船渦

營業中

休息中

今日相約朋友到銅鑼灣食好野，原來佢既格局係一人一鍋，座位設計係專為一人設計，讓我們幾姊妹聊天有少許不便，但對於一人去搵食，絕對係好選擇。*小插曲* 在我們預備柯打時發現台上有小強，簡直令我們發瘋。全店格局不單為一人設計，就連柯打都是各自用手機下單，高科技呀！而且好細心可以將部份食物與其他調配，例如：唔食牛專為豬或雞在尾聲鍋底可做成粥或麵， 將剛剛蒸氣海鮮的精華混在一起，我揀選了粥，店員會細心幫你烹調。

我係一個好熱衷食蒸氣火鍋嘅人，奈何平時出去打邊爐，一個人霸住張二人枱，野食又食得唔多，個個店員望實你，好似好尷尬咁，所以我淨係夠膽一個人去吉野家打邊爐。係我知道銅鑼灣呢間船渦有一人蒸氣火鍋餐既時侯，即刻滿心期待咁 book 左位！餐廳好貼心咁樣係每個位之間都加上竹簾，私癮度十足，就算一個人去食都唔會尷尬。佢有幾個唔同價位嘅套餐可以選擇，豐儉由人。我自己就揀咗 $328/位既八府巡按套餐。食過好多間唔同價位嘅蒸氣火鍋，呢間嘅質素同價錢絕對超值。海鮮好新鮮，貝殼類洗得夠乾淨，而且份量十足，食到飽一飽。每個位都有自己獨立嘅蒸爐，可以自己蒸海鮮食。呢度嘅鮑魚超級肥美，幾乎有我成個拳頭咁大。鮑魚入口鮮味十足，肉質彈牙，咬成四五啖先食得完。估唔到呢個價位嘅蒸氣火鍋，會有齊龍蝦同蟹兩款食材。蟹肉極鮮甜，香滑無比，食落去啖啖蟹肉，好滿足。龍蝦新鮮度滿分，蝦肉彈牙爽口。而其他海鮮都相當出色。蜆肉多汁飽滿，魚肉香滑無骨，食得好方便。帶子好厚身，充滿濃厚海鮮風味。-另外套餐仲會包埋蔬菜籃，三款特色點心，牛肉同豬肉。我最鍾意就係燒賣，估唔到蒸燒賣都咁好食，而且材料一啲都唔馬虎，味道做得唔錯。二牛肉亦都有驚喜，

之前試過黎食午市覺得幾唔錯~咁啱今日要出銅鑼灣見客，見完客剛好肚餓，又啱啱六點應該唔會太多人，嗱嗱聲上去先點完餐之後聽到隔離位個食客話散叫朝鮮石蠔都只係$28，一於叫一隻試下先!其實真係幾鐘意呢度一人一鍋既格局，一個人鐘意話食就食，唔洗約人~仲要座位之間有一道簾隔開，免除不必要既尷尬個套餐有半隻蟹、帶子、海蝦、鮮魚片、白蜆、鮑魚同大蜆，仲有兩個份肉食真係唔好睇少份量，食完真係堅飽個半隻蟹帶少少膏，入口甘香，蟹鉗肉飽滿，估唔到咁多肉食帶子都好大粒，拆走裙邊都仲有好多肉食~鮑魚都好新鮮，上枱仲識郁下郁下食完海鮮之後，職員就幫我加麻辣魚湯俾我煮拉麵食啦麻辣魚湯真係「賣飛佛」!! 本身個人就唔太識食辣，但又成日心思思鐘意食辣...幸好呢個麻辣魚湯既辣度可以揀大中小，我當然係揀小辣啦拉麵同麻辣魚湯真係好夾好掛湯，下次再黎挑戰中辣先

