船渦

營業中

休息中

呢間新式一人一鍋蒸海鮮，可以幫到我呢啲唔食牛嘅人同朋友一齊食。訂咗 8:30，早到都要喺門口等夠鐘先成批人入坐，成間餐廳無餐排睇，入坐後要用 QR Code 落單，我估其中一個老細 (佢叫另一位嗰晚埋數) 仲話第日間間餐廳都轉用呢個方法架啦，慳人手嘛。 。 。但我部用咗 2 年多嘅手機 scan 咗好耐都唔得喎。 。 。咁係咪唔駛落單? 最後都係嗰位疑似老細用佢手機幫我落單 🤷‍♀️個位人兄問食粥定食麵或烏冬，粥就唔駛揀湯底，你晚晚同客講到熟晒好似急口令咁，問多次就有點唔耐煩 😔海鮮船上檯，蒸咗鮑魚，帶子同扇貝，呢 3 樣都無乜味，要點醬油，跟住蒸魚蝦蟹就食到鮮味，大蜆同白蜆都鮮甜。無端端有位侍應走嚟話幫我哋加粥，理都唔理有無蒸緊食物就拉開放粥去個鍋底 🤦‍♀️ 咁件雞我就唯有再蒸耐啲先食啦！有 3 粒醬爆丸的東西，好彩問一問，先知有一粒有牛嘅，唔該晒 🙄鍋粥的確好味，雖然大家叫同一個餐，我鍋粥有蟹味，但朋友嗰鍋就普通啲，咁就食埋我嗰鍋啦，反正我都食唔晒。差唔多走先話我哋知食原來有雪糕可以食，其實真係唔知佢個餐係包啲乜嘢!

見到廣告呢間新開蒸海鮮係一人一爐幾得意，而且標榜海鮮係非常新鮮，所以吸引左我book位試吓。店内坐位都舒適唔覺得好逼，我被安排坐窗邊高枱。全店只有3款套餐，飲品係另計。今次 order 左~八府巡按套餐 $328主要呢款套餐係3款set中最多海鮮。包括有半隻龍蝦，半隻蟹，鮑魚，貴妃蚌，帶子，蟶子，蝦，白蜆，少少蔬菜，少少肉，仲可以揀粥底或粉麵。(當晚我仲另外加錢叫左琵琶蝦)總結: 店内海鮮真係好新鮮，上枱時仲郁。份量也是充足，食到尾粥也食唔晒，服務也良好，不過整體又未去到驚喜，可以間中食吓。

我地walk in，好好彩早咗一分鐘，可以食得到。好喜歡💕依度的環境，又可以兩個人密密傾，又唔覺得好公開，私隱度算唔錯。因為我自己最討厭一蘭嘅自閉設計。依度好鬼先進，要自己用QR code點餐，基本上無職員理我地，可能覺得我地後生仔女一定識用，反而隔離嘅中年姨姨，啲職員都幾熱心教佢地。我地都係揀最平嘅套餐，$188+10%。之後，等個陣就自己去醬料區，雪糕區，熱水區，自助拎吓野。環境真係好清潔，可能開咗一個月都唔夠。份量好足，個爐都好好，海鮮真係好新鮮，啲海鮮真係值得欣賞吓，蔬果籃嘅材料都好好，啲肉類都不錯。所以海鮮最有驚喜係魚片，極度好味，再ncall都幾平，$38一份，應該有4片，因為都好夠食就沒有特別再加野。最後，個粥底一開始覺得太稀，但食落又覺得好好味，總結我會再黎食，但下次一定要訂位，唔係次次都咁好彩。

環境：環境幾特別，都幾乾淨，一人一鍋，每四個位會有幕隔開，不過同對面位相隔真係有少少遠LOL 基本上好難聽到對面既朋友講緊咩。性價比：適中，海鮮分量睇落比較細份o_0（我天真地諗多左），不過佢有菜又有其他肉類，普通食量既女生食埋粥或者粉面係一定會飽既，所以我係最尾食唔哂個粥底既。但如果係去譚仔食得哂一碗面加飲埋野都只係岩岩好既朋友，咁應該就唔夠飽啦XD。海鮮鮮唔鮮就睇下係邊款啦，最欣賞既係魚塊同貝殼類，真心新鮮！其他海鮮大部份都OK既，只係未去到令人嘩一聲既程度。不過蝦肉就麻麻地，啲肉有少少梅，唔知係咪我食果幾隻既問題._. 另外，肥牛好食，真係好重牛味 如果單計食物既性價比黎講都還好呀。服務：落單係掃QR code既，都幾方便，本身以為最後會出一人一張單（諗住方便ＡＡ制）但原來最後都係會group番做一張總單LOL。然後成餐飯既"亮點"黎啦，本身覺得還好都即刻變到唔想再去。其他服務員態度都還好，只係一炒場就會開始亂，例如有朋友追左三次，同場既朋友都食哂佢都仲未加得到粥底。仲有一忙就可能會漏野食野飲。 不過自己都做過餐飲業都明白既...　但重點來了，有個服務員真係講野勁有骨，張單濕左少

