常微甜。不知用什麼｢送口｣，有點｢寡口｣。是前菜？還是甜品？牡蠣春卷則不錯，即炸，不算油膩。但，找不到牡蠣的｢縱影｣。Honey點醬爆肉絲麵線。麵線是福建的主食，我在不少福建朋友家裡都吃過。但，當麵線上桌……湯是溫溫呑呑的！湯面一陣泡……彷彿未煮滾似的。而且，味道太淡！我選福建炒飯。這個炒飯就很好。炒得夠乾身，不油膩，米飯粒粉分明。材料也足，有蝦、蜆、鷄肉。炒很香口，夠鑊氣。冬瓜薏米水尚好，薏米夠稔。但，薏米水太淡。同樣有｢寡口｣之感。整體而言，食物有好也有可改善之處 。未算令人滿意。

環境吾錯，D位舒服，服務都好莆田扁肉湯味道微酸，開胃吾滯鐵板鹽焗蟶子👍🏼一上台別心急即食，要放十分鐘D蟶子至吸到鹽味，食落更鮮味椒鹽豬手👍🏼豬手先煮到夠軟滑再炸，外層好脆吾乾身，味道都好興化炒米粉👍🏼吾油吾乾身，米粉好幼，味道幾好😊加埋秘製醬汁開胃，米粉再彈牙D就100分莆田鍋邊糊👍🏼好中意佢個湯底夠鮮味，好多配料😋酥炒芋芯👍🏼推介外層微甜煙韌，內層鬆軟，芋頭香味濃😍九轉小腸睇食評落單，味道末如食評咁正，可能㕑房食品品質吾夠穩定🙁有D失望黃金紫薯泥😞被賣相呃咗，只有淡淡祡薯味，入口吾滑之餘，個黃金汁食吾到咩味，伏👎🏻伏👎🏻伏

< 黃金紫薯泥 $28 >每次食莆田都要食呢味紫薯甜品，我幾鍾意食薯仔蕃薯呢類野！專鍾意食埋啲肥野！呢個甜品無可置疑就係成舊都係紫薯，唔太甜，而果啲黃金就係南瓜汁，食落覺得好清新，甜而不膩！

嚟到荷里活廣場，呻無乜特別餐廳呻悶嘅同時，比門口嘅蟶子吸引到，無心插柳地黎咗呢間莆田。福建菜，唔知係咪正宗，但味道同食物對我嚟係特別嘅。吸引我地入去嘅鹽焗蟶子，果然不負眾望，好鮮甜，最鍾意食到少少鹽嘅咸味。 不過可能係seasonal 菜，下次未必有。椒鹽豬手係我平時少食嘅菜，怕佢太肥同油膩。呢度炸得唔錯，不過對我黎講食半件都滯。其他嘅都好令人回味，例如湯浸莧菜嘅咸蛋湯，炸冰凍榴連嘅榴連香同興化米粉。Btw 佢啲餐具同menu 都好靚。

雖然是星期六但因為去到已經是 9時所以也沒需要等位……一進去還未放餐單就問開什麼茶 有鐵觀音云云……我覺得奇怪這樣問是要收錢還是什麼的……見我們遲疑才拿出茶單出來並說如果不點就上免費的菊花茶，其實它的茶也不貴，大概才3x多元，但這種推介手法就感覺是陷阱了，也不知是個別員工還是餐廳政策，上了免費的菊花茶，才開始欣賞漂亮餐具，未食經已眼前一亮，不過菊花茶味道帶苦卻沒香味了中間那碟是菜莆嗎?很咸九轉小腸，坐熱上(底下是酒精火)，份量感覺不多但其實很膩!一進口時是很驚喜的，比想像好吃多了，但再多吃幾口就膩了，建議多人分享!! 奶白色的飲品是紅毛榴槤汁，味道跟榴槤沒有關係，在香港很少見，味道有點像紅毛丹，酸酸甜甜很不錯!!!!!綠色的是曲氏健康果汁，也是有紅毛榴槤，不過味道完全不同，我個人推介紅毛榴槤汁~忘了菜名~這個很嫩，但並不清而無味，相反有種鮮味，加上一些家常藥材如杞子，我個人感想最好吃是這道，當天喉嚨有少少不適，大概是太乾了，吃了居然有潤喉的感覺!!!這其實是藥膳吧?!米粉很好吃!!!!配料很多，不過配料並不出色，米粉乾身彈牙~比台灣的新竹米粉更好!!!本來在想炒米粉家裏也會炒，這個是莆

