莆田 (形點 I)

營業中

休息中

今天難得放假，和家人來到「莆田」吃午飯。前菜是冰浸苦瓜，苦瓜被切成薄片，再捲成花形，賣相出色。苦瓜片附上了蜜糖蘸點，入口先甜後帶苦甘味，口感爽身。點餐後，職員友善的告知閩菜的燜豆腐會有一股有點像燒焦的味道，其實是它的特色之一。豆腐加以雞蛋、蝦米、豬肉、冬菇，還有粉絲等一起燜製，是用來佐飯一流的一道小菜。豆腐混和豬肉等食材，口感豐富，也的確有點燒焦味道，但絲毫沒有影響它的美味度。這鍋燜飯原來是莆田漁民的傳統月子飯，現在就演變成每人舌尖可及的味道。燜飯放入了莆田盛產的紫菜、海蠣，再以高湯燜煮數小時。飯粒入味爽身，粒粒分明但質感較為硬，咀嚼間有微微紫菜香味。最近莆田的推廣主題菜是哆頭蟶，筆者也不輸蝕的以套餐價選了2款蟶子小菜。每隻蟶子開半，舖上滿滿的蒜蓉；伴以葱粒、辣椒等清蒸。蟶子十分肥美，帶著濃郁蒜蓉香，頗為惹味。鐵板上盡是鹽粒，蟶子被插上鹽堆之中焗熟。「莆田」供應的哆頭蟶外形較為短小，但勝在〈短小精幹〉，入口甚重鮮甜味。兩道蟶子主題菜中，這一味會更能吃出哆頭蟶的清香味美。「莆田」不愧是米芝蓮的食府，平日的午巿也坐無虛席！

嚟莆田食飯喺因為佢隻藍色好吸引到我其實開頭以為佢喺日本餐廳，但原來佢喺福建菜餐廳。令人稱心滿意，啲茶具超乾淨。壺咀個膠毫無茶漬及黃，印象分加晒。好入正題，食食食。冰浸苦瓜喺出色嘅，如果你本身唔抗拒苦瓜，你一定要試。原來苦瓜可以咁嘅口感咁好味。薄如紙佢唔似平時食個種都會係厚厚地又苦澀味濃。清新嘅感覺。扁肉湯，扁肉彈牙細細粒。荔枝肉，有少少似咕嚕肉嘅感覺其實粒荔枝真係好好味，勁 Juicy 從化炒米粉，惹味！蝦好食重頭戲！蛥頭蟶子，比平日嘅蟶子短啲同闊啲。而家蟶子當造！有優惠$198 可係八款煮法內揀兩款好抵食蛥頭蟶炒蛋參爆炒蟶子韮菜好味，少少辣米之蓮餐廳果然係唔同啲

莆田一向係小妹我喜歡嘅餐廳之一，之前都有介紹過佢個季節蟶子，今期發現佢又番黎啦，佢個鹽焗蟶子懷念左好耐，今日終於有得食😍.今次佢個蟶子做$198兩款，我就揀番鹽焗同另一款紅頭菇蟶子湯，鹽焗依然係最好食👍👍今次雖然焗得乾左少少，但依舊好食新鮮多汁😍😍而紅頭菇湯煮味道就相對地更簡單，湯就真係只有蟶子同紅頭菇嘅味道，成兜湯紅當當，唔知會唔會有補血功效呢？哈哈。.一改食法，今次冇叫到平時必叫嘅莆田鹵麵，試左興化炒米粉，配料有蜆，蝦，豬肉，菇等等配以濃湯燜炒，味道鮮濃，主角採用相當幼細嘅米粉，入口竟有鬆化之感，神奇也。.扁肉湯，原來係來自清朝嘅一種傳統手藝，肉丸用燕皮包覆，而所謂嘅燕皮係用棍重複㪣打豬腿肉混合番薯粉製成，口感相當彈牙，配以鹹鹹地嘅上湯，正！.荔枝肉，我會形容為有荔枝香嘅咕嚕肉的一味小炒。.冰鎮苦瓜，苦瓜相當爽脆，薄得透光，點蘸honey食用，作為前菜不錯。

