胡爐 (已結業)

雖然正值夏天，但是打邊爐的興緻卻不會因此退卻....不過正因夏天的關係，這次的邊爐就唸住搵返d清新一點的選擇，所以想起了之前朋友推介過的椰青底邊爐！平時自己比較少過海，這次遷就返其中一個住對面海的朋友仔，選擇在銅鑼灣那邊用餐^^這間餐廳我印象中都從不同界別的朋友口中聽過，評語也不錯，於是這次就親身自己體驗一下是日早早收工，趕過來銅鑼灣，從地鐵站行過來，唔洗幾分鐘就行到餐廳樓下，再等電梯上餐廳（反而等電梯的時間仲耐）餐廳佔據一整層，一出電梯便是餐廳了坐低，再仔細觀賞店內的格局，半隱密形式的座位，靠外的座位以2/4/6人為組合，適合三五好友，再行入少少好像有些大一點的廂房，但沒有看得很清楚每組座位間設小屏風作分隔，甚具私隱度，而又不侷促大部分裝潢都以中式為主線，餐具的花色及冰裂紋的屏風餐牌中有不少日本酒選擇呢....心動中正如之前講到，我地都係衝住 椰青湯底而來，所以不作他選，但有所驚喜的是，原來椰青湯底，已包埋半隻雞，Yeah，又可以當作其中一款邊爐料！雞來了！半隻雞的份量也確實不少呢！除左雞，少不了的便是新鮮椰子塊，還有一些紅蘿蔔同杞子職員首先加熱個鍋，爆炒一陣d雞件，封實左d肉汁以便

今晚放工之後約左frd去cwb行街，佢係一個不折不扣既火鍋控，所以就提議行完去打邊爐。我地最後見到呢間胡爐好多好評，就決定去試下。餐廳入面既裝修好精緻，感覺好高檔，會用中式屏風set好間隔位置，隱私度比較高，適合閨蜜或者情侶一邊恰下恰下，一邊傾計。我地睇完menu見到有好多湯底同配菜選擇，最後決定要鮮椰青雞鍋。佢用一個銅鍋裝住成隻雞，入面仲有好多配料、有杞子、椰肉，都算足料。個店員仲會即場係你面前炒香隻雞，再加埋紹酒，即刻變成火團，岩曬我用黎打卡，而且即時好香酒味。抵讚既係佢真係會即場開一個椰青，係你面前倒落去湯底到，真係無偷工減料。一滾起我地已經即刻裝一碗湯試味，都幾清甜，而且有淡淡藥材味，感覺好養生。我地另外叫左手打牛丸同黑松露墨魚丸。牛丸都算彈牙，有咬口。而黑松露墨魚丸既黑松露味好出，呢個我個人就好鐘意，出面比較少食到，夠特別。之後，我地都叫左大既菜籃、紅薯粉同即炸響鈴。蔬菜種類主要3款，有娃娃菜、生菜、皇帝菜。響鈴都夠曬鬆脆，用黎索湯汁一流。不過相比之下，紅薯粉就失色少少，略嫌太幼身，無咩煙靭既感覺，綿左少少。總括黎講，呢間胡爐都值得推薦，環境舒服，而且服務態度好好，好有禮貌，