我最近學人玩團購。第一次就試這間餐廳了。因為發覺佢的一人邊爐好有特色。團購介紹時覺得佢地的裝修風格特別。像日本拉麵店一蘭，但就比一蘭靈活。因為除了隔離可以打通，你都可以打通對面。當然一個人去試就通唔通都無問題。所以我的第一次便開始了。我睇介紹時佢地聲稱客人比較多。最好先訂位。確保有位置留比顧客。所以我都訂左位。但老實說根本完全唔需要。這間餐廳位置唔係太難找。不過因為係商業大廈。所以升降機位比較窄。可能等升降機時間會比較長。我一進入食店。說明團購訂了位。佢就指示我隨便坐。我一睇勁恐怖。係只有我一個人⋯⋯團購限定時間這個時段。但竟然沒有人因為團購的吸引力，會嘗試這間店⋯我還學人訂位。我突然覺得自己很笨⋯其實我唔應該講只有我一個人。因為其實都有員工的。不過佢地在休息和訓覺。我覺得自己好似騷擾左人哋⋯⋯不過我都無法。因為買左團購。限時、限日子、限食的套餐...因為只有我一人，我根本唔需要拉下簾⋯這裡的衛生都唔算特別好。很多地方都唔太乾淨。和職員說好選擇咩配對和選擇粥底後。便要自己出去選擇配料。配料無咩特別。但都唔會特別好吃。這裡除配料要自己行去配對，還有食水都要自己去添加。這個就很麻煩了。食一

上網見到話係一人一鍋嘅蒸鍋，好似好好玩咁，就決定帶埋阿媽去見識下！之前食過嘅蒸鍋都係一個大鍋，一次過蒸熟晒所有人嘅份量。試下一人一鍋會唔會有特別之處。點了水師提督套餐，種類唔算太多，鮑魚聖子元貝3選1，仲有蝦、蜆、魚肉、牛肉或豬肉。其實預咗之後去食tea，所以特登留肚嘅。帶子 - 4/5，有口感，不過自己蒸老左少少蝦 - 4/5，呢個好食，蝦新鮮唔黐殼鮑魚 - 4/5，夠新鮮牛肉 - 4.5/5，佈滿雪花，整到7-8成食最好，亮點魚肉 - 3.5/5，正常味道南瓜粥好好味，甜甜地，個粥底又夠綿，其實都夠飽。其實一人一鍋除咗方便1個人去食蒸氣鍋之外，都有其他意義。每個人都有對食材生熟程度嘅追求，自己蒸自己嘅牛肉就可以控制到時間，想食7成熟都方便，可以自己睇住，隨時開蓋即食。

有時食飯就唔需要一大班人或者有人陪既~人越大越難約朋友，我早練成左一個人睇戲、一個人唱K、一個人食飯都無有怕既能力難得公司東主有喜放假一天，好少有可以平日放假，一於出去銅鑼灣睇戲兼食飯先。今日個行程重點係想去一間人氣長龍店食pancake，當然食甜品前要先食正餐醫左肚先啦前一晚做左功課，終於俾我搵到全港首創一人蒸氣海鮮鍋專門店 - 船渦餐廳間隔幾唔錯，每張枱都有獨立蒸鍋位置，就算一班人黎都咁方便，唔係人人都鐘意同朋友SHARE同一個鍋架嘛最正就係佢仲會有一塊竹簾幫你隔開隔離前後左右既食客，咁就唔洗同其他人你眼望我眼我就叫左個刑部尚書套餐，有六款海鮮，包括有黃金蚌、海蝦、BB蟶子、白蜆、大蜆，仲有蟹 / 鮑魚 / 元貝 / 蟶子皇 (4揀1)另外仲有雞軟骨餃子、蔬菜同埋肉食 (豬牛雞揀1款)仲有粉麵飯粥俾你揀~都算幾抵食餐廳仲有個窩心位，就係每張枱都會有個提示話你知每種食物應該蒸幾耐啱哂我呢種對生熟程度無咩概念既人食物好快就黎齊哂啦~D海鮮真係堅新鮮，啲海蝦送上黎個陣D腳仲識郁4揀1海鮮入面我揀左蟹~雖然得半隻，但個半隻蟹居然係有少少膏，蟹肉好爽甜，係幾正喎而BB蟶子亦都出乎意料地好食，