是日同友人相聚，好少在外食中菜嘅我地今晚揀左間新加坡米芝蓮餐廳 莆田餐廳裝潢新穎 有別於1般中菜館我地先叫左1人1碗雲吞湯 係福建係叫扁肉 皮薄餡靚 的確係個皮晶瑩剔透 鮮香 莆田扁肉湯 $22 位莆田荔枝肉荔枝肉個煮法就好似香港地嘅咕嚕肉 只係由菠蘿換左荔枝同3色椒 荔枝亦都係福建省某村嘅特產 酸甜 開胃 好juicy冰浸苦瓜 $49有肉當然有菜 第1次咁樣食苦瓜 出奇地甘甜 少少苦 5中意食苦瓜可1試 質地爽脆至於主食我地叫左款米粉興化炒米粉- 米粉質地幼如絲 比平時食到嘅更加幼細 加上雜菜 花生 蝦仁 蜆肉 比我地家鄉炒米粉更為香味 入口彈牙 鮮甜最後有呢間重頭戲 蟶子 本身百零蚊1款 而家$198 8種吃法 任選2款 勁抵食蒜蓉蒸蟶子 $109蒸最能試到海鮮鮮味 加上啲蒜泥蔥花做調味 蒸完食入口啖啖肉啖啖海鮮湯汁 食到lamlam脷鐵板鹽焗蟶子 $119鹽焗蛋就食得多 福建近海地方出產鹽 用黎鹽焗 外殼脆卜卜 裏面水份依然保留住 咸香嘅蟶子係最原始風味 真係第1次呢間仲另有黃花魚等等 朋友話今次試5哂 下次再刷過

同女友打算去元朗行街，在西鐵站看到莆田的廣告，令我想起餐廳經典的黃花魚菜式，所以就去形點食一餐莆田福建菜午餐。當日是周末，但餐廳其實人流有限，內部空間頗大，而且頗舒適。到達餐廳，看到餐牌主打蟶子菜式，抱著嘗鮮心態的我們決定放棄黃花月，來一餐福建蟶子菜。莆田扁肉湯 ($22) Putien Bian Rou Soup (HKD22) 扁肉湯燕皮煙韌彈牙，豬肉有口感，肉質不俗，魚皮餃有口感，惟有些許偏咸。冰浸苦瓜 ($49) Iced Bitter Gourd (HKD49) 將苦瓜薄切冷盤，另有附上蜜糖，個人不喜歡食苦瓜，不過配合蜜糖後，幾乎無苦味，味道清新微甘。薑蔥炒蟶子 ($109) Stir-fried DUOTOU Clam with Ginger & Spring Onion (HKD109) 薑蔥爆得幾香，蟶子入到味，不過唔夠熱，是我打卡影相花得太多時間呢？興化炒米粉 ($86) Fried Heng Hwa Bee Hon (HKD86) 這道值得推介，上菜時已經香氣四溢，陣陣瑤柱微香，閒到香味，已經胃口大開，而且十分足料，除了每口瑤柱外，也有瘦肉，菜和紫菜等配料，米粉也有

這個藍色的確很搶眼，但是就是缺了一點吸引我進去的地方身邊很多朋友都說很好吃很好吃！好吧小編今天就過來一試龍鳳🐲～小編也是今天才知道他是吃福建菜😂👆餐廳環境2人餐單參考（飽足程度：★★★★★）：冰浸苦瓜 x1莆田荔枝肉 x1莆田扁肉湯 x2興化炒米飯 x1哆頭蟶炒蛋 x1加上10%服務費一共HK$407👆冰浸苦瓜 $49（推薦指數：★★★★☆）每片苦瓜的厚度不超過兩毫米，點蘸蜜糖，冰涼爽脆，甘苦相間，解暑佳餚。👆莆田荔枝肉 $88（推薦指數：★★★★★★）先告訴大家小編一個人吃了整盤😂真的很！好！吃！😋，我吃的時候一直很好奇咕嚕肉為什麼要叫荔枝肉，原來他是福州的傳統菜色，色香味，甚至形狀都很像荔枝！但是莆田做這道菜就更加講究～我吃下去是外酥內嫩的，而且肉質還是Q彈那種，原來他們一般都固定醃製13至14個小時！對於控油也十分講究呢！所以小編給他6顆✨！一定要吃！$88塊打冷也要吧！！！！！👆莆田扁肉湯 $19（推薦指數：★★★☆☆）「扁肉湯」是具有 500 多年歷史的傳統福建手工菜品。莆田扁肉湯所用的燕皮是以荔枝棒槌反復敲打新鮮豬腿肉至少上萬次後，再撒上番薯粉，擀製 3 小時而成。小編覺得

