莆田 (形點 I)

營業中

休息中

—店員畀咗杯薑茶嚟試 天氣涼涼哋啱哂酥炸椒鹽海蠣($188兩款海蠣菜式)上次揀咗另外兩款 今次試下其他椒鹽調味剛剛好 唔太鹹福建特色海蠣煎($188兩款海蠣菜式)好多蔥花 啖啖都食到海蠣酥炒芋芯($82)外面微脆有層薄薄焦糖甜甜哋 小朋友都鍾意食興化米粉($82)每次都會嗌 細細箸嘅米粉被上湯煨過 仲有蝦 蜆肉 紫菜 豆卜 蔬菜加埋辣椒醬食又係另一番風味百秒黃花魚($69)有埋魚湯上 原汁原味———————————————————————莆田元朗元龍街9號形點一期2樓2040號鋪

農曆新年係食唔停積肥膏的時間，除了是日夜食糕之時，亦是家庭盛宴聚會的機會。以往新年都是同家人食傳統中菜（即是那些雞魚飯之圍餐），今次便說服家人新年試試新野，食下另類新年菜 — 撈起。呢間「玻菜名店」一路想試好耐，一直搵唔到機會黎，而新年正是一個好好的藉口去叫媽媽食下新野。新一年梗係要「鴻運發財撈起」啦！初嚐撈起，顏色好繽紛 - 有雜錦瓜絲、青白紅蘿蔔絲、紫菜、薄脆、芝麻等等材料，當然有「年年有餘」的魚生片；店員逐樣介紹後再逐層幫您叠起，最後幫你落自家調味粉，等大家自己動筷齊撈起。第一次食，相當驚喜，原來係咁清新，醬汁酸甜開胃，加上好多瓜絲蘿蔔絲的清甜蔬菜，好開胃，加上有薄脆等等香口野，口感豐富，又唔會味道好齋。黃金荷葉包，炸香的芝麻饅頭夾洋蔥肉絲，炸得甘香乾身，肉絲如乾炒牛河的味道般濃郁，兩者夾埋惹味非常。椒鹽豬手，我倆同樣愛吃豬手，喜歡其膠質，這隻豬手好大隻，外皮脆內軟淋，膠質豐富，如筋膏相互溶在口中，而椒鹽味唔算好鹹，肉質又唔乾除了新春菜，當然要食點招牌菜，這碟酥炒芋芯無疑是必食之選。外皮脆香帶甜味，芋頭質感相對上唔係非常粉糯，是有質感咬口，芋味濃的感覺，比較特別。媽祖麵線，魚湯鮮

Tasty meal but the restaurant was as noisy as a chicken pen and seating was cramped. Unpleasant experience 4/10

爸爸生日又適逢新年，搵間特別啲嘅中菜餐廳一家三代同堂去食飯。有米芝蓮嘅莆田係喺新加坡好出名嘅福建菜，其實福建菜係食啲咩㗎呢？一於去試吓。去到門口先見到財神，小朋友已經好開心，不斷要同佢影相過年無得散叫小菜是常識吧，咁叫咗個六人餐。好快就上第一道菜《撈起、撈起》，雖然唔係第一次食，但第一次餐廳職員會一邊幫你將配料倒入碟，一邊不斷講新年祝賀說話，好好服務！其他食物都好好食，最特別係炸豬手，內軟外脆，非常好食，連我阿媽話食咗五十幾年豬手都未食過咁好食嘅豬手，希望大家食完就身體健康，橫財就手 ！

早幾天，趁著迎來新一年，我和家人來到莆田吃飯。新春佳節，看到莆田有不少新春的意頭菜，我們也點了幾款應節一款。其中之一就是撈起了。大家圍在一起，拎起筷子，説著祝福的説話，一邊撈起，除了有趣外，更有喜氣洋洋的感覺。莆田的撈起材料豐富，而且特別喜歡醬汁酸甜開胃，加上三文魚片，更是滋味。鴻運發財撈起，莆田提供不同的size，無論幾多個人都可以來撈起一番。橫財就手，我們點了一份椒鹽豬手。這份豬手雖然邪惡，但確實好吃。豬手香脆可口，椒鹽味道相當惹味，而入面就保持滑溜溜，充滿骨膠原的感覺。黃金荷葉包。撒上芝麻的炸饅頭配上炒豬肉絲。好久沒去過那麽出色的炸饅頭，饅頭外層酥脆，入面則軟綿綿，夾上肉絲很香口。媽祖麵綫。一碗寓意長壽吉祥保平安的麵條。除了有象徵意義之外，味道也很不錯。材料豐富，有各種海鮮，還有聖子乾，增添不少鮮味，而且麵條滑溜，感覺健康又好吃。臨完結的時候，店員更每人送上一杯熱騰騰的薑茶，喝完之後頓時感覺很溫暖。