24-8-2019 晚餐🥣🍽 位於銅鑼灣核心地區,方便易搵近地鐵岀口🚇.餐廳分了18:30及20:30兩輪.當晚我提前訂了20:30的.建議先預訂.當晚都爆場的. 本身想叫一個 $328 set 和一個普通 set 另加象拔蚌的.點知象拔蚌一早已經沽清,令我有點失望☹之後就同女朋友每人叫左份 $328 set,賣相都相當吸引.如果以呢個價錢黎講,個人認為真係超值.最起餐入面既海鮮坐部都好新鮮.龍蝦🦞/蟹🦀/蜆/蝦🦐/ -,蒸熟之後肉質鮮味和彈牙,基本上唔需再加任何醬料都已經好好食.另外一提,佢地自家制既手打燒賣都十分好食!!😋😋 我都幾鍾意呢種食法,因為可以真正咁食到本身海鮮既水準.而且唔會話好似出面打邊佬咁重口味.我對食物既評分相當高的👍🏻(比呢個價錢絕對超值),但係飲品方便唔係幾岩我心水.座位都叫做可以,(咁呢個價錢都咁上下)我自己只係覺得個餐份量太多!2個人最後賣單800蚊.

網上買了團購食lunch，個餐嘅名係刑部尚書套餐，去到睇番個主餐牌見係同其他套餐屬於同一個系列，都係D古裝名。因為買團購冇乜特別預期，去到又無問題，所有嘢都好新鮮，份量又足。主食可以揀鮑魚、半隻蟹、聖子王、元貝其中一樣，我食咗元貝，雖然蟹好似屬於貴價D，不過又要拆殼，好鬼麻煩，所以一啖就食到嘅元貝就啱晒我啦，蒸熟咗好鮮甜，真係冇揀錯。加上有其他幾款海鮮－蜆、蚌、蝦等等，全部都新鮮，D蝦又唔會霉嘅。食埋餃子同肥牛+烏冬麵，點會唔飽，呢個餐免加一，cp值好高。最尾一提，真係1個人去食都得呀。有竹簾做間格，無乜尷尬嘅感覺。

聽朋友講有間比較特別嘅蒸氣鍋係可以每人一鍋，馬上search下係邊一間啦，想去見識下個蒸鍋係點樣。因為蒸氣鍋做到一人一鍋的話，好似好得意咁。同埋1個人都可以去食呀嘛。雖然話可以自己1個人去食，不過好似好尷尬咁，所以拉埋同事收工去食。餐廳入面貌似日式裝潢，用竹簾做間隔，真係獨食都唔會同其他人對望，尷尬感大大減低。「內務總管套餐」有多款海鮮蟹 - 鮮味足，蟹膏不太多，但係肉質厚實帶甜蝦 - 大大隻，啖啖肉夠彈牙鮑魚 - 好新鮮貝類 - 味道正常，最緊要無沙加上牛肉同蔬菜都已經8成飽。最後食南瓜粥底，質感好綿，口味偏向清淡。份量好多，真係食唔晒。一個人都食到海鮮蒸鍋，呢個概念都算係新嘗試，海鮮用料都係上乘，值得再回頭去食嘅。