第二次去食莆田，兩次都有驚喜，今次係哆頭蟶節，8種吃法，$198任選兩道。冰浸苦瓜外型擺到好似花既形狀，苦瓜好薄，用冰鎮既方式令苦瓜變得冰涼爽脆，點蜜糖食仲可以中和苦瓜既苦味，好易入口，好清新。莆田荔枝肉好似咕嚕肉咁，啖啖肉，味道酸酸甜甜，豬肉唔鞋口，肥瘦適中，好味。莆田扁肉湯熱辣辣，扁肉一啖一粒啱啱好，湯頭酸酸地，好特別，好味。哆頭蟶炒蛋睇落好似好平凡既一道家常菜，蟶子好新鮮，每一隻好肥美，而且份量仲好多，炒蛋好滑，好好味。興化炒米粉米粉比一般出面食到既會幼啲，炒得幾乾身，再用好多配料一齊炒，有蜆、大蝦、豬肉、蛋、花生等等，好豐富好足料，如果鍾意食酸辣既話，可以用埋莆田自家既辣媽醬撈埋黎食，辣媽醬辣中帶酸，開胃醒神，好味。蒜蓉蒸蟶子大量既蒜蓉鋪喺每隻蟶子上面，蒜蓉好幼滑，蟶子好新鮮，隻隻都好肥美，份量好多，好味。總括黎講，餐廳裝修望落去幾舒服，環境寬敞夠光猛，座位坐得舒服; 價錢方面都ok，食物有質素既關係，所以唔算太貴，另外佢有啲二、四、六人套餐都抵食; 食物方面，質素幾好，每樣菜都好好味，最緊要係夠新鮮; 服務方面，上菜快，店員有笑容，服務唔錯。

前幾日放假 所以就去左元朗間莆田到食LUNCH 去到12點左右 未到LUNCH TIME 所以人吾算多個裝修好有空間感同放左好多鏡係旁邊。去到D 啊姨侍應就比左壺菊花茶我, 好清新同吾太甜既茶, 個人覺得幾好飲。之後ORDER左幾樣野食 好正 首先有冰鎮苦瓜,  刨到個苦瓜花咁好靚, 刨到又好薄, 透光咁樣, 你可以點D 好似蜜糖既醬。但我覺得就咁食好正, 因為個苦瓜好鮮甜又苦, 食到佢個味道, 但如果怕太苦就可以點下個醬中和下。食完呢個  飲左碗扁肉湯, D豬肉細細粒 成個雲吞咁 個味道就咸咸地 好易入口 D肉物有D爽 一啖湯一啖肉 岩岩好仲有D紫菜係入面 簡簡單單但好好飲 個味好突出之後仲食左個荔枝肉炒咕嚕肉。個肉好好食~外面吾會話好多既炸粉感覺, 個肉超級軟身! 吾會話好似咬到D肉入哂牙隙。一咬就溶哂咁, 食過最好食既咕嚕肉。個荔枝肉好大粒~好多汁~仲ORDER左碟興化炒米粉。呢個米粉好特別, 因為個米粉底好鬆化。平時果D都係痴埋一舊 但呢個就好鬆化, 而且層次分明, 有冬茹, 有蝦咁, 食落去個口感好豐富! 今日既主角就係蟶子~見佢今期賣得咁勁~就當然要試下~冰鎮酒糟蟶子! 呢

