船渦

營業中

休息中

上網睇到有間新開的蒸氣鍋，主打食海鮮🦞，二話不說與好友去食啦😍😍一出lift就見到有隻船既擺設。去到環境舒適寬敞，分開左一個個的一人蒸氣鍋！坐下來就點左$328八府巡按餐，有龍蝦、蟹、鮑魚、聖子等等既海鮮，仲有肉類、丸和蔬菜十分豐富。桌上有貼左指示每樣食飯既時間去蒸調食物，好讓客人控制時間去蒸野食。首先蒸左龍蝦和蟹，即叫即整鮮味十足！跟住一路順著時間表去一步步蒸😋😋😋到最後食蒸完晒d野食，店員會為你整粥底，如果唔想要粥底可以選擇米線、烏冬、麵等等。就選了粥底，吸收了所有海鮮的精華❤️❤️份量都好多😋最後仲有甜品作結尾👍🏻👍🏻

天氣開始轉熱了，食啲清新帶爽嘅海鮮也不錯，最近發現呢間喺銅鑼灣開咗無耐，主打一人一蒸鍋餐廳環境都好舒服，當日下午時間好在早嚟未算好多人，好快就入座點嘢食，宜家落單好方便，掃下粗檯面QR Code就落到單，午時仲免收加一好抵食我就叫咗個水師提督套餐，入面都相當豐富，有成5款指定海鮮及一款四選一海鮮，仲有雞腿肉、美國肥牛及豚肉片三選一，仲可配選粥底、麵底或飯海鮮上檯已覺得好新鮮生猛餐廳仲有大魚缸及海鮮缸養住㗎檯面仲有簡介每款海鮮蒸幾耐，貴妃牌好大隻啊，好厚肉飽滿，超鮮甜又啖啖肉蝦上檯時仲好新猛，蒸佢數分鐘入口爽口彈牙四選一我揀咗蟶子皇，好大隻又鮮味，清蒸完我覺得唔需要點任何醬料都已經好好食大蜆都比平常大隻㗎，食落無沙又鮮甜另外仲有鮮魚片、白蜆都好正之後仲有蔬菜及肉類，牛肉嫩滑有牛味，蒸牛肉都幾好食，所有海鮮及肉汁漏哂入蒸鍋底再加魚湯食埋個烏冬都唔錯，烏冬好彈牙另外我同朋有都點咗個拉麵食，雜錦風味都好豐富，有叉燒、肉類、蝦蜆及蔬菜，湯底濃鮮，麵質都好爽彈整體午餐都好抵食，價錢唔貴性價比高

今日去左灣仔見客，中午的時候，客人提議一齊去食午餐，並推薦一間新開的船渦，食一人一蒸鍋的海鮮餐。 午餐我選了水師提督套餐，食材新鮮又豐富，有帶子、蝦、鮮魚片、白蜆、大蜆、蟹半隻。美國肥牛和特選蔬菜。貼心提示，枱上有每樣食品需要烹煮的時間。海鮮都好新鮮，味道鮮美！食完海鮮等食物，就加湯混合海鮮蒸餾出來的精華做湯底，加入拉麵，滾起就食得。拉麵都好彈牙。午餐的套餐也有甜品啊！其實都幾抵食，百多元就有海鮮、有肉、有菜，而且係一人一鍋一份量。平常食一碗拉麵也差不多價錢，水師提督套餐就比較豐富多了！