一人一鍋蒸海鮮好似得呢間船渦先有，個人口味黎講其實幾喜歡食蒸海鮮。但自己買返屋企整又難預算份量之餘又食唔到太多，如果去餐廳食又唔接受一個人食。皇天不負有心人，終於俾我搵到主打一人一鍋嘅船渦啦雖然話店家主打一人一鍋，但都明白如果晚市或者假日黎食通常都好少會有人單獨黎食。實在唔想顯得自己太獨突...我揀咗某個平日中午黎試下上到餐廳都發現原來午市時間都有好幾枱係單獨黎食午飯，即刻放心哂嗱嗱聲坐低睇下餐牌先午市除咗海鮮蒸鍋之外仲有湯粉麵食，又幾多元化喎係午市嘅套餐有兩種，一個叫水師提督套餐，另一個係八府巡按套餐價錢分別係$118同埋$328咁我就揀咗水師提督套餐啦~呢個套餐包括有帶子、蝦、新鮮魚片、白蜆、大蜆、蔬菜，另外仲有特選海鮮四選一 (蟹 / 鮑魚 / 元貝 / 蟶子皇)肉食就有雞腿肉 / 肥牛同埋豚肉片三揀一仲唔止架~仲有得揀要粥底定粉麵飯都幾包羅萬有喎餐廳環境都坐得幾舒適，唔會逼逼狹狹咁，冷氣都足夠，唔洗驚會食到成身汗咁睇黎我可以好好咁享受我嘅悠閒午餐啦唔洗等好耐啲海鮮就送到上枱啦海鮮非常有光澤，一望就知係新鮮貨。餐枱仲有張紙溫馨提示每種食物要蒸幾耐，幾細心周到。特選海鮮我就揀咗蟹，

同朋友黎試呢間蒸氣鍋，一開張就已經見IG好多人介紹，好彩星期六中午唔算多人，而且每個位都可以分隔開，就算一個人去都絕對唔會尷尬，淨係呢一點已經優勝過好多其他一人一鍋喇。我揀左水師提督餐，餐牌寫$118，不過唔知點解有折，埋單$110都唔洗。我揀左蟹，因為覺得比蟶子/鮑魚會多d肉食，不過其他點揀都好佢個粥底好大份，一定食得飽。海鮮都算新鮮，見住佢係魚缸撈上黎。 整體黎講環境ok,食物同價錢都唔錯，而且我地一行人慢慢食，無俾人趕 ，加上係分開埋單既，所以同行既朋友唔洗就住叫，十分方便呀！值得推介，一定要再去呀！

唔知喺孤獨級別排行榜，一個人食蒸氣鍋係排第幾呢？不過我覺得一個人唔一定會覺得孤獨嘅，有時一個人都幾樂得清靜同自在。獨處都係一種幾好嘅休息方法。於是我就獨自踏上船~~~渦，食個一人蒸氣鍋啦。睇MENU見到都有唔同套餐，唔同餐海鮮種類同數量就唔同，我個人比較大食，又貪心，於是就揀咗八府巡按套餐，想食勻晒咁多款海鮮。佢嘅間隔設計真係幾得意嘅，會用竹簾間住啲位，雖然話可以多啲私隱空間，不過我一個人前面，左右都間住一塊簾就有啲焗~ 不過都唔錯嘅，可以係蒸嘅時間放空下自己，唔會見到隔離啲人，無咁尷尬。個set 三百零蚊，有成10款海鮮咁多，包括蟹，黃金蚌，蝦，鮮魚片，白蜆，鮑魚，貴妃蚌，元貝，龍蝦（半隻），聖子皇。又鮑魚又龍蝦，真係食得好豪啊。唔單只係海鮮，仲有自家製嘅特色點心，蔬菜拼盤，最後仲有粥底，食完粥底仲有雪條食。一個SET食落嚟，食得飽肚又滿足！我就覺得價錢唔多合理啦，咁多嘢食點解先$328？！哈哈，講笑。我當然係希望佢越平越好啦。有啲人會覺得一個人食飯好慘，我就唔覺啦，我覺得因為一個人食而求其食啲嘢，唔好好地食餐飯嘅人先係慘。（雖然食到最後發現自己無帶紙巾，無得抹嘴係有啲慘……）我想講