周不時都會同屋企人去莆田飲下茶食下小菜，比最中意佢地既菊花茶，清新順喉，食物比港式飲茶健康又無咁油膩。天氣開始熱，呢度既餐前小食轉左做檸檬醃薑片，甜中帶酸，好開胃。記得早輪黎食主打海蠣，季節轉換，今期亦出左新菜單，係我最愛既蟶子呀～～～先黎個頭盤，苦瓜切成薄片，冰冰涼涼，岩哂夏天清熱下火。始終味道偏甘苦，隨苦瓜亦附上桂花蜜，兩者配住食好易入口，清甜同時食到桂花既清香扁肉湯味道偏濃，精萃在於粒肉餃，連餃皮都係用豬肉打成，薄而煙韌，食落帶濃厚既肉味必點既荔枝肉，加左荔枝炒成，酸甜得黎帶有荔枝獨有既爽甜同果香。生粉裹得好薄，最怕咕嚕肉又實又韌，呢度既肉質好鬆軟，淋軟易咬每次黎都一定會點呢道炒米粉，雖然係炒但絲毫不油，米粉幼細口感鬆化，而且落足料加左鮮蝦、蜆、豬肉、豆卜、椰菜同白菜，口感好豐富，飽足感滿滿主角壓軸登場～～～睇相就知落足蒜蓉，好香口，蟶子新鮮肥美，咕洗落多餘調味，剩係食佢原汁原味已經夠鮮味炒蛋既蟶子更大隻厚肉，啖啖都食到嫩滑既蟶子，加左蘿蔔絲同菇片炒，食起黎更有口感呢次既蟶子新菜式有成八款咁多，遲下一定要黎試埋其餘果六款

依間喺yoho 開左一段時間都未食過，今次同朋友嚟食下個小菜睇下好唔好食今次見到198可揀2款蟶子，經過店員推介後揀左鐵板同蒜蓉俾我想像中大碟，好多隻開邊蒸。好新鮮鐵板依個仲正，d 鹽加上本身個鮮味，2者嚟講，我較為喜歡依個，好入味，咸咸地，同198，有2大碟嚟講，有咁多隻係抵既。另外，食左個扁肉湯，咸咸地，入邊一粒粒係細細粒既餃子，幾得意依個外型好靚，嘅苦瓜，加埋honey ，甜甜地，凍凍地，應該卡路里都低啲😂😂依個係叫荔枝肉，類似咕嚕肉咁龍眼好甜，好容易入口最後叫左炒米粉，一睇就知好多配料，加埋其他餸，好食依間無論裝修嘢食都幾好食，不錯👍🏻

第一次去莆田已是多年前同學聚會。今天(星期日)两口子拍拖去形點看早場, 跟住car show,午12:30走過莆田, 見環境不俗喎，又不用等位。又見午餐套幾抵 $198两位, 3款選擇坐下開了菊花茶, 另上了一小碟雲耳...我們互猜茶+小吃收多少呢 (答案在尾部)上菜比較快, 你不是要食得急, 便要吃冷餸, 幸好甜品一早就明"叫起"...百秒黃花魚 (招牌菜) 好味, 有魚味, 都有六七両。燒排骨(2條)燒肉很稔很入味。蝦苗伴紫菜 ok啦。這是午A定餸, 沒得揀其他。莆田扁肉湯 是紫菜 "迷你雲吞"湯。這亦是莆田招牌菜。"雲吞"內的豬肉係幾美味的！細細粒, 易入口, 合女生慢慢咀。男生一口可吞2粒包菜飯: 賣相較差, 味道可! 再來一次, 選另一主食。甜品選了 蓮子銀耳湯 (忘了拍照), 色香味可以。埋單真係有驚喜...共銀$198免茶免一送小碟, 抵抵抵!是次用支付寶(重有日日掃, 省$2)即係$196攪掂

