莆田 (形點 I)

營業中

休息中

閒日夜晚嚟到已經好多人 門口仲有薑茶小食等等 畀你邊等位邊食 十分有心思 場內裝修佈置用咗好多木 同埋黃色嘅燈光 好溫馨嘅感覺 而且都係行高級路線 有別於一般中菜館 百秒黃花魚係呢間餐廳嘅招牌菜 網上嘅人推薦嚟呢間餐廳一定要叫 魚肉以上湯浸嘅形式去煮 湯汁香甜鮮味 而且有微微嘅酒香 魚肉嫩滑肥美 清淡得黎唔會單調 好食興化炒米粉 係福建人家傳戶曉嘅一道菜 米粉比一般餐廳食到嘅較幼 而且炒得乾身一啲都唔油 加上有冬菇 肉絲 蛋絲 蝦米等嘅配料 非常惹味 椒鹽豬手 豬手炸到卜卜脆 外面層皮骨膠原好重 而且一啲都油 膠質張住個口 入面啲肉好嫩滑 而且勁冧 老人家細路都啱食福建特色海蠣煎 感覺有啲似潮州蠔餅 不過比較冧身 蠔仔隻隻厚肉飽滿 鮮味十足 特別之處係蛋香好重 成個配搭香口得嚟又惹味

我定期都會同男朋友去食莆田，因為佢每季都會有唔同嘅新菜式比到新鮮感我，而今季莆田就主推食海蠣，我就簡左九層塔香燜海蠣以及頭水紫菜海蠣煎蛋。海蠣外層被粉漿包著，油炸後再加九層塔燜，造成外層嘅煙韌口感，而入面嘅海蠣每一隻都飽滿肥美頭水紫菜海蠣煎蛋食落有D似台灣嘅蚵仔煎，係用左海蠣加入木薯粉再加埋蛋漿去煎，口感鮮嫩又鮮甜，食起來好juicy，而漿份比例調配亦都岩岩好，唔會太厚粉或者太過稀。百秒黃花魚係黎莆田都指定菜式黎，因為黃花魚肉嫩鮮甜，骨少肉多，好鮮味超幼身嘅興化炒米粉乾身唔油膩，都係每次黎嘅必點菜

晏晝同姊妺係Yoho睇戲，跟住食晩飯。想試呢間莆田好耐，知道Yoho開咗分店，咁就入去食啦。門口個呀姐勁好笑容講咗句嘢打招呼，我估應該係福建話掛。入到去座位算濶幾好坐。點咗個海蠣二食，呢間都幾多煮法，揀咗比較香口嘅酥炸椒鹽同煎。酥炸蠔仔，放入口勁香勁好味，一啲腥味都冇，連怕腥嘅好友都話好好味。跟住再嗰碟類似煎蠔餅，煎得乾身又冇乜食炸漿嘅感覺，配埋裡面蔥花勁香口。突然個呀姐走過黎叫我地點埋自家秘製甜酸辣媽醬。好…又點黎試吓…好似泰式辣醬加啲啲xo醬香味咁，幾得意。百秒黃花魚…睇餐牌話蒸100秒，我諗應該好滑。黎到個賣相一般但堅滑好鍾意食幼嘅米粉所以覺得正，而且炒得乾身唔會油，配料又多又好味，真係要比好高分。壓軸有酥炒芋芯。同以前食潮州反芋沙差不多，但就冇咁甜。啲芋頭亦好粉夠焾，好快咁一人一舊成碟食晒。整體食物質素幾好，環境舒適，啲呀姐服務態度勁nice!

元朗近年發展得非常快，大大個yoho mall,今次係附近做野就睇下入面有咩好食，見到貴為米芝蓮餐廳既莆田就一於試下啦。餐廳門口非常大，而且仲有個小位置有廚師準備食物，台型十足，入面非常闊落，坐得好舒服。餐廳近排做緊推廣，$188就有兩個海蠣菜式，非常抵食。另外，餐廳仲有唔少招牌菜，我地叫左褔建特式海蠣煎，九層塔香炆海蠣，酥炒芋芯，百秘黃花魚，興化炒米粉。海蠣煎，有咁上下份量，而且煎得非常香口，海蠣好有鮮味。九層塔炆海蠣，九層塔既香味，每到成道菜非常香，而且新鮮既海蠣，用瓦煲慢慢炆，非常惹味，拎報餸飯一流。酥炒芋芯，呢道菜係我今晚最鐘意既菜式，芋頭食材靚，有一陣清甜味道，外表用左蜜糖再酥炒，又香又少少甜，外脆內軟，好好食。百秒黃花魚，黃花魚非常鮮甜，而家火候岩岩好，魚肉嫩滑，唯一少少瑕疵就係比較多骨。興化炒米粉，米粉係一種非常幼，類似粉絲既米粉，材料非常豐富，又蝦，又冬菇，又肉，鐘意食辣既朋友，一定要試埋佢地既辣醬，配個米炒，好食到停唔到口。總結，餐廳食第非常有水準，而家價錢唔貴，下次再食可以試埋餐廳既套餐。

