船渦

營業中

休息中

Lunch時間係銅鑼灣搵食真係一件難事....皆因太多餐廳任你選擇，中西日韓泰乜都有，真係花多眼亂唔知點算好🤔行行下見到船渦嘅招牌，於是俾佢呢個咁得意嘅名吸引咗我上去啦😍剛好我今日lunch時間比較早，所以餐廳都未算多人，可以輕輕鬆鬆咁坐😌一睇個餐牌，見到有個套餐名叫「水師堤督」... 個腦即刻諗起某套電影嘅角色.....水師堤督 - 常大人是也我心諗: 「唔會係有光酥餅食呱?!」😱好彩一切都只係我嘅無聊幻想...呢間餐廳絕對唔係提供光酥餅，而係新鮮靚海鮮🤣🤣呢個套餐包括有: 帶子、海蝦、鮮魚片、白蜆、大蜆、蔬菜海鮮配料就有 : 蟹 (半隻)、鮑魚、元貝、蟶子皇 (四選一)肉食類就有 : 雞腿肉、肥牛、豚肉片 (三選一)好耐無食過蟹，所以我就揀左蟹、肥牛同埋麻辣魚湯底 (配烏冬啱哂!)　👍🏻✨揀完火鍋料就出去醬料吧混下醬~都有7、8款唔同嘅醬料俾你揀，同埋都幾企理乾淨，唔會整到周圍污糟哂👍🏻海蝦送到黎個時都仲係新鮮生猛，size都唔細同埋肉質爽口彈牙👍🏻兩款蜆都無沙，仲幾鮮甜，份量又夠多，好似都有六至八隻🤔而隻蟹都好多肉，仲有少少膏添！真係意想不到Lunch set都會有咁靚嘅蟹食🥰🥰

蒸氣火鍋流行左多年，以為又係嗰啲，點知今次去過船渦，真心佩服，木船主題相信係代表漁家收穫，餐廳排位整齊，座位以竹廉間隔，有點日系感覺，銅製蒸煱 ，一人一爐，手機點餐與時並進，遇着我這些科技鈍人，服務員自然會配合協助，想不到吃一頓飯也可以長知識呢😝點左「八府巡按餐」，時令嘅海鮮，砌成一隻刺身船嘅樣子，上枱時真係睇到你心花怒放，海鮮品種既多又名貴，開咗邊嘅龍蝦睇得出好生猛，鮑魚，蟶子，貴妃蚌都擦得乾乾淨淨，材料之靚🦐🦀🦞🐟可以話係蒸氣火鍋嘅XO八両重以上嘅龍蝦，冇花冇假，擺落蒸爐重郁架，蒸好更加不得了，龍蝦變成美艷嘅橙紅色，白色嘅龍蝦肉彈牙鮮甜，蝦頭嘅膏半凝固咁甘香綿滑，真係好食到飛起⭐️⭐️⭐️⭐️⭐️時間制好易調教意食邊樣先由你決定，心急想快三兩分鐘可以食住蝦食蜆先，龍蝦都咁高質，貴妃蚌、花蛤一様咁好👍👍👍貝殼類仲有帶子、鮑魚同蟶子王，唔同品種質感味道各有特色，八府巡按款式何止八款，啖啖肉仲有鮮魚柳，清蒸原味，源自天然嘅大海，女朋友仲食得好開心，佢話好味又唔肥食🤪🤪🤪一隻海鮮船已經美妙絕倫，新鮮時蔬、三色燒賣、仲有靚爆肥牛肉，濃湯烏冬保證令你飽肚又滿足。甜品係雪糕或雪條，黑糯米味道又幾特別，由頭