行過見到莆田海蠣節的counter，原來新推出了一系列菜色，狀甚吸引！於是約了家人襯著星期天一起到此晚飯，7點半來到，都有幾多人等位，而在等位期間還有薑茶可以喝呢。這裡環境舒適，乾淨明亮，也是我喜歡的原因，然後職員一貫的親切，送上茶的時候還告訴我這是菊花茶。$188 可以點兩個海蠣菜色，幾乎每桌都是這樣點。我們選了香口的酥炸椒鹽海蠣和福建特色海蠣煎。難得兩樣都超多蠔，同埋乾淨無殻！前者份量頗多，幾香脆，海蠣小小的一口可以吃幾粒，爽！炸粉是偏厚的，但不失鮮味，呢個點佢地晚辣醬好夾！後者有點像常吃的蠔餅，但不一樣，可能更像蠔仔煎蛋。這個也不錯吃，有滿滿的蠔。之後當然是不能錯過的招牌菜，百秒黃花魚，用沙鍋上，超熱又保溫，魚肉非常滑，還已經起骨！！！太有誠意了！一條真係唔夠分呢。另一必點是芋芯，裹上脆糖，甜甜的很好吃，芋頭味濃少渣。最後是我的莆田最愛，炒米粉！！！幼身的米粉炒至乾身，但仍有軟滑麵條感，加上莆田的炸紫菜和少量海鮮，在第二度好難食到！-食了這麼多，人均也是百餘元，有這樣的環境和食物，我覺得物有所值。

仲係讀書時期既我已經有食過架喇今日咁岩經過所以決定再食多次！多年前都仲未係米之蓮一星餐廳呢今次呢到元朗既分店職員感覺比多年前服務態度有改善而且食物種類都多左好多！適逢最近係海蠣節更加要黎試下養足三百日好肥美既海蠣啦其中都簡左啲推介黎食百秒黃花魚呢味送見到隔離枱叫咗每人一鍋所以我哋都唔執輸叫返一個！啲魚質好滑！不過就唔算好多魚肉食但勝在夠鮮酥炸芋頭平時自己唔係好鍾意食芋頭因為覺得佢好粉但係呢一個一啲都唔粉食到唔停口添呀！好香口九層塔燜海蠣嚟到嘅時候仲係熱辣辣而且海蠣數量超級多味道好濃郁相當特別既一味菜福建特色海蠣煎海蠣數量一樣好多所以基本上每啖都食到海蠣正呀總括嚟講都係好特別嘅用餐而且食物具水準不愧係一星餐廳

今季莆田嘅主推海蠣節用左六種唔同嘅煮法，煮出六款唔同海蠣菜式，而且同之前一樣都可以用優惠價食2款菜式，岩晒我呢D鐘意食多幾款唔同野食嘅人。而海蠣菜我就簡左九層塔香燜海蠣以及江口家鄉海蠣湯呢2款，再加上次食過讚不絕口嘅椒鹽豬手，最後當然有必點嘅百秒黃花魚同埋興化炒米粉九層塔香燜海蠣份量非常多，雖然海蠣細細隻，但每一隻都非常飽滿及肥美，入口時蠔汁會於咀內爆出來，而這個小菜炒得非常夠鑊氣，加上九層塔的本身的香味，很好吃江口家鄉海蠣湯呢個湯係福建家鄉菜之一，湯入面除左有海蠣外，仲有椰菜花、蕃茄、蛋絲等材料，湯底幾鮮味，而加上蛋花令湯質更細滑。粒粒海蠣都相當飽滿椒鹽豬手百秒黃花魚係我媽每次黎莆田都指定菜式黎而興化米粉就係我嘅指定菜式，因為第二度真係炒唔到呢度咁好食

難得周末去元朗走走，當然不少得食好西。「莆田」一定是首選，尤其這時候還在推出「海蠣節」， 打造六道不同風味的海蠣菜式。福建特色海洋蠣煎，比起台式的蚵仔煎，粉漿較少，沒那樣油膩，加上海蠣食材夠新鮮，完全不覺有腥味。九層塔香燜海蠣，星是全新創作的菜式，先將鮮海蠣炸過，再加入九層塔、蒜子等以細火乾燜，令香味完全入進海蠣中，香口惹味。 除了海蠣節的限定菜式外，主餐牌亦有很多選擇。喜歡「百秒黃花魚」，這道以時間命名，用時間調味，是原味莆田菜。 黃花魚煮得剛好，魚肉超滑，魚香十足！😋點了興化炒米粉。米粉比平時常吃的較纖幼彈韌，富有米香，難怪得到「白如雪，細如絲」的美名，炒得樸實入味又乾身，沒有一般炒米粉的膩滯感。酥炒芋芯。有點似拔絲香蕉 外層是薄脆的糖衣，入口甜中帶鹹，外酥內糯，味道很特別，超喜歡！每次都點！