呢間米之蓮一星福建菜莆田，喺香港都開咗幾年，同家人都食過幾次，每次都有新搞作，作為一間食店食材同味道當然重要，但保持新鮮感推陳出新都好重要今次同朋友嚟食！今期主打食材係牡蠣今次叫咗份二人餐加幾個牡蠣菜式呢個100秒黃花，廚師講係煮100秒即成！見枱枱嘅黃花魚大小相約，可能因為要100秒煮好所以大細要差不多，果然食落好嫩滑，魚嘅鮮味突出興化米粉米粉比新竹米粉更幼細，咬口比新竹米粉彈牙酥炸牡蠣炸出來比較乾身唔係好油，但個人認為這種做法比較適合再大隻啲嘅蠔牡蠣煎蛋超多牡蠣喺面，就算凍咗都唔會一陣腥非常推介嚟試當季菜式環境坐得舒舒，店員都好有禮貌招呼，我同朋友都食得好開心

由小到大好少接觸福建菜🤭甚至乎無食過今日lunch朋友仔帶左小妹試下新派福建菜🥢江口家鄉海蠣湯🥣每隻海蠣肚身飽滿🐚脹卜卜令到個湯飲落非常鮮甜😌而且加左蕃茄同薑癖味😄所以都唔腥九層塔香燜海蠣🐚海蠣炸過再燜👩🏻‍🍳吸收晒九層塔嘅味道無法抗拒嘅味道😝配白飯一流興化米粉🍲比起台灣食嘅新竹米粉更幼細☺️平時係屋企炒米粉都會一pat pat😅呢到炒得乾身之餘😉以為無咩式會味道淡😙都幾入味仲要幾多配菜😜有花生、蝦、蜆等等...酥炒芋芯🍠做法同潮州菜嘅反砂芋差唔多😃外層有層焦糖薄脆包住芋頭😍脆卜卜咬到芋頭就粉嫩無比😜好正雖然係鹹點😋但呢個當甜品食都唔錯

前两週，和親友在尖沙咀美麗華的「莆田」食過一次。和屯門的親戚說起故鄉的味道，大家都說要再試一次。擇日不如撞日，大家說走就走。這次來了元朗YOHO TOWN的「莆田」。由我這識途老馬點菜。百秒黄花魚，當然要點。又嫩又滑，好！蠔餅煎比美麗華分店用更多蕃薯粉，更Q Q！更接近鄉下的味道。蠔仔湯亦係上次食過，覺得好要推介的。九轉小腸食了两次，還是不知是甚麼做的，就是很彈牙！芋芯就是小時候吃的炸芋。先把芋蒸了，切塊，占上糖，煎香。好懷念的味道。

今日屯門因為交通意外大塞車，出得九龍食飯太晏了，唯有再來yoho mall, 之前食過尖沙咀分店唔錯，又諗唔到食乜，咁就試吓呢間分店。一到門口要等位，假期周圍都多人，唯有等啦！等嘅時候發現門口有新款食物，啱晒喜歡新事物嘅我。扁肉湯~呢個名未聽過，看看宣傳單張，原來是福建菜，好像是雲吞湯，有些葱花、紫菜，個湯少許酸酸咸咸有啲紫菜味廷開胃，再食粒雲味道廷特別，再看看宣傳單張，原來皮都係肉。九豬腸黃花魚炒米粉

老公係福建人，所以間中都有去莆田食飯。雖然食材好相似，但烹調方法同奶奶煮既好吾同。蠔仔係福建人好鍾意食，可能佢地近海，奶奶通常整蠔仔餅，出去食當然係叫D新口味。👉 九層塔香燜海蠣九層塔係東南亞常用既香料，我自己好鍾意食，蠔仔炸過再用九層塔去燜，燜得好乾身。👉 酥炸椒鹽海蠣呢味炸得好香脆，送啤酒一流。可惜老公揸車吾飲得酒。門口有薑茶可供飲用，薑味好濃，飲到有微糖味，飲完成身暖晒。行過吾幫襯都可以飲杯。

呢間福建菜呢幾年來其實食過幾次，次次都會有啲新款式新驚喜，季節性食材保持新鮮感，而且標磅食材新鮮無味精，而今期做緊牡蠣菜式Yoho Mall分店感覺好高級，座位舒適唔逼迫今次四個人叫咗份二人餐加今期做緊嘅牡蠣菜式，呢個米粉幼得似銀絲米粉，但口感煙韌，味道清淡牡蠣煎蛋蠔仔差不多蓋過蛋，口感非常豐富酥炸芋頭外面脆脆甜甜，忍不住食完一粒又一粒九層塔燴牡蠣鹽酥牡蠣味道獨特，唔會腥呢個黃花魚不能錯過，超嫩滑，原本師父用100秒煮成，唔怪得咗鮮嫩想搵個地方舒舒服服食一餐，呢度係唔錯嘅選擇