就係呢間「船渦」一出電梯，裏面格局排列整齊，可以因應客人數目，用垂簾組合間隔，靈活多變，簡單又實用👍🏻店員首先向我們介紹他們的餐單，而點餐加單也是用手機掃描QR code然後下單，操作過程簡單便捷，看來這種方式已經是大勢所趨，之後店員又介紹了各種海鮮食物需要蒸煮的時間，和如何操作蒸氣爐，總括來說簡單易明🤗呢度提供四款套餐，分別是$188「九品芝麻套餐」、$248「內務總管套餐」和$328「八府巡按套餐」和「九五至尊套餐」$598🤗我揀左「八府巡按」套餐$328/一位，從手機📱落單到上枱不消數分鐘便送上，效率很高！「八府巡按套餐」，海鮮有半隻龍蝦🦞還有半隻蟹、鮑魚、黃金蜆、鮮帶子、蟶子、蝦等等，而肉類方面有安格斯牛肉/雞腿肉/豬腩片、手打丸和蔬菜🥬首先根據指示，放入龍蝦清蒸，隻龍蝦仲係扎扎跳，非常生猛，預較時間係7分鐘，好心急啊😬終於夠鐘啦，急不及待馬上品嚐，唔係講笑，非常新鮮多汁彈牙，食海鮮最重要一個字「鮮」，新鮮嘅海鮮最佳烹調方法就一定係清蒸，冇得輸👍🏻其他海鮮，可以根據枱面嘅指示，設定時間，夠鐘就有得食，方便又好玩，全部海鮮都非常新鮮，非常有質素，尤其是隻鮑魚，好味到唔識講，入口爽

近呢幾年坊間都好流行食蒸海鮮，但通常都係要散叫或者叫6人 / 12人套餐，任食嘅又貴又唔新鮮最近就有朋友介紹我黎船渦食蒸海鮮，皆因佢可以一人一SET咁叫，價錢唔貴之餘啲料仲好新鮮咁話喎佢講到咁掂就梗係要約埋朋友去試試佢啦！套餐名都幾得意，有「九品芝麻」、「內務總管」、「八府巡察」同埋「九五至尊」我哋就叫咗兩個「九品芝麻」，套餐包括有半隻蟹、帶子、蝦、鮮魚片、白蜆、鮑魚同大蜆。肉類就有雞腿肉、肥牛同豬肉可以三揀二，另外仲有三寶丸同蔬菜拼盆。睇睇餐廳有幾個大魚缸養住啲海鮮就知佢哋呢度嘅海鮮料係好新鮮，唔係雪藏貨或者俾啲死海鮮你食等食期間見到隔離枱叫咗象拔蚌剌身，偷聽到食客們話好新鮮好好食，仲要唔貴，只係$128於是我哋就Order埋啦象拔蚌刺身份量比想像中多，而刺身亦都正如隔離枱食客所講好新鮮好鮮甜！入口爽脆，一啲都唔死實實，呢$128真係抵俾！我同朋友食個唔停，淨啲都唔記得咗要留意啲蒸海鮮嘅時間，好彩有鬧鐘提提我哋啫朋友果然無介紹錯，呢度嘅蒸海鮮真係好高質素雖然每人只有半隻蟹，但隻蟹好多肉，蟹身仲有少少膏，蟹鉗非常飽滿，肉亦都好鮮甜，新鮮貨真係無得輸白蜆同大蜆都處理得好好，完全無沙，份量

八府巡按套餐識食一定係去cwb食蒸氣，因為同朋友兩個人食得又唔係多。但又鍾意食海鮮，想食飽又食夠不妨試下一人一鍋蒸氣。而且仲可以坐得好舒服。因為想食得豐富d所以揀咗個豐富嘅八府巡按套餐。價錢貴dd，但我想講絕對值得。除咗有得揀安格斯牛肉同新鮮雞肉外，仲有各式各樣新鮮海鮮。蟹同龍蝦都有成半隻，而且好新鮮。白蜆份量又夠多，另外就係我最鍾意嘅貴妃蚌真係好大隻，食落極甜。鮮魚片肉質都好鮮嫩，的確值得一讚。而蔬菜拼盤＋埋烏冬落去食好鮮甜。絕對抵食，覺得可以同男朋友週年紀念再嚟搵食。而且最後仲有埋甜品食，仲包過食放題，真係非常推介。