叫左個八府巡按餐食物鮮味十足（雖然未去到有驚喜既程度）份量充足，食完海鮮&肉之後9成飽，粥底都食唔哂。飲品性價比低（只係普通汽水已經15蚊），完全無自家製既飲品，雪糕只有一款。而食野最緊要係個氣氛，職員成功徹底破壞👍🏻☺️第一，加粥底時話我個袋阻住佢（態度串串貢）第二，埋單時朋友睇完張單之後放喺枱面，就比個職員話：「做咩將張單放黎呢邊，呢邊濕架麻，所以我頭先先放另一邊」第三，11點果時個職員訓導主任上身，同我地講：「唔好意思，夠鐘要走，講第二次架啦。」佢講完第二次果刻，我都好肯定我唔會黎第二次🙂其實以上三點只要d職員態度好地地咁講，係make sense既，但而家串串貢咁真係貼錢買難受

我同朋友早一日就打左黎book位，呢度好似得6:00/8:30時段可供選擇！因為我地都要返工，所以只好等到8:30個轉先有得食🙈基本上一黎到就好快入得去，因為有預先book位，但都見到有人係walkin☺️Walkin個啲就可能要等下有冇人甩底冇黎啦，所以建議大家都係預早book左先，確保一定有得食嘛😳裡面既格局好有日式既感覺，我同我朋友就安排左坐係高枱既位☺️呢度係用電話落單，每人都可以掃一掃QR code揀你想要既set🤔呢度分別有三個餐可以揀，有便啲既九品芝麻套裝($188)，去到中上既內務總管套餐($248)同埋最豐富既八府巡按套餐($328)。三者最大分別係係海鮮到，八府巡按套餐係有最多既海鮮，有龍蝦🦞、貴妃蚌等！我同朋友都點左內務總管套裝，有蟹(半隻)、帶子、蝦、鮮魚片、白蜆、飽魚、帶子、元貝、時令海鮮😊仲有三揀二既安格斯牛肉、雞腿肉或豚肉片！同埋蔬菜拼盤和手打三色丸添，真係有好多野食啊😋-🎈內務總管套餐每樣食物佢都有提供所屬時間係要蒸幾耐的😊大讚佢啲海鮮真係超級新鮮😳😳😳我地一開始食左飽魚同元貝，嘩係十級幸福啊💗個種海鮮既鮮味真係正到呢😋其他海鮮都好好味，基本上食哂啲海鮮已經

食物質素是可以的。服務員的態度差到一個點。。。。每問一個問題都很未有耐性回答，不指是對我們，其他桌的也是。也沒有跟我們說醬油，水放在那裡。。。。食了一餐很受氣的飯

27號晚即興想去試下，打去訂位，無晒位，個侍應叫我們照去，話好多香港人會放飛機。 8:30pm去到， 等左10分鐘， 比我們入座了，因為有人放飛機。 試左$188餐，經濟實惠，有蝦、蟹，飽魚，魚、蜆、元貝，時菜，牛丸等等。樣樣都新鮮好食， 真係無可挑剔，在我附近的食客都大讚食物新鮮好味。 一人一鍋好方便。環境舒適，侍應有禮貌， 希望可以keep住下去。只是$188加一，又不洗額外再付醬料費， 有免費茶和雪糕一定會再光顧。

約左朋友係銅鑼灣食飯，完全沒有想吃什麼隨便撞，初頭走到一間燒肉店碰運氣，無位。最後朋友提議到呢道，本住反正都碰左一次運氣，都唔差在再試下walk in，上到去店員告知無位，的確很滿座，正在準備離開時，店員竟為我們打電話查詢未到(遲到？)客人是否會出現，剛好有一桌多了店員立即安排入座。對席而坐，張枱好遠，比平常距離遠，很難和對面的朋友溝通，又不想太大聲，個時全場爆滿，還好未至太嘈，大部分人都好努力控制聲浪，當然還是有人會很大聲地說話。其實佢枱係一張大枱，不同枱的客人以竹簾相間。入座後你會立即得到味架和餐單餐單，下單需要下載佢地個app，自己選項，我和朋友都選了內務總管套餐(一人一鍋的形式)，佢都幾自由，3選2的肉類，係可以全選其中一樣都得，不需2款不同，另外手打3色丸都係，可以自由選擇配對。下單後5分鐘內上左呢道的海鮮，店員放下離開了，我地呆呆的坐了一會，才再問一下發現，原來已經可以開始，店員之後再比左個建議煮熟的表比我，再快速講解下點禁我地先知要做乜(大鄉里)，我上面都提過佢地店內好爆場，我眼見真係好忙的，如果有埋使用方法教埋客人使用方法就更好，可以減低員工工作量，係咁忙的情況將時間用

前一日打電話去訂枱,訂咗18:30, 點知去到職員話留咗20:3018:30已full喎, 職員仲係咁話我地訂既係20:30口同鼻拗冇意思啦, 直接走人就算.希望冇其他人一樣咁唔好彩啦