今日黎到銅鑼灣行街行到餓，發現附近百樂中心有得食椰子雞火鍋，小妹即刻捉住男朋友去品嚐下😎。店內格局充滿古典風格，而且每張枱都會間隔開，空間獨立😀。我地點左個鮮椰青雞鍋，另外叫左西班牙黑毛豬豚肉、黑松露墨魚丸、黑松露鮮蝦雲吞、自家製炸響鈴、蔬菜拼盤$58+娃娃菜$58。鮮椰青雞鍋$298 即場炒到半熟加酒再點火，加酒點火個一刻，好精彩🤩。炒到差吾多加上椰青水同上湯就冚蓋再煮。煮緊既時候傳出濃濃椰香，搞到我地流晒口水🤤。個湯清甜無添加劑，飲落有陣淡淡椰子既回甘味😍。而雞肉結實得黎吾韌，酒味同椰子味融入雞肉度，真係食吾停口😋。西班牙黑毛豬豚肉$168很濃既豬肉味，都幾大舊下，足料呀👍🏻口感好結實，色澤嫩紅，肉汁鮮香美味😋滾燙10秒就食得😋黑松露墨魚丸$52墨魚丸好彈牙😊，滿滿既黑松露吾會蓋過墨魚丸本身既味，反而將墨魚丸升華左，高度推薦😍。黑松露鮮蝦雲吞$58皮薄餡靚，咬落啖啖蝦肉😁。黑松露味既皮包裹住蝦肉，特別之餘又好食😚。自家製炸響鈴$68響鈴熱辣辣即叫即炸😎。大大舊既響鈴浸落湯度，吸收晒湯汁既精華，好食😛。蔬菜拼盤$58+娃娃菜$58全部都好清甜新鮮。胡爐銅鑼灣耀華街3號百樂中心3樓港鐵

呢到位置閣落，枱同枱之間有屏風，私隱度都好高。餐具都好中國宮廷風。叫左個海鮮龍蝦湯，店員首先會落酒炒香龍蝦同大蜆，跟住加上龍蝦湯，店員會叫你先飲湯食海鮮。大蜆份量好多，龍蝦有一隻開邊。龍蝦湯好好飲，飲唔停。飲到咁上下就會幫你加上蕃茄湯打邊爐。我想講隻龍蝦🦞啖啖肉，仲好新鮮。10/10 手工雲吞半份$48鮮蝦大大隻蝦，仲好爽口彈牙。蘿蔔$38唔知點解煮左好耐都唔夠淋。7/10椒鹽雞脆骨$68好好食，好惹味。面頭有Ｄ炸過既椒鹽脆脆。10/10雙拼黑松露墨魚丸半份$52黑松露味唔會太重冇搶到墨魚味，好彈牙 8/10

今天去完銅鑼灣行街，突然想打邊爐，就想去左一直都想試下嘅「胡爐」。我地一行兩人，七點鐘就到左，當時人未算好多，店員帶左我地入兩人位，同隔離位之間會有屏風隔住，私隱度好足，坐得好舒服。講番正題，我地叫左個卜卜蜆蟹煲，打算吃下海鮮，之後仲叫左個牛肉拼盤、蝦滑、自家製響鈴同埋蔬菜拼盤。最先黎嘅當然係主角卜卜蜆蟹煲啦，店員會先加熱個煲，用牛油黎炒蜆同蟹，當時已經好香，之後會再加酒然後點火，真係又有得睇又有得食，跟住炒完就會加埋個魚湯煲一煲個湯底，一滾左就可以食啦。湯滾左之後第一步當然係試下個湯底啦，非常鮮甜！個湯吸收哂蜆、蟹嘅鮮味再加上魚湯本身，飲多幾碗都得。好鮮甜。

之前已經喺尖沙咀食過幾次，今次出開銅鑼灣就試吓呢度嘅係咪一樣保持水準同之前一樣都係嗌咗佢最招牌嘅鮮椰青雞鍋，職員會喺面前即刻將雞件炒熟，再倒落鮮椰青，煮一陣就食得啦，椰青同雞一樣都好鮮甜，我哋起碼飲咗三碗湯先開始正式打邊爐首先嗌左牛拼盤細分嘅，因為想食牛唔同嘅部位，分別有牛舌心、安格斯手切牛、極上手切肥牛、牛胸爽、雪降牛粒，我比較鍾意牛胸爽，因為唔係成日可以喺出邊食到，佢食落唔係啖啖肉，但非常之爽口，感覺幾得意丸類就嗌咗手打墨魚丸同牛骨牛沖丸，兩款都非常之彈牙，牛汁丸咬落去仲有好多肉汁，牛味非常之重每次都會食牛骨髓，用嚟打邊爐真係一流，同埋真係唔係間間打邊爐都有得食㗎手工水餃嗌咗半份，呢度有樣好就係佢每樣丸類或者水餃好多都可以嗌半份，唔驚食唔晒新鮮鵝腸，煮一煮就食得，非常之爽口，點埋佢嘅醬汁就一流