同同事試新嘢優惠︰樓吓派傳單啊姐話附近工作的人出示名片有85折, 我地就咁埋單問佢係咪有折佢都會照計環境︰地點方便，燈光比較暗，係同朋友/客人黎既好地方, 傾計舒服設備︰手機落單, QR SCAN好神奇個一人渦設計好特別，上層係𦻛渦，下層係碌麵/烏冬/粥食。好方便又慳位左手邊有個時間計, 跟返佢地個指引就可以輕鬆𦻛得啱啱好, 超好食!!!音樂︰又無留意, 好似無, 同隔離枱只係得一張薄LIM隔住, 隔離枱講咩都聽到晒食物︰我地一行3人都叫咗呢個水師提督餐Lunch set, 計埋discount 每人一百蚊倒，已包括一堆海鮮(一堆蜆, 鮮蝦2隻, 大蚌1隻, 鮮魚片1片) + + {牛/豬/雞肶肉 三選一}。我叫咗鮑魚，勁勁勁新鮮!!!!! 上到枱都仲𢫭緊，好殘忍，要自己親手放佢入去𦻛，同佢講咗好多聲對唔住同埋多謝。鮑魚勁好食, 蝦都勁新鮮，正啊!! 蜆有沙。雞肶OK only。烏冬好好食。水/豉油/調味料有corner 位自己勘價錢︰嘩, 午餐118蚊一個人, 就算無85折都抵到爛!!! 最緊要係佢啲海鮮超新鮮鴉嘛!!

八府巡按套餐($328)話說blue Monday同事話想食好d，佢話之前食過呢間好正！我當然要一試啦。原來佢係一人一個蒸鍋，蒸海鮮真係啱哂我。而且都包幾多海鮮，雖然lunch食又真係幾heavy，但係絕對食完唔會變blue Monday haha!蟹有半隻，加埋同朋友就變成一隻。都真係幾大隻，但膏真唔算多，但呢個價錢咁多嘢食我無咩要求了。帶子都幾大粒，仲有d蝦，好鮮味。平日我唔太鍾意食魚，但今日發現呢隻魚好好味，我朋友都問多句突然咁鍾意食駛唔駛比埋我，哈哈！白蜆我就覺得一般，無咩肉食。但量好多。鮑魚都ok大隻嫁，絕對唔係環保殼。龍蝦係我最滿意，雖然佢得半隻，但都真係好大隻。啖啖肉。元貝同蟶子都ok。最後我將三寶丸、蔬菜拼盤同米粉一齊滾，米粉如果可以多d更好，但都真係好入味。下次想dinner帶埋屋企人試！

小編見今日天陰陰甘，個人好MOODY，提議同事又去打下邊邊CHEER UP 下，本來打算去翻老地方酒鍋既，甘O岩小編同事話銅鑼灣都有間類似午市打邊邊不過就唔係一般打邊爐甘，渠地玩蒸氣火鍋，即係蒸海鮮啦。 O系OP研究左渠地既餐牌，發現渠地有湯飯，面或者蒸海鮮食，如果食湯飯就大約60元而如果食蒸海鮮即係水師提督套餐都只需要118有一塊鮮魚片，大蜆，蝦，白蜆，帶子，特選蔬菜，再有4選一既蟹（半只），鮑魚，元貝，蟶子皇，再有3選一既雞胸肉，美國肥牛或者豬肉片，唔包野飲，小編覺得價錢都非常合理，就決定同D同事去探下究竟。小編認為最緊要D材料新鮮特別系海鮮，唔新鮮既話真心絕對唔會有下次，但呢間我地大家一致贊同MUST ENCORE， 一定翻兜，原因最重要就係D海鮮好新鮮，唔系話午市就比D垃圾你食，我地個個都話正，另外趕時間既朋友都可以黎呢度食，唔洗嗌破喉嚨要落單，Du個BARCODE輕鬆自己用手機落單， D野食唔洗3分鐘就到，檯面上有詳細指示你食咩海鮮就要蒸幾多分鐘，非常方便簡單！小編都係第一次去呢D甘鬼科技化既餐廳，非常非常方便快捷，最適合D一個人又想食蒸海鮮既人就好似小編我甘啦。真心要推介比