食完先知呢間平民野原來咁出名 早前係某apps睇到呢間野既介紹，我朋友仔話呢間係星加波既餐廳。之後發現原來係來自星加波既福建菜餐廳！佢另一間分店仲有米芝蓮推薦ti m 冇啦啦食左好野 因為我地4個人都冇食lunch 好肚餓, 所以都叫最多野食既tea, tea呢到有2個choice 1)$48 - 2個送2)$68 - 6個送差$20, 當然係食$68啦 !!!  memu 有8樣野選擇, 咁我地咁多個人,咩都可以試到~ 跟住再跟炒飯, 炒米粉, 湯粉...etc講返野食，睇到上面推咁有睇頭既小菜, 就咁睇都已經加唒分 一小碟一小碟既擺法好吸引! 雖然每樣野都唔會好多, 但勝在樣樣都有得試下 好食物啦...只係講d比較special 既冰鎮苦瓜 : 好特別, 佢會跟一小碟蜂蜜, 苦中一點甜杞子白米糕 : 我覺得感覺好似白糖糕咁, 冇咩味水晶豬蹄凍: 份量算最多既一碟, 味道唔錯, 不過有點易散, 好難夾蝦苗水紫菜 : 小小酸酸地, 好開胃, 好味 ! 莆田糯米丸 : 感覺似雷沙湯丸, 好味 ! 最最最值得推介: 炒米粉, 米粉係好幼身既...入口即溶咁, 好香口,好好味 !

見到門口大大個SET LUNCH, 入到店點餐先知是假日沒供應, 咁就唔好大大個放係門口騙人啦。只好散點了幾樣食物點好個奇怪姐姐不停要我地ORDER茶, 我問有無水仙因我要喝GREEN TEA, 仲死要迫我地要鐵觀, 我地話唔要即時語氣勁差有醋酸酸的很開胃, 每次來都點上。而細細隻私肉包了豬肉餡, 但肥肉較多, 個皮就好QQ的。個麵糊曬曬勁難食, 我只食了丸。個飽加了蕃薯,口感好濕潤同比較實的,有D古早味。個飲品仲有好多碎冰,不過夏天飲果汁都OK架把其他人的單同食物上錯, 共2次!!!!服務很混亂而且OVERALL食物水準退步了很多, 得個湯係OK

每隔兩個月就會去一次的餐廳，卻發現越來越不濟，環境服務味道跌watt不在話下，仲呃秤先最激氣。首先，一個月前book定 10 位，睇住佢mark我地資料上去時都未有人book同一日，但嚟到佢只俾出面嘅枱，而唔肯俾間房我地，而間房其實係成晚都冇人㗎喎。坐喺出面環境嘈吵，天花板又滴水。差！再嚟服務，哩間分店不嬲唔係好夠人手，但之前都ok, 今日卻勁想將我地未食完嘅嘢收走，好似豬手凍成碟都只係十零廿粒，但食剩四五粒時佢不停想收，好彩2次都眼明手快阻止到，但搞到我地好狼狽，好似要同佢鬥快，狂塞嘢入口度咁，食得一啲都唔Enjoy! 差！講番食物，一個月前食過鹽焗蟶子，咸香鮮甜，令人回味；今日食的肉質新鮮卻毫無味道。另一邊廂，豆腐煲同百秒黃花魚卻咸到要自己加水。差！輪到價錢，最最激氣。一隻八個人都分唔勻的蟹，蟹蚶剝殼後蟹肉只得一半，事前唔講幾重，埋單先話計33両。你話我地第一次食蟹就話啫，喺哩間餐廳都食過3、4次蟹啦，細蟹4百零蚊，大蟹都不過600蚊，今次俾佢足足收咗800蚊，離晒大譜！差！怒！乜嘢差都可以忍，呃秤就最最難忍。生日流流費事同你嘈，用我地自己對腳去投票，哩間餐廳唔會再嚟！

經過見到唔駛等位, 走入去食個early dinner唔駛同人迫.店內空間感真係零, 密麻麻仲有好多加檯 (摺檯), 人手有點不足, 坐下後15分鐘都無人開茶.坐下已經有2小碟小食, 鹵花生及菜莆. 味道一般.九轉小腸 – 連埋CANDLE一齊上的前菜, 長期保溫, 唔怕凍左唔好食.真正的手工菜, 應該係把幾條小腸再卷成的, 鹵水味不會咸, 都幾入味, 有少少彈牙, 一口氣可以連續食幾粒.冰浸苦瓜 – 把苦瓜削成薄片, 再放在碎冰上, 苦瓜薄片自動彎成弧形, 再放成”花”的樣子.賣相好得, 口感十分冰涼清爽, 食落仲有苦味, 所以上菜時另外有一碟蜜糖, 蜜糖十分清香, 苦瓜薄片沾上後可以完全遮蓋了苦味.芋酥鴨 – 約一隻手掌大的SIZE切成8件. 外皮炸得十分鬆脆, 內包了香芋及鴨肉, 份量各一半, 香口又沒有鴨”騷味”, 十分好味!黃金荷葉包 – 其實是炸饅頭配洋蔥炒肉絲, 炸饅頭十分多油, 已經扣分. 洋蔥炒肉絲味道是夠的, 不過汁有點過稀.