身為胡爐嘅fans，我唔單止食過尖沙咀既醉胡爐同胡爐，今日喺銅鑼灣參加完活動，都建議同朋友一齊去胡爐晚餐，朋友都話我冇介紹錯。我哋嗌左個卜卜蜆醉蟹煲，喺銅鑼灣食過晚餐呢個價錢簡直係物超所值，啲蜆粒粒都肥厚鮮甜，冇花冇假，啲蟹腳都系好多肉非常之有滿足感！淨係食個鍋底都飽咗一半！啲湯仲要好鮮甜我哋都飲咗好多碗。除咗好食之外都好有睇頭，因為待應會喺客人面前用牛油炒香啲蟹同蜆，再落酒去煮，淨係睇都覺得好開心！我哋嗌左個雪花牛肉拼盤、雪場蟹棒、蝦滑、即炸響鈴，同埋雜菜拼盤。雪花肥牛拼盤簡直對得起佢嘅價錢，款式多份量夠， 質素都係一流！即炸響鈴簡直令我驚訝，因為即使擺咗好耐個筷子讀落去都仲係脆卜卜！個蝦滑當然真係新鮮蝦整啦，食到粒粒蝦肉，仲有得假咩？總之成餐飯我都食得好開心，覺得打邊爐來講胡爐真系算好抵食架啦！

好朋友D先生話上個月試過一間位於銅鑼灣的打邊爐店好鬼正, 好想帶我嚟試試! 上次佢就食椰子雞煲今次佢又話要試下新湯底!我覺得呢度除咗空間感大之外, 佢有好多唔同組合嘅枱, 每張枱中間有個屏風, 無論兩個人,四個人,六個人都可以有私人空間!打邊爐有調味架一啲都唔係陌生, 呢度除咗有平常有嘅辣椒粒蔥蒜頭炸蒜等等之外最好味嘅就係瑤柱xo醬,都幾惹味下, 不禁"畢"多兩羹. 湯底有幾款都想試, 例如火焰龍蝦海鮮鍋, 鮮椰青雞煲, 濃湯花膠雞翅鍋, 由於朋友話想食下冬瓜消消暑，所以叫咗個冬瓜花膠雞翅鍋. 個湯底好濃花膠味食食下都會有成六條花膠筒, 人造魚翅呈金黃色乳湯底好match, 雞件嘅份量都很多而且啖啖肉相信多過半隻雞. 所有嘅配料都放上一個切得靚靚的冬瓜環上面, 師傅十分有心機,  首先點咗午餐肉. 午餐肉被切成條狀切到好似層層疊咁, 不過味道就同我平時食開嘅唔係好痛唔似香港牌子唔知係咩牌子呢~ 同埋食重口味嘅皇帝菜, 呢個皇帝菜都算幼嫩, 唔多渣.另外就有芝士迷最愛嘅流心芝士手打墨魚丸, 圓爽口之餘咬一啖啲芝士真係流曬出嚟好鬼好鬼過癮. 另外就有麻辣牛肉雲吞同埋黑松露燕餃. 個麻辣

澳門有家出名吃卜卜蜆，香港怎會沒有。此店的卜卜蜆鮮蟹鍋還算可以，味道鮮甜，份量ok，當然不能和澳門的相比，始終食材和物價存有差異。手切肥牛夠肉質，脂肪度適中，適合喜愛肥瘦各半的嗜牛者。墨魚丸、韭菜餃都不俗。配料還可點半份，這能多試不同種類。是次用OpenRice訂桌有蟹鍋優惠。3人光顧，點餐如下：竹蔗茅跟水一札醬料及茶位 x3卜卜蜆鮮蟹鍋（優惠）極上手切肥牛（大）手打墨魚丸-半份自製韭菜餃-半份紫菜炸響鈴娃娃菜冬瓜片豆腐新鮮牛柏葉牛骨髓麒麟生啤 x2加一後，合共HK$1,360。