一直都想來會一會莆田呢間新加坡米芝蓮一星餐廳，咁岩最近莆田做緊海蠣節，$188兩款海蠣菜式，於是帶友人來品嚐一下。-九層塔香燜海蠣海蠣輕輕炸過, 再與九層塔、蒜子等乾燜。上枱時打開煲蓋時, 發出微微吱吱聲，香氣撲鼻。海蠣入口Q彈😻，與九層塔味道配合得宜，保持海蠣的鮮味香口。-酥炸椒鹽海蠣海蠣外皮炸至金黃酥脆 ，粒粒海蠣分明，一啖一口，咸香惹味，齒頰留香😋。 -興化米粉米粉十分之幼滑，有著濃濃米香,放入口中唔洗點咀嚼都食到，口感獨特🤩。而且用料亦豐富, 有蜆、蝦、菜等等，加埋枱上莆田辣媽醬, 酸酸辣辣, 妙不可言🥢﹗-百秒黃花魚聽聞廚師用"100秒"蒸熟上菜, 所以魚肉嫩滑又保留到鮮味忍唔住試住埋啖湯😍-酥炒芋芯焦糖脆皮包住芋頭，咬下去時每一口都香脆而內軟,唔會好濟，食完一件又一件❗❗喝的是菊花茶, 味道清香

豐富福建口味莆田，環境清幽，服務一流。店員會推薦食材，喜歡他們的黃花魚，食魚之餘及喝鮮味的湯，配合埋一流。花茶的幽香令我倍感回味。熱石呈上的海鲜更特色鲜味。 梅菜扣肉更加愛不釋手， 豐富我的味蕾又不太鹹，也是健康之選。

聽朋友講莆田嘢食唔錯， 今日午餐見有套餐， 一於試試佢。一人套餐包一個飯或者面嘅主食， 加小食加是日湯。茶界+1全部免收。$68/$88一個餐，環境坐得幾舒服嘢食算中上，不過同行嘅朋友覺得口味唔算好啱。 未必會再去食咁話

朋友生日，星期日食飯就梗係想搵一個又可以免費泊車又坐得舒服食嘢嘅餐廳！於是就喺YOHO MALL搵到呢一間莆田🤔見到門口擺咗佢哋有季節限定食品就係「海蠣」 原來海蠣就係我哋平時食嘅蠔仔👁👁店家聲稱佢哋嘅蠔仔係用300日海水養既肥蠔🤤😋於是我哋叫咗“海蠣2 人餐 ($398)"⛅️酥炒芋芯我認為當佢係半甜品形式食呢一個簡直係一百分💯本身我就係好鍾意食芋頭！呢一個外邊炸到脆咗焦糖化有一層薄糖喺面既感覺🤤加上入面嘅芋頭好似芋頭溶咁🤤愛芋頭人士一定唔可以錯過🤤🤤🤤🤤⛅️百秒黃花魚柔軟又滑嘅魚肉原來呢個黃花魚係真係淨係正左100秒就上枱所以每一條都保持魚肉嘅鮮滑🤤🤤🥳🥳⛅️興化米粉根根分明嘅超幼細米粉🤤炒得唔會乾身😎入面有豆卜、菜、 花生🥜、 脆紫菜😊⛅️福建特色海蠣煎超級無敵爆多海蠣🤤而且每一隻都飽飽滿滿非常肥美🤤可以話係多過啲蛋呀🤣真材實料而且唔會怕好油膩！因為佢哋當中亦都加咗好多蔥來一齊煎😊☺️好香口⛅️九層塔香炆海蠣好香九層塔嘅味道，而且炆得好入味😋好啱送白飯菊花茶 原壺菊花茶擺喺枱面😊任飲幫一幫你食濃味野之後清熱氣☺️我仲見到隔離枱有BB櫈一家大細嚟食飯真係好方便👏🏻👏🏻

今日去左元朗YOHO mall度行街，見到呢間米芝蓮中菜館，但係望落個餐牌又同平時d中菜有d分别，於是入去見識下坐低未落單就即刻飲左啖茶，居然唔係平時飲開既普洱壽味，係菊花菜未飲落口已經聞到陣花香menu係咁推介海蠣，應該都名不虛傳酥炒芋芯外面幾脆，又夠香口，芋頭幾實淨，唔同平時出面食開既咁粉百秒黃花魚黃花魚份量唔算大，不過d魚肉非常嫩滑，雖然好多魚骨，不過d魚骨一咬就斷，連肉呑落去都唔多覺興化米粉平時屋企炒米粉都係落下魚片就算，呢道米粉配菜就幾豐富，又蝦又蜆，重有d雞肉江口家鄉海蠣湯一入口已經覺得非常鮮甜，一大陣蠔味，一撈發覺入面好足料下，鬼死咁多蠔，但係一d都唔腥，原來鋪頭落左幾多薑同蕃茄去僻味，非常體貼九層塔香燜海蠣最尾就係鋪頭主打，果然名副其實，d海蠣又甜，又有一陣九層塔香味，重有少少辣，最尾先黎搞到又肚餓想食野