蒸鍋在香港數量不少，但可以獨享一鍋的一人蒸鍋真的第一次聽！最愛試新野的我，當然即訂位，更在中午時間就來用餐！餐廳格局很舒適，也可根據人數調節窗廉，即使一個人來吃也不會尷尬！午市 - 有兩款蒸海鮮套餐選擇！分別是$118的水師提督套餐 及 $328的八府巡按套餐兩者分別，當然是貴的套餐有更多款貴價海鮮。很想吃龍蝦的我選擇了$328餐！餐廳有蒸鍋的說明，非常細心，不同海鮮需要蒸的時間都不同，看著它蒸就一定沒有錯了！自己控制時間，開頭有點擔心不懂操作，試了兩次就上手了！當溫度到達100度，想蒸三分鐘就按三下＂＋＂按鈕，時間到了會響，提示可以吃用。海鮮盤來到時非常驚喜，是極度新鮮的海鮮！龍蝦、蝦、蟹、鮑魚全部都在動！另外帶子、白蜆、貴妃蚌和蟶子都超巨型！很感動，因為很久沒在火鍋店見到如此大而且咁新鮮的海鮮！價錢也只是＄300幾。。。！巨型貴妃蚌 爽口彈牙，啖啖肉！比手掌心更大的帶子！帶子肉非常鮮甜，美味至極！蒸完更保留了精華！龍蝦很多膏，蒸完保持鮮美爽彈！就連鮮魚片都令人驚嘆，油份足，軟嫩無比，超好味！吃完海鮮已經非常滿足！套餐還有安格斯牛肉和豚肉片，蒸來吃都很好吃！為了一嚐蒸鍋變身做火鍋，我

有同事知我喜歡試新野，介紹我去謝斐道一間食海鮮蒸氣鍋的船渦試下，特別的是一人一蒸鍋，而且套餐也是一人份量，就算約不到人陪，也可以自己去食。餐廳裝修雅緻，設計用竹簾分隔每個人用餐的位置，私隱度不錯！有數款海鮮套餐，豐儉由人，我當然選最豐富的八府巡按套餐。海鮮砌成拼盤，砌得像幅圖畫般美麗、用冰底墊住上檯。保持新鮮。海鮮有龍蝦和蟹各半隻、蝦、帶子、鮮魚片、白蜆、鮑魚、貴妃蚌、元貝、聖子皇。雞腿肉、豚肉片、特色三寶丸蔬菜拼盤枱上左邊有計時器和每款食材要蒸的時間。龍蝦蝦肉雪白，鮮甜彈牙，蟹、蝦和聖子皇等都鮮味十足！所有事情食材都好新鮮，依照時間表就會蒸出美味的食物！食完蒸海鮮，可以選麵或粥食，我選了粥，侍應將粥膽放入蒸鍋內，並將之攪拌均勻，成為一煲綿滑的粥。之前已經加入芋頭、南瓜等材料，又因為蒸鍋內有海鮮的精華，所以粥十分鮮味，而且份量也不少，真係食得好飽！飲品需另計，但就送甜品，數款雪條中，黑糯米味是我最喜歡的！

上星期的平日，我和朋友到了銅鑼灣謝斐道－船渦；餐廳是朋友所推介的，就試下味道又怎樣吧！今次我們所食的是－午巿粉、麵、泡飯套餐；套餐好吸引，一共有六款風味可以配粉麵或泡飯，而麵底：米線／米粉／烏冬／拉麵／出前一丁；任均選擇！雜錦風味：我就揀左食材最豐富既一碗，價錢不算太貴，而自選湯底就揀左原味魚湯，上台之後，已經比拉麵既賣相所吸引！食材真的很豐富可佈滿左整碗麵上，包括：海蝦、蜆、叉燒、金菇、日式魚旦、粟米粒、生菜。拉麵麵質彈牙又爽滑，而且吾會一夾就斷開晒；叉燒有不少肉汁滲出而不是乾身，而且叉燒吾會太瘦太肥，所以食落好林！海蝦偏大隻，口感為實肉；不是死蝦，依然有鮮味。至於蜆沒有帶沙粒，同樣很鮮～~