家姐食過recommend所以同朋友去試. 因為家姐話會好飽，所以我只叫左最平既set, 好似係ard 190? 食物係最少既，但都有海鮮，蔬菜，點心，肉，仲有麵食。另外叫左drinks，好似係水都要錢既。海鮮有蟹，蝦，蜆，鮑魚，魚，大蜆/扇貝(?) 之類，雖然d蝦唔識跳，蟹亦冇咩肉，但overall我覺得幾新鮮。蔬菜就比較少，個人認為呢個set可以cut 少d 肉，比多d 菜。然後仲有肉(雞牛豬可以choose 2樣)，我揀左2份雞，就咁蒸黎食都好味！不過係要蒸耐d, 佢suggest果個時間係唔夠既。然後有d搞笑佢會有3粒燒賣個d點心，同蒸氣火鍋/火鍋本身都好似完全冇關係咁haha然後佢仲會整走一d水，換d湯比你煮面食，問左waiter, 佢地話本身d水雖然係蒸左海鮮既蒸氣水，但其實依然係冇咩味既，所以要換做湯。湯係有得揀，有辛辣既，我揀左唔洗加錢既魚湯，唔係味精湯黎既食完先知其實好似係有雪條之類既，唔知係唔係，不過我地唔知冇食就走左，但都覺得好味同抵食！大推！唯一不足就係佢既setting係你同table 同旁邊table會連埋，所以唔可以同朋友講秘密~

最近三五成群的同事都在討論船渦，個個食完都讚，所以事不宜遲，都約左幾個饞嘴的人，一齊去試試真章。食完都真係物超所值。短時間內encore了2次。現在才補回食評。 這家一人蒸鍋，格局似一蘭，布簾可拉落黎，變作一人位又得，幾個拼作一枱亦得。全程手機落單，選菜。   全店3個餐，我2次都食最貴的八府巡按，因為有最愛的龍蝦！每枱上都有指示，每款食物要蒸幾耐！上菜好快，呢頭落單，轉頭已經成隻海鮮船上枱。每隻船上枱一刻，啲海鮮仲生跳跳，十分新鮮。     跟餐還有2款肉及自家製點心丸，外加一盤蔬菜，而且還可以自己出去無限添加流心芝士丸和爆漿牛丸。 先來當然雞手鴨腳蒸海鮮，不過蒸了一兩次便很快上手，越蒸越過癮也越起勁。扇貝很巨型，蒸完啲湯汁仍留在貝內，啖啖肉又鮮甜！  蟶子也是巨型，長得蒸鍋都蓋唔住。肉鮮甜爽脆！我最愛的龍蝦當然亦不用多說，入口啖啖肉，而且肉一拆即起，這拆肉感覺很痛快！  鮑魚、花甲、刀貝、龍疐肉、蝦、蟹等都新鮮，所以鮮甜沒有難道。大家都一致讚好。     值得一推的是自家製的丸，真材實料，味道拍得住酒樓出品，所以必食。無限添加的芝士丸和牛丸，亦令人滿意！   附上的蒸肉，估唔到蒸

要食海鮮嘅原味一諗就會諗起蒸氣火鍋，好耐無食啦～今次同朋友相約係呢間一人蒸氣火鍋餐廳食返夠本！臨放假前食好啲所以叫左八府巡按套餐，有好多款海鮮，有龍蝦、肉蟹、鮑魚、海蝦、元貝、鮮魚片、貴妃蚌、黃金蚌、蜆同埋蟶子皇。除左海鮮之外仲可以揀兩款肉類同埋鍋底嘅主食。肉類可以揀雞牛豬，我就揀左牛同豬～主食有粥底同麵底，我就揀左魚湯烏冬。呢度仲係用手機掃QR code落單，如果一個人嚟食火鍋真係可以完全唔同店員有對話lol落完單都好快上菜，上枱後啲海鮮仲會郁架，真係好新鮮！一開始就食左蟶子皇先，電子爐開關仲有timer，枱面又有張紙寫晒每款海鮮嘅建議時間，一路計時咁就可以蒸到剛剛好啦！蟶子好大，朋友個隻仲要大到合唔埋個蓋～食落超鮮甜，一蒸完仲有好多海鮮汁。跟住就蒸蜆，雖然細細粒但完全無沙，一粒粒啪落口好爽～魚片好快熟，可以蒸少啲時間～貴妃蚌超大隻，一咬落去蚌入面仲爆汁～海蝦有膏又彈牙，令唔鐘意剝蝦嘅我都忍唔住了～十隻都願意剝了～呢個時候就蒸啲需要啲嘅先，咁就可以利用啲時間剝蝦食。就蒸左元貝先，超厚身又鮮味！跟住再蒸埋黃金蚌同蟹，蟹超多膏，肉好鮮甜～龍蝦同鮑魚殿後，鮑魚好易整起同埋整走啲污糟野~龍蝦

