影片
港鐵銅鑼灣站 D4 出口, 步行約2分鐘
繼續閱讀
電話號碼
28850268
開飯介紹
以海鮮為主的一人蒸氣火鍋餐廳，有單點及套餐選擇，餐牌更列出蒸煮時間指引，讓你品嚐最鮮嫩的滋味。座位之間設有拉簾，即使獨自用膳也享有私密空間。
繼續閱讀
附加資料
用餐時間120分鐘
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
優惠
9折
八府巡按海套餐 1人蒸氣火鍋晚餐 - 豪歎至尊海鮮、特上肉類
$439
$488
9折
九五之尊套餐1人蒸氣火鍋套餐-豪歎刺身、至尊海鮮、特上肉類
$628
$698
相關文章
Bookmark左呢間蒸氣海鮮鍋好耐，終於約左朋友去食😍 每個位都有一個蒸爐，而每款食材要蒸幾耐亦都有講埋，坐底之後見餐廳有好多缸海鮮，新鮮既保證👍今次我地叫咗兩款套餐，第一款叫九品芝麻套餐，海鮮方面有白蜆、大蜆、扁蟶子、蝦、鮑魚同鮮魚片。白蜆帶有淡淡海味又無沙，而大蜆就更加厚實，咬落去口感豐富。扁蟶子肉質鮮甜！蝦就係個人心目中最愛，肉質彈牙，啖啖都是鮮味。至於鮑魚，滑而不膩，鮮魚片更係鮮嫩，整體海鮮質素好高😋 肉類方面，我揀咗美國肥牛同豚肉，肥牛肉脂肪分佈得宜，豚肉都好好味👍第二款八府巡按套餐就更加豐富，海鮮方面有白蜆、扁蟶子、蝦、北寄貝、元貝、鮑魚、龍蝦同鮮魚片。北寄貝口感滑，元貝肉質厚實，特別要提嘅係龍蝦，肉質好鮮甜，蒸完d 龍蝦肉已經好易挑出。再加上可以揀蟹或者蟶子王，揀左既蟶子王肉質紮實，味道濃郁，依個套餐d海鮮更加高級同正😍每款套餐都有小食、沙律同埋蔬菜拼盤仲可以選擇粥底或者面底，職員見你食到咁上下會幫你煮，真係好貼心。食到好飽好飽最後仲有甜品雲呢拿同芋頭味雪米糍😎
繼續閱讀
今次去咗呢間蒸氣海鮮餐廳，主打自己動手蒸新鮮海產，每個座位都有自己嘅蒸爐，想點蒸都自己話事，非常有趣🤩🍱 八府巡按套餐：呢個set都幾豐富，前菜沙律夠清新，小食係芝麻雞翼同雞軟骨餃子🍗💨。海鮮部分有白蚬、蝦、北寄貝、鮑魚、元貝、扁蝗子、鮮魚片、龍蝦半隻，款款都夠晒新鮮🦞🐚🐠。肉類方面，安格斯牛片同雞肉肉質嫩滑唔乾柴🥩🍗。而三寶丸更係驚喜之一，牛骨濃汁牛丸、薑汁皮蛋貢丸、招牌墨魚丸，口感爽口彈牙💥。最後仲有魚湯米線，一口暖胃，完美收尾🍜。🍱 九品芝麻套餐：呢款套餐份量十足，一樣有前菜沙律開胃，小食係章魚燒，燒得剛剛好，外皮香脆，內裏有彈牙章魚🐙🦑。海鮮同樣有白蚬、蝦、鮮魚片、大蚬、扁蝗子、鮑魚，全部夠晒新鮮，唔使點醬料已經食得出海鮮嘅鮮甜味🤤。肉類方面，美國肥牛同豚肉片都係必試之選，口感滑嫩🥩🐷。三寶丸同上一個套餐一樣咁優秀，爽口彈牙！粥底仲特別加錢點咗蟹膏蟹肉粥，簡直係精華所在🦀🍚，入口超級鮮甜，絕對值得試。🦐 散叫斑馬瀨尿蝦：呢隻瀨尿蝦真係超生猛，肉質飽滿有彈性，蒸完更鮮甜，海鮮控一定要試🦐💕🍻 飲品：生力黑啤同白啤都試咗，搭配海鮮真係一流，啤酒清爽，解膩又過癮🍺😌整體嚟講，呢間餐廳環境舒適，裝修有日系感覺，每個座位仲有竹簾間開，自己一個食都唔怕尷尬😌✨。最重要係海鮮真係夠新鮮，蒸出嚟原汁原味，一啖接一啖，食完走出門口仲要扶住個肚😂👍🏻，絕對會再嚟試多次！
繼續閱讀