吃了好幾次莆田，每一次總會有一種新鮮的感覺，原因是每次都有不同的主題，今次的主題卻是海蠣，即是蠔。身為蠔怪的我，點了兩款用蠔製作的菜式，分別是福建特色海蠣煎和九層塔香燜海蠣，其他菜式則點了酥炒芋芯、百秒黃花魚和炒飯。先講兩款蠔製菜式，福建特色海蠣煎即煎蠔餅，與潮州蠔餅比較，福建式更著重調味，配上肥美的蠔仔，令人食指大動，而九層塔香燜海蠣份量大，蠔仔鋪滿砂鍋，九層塔果突出，配白飯食一流。至於其他菜式，酥炒芋芯和百秒黃花魚是每次必點的，酥炒芋芯外脆內嫩，味道甜甜，而百秒黃花魚一個「鮮」來形容，水準每次都是咁穏定，不會令人失望。

年三十晚黎食莆田，一早已經book左位，但黎到都要等左二十幾分鐘先入得。因為大時大節黎，所以食飯都有限時，得90分鐘食，不過都ok嘅。我地嗌左撈起，配埋個青檸，酸味味好盡胃，有蘿蔔絲，蔬菜絲等等，顏色都幾靚👍其他食物都唔錯，價錢唔算貴👍👍

新年到莆田吃了一個新年好意頭晚飯☺️☺️這裡環境雅潔、座位舒適，好適合家庭歡聚。先來的是發財鴻運撈起（小$168），第一層已經有16種絲，勁多，每條都切得好幼細，侍應姐姐行埋黎落第二層既配料，有紫菜、薄脆等等，每落一樣都講祝福語，我覺得這道菜一半的價值就在於這個呀姨啦！！聽完心情都好哂～～～另外仲有煙三文魚。再來是意味橫財就手的椒鹽豬手 （$39/隻），皮幾脆同惹味，膠質甚豐！！不過就無咩肉。還有黃金荷葉包（$29/個），食落其實似炸饅頭，炒肉絲味濃。酥炒芋芯（$89）是招牌菜，質素當然有保証，脆脆甜甜的表皮，裹著粉粉的芋芯，是是晚我最喜歡的一道菜。最後媽祖麵線（$82），麵條滑滑的，吸湯很快，但仍然美味。呢度店員服務幾親切，有笑容，加茶勤快，都係我回頭食既原因！

三個人一個兩人新春套餐第一個冷盤就令人興奮，因為職員一路落配料，一路講：年年有餘、大吉大利、、順順利利、甜甜蜜蜜、包羅萬有、紫氣東來、遍地黃金、錦上添花。真係好被祝福的每次黎親都必食椒鹽豬手，實在外脆內軟的，一個人食一隻都唔夠!!!呢個我覺得係炸饅頭，夾洋蔥豬柳😂😂麵線個樣雖然唔太好睇，但係真材實料好味的👍🏼我自己一個食曬成碟芋芯，外面依家已經好難搵到呢啲手工野食，如果佢過完糖過快入冰水過冷河，一定會更好味

每次莆田一新菜式，總會心思思試下，因為普遍都有水準，有時更會有驚喜添🤗今日過開元朗又比我見到佢，又心隱起好想再食🙈🙈🙈新年期間限定嘅驚喜菜式，真係吃過番尋味！番炒再番炒，食完再食都唔會厭😂😂呢碟前菜原來叫香菇豆，吃過幾次，終於肯問姐姐我食緊咩喇🙈😆第一道，鴻運發財撈起🎉新年當然又要食下啲好意頭菜式，呢個撈起嘅味道不錯，夠足料，用左超過20款材料切成絲絲炮製而成，而且店員一邊撈一邊講恭賀說話😎屋企人超中意呢d意頭野指明要食佢😂第二道菜式椒鹽豬手🤤真係好好食，揸住隻豬手成隻咬，而且一點都不感到油膩，豬手真係好稔身，因為蒸上8小時的關係，老人家都一定食到，椒鹽又不會太咸，味道一流！👍🏻👍🏻第三道黃金荷葉包有點似吃緊上海菜的炸銀絲卷，包身好綿，夾住洋蔥肉絲，正😋😋第四道酥炒芋心食落感覺有點似反沙芋，不過係咸的版本，芋頭夠粉夠稔身，每次黎食飯都必點之選🙂第五道媽租麵線🍲🍲材料有蜆肉，腐竹，荷蘭豆，花生等等，麵身偏稔，吃到呢到都有點飽lu，不過加少少莆田辣媽醬，酸酸甜甜辣辣好夾又可以繼續食😗