今次朋友介紹我去一間高檔次少少嘅火鍋店，喺銅鑼灣嘅百樂中心三樓，原來呢座大廈食飯時間真係超級多人排隊啊，得兩部細life但都有廿幾個人排緊，好彩餐廳三樓，我地決定行上去先。去到發現餐廳嘅私隱度都幾高，每張枱都有一塊板隔住，所以大家講野都唔覺得好嘈。我地先要了椰子雞湯底，店員係先將雞肉喺鍋到炒熟，再將一個椰青打開倒哂啲椰子水入鍋，好驚喜啊，因為坊間好少餐廳真係比我地親眼睇到，用原隻椰青做湯底，唔怕係罐頭加工食品，真材實料！除咗湯底已包半隻雞，我地之後就點了牛肉併盤、蟹籽蝦滑、黑毛豬、即炸響鈴、餃子等等。而我仲想特別推薦係嘅黃金炸魚皮！食得出餐廳係喺廚房即炸即炒，撈咗好多蛋黃蓉，非常香口！

今日又同朋友打邊爐la，今次簡咗嚟胡爐，貪佢夠就腳，點知一試，原來佢充滿驚喜。我地諗住養生d，所以湯底簡咗椰子雞湯。一開始以為就咁上個湯，點知原來係有專人即場幫我地炒香d雞同配料，然後再贊酒同點火，我忍唔住即刻打卡，之後見住佢將成個椰青嘅水倒入去，再加雞湯，一睇就知非常之足料。職員建議我地飲咗湯先，飲夠先再幫我地加湯打邊爐。個湯飲落好重椰青嘅香味，亦都足滿雞嘅鮮味，真係好好飲。醬料嘅選擇都算多，而且每枱都有個醬料架，唔駛出去同人逼。而打邊爐嘅料我地叫咗個大嘅牛拼盤、響鈴、黄金魚皮、蝦滑、黑毛豬、黑松露餃子黑柏葉同烏冬。響鈴同黄金魚皮都好出色，上枱果陣已經係熱辣辣，應該係即叫即整，兩樣都好食。黑毛豬嫩得嚟又有少少彈牙，份量都算多，唔錯。烏冬正正常常，幾彈牙，吸咗d湯嘅鮮味幾好食。拼盤份量超多，樣樣都好好食。最驚喜係牛舌芯同霜降牛柳粒。牛舌非常之淋，就算滾耐咗都唔會韌，係我暫時食過最好食嘅牛舌之一。至於牛柳粒，我係第一次打邊爐食佢，一開始仲驚會鞋，點知原來非常之淋，又重牛肉嘅香味，仲有d油香，好有驚喜。黑松露餃子好足料，用咗好多黑松露，好食。

胡爐之夜上次係尖沙咀食過醉胡爐 真心不錯所以今次經過銅鑼灣 忍不住再吃多次胡爐同醉胡爐分於在於少了三款特色飲品餐具都唔同左 帶有中國宮廷皇室御用風.鮮椰青雞鍋🥥$298不得了 店員首先會將椰青同雞肉一齊炒好香椰青味 然後倒入酒精 點火嘩🔥真係嚇了一跳 未試過這樣吃火鍋火減弱後就加了一個椰青水和雞湯去煲😆好好飲 又係飲左兩大碗先肯開始打邊爐店員好貼心幫我們把表面的油弄掉又不時加湯 收碟 服務態度媲美海底撈.西班牙黑毛豬豚肉🐖$168個人覺得超級抵食 肉質好嫩滑啊煮5秒左右 食落重豬味 份量又很多.蘇格蘭大蟶子❤️$55/隻聽聞呢度嘅海鮮好新鮮 真係一啲都無錯好大隻！洗得乾淨冇沙 好肥美煮到蟶子肉離殻就可以食架啦 啖啖肉.🔹跟住就叫啲其他地方冇得食嘅野🔹紫菜炒響鈴🔔$78好有heart 真係即叫即製 新鮮炸出黎仲熱架 單單呢一點 就比其他火鍋店好煮三秒就食得 紫菜配響鈴又不錯喎 很香.黃金墨魚丸💛$52(半份)煮到浮面就熟啦 果然手打係彈牙啲一咬開仲有咸蛋黃沙 仲有顆粒的口感很喜歡這個配搭 重點是饀很多 一點都不吝嗇雙拼以較高價加$10 (原味/黑松露/黃金/芝心).黑松露鮮蝦雲吞🥟$58(