今日同屋企人出街，老人家好多嘢佢地都唔啱食。不過蒸鍋就一定啱佢地食，所以我一早就訂咗位帶佢地去試下呢排幾出名嘅一人蒸鍋。（與其話帶佢地去試，其實係我自己想試……）我一早做定research，餐廳都幾近地鐵站。唔駛老人家行咁多路。餐廳風格都頗日式。主打一人蒸鍋。我就叫咗內務總管套餐，佢地都揀咗唔同嘅套餐，有啲中意食龍蝦揀咗八府巡按。共有9款海鮮（應該無數錯），2款肉類加特式點心。仲有蔬菜拼盤。食蒸鍋呢啲，好難逐款逐款去點評嘅。海鮮都幾鮮甜，無雪味，相信都係攞佢地嘅“魚缸”入面嘅。食蒸鍋真係唔可以有雪味，因為食嘅就係海鮮本身嘅原汁原味！新鮮度係唔錯！排盤都好靚！食到最後有粥底或者麵揀，我地每個人都可以自己揀想食粥定麵，呢個就係一人蒸鍋嘅好處！樣樣都可以跟自己口味選擇！蒸鍋結尾我就揀咗紅豆雪條！呢個簡直係童年回憶啊，好耐無食過。今餐屋企人都話食得唔錯，這讓我鬆一口氣，其實都驚佢地無法習慣呢度嘅環境同一人食法，好彩佢地都中意。

星期五想食吃點好東西、想要下海鮮可能沒有那麼油膩，就來了這一家看起來很不錯的蒸氣火鍋店。雖然主打的是一人一鍋，但在場所見其實大多數都是結伴而來。晚上分兩個時段，我們是8:30那個時段, 到最後也沒坐滿、所以就算walk in應該也OK。每個人都有獨立的位置每個人面前的海鮮都會有些擺盤看着還不錯我們叫了248及328的兩個套餐，其實大致上相似但是多了一個鮑魚和一些貝類等等。為了說吃不飽還會有點心和牛肉雞肉之類的東西讓你吃，所以最後還會有粥底火鍋。蟹膏什麼的還不錯，其實海鮮上到來感覺上還是游水的，龍蝦蟹什麼都會有動一動的情況（神經還未完全壞死）這個可能和他們真的是現殺海鮮有關特別點名稱讚一下這個龍蝦，真的不是冰鮮， 食落去的時候超級超級鮮味吃的時候一脫就開以下是我對這家店的客觀點評買單的時候兩個人675，是不是真的伐算呢，其實我有疑問。現在吃蒸氣鍋大多數人均是$300以下，這一家絕對是偏貴的，我覺得有大概$150左右是吃裝修，就食物水準好吃新鮮，但現在有太多海鮮蒸氣火鍋帶來的滿足感和他的相同，但是比他便宜。更令我覺得生氣的是電表跳閘了三次，第一次我可以覺得是意外，第二三次真的令人感到有點反

同事提過很多次在公司附近有一間全港首創, 一人一鍋蒸海鮮，蒸海鮮真係食過很多次，但就未試過一人一鍋，今晚終於約埋E一齊來試下餐廳以日式設計為主，每個座位可以獨立分隔，座位旁都設有蒸煮計時表，操作清楚簡易自己海鮮自己蒸，完全由自己調控晚市蒸鍋套餐分為九品芝麻 $188, 內務總管$248,八府巡按$328和九五至尊套餐$598, 大致上以海鮮的種類來定套餐的價錢。今晚我們揀了 八府巡按套餐每位$328*蟹(半隻)黃金蚌,蝦, 鮮魚片,白蜆, 鮑魚,貴妃蚌, 龍蝦(半隻)元貝和聖子皇*雞腿肉/安格斯牛肉/ 豚肉片三選二 *蔬菜拼盤*粥底或麵底( 米線/米粉/烏冬/拉麵/出前一丁)我揀左安格斯牛和豚肉片，原來另外還有蒸牛肉，豬肉燒賣和墨魚蝦燒賣，好豐富！一人一鍋的好處是我和E可以揀不同的肉類，因為E不吃牛，她可以揀雞腿肉和豚肉，我也可以揀牛，不用就來就去。黃金蚌，貴妃蚌和元貝都非常鮮甜爽口，白蜆雖然不算大隻，但都脹卜卜，有海水味，好甜見到隻蟹和龍蝦真係雙眼發光，龍蝦肉質飽滿，爽口彈牙，蟹肉肉質嫩滑，蟹膏超多，好正呀蟶子皇又大隻又爽甜，還有肉質非常爽脆的海蝦，好好味呀鮑魚都好爽口彈牙，非常鮮味