銅鑼灣新開咗一間蒸氣鍋，仲可以一人一鍋自己慢慢蒸，而海鮮真係超級新鮮，仲要價錢唔算貴最緊要夠飽啊今次試呢個叫八府巡按，有成10款海鮮3選2肉類及三寶丸同埋蔬菜拼盤，仲可選粥底或麵底（另選湯底）我另外再點了冰凍啤酒爽下佢，配海鮮真係一流蟶子皇好大隻又厚肉，入口爽甜又彈牙，果然高質新鮮，唔洗太多調味料都夠味貴妃蚌好飽滿又鮮甜，同埋最緊要無沙啊元貝因爲太大隻，我就加咗辣蒜去蒸，好厚身又鮮甜，真係好新鮮啊因為三寶丸賣哂就轉咗燒賣、牛肉及蝦滑，牛肉味出蝦滑好爽彈～大蜆都唔錯，另外當日出面調味架仲有2款丸攞啊蜆仔好多隻啊，都幾新鮮甜美大蝦好新鮮爽口彈牙，蝦味都鮮甜，清蒸都好正了鮑魚都算大隻肉厚，點少少豉油提鮮更美味，夠哂彈牙一啲都唔韌最正就係呢半隻龍蝦，超級新鮮又大隻仲有膏㗎，肉質實在夠爽彈，蒸起用叉一起成條肉起哂出嚟，龍蝦味好出又夠鮮甜美味蟹係半隻好實肉，一絲絲好鮮甜，仲有膏帶住，果然高質海鮮牛肉清蒸真係好好食，牛味更出又食到原汁原味，正啊食咗咁多肉同海鮮蒸蔬菜食就最啱最後係魚湯配丁麵，魚湯都重魚鮮味可加之前嘅精華，個麵吸哂味好正喔仲有雪條送㗎

蒸海鮮食店越開越多，但次次要約齊腳真係唔容易，而少人又唔得多款式，唔夠多款式又會直接影相粥底嘅鮮甜度，都真係幾難搞。從來都無諗過，原來一兜友都可以食蒸海鮮，仲要食到多款海鮮?!就算怕個粥底無味都可以索性改湯底、改麵底?! 船渦絕對係為方便大眾嘅新產品，蒸海鮮同火鍋一樣，都可以一人一蒸渦。餐廳走科技路線，直接用QR code由手機落單，方便快捷！三個套餐中，為食嘅我地當然揀最強陣容嘅$328套餐，有蟶子皇、龍蝦等高檔海鮮！餐廳海產由香港仔提供，新鮮運到，而且有水缸養住各式海鮮，新鮮度滿分！落單後，食材好快放滿整張枱，得水滾後就可以逐一放入蒸鍋。枱面上有各款食物嘅所需時間及計時器，非常方便，唔需要擔心自己唔識煮飯呢個問題 haha豐盛嘅海鮮盤放有龍蝦、肉蟹、鮑魚、蟶子、扇貝、蝦、魚片、黃金蚌、貴妃蚌、蜆，足足十款海鮮，太誇張了。肉類方面有雞、牛、豬任選2款，仲有三粒特色點心同蔬菜籃。最後不少得粥底或麵底，不論男女都表示食得太飽，最最後還有雪糕雪條等甜品，抵食到癲！