小米在暑期訓練班後，十分肚餓。一家三口就在附近，盡快晚餐。因為未曾光顧這家火鍋店，所以到這裡晚餐。就座後，做最重要事情：點餐！　有小米在，目標鎖定在無需剝殼的食材，無需動手，只求乾手淨腳地，舒舒服服地享用晚餐。下單後，著小米先去清潔雙手。　餐前小食～黑木耳先上。　　　　因為自己也很肚餓，所以點這個。鮮椰青雞鍋    椰子雞鍋是夏日專屬的火鍋。椰子水清潤，雞肉滋補。再對比各款鍋底，這款雞鍋有雞肉，有湯，計落較化算。還以為廚房提前預備好大鍋煮熟的食材，原來是要在客人面前加入各種配料。　　　新鮮雞肉，杞子，甘筍。先爆炒，迫出雞油，然後加入椰青水，最後再加入白色的湯汁。就變為一鍋美味雞鍋，有肉有湯。在這期間，男職員企圖在鍋內淋酒，以火槍點火。正常的說法，加酒點火可以提昇雞鍋風味～就是酒精揮發後的甘味。以小米敏銳的味覺，一定嚐到那特別的甘味，但是小米只會把那甘味當做＜苦味＞，就會拒絶飲雞湯食雞鍋。為了小米，特地向職員示意＜唔洗點火＞。　先來一碗雞湯吧！有椰青水加持，當然清甜。小米一碗接一碗了！　　　用餐期間，職員主動幫忙除鍋內的＜泡泡＞呢！　　胡爐牛拼盤　二大一小，人數不多，卻又想嚐試不同款式的

朋友約我去打邊爐，今日就嚟到百樂中心嘅胡爐。呢間分店慨格局幾好，中間通道，兩邊座位，座位之間有木屏相隔,坐得很舒服。湯底方面點咗鮮椰青鶏鍋,椰子味不太濃但湯底清甜。廣島蠔同蟶子,大隻又鮮甜。黃金墨魚丸，入面嘅蛋黃有流沙，香酥可口。胡爐牛拼盆,拼盤一共有五個部位(安格斯手切肥牛，本地手切肥牛，牛舌心，牛胸爽，霜降牛柳粒)肥牛很有特色，肉質嫩滑，而牛舌心，牛胸爽同霜降牛柳粒就唔會太特別。紫菜炸響鈴,有點油膩。呢間店環境還唔錯,食物味道整體還可以!

昨天晚上，跟朋友去銅鑼灣打邊爐，選擇了這間胡爐，一去到，位與位中間有一個屏風，好有私人空間，我地點左個椰子青雞湯底，叫咗蟹子丸，叫埋個胡爐牛拼盤，拼盤上有牛舌、安格斯牛、肥牛、牛胸爽、牛柳粒等等都只係三百零蚊，兩個人食嘅份量啱啱好。我好鍾意佢個湯底，一打開有一陣牛油香味，店員會幫你煮熱啲牛油同雞，再點火， 10分野味，湯底越飲越入味，超級好飲。蟹子丸係真材實料，有蝦滑包住啲蟹子，唔係用麵粉包。勁之推薦牛拼盤，啲肥牛入口即溶咁，10分有質素，啲肥牛紋理亦都十分靚，一流