環境幾舒服，係張枱有啲細，啲海鮮好新鮮好足料，份量啱啱好，最尾個魚湯底好鮮甜，媽媽生日，想試新嘢，打電話book 位嗰陣點知已經無哂位，點知之後覆嚟電話，可以俾到八位俾我哋，效率👍🏻👍🏻我就唔洗再諗同媽媽食乜，第一次食，都唔識用QRcode落單，又唔識整個爐，侍應無嫌我哋麻煩，耐心教我地點做👍🏻👍🏻👍🏻，全家人開心，媽媽好滿意，一定再幫襯

喜歡食海鮮, 係出面食又怕海鮮價, 分分鐘out of budget又要承受比人呃秤既風險。想一個價錢享受新鮮海鮮, "蒸海鮮"就係最佳選擇! 今晚黎到銅鑼灣一間樓上舖---船渦, 主打蒸海鮮, 而且仲係一人一蒸爐, 食邊款海鮮既先後次序都由自己話事!餐廳內每張檯既天花都設有卷蓆, 根據每檯客人而分間, 私隱度幾高~混醬區供自由混醬今次選擇左最場最貴既"八府巡按", 呢個set有龍蝦食啊!!! 但套餐不包括飲品, 所以飲品就要額外散叫每個位既空間都幾闊, 就算成個套餐既食物送上, 都唔怕太迫唔夠位擺, 每個蒸爐旁邊都有個list顯示唔同海鮮既蒸煮時間海鮮船很快送到!! 望落相當豐富, 包括有半隻蟹、帶子、蝦、魚片、白蜆、鮑魚、貴妃蚌、半隻龍蝦、元貝、聖子皇蒸爐可以set時間掣, 夠鐘就會bibi聲提示食得, 其實依照佢地建議既蒸煮時間, 都唔會蒸過龍而影響質素!所有海鮮都非常新鮮, 肉質鮮甜札實開邊龍蝦: 肉質彈牙鮮甜, 不用點額外醬汁調味蟹: 蟹肉同樣鮮甜, 有肉食, 唔係水汪汪死蟹質素蝦: 以竹簽串好, 沒有出現痴殼, 可見其新鮮鮑魚: 上檯時都見鮑魚很新鮮, 生猛得郁郁下!! 蒸

未試過食一人一個蒸鍋，都幾得意，但係食得好慢好似食法國菜咁，因為要逐樣嘢蒸，每樣野唔同時間，不過最初以為會唔飽但食落到最後其實好飽我係食唔晒。最後有個粥底或者公仔麵，所以真係好飽。啲牛肉幾好食唔hea,我係揀中間嗰隻價錢。下次可以再試。

上Faceebook見到有人介紹呢間餐廳，好似好吸引咁，約埋一班同事去試⋯⋯食完之後，大家都一致認同不會再幫襯！伏伏伏伏伏首先，落單要用自己手機scan QR code，一人一張單，但唔知咩原因，有啲人開到個網，有啲人唔得，結果要借人手機先落到單，落單比較麻煩，如果提供埋平板電腦嘛好囉！我叫咗午市水師提督套餐（$118）, 海鮮係幾新鮮嘅，不過侍應服務態度非常差！幾好食都唔會再幫襯！侍應喺你食緊野嗰陣會推銷其他海鮮，價錢又唔係平喎，食個lunch啫，我地就唔喇加，點知佢就寸我地！！之後發現粥底同米線底份量差好遠，粥的份量有3-4碗，而米線份量一碗都冇！咁我地只係禮貌地問一問有冇得加米線（手機落單嘅Menu上係冇得選擇加米線架！），個侍應又寸我地囉！最後埋單，因為每人都有一張單，問過侍應可以一齊付款同分單都得，咁梗係分單方便啲啦，點知排隊俾錢嘅時候又黑我地面，發我地脾氣！仲要計錯數，收多咗我地錢！態度服務差成咁，唔怪得知lunchtime 黃金時段都冇乜人幫襯啦！以後都唔會再嚟食！

