影片
更多
2019-08-08
29 瀏覽
今晚放工之後約左frd去cwb行街，佢係一個不折不扣既火鍋控，所以就提議行完去打邊爐。我地最後見到呢間胡爐好多好評，就決定去試下。餐廳入面既裝修好精緻，感覺好高檔，會用中式屏風set好間隔位置，隱私度比較高，適合閨蜜或者情侶一邊恰下恰下，一邊傾計。我地睇完menu見到有好多湯底同配菜選擇，最後決定要鮮椰青雞鍋。佢用一個銅鍋裝住成隻雞，入面仲有好多配料、有杞子、椰肉，都算足料。個店員仲會即場係你面前炒香隻雞，再加埋紹酒，即刻變成火團，岩曬我用黎打卡，而且即時好香酒味。抵讚既係佢真係會即場開一個椰青，係你面前倒落去湯底到，真係無偷工減料。一滾起我地已經即刻裝一碗湯試味，都幾清甜，而且有淡淡藥材味，感覺好養生。我地另外叫左手打牛丸同黑松露墨魚丸。牛丸都算彈牙，有咬口。而黑松露墨魚丸既黑松露味好出，呢個我個人就好鐘意，出面比較少食到，夠特別。之後，我地都叫左大既菜籃、紅薯粉同即炸響鈴。蔬菜種類主要3款，有娃娃菜、生菜、皇帝菜。響鈴都夠曬鬆脆，用黎索湯汁一流。不過相比之下，紅薯粉就失色少少，略嫌太幼身，無咩煙靭既感覺，綿左少少。總括黎講，呢間胡爐都值得推薦，環境舒服，而且服務態度好好，好有禮貌，
我地最後見到呢間胡爐好多好評，就決定去試下。餐廳入面既裝修好精緻，感覺好高檔，會用中式屏風set好間隔位置，隱私度比較高，適合閨蜜或者情侶一邊恰下恰下，一邊傾計。
我地睇完menu見到有好多湯底同配菜選擇，最後決定要鮮椰青雞鍋。
佢用一個銅鍋裝住成隻雞，入面仲有好多配料、有杞子、椰肉，都算足料。個店員仲會即場係你面前炒香隻雞，再加埋紹酒，即刻變成火團，岩曬我用黎打卡，而且即時好香酒味。
抵讚既係佢真係會即場開一個椰青，係你面前倒落去湯底到，真係無偷工減料。一滾起我地已經即刻裝一碗湯試味，都幾清甜，而且有淡淡藥材味，感覺好養生。
我地另外叫左手打牛丸同黑松露墨魚丸。牛丸都算彈牙，有咬口。而黑松露墨魚丸既黑松露味好出，呢個我個人就好鐘意，出面比較少食到，夠特別。
之後，我地都叫左大既菜籃、紅薯粉同即炸響鈴。蔬菜種類主要3款，有娃娃菜、生菜、皇帝菜。響鈴都夠曬鬆脆，用黎索湯汁一流。不過相比之下，紅薯粉就失色少少，略嫌太幼身，無咩煙靭既感覺，綿左少少。
總括黎講，呢間胡爐都值得推薦，環境舒服，而且服務態度好好，好有禮貌，加湯個陣都會貼心遮一遮，驚會彈親我地。價錢就中上，想享受下打邊爐都不妨一試。
張貼