已經是第三次光臨 ，亦是最後一次因為之前覺得好 所以才會再次光臨結果這次的用餐經歷可謂「極度失望」餐廳在衛生管理、食材品質與服務態度方面都嚴重失職，完全未能達到基本的餐飲標準。 1.食物衛生問題，令人擔憂用餐期間，竟在餐桌上發現小強（蟑螂）,反映出餐廳的衛生環境存在嚴重問題。當即向職員反映，然而職員完全無反應，未作任何處理，甚至連基本的道歉與交代都沒有。食客有權享受乾淨的用餐環境。用餐其間出現蟑螂難以接受，極度影響食慾，而職員的不作為，更加令顧客感到氣憤。這種情況絕不應該出現在任何專業餐廳裡。 2.食材疑似變質，職員卻敷衍應對其中一道海鮮-蟹，散發出強烈異味，令人質疑其是否已變質。向職員反映後，對方未有檢查、未有聞一下食物，甚至連基本確認程序都沒有，就直接回應「這是正常的味道」，試圖敷衍了事。餐廳對食材安全有絕對責任，而這樣的態度，只會讓人懷疑店家並不重視客人意見及感受。 3.服務態度冷漠，完全無誠意餐廳職員雖然提出可更換其他食材，但態度冷淡，不耐煩，並反覆強調食物本身並無問題。感受不到店家是真心關心顧客的感受與需求。面對顧客提出的合理疑慮，餐廳應該主動處理檢查，提供具體解釋，而不是擺出消極的態度，讓顧客覺得自己是在「無理取鬧」。結果，這樣的處理方式讓人完全失去心情與食慾。最終我們並沒有更換食材，也沒有享用疑似變質的食物，亦沒有心情享受餘下的餐點。4. 總結：餐廳應重視顧客體驗，而非漠視問題一家餐廳的基礎，不只是食物，而是整體環境、衛生、安全與服務。此次用餐經歷顯示出該餐廳在多方面都未能達標，衛生狀況令人擔憂，食材品質存疑，職員跟進服務欠佳。這樣的餐飲服務，顯然無法令人放心，也無法令我會再次光臨與推廣該餐廳給別人。
繼續閱讀
收工同朋友上黎食海鮮，以為係打邊爐海鮮，點知望真啲原來係蒸氣海鮮🤣🤣不過說實在佢哋嘅私人度真係好好，起碼有類似百葉簾嘅簾幫手間開啲座位，就算同唔識嘅人坐埋一齊，或者面對面坐，都唔會覺得好迫，仲要舒服㖭！我見佢有四款唔同套餐揀，由於我係同個friend share食，所以揀咗個九品芝麻套餐同埋八府巡按套餐，佢啲海鮮、肉同埋丸份量都幾多，有埋前菜同埋雜物其實好飽，重點係佢仲有得俾你揀粥底定面底，真係幾抵！佢啲海鮮算幾新鮮，同埋都幾大件，枱面上有張紙寫住每件海鮮要蒸幾多分鐘，最貼心嘅係原來個爐可以幫手計埋時，大家真係不妨一試！不過話說最後真係太飽，肉類同埋甜品都冇食到，所以唔洗擔心唔夠飽🤣
繼續閱讀
CP值爆燈！銅鑼灣一人一鍋蒸海鮮✨同老公撐枱腳嘆海鮮🦞 放工攰攰哋，想食好啲又唔想煩？去銅鑼灣「船渦」就啱晒！呢間一人一鍋蒸氣火鍋餐廳，唔使自己買餸洗切，新鮮海鮮送到你面前，啱晒我哋呢啲懶人😝今次每人叫咗一個套餐:「八府巡按海套餐」($488): 呢個套餐真係超級豐富！海鮮拼盤好震撼🤩 有龍蝦、鮑魚、元貝、蟶子、貴花蚌、白蜆、蝦等等，仲有安格斯牛肉添！龍蝦啖啖肉，仲有膏，肉質彈牙又鮮甜！其他海鮮都好新鮮，完全冇腥味，蒸完仲保持到鮮嫩口感。套餐仲包前菜沙律、炸餃子同芝麻雞翼，同埋蔬菜拼盤同甜品。我就揀咗南瓜芋頭粥做粥底，吸收晒海鮮嘅精華，好鮮甜！「九品芝麻套餐」($258): 抵食之選！海鮮方面有白蜆、大蜆、貴花蚌、蝦、鮑魚同鮮魚片。白蜆帶有淡淡海味又無沙，大蜆就更加厚實，口感豐富。貴花蚌肉質鮮甜！肉類揀咗美國肥牛同雞肉，肥牛油脂分布均勻，雞肉都幾滑，唔會嚡。每人一個蒸爐，仲有指示教你每款食材要蒸幾耐，就算唔識煮嘢都唔怕！👍🏻 飲品方面都好多選擇，有sake、啤酒等等，我哋就一人一支啤酒🍻食物質素高同份量超多，海鮮都幾新鮮，服務態度都唔錯，想食新鮮海鮮又唔想煩？快啲去「船渦」試吓啦！😋
繼續閱讀