中國人特別重視農曆新年， 大家都有不少聚會、團年飯同開工飯等等。 而我每年都會去食特色的意頭菜， 例如豬手、 長壽麵、蘿蔔糕同年糕等等。當然不可少得「撈起」這道意頭菜啦！ 今日來到元朗嘅莆田食飯， 第一時間叫番個「撈起、撈起」， 撈到風生水起先！ 《鴻運發財撈起》，材料豐富， 意頭十足， 包括有紅蘿蔔絲、薄脆（遍地黃金）、紫菜（紫氣東來）同三文魚（ 年年有餘）等等。再加上醬汁如鮑汁（包羅萬有）同蜜糖（甜甜蜜蜜）一齊撈起， 好開心， 店員仲不停地講祝賀語， 真係好有新年氣氛！至於味道方面， 好新鮮， 味道酸酸甜甜，醒胃菜。 《黃金荷葉包》 寓意金銀滿屋。外皮炸得香脆，夾上肉絲同洋蔥一齊， 夠晒惹味。 《媽祖麵線》 ， 寓意長壽之意。 麵線口感細滑帶少少淋， 加上肉片、蛋絲、紫菜、蟶子乾、蝦仁等材料， 非常好味。 新年梗係要食隻橫財就手， 過大海就冇有怕啦！ 《椒鹽豬手》 外皮炸得脆口， 脆卜卜， 椒鹽好香口， 味道十足， 仲有好多骨膠原添！ 今日食得到好開心， 意頭十足， 大家新年快樂！

年尾飯餐，家人都喜愛傳統意頭菜式，特地選了莆田，有別一般酒樓，既有新意又不乏意頭。鴻運發財撈起，新春菜式，撈起撈起，大家都撈得起，一起攪動，超開心熱鬧。材料豐富，將黃金滿屋 薄脆、年年有餘 煙三文魚、紫氣東來 炸紫菜、甜甜蜜蜜 蜜糖醬、心想事成 味粉撈進花生、柚子、芝麻、紅蘿蔔絲、青瓜絲內，一遍喜氣洋洋。黃金荷葉，是肉絲炒洋蔥夾脆炸芝麻包，味道不錯。椒鹽豬手，以豬手作入饡，最重要一環是要夠腍，才吃得到。這份豬手皮脆有咬口之餘不會韌，可輕易咬，再以椒鹽作賣點，比吃慣的南乳豬手更有創意。酥炒芋心，莆田撚手小菜式，材料簡單，賣的是廚藝👍媽祖麵線，麵線不多地方可以吃到，這個是小時候媽媽常造的菜式之一，很懷念的味道。充滿喜悅的一份晚餐！

新一年食乜最緊要，緊係要撈到風山水起啦，所以新年第一日我哋就帶屋企人去食個好意頭。一坐低就有鹹酸菜依啲餐前小菜，好有風味。鴻運發財撈起，年年有餘就有煙三文魚，上面淋咗青檸汁。蘿蔔絲、青瓜絲，加上唔同嘅蔬菜絲，淋上唔同好意頭嘅醬汁，一齊撈個風山水起🤤嚟緊一年甜甜蜜蜜。撈完就係依個樣啦😏椒鹽豬手熱辣辣，外脆內軟，骨膠原啖啖入口，調味得宜，老人家都食到好開心。黃金荷葉包，黃金包又係脆卜卜，仲有個豬耳朵，好可愛。媽祖麵線，有唔同嘅海鮮，本身都幾鮮甜，加上辣椒醬就幾惹味。酥炒芋芯，外面香脆甜蜜，咬落好綿密🤤

今日約左呀媽去元朗行街街，新年流流想食返啲中國菜，記得莆田有米芝連一星級既程號，我地就去左試下啦。我地叫左個新春二人餐，唔洗諗食咩呀嘛，叫個餐搞掂！一嚟到上既系鴻運發財撈起，啲員工勁有心，一路幫我地撈，又一路講啲吉利祝福既說話。我覺得啲菜同青瓜絲好爽口、爽脆，啲三文魚加埋左啲青檸汁，酸酸甜甜咁又幾得意喎！我最中意就系呢個黃金荷葉包，佢岩岩好炸到好脆，好香，夾埋啲洋蔥同肉絲，味道簡直一流！呢個媽祖面線好岩老人家，清清淡淡、咸咸甜甜，幾好味，又飽肚！呢對椒鹽豬手勁好食！身為豬手愛好者既我，真系要比個like佢，熱辣辣脆卜卜！入面骨膠原十足！外脆內軟，炸到豬手勁香口勁入味！外層既椒鹽將成隻豬手升華到另一個層次，別有一番風味！最後我仲叫左個甜品同媽咪share嚟食，佢最中意呢啲雪梨乜乜架啦，清甜解渴，喉嚨痛啱晒！

莆田係米芝蓮一星餐廳就係呢碟餸，我開年就決定係度開年啦！第一碟出場嘅就係撈起啦。撈起有成十種食物材料，每一種都有唔同嘅吉祥寓意紫菜:發財青木瓜絲:青春常駐紅蘿蔔絲:鴻運當頭脆脆:金銀滿屋花生油:財源滾滾來蜜糖: 甜甜蜜蜜大致上係咁多，其他嘅寓意大家有興趣可以自己去GOOGLE 下，大家今年都要撈起呀！黃金荷葉包---包就咁空口吃有點似炸饅頭，味道會比較淡，應該再夾埋入肉絲一齊食就VERY GOOD 啦。媽祖麵長壽麵麵質較稔，材料有蛋絲、紫菜、豬肉、蝦等等椒鹽豬手外皮香脆，入口惹味。