如果講食物質素，其實合格的，性價比尚可海鮮都OK新鮮，粥底亦夠濃味但職員態度極為惡劣(係超級惡劣!!!!)食午餐不額外加食物職員會俾說話你聽 (其實我地都有加，係無加佢推介果樣)詢問可否加食物職員又會俾說話你聽埋單時用信用卡，職員又會發脾氣同黑面食過銅鑼灣咁多間餐廳，態度最惡劣一定排第一銅鑼灣咁多餐廳，佢D嘢食又唔係好特別，而且位置一般如果無改善，就好自為之總之一句，我唔會再去食如果你想受下侍應(老闆!?)氣，咁你都可以去試嘅

粥底火鍋呀蒸海鮮呀愈開愈多，一路食開北角x心，難得見CWB有，於是book檯一試。電話打左好多次(講緊幾日啦) 都無人聽，仲cut線😤，已經有少少想轉呔唔食，但最後都book到咁照去啦。用餐時間得2個時段，我地揀左8點半果個，未夠鐘已經到，同其他食客一樣響門口企等入座，店員清左早一輪後陸續放人。我地2個人食，只可以坐Bar檯，不過好嘅在於傾計方便過打對面坐。為左節省manpower，呢度係用平板點餐嘅，我地分別點左最平(九品芝麻)同最貴(八府巡按)，然後一個揀魚湯米線、一個係粥底。粥底果個一開始就幫你落芋頭呀果啲配料，但最後係唔識幫你壓爛佢地嘅，咁個粥點會杰身呢🤔🤔🤔肉類3選2係可以叫晒同一款，所以我地全部叫牛；一分錢一分貨之下安格斯牛係有肉味嘅，肥牛就係普通貨色。丸類亦都可以揀想要嘅，唔一定跟set要勻3款，質素一般，食過就算😂海鮮值得一讚，夠新鮮好乾淨👍份量嚟講，即使揀最平果set都夠飽。當晚蠔做緊promotion所以我地點埋，質素唔錯。由於全自助，檯面有指引教你每樣食物要蒸幾耐，亦都有計時器幫你計住，汁醬同甜品(雪糕)就行出去檯拎，基本上再handicapped 的人都應付到。

精緻的裝飾，雖然是排排坐的長枱，巧妙地用薄簾分隔每一group 客人，最理想二、四、六、八雙數人數去，否則有一個要單丁同其他人share枱。我們order 了最basic 的九品芝麻套餐，打算若然不夠就去吃甜品，誰知這套餐非常豐富，每一樣海鮮也是新鮮的，魚片也沒有鯹味，蟹特別出色，有膏、肉結實，蔬菜也清甜，略嫌肥牛肉的部分太少，不過，銅鑼灣188的套餐包甜品，超值，記得要留肚食魚湯烏冬同魚湯粥，烏冬滑口彈牙，店員會加番薯芋頭在湯底煮粥，好鮮甜😋

朋友話想食海鮮，掃openrice見到呢間新開既就即管試下哪！晏就時間，有攝影師拍攝緊，亦可能因為呢樣關係，令鋪頭既人手分配受影響。點餐方式係自助既，連拎杯水都系自助既。掃QR CODE就可以落單，晏就可以選擇湯粉或粥底蒸海鮮。我同朋友各選一款。米線等左勁耐🌚啲海鮮一早到左，但完全唔知應該點做，又無人同我地講。等左好耐好耐，問啲侍應係咪有粥底，佢話食完啲海鮮就會有。🤔終於等到有人加湯俾我蒸海鮮。講返食物，其實用料都新鮮既，午餐黎講，份量都ok。蒸完哂啲海鮮，個粥都唔錯。系啲侍應態度唔系太好😥

打電話去book位，十問九唔應，得到嘅回應只係冇，冇同埋冇....未講完就cut線...態度差到唔想做生意咁，知道佢哋好生意，滿座，但係就算食物幾好食，都已經唔想去食啦👎👎👎👎唔介意態度差嘅即管去試吓! 由於要寫至少200字先可以俾個負評....已經衰到冇嘢好講....如果唔係一定會俾個😢👎