胡爐 (已結業)

胡爐.對胡爐嘅鮮椰青雞鍋湯底念念不忘，今次帶男朋友黎食😍😋最鍾意佢坐得舒服唔會好嘈，餐廳環境又幾乾淨。.🥥鮮椰青雞鍋胡爐最特別係佢嘅特色湯底，前排大陸好輕食嘅椰子火鍋，呢道更高一層次！店員首先落牛油將椰子同雞炒香，至半熟狀態後加入燒酒將雞燒至七成的金黃，再倒入原個由真.椰子開出黎嘅新鮮椰青水煲🥥因為落左牛油，成個鍋好香😍.雞件因為用過牛油及清酒煎+炒香，加上用椰肉煲過，所以好香好入味。而且雞件份量亦好多，唔同部位都有，非常鮮嫩。.我地嗌左大size嘅<極上本地手切牛頸脊>，😋一大盤牛肉好滿足，而且牛頸脊好有口感，富有牛味，手切牛更加多一份鮮嫩，圖中可見肥瘦均勻嘅牛肉😍我同男友都食到舔舔脷！.不得不提係椰青+雞淆製而成嘅湯底好鮮味，煮完嘅雞/牛唔係好洗點醬汁已經好好味，建議大家可以’不’啲湯黎飲下試下佢真材實料嘅湯底！

收工約左朋友係附近食飯，book左呢間胡爐食打邊爐，餐廳入面係宮廷風，餐具幾別緻～之前一直食開既都係麻辣火鍋，今次想試下轉下口味，食清淡d既火鍋湯底去。揀左個椰子雞煲，職員係將d配料送過來係我地面前炒，加左咩材料都一目了然！食得好放心～真係原個椰子🥥加入去，本身炒個陣又加埋d 老椰皇肉入去，滾左一陣之後職員就叫我地先飲下d湯食下d雞先，再落嘢打邊爐～湯好清甜，好好飲～原汁原味叫左個大既牛拼盤，牛肉係靚既，雪花分佈好食黑松露蟹肉餃-黑松露味道好出～

好朋友D先生話上個月試過一間位於銅鑼灣的打邊爐店好鬼正, 好想帶我嚟試試! 上次佢就食椰子雞煲今次佢又話要試下新湯底!我覺得呢度除咗空間感大之外, 佢有好多唔同組合嘅枱, 每張枱中間有個屏風, 無論兩個人,四個人,六個人都可以有私人空間!打邊爐有調味架一啲都唔係陌生, 呢度除咗有平常有嘅辣椒粒蔥蒜頭炸蒜等等之外最好味嘅就係瑤柱xo醬,都幾惹味下, 不禁"畢"多兩羹. 湯底有幾款都想試, 例如火焰龍蝦海鮮鍋, 鮮椰青雞煲, 濃湯花膠雞翅鍋, 由於朋友話想食下冬瓜消消暑，所以叫咗個冬瓜花膠雞翅鍋. 個湯底好濃花膠味食食下都會有成六條花膠筒, 人造魚翅呈金黃色乳湯底好match, 雞件嘅份量都很多而且啖啖肉相信多過半隻雞. 所有嘅配料都放上一個切得靚靚的冬瓜環上面, 師傅十分有心機,  首先點咗午餐肉. 午餐肉被切成條狀切到好似層層疊咁, 不過味道就同我平時食開嘅唔係好痛唔似香港牌子唔知係咩牌子呢~ 同埋食重口味嘅皇帝菜, 呢個皇帝菜都算幼嫩, 唔多渣.另外就有芝士迷最愛嘅流心芝士手打墨魚丸, 圓爽口之餘咬一啖啲芝士真係流曬出嚟好鬼好鬼過癮. 另外就有麻辣牛肉雲吞同埋黑松露燕餃. 個麻辣

係朋友嘅介紹之下，嚟到銅鑼灣呢間餐廳打邊爐。朋友十級推介佢哋嘅牛拼盤，所以今次特登放假過嚟試吓。安仔嘅話我哋叫咗冬瓜花膠雞煲，超級補，啱晒我哋呢啲女人想美顏。叫左脆脘魚，爽口。鮮甜。紅薯粉爽口彈牙。花雕醉雞，半隻份量份量好足，重酒味。原隻廣島蠔。大大粒，鮮甜，不過佢係冷藏既。可能下次會揀桶蠔一個好推介係佢哋嘅黑松露手打院丸，黑松露味相當之香，唔知以為食咗成間黑松露落去。成餐最滿意嘅係佢哋嘅牛肉拼盤，一共有五款牛肉，啱晒選擇困難症嘅你。每一款都好有牛肉嘅香味同埋食得出好新鮮

行無聊又去伯樂中心搵嘢食，銅鑼灣嘅伯樂中心真係好多嘢食，不過最唔好嘅都係難泊車姐。今次1+8口嚟到胡爐試吓佢哋嘅火鍋，因為有老人家喺度所以我哋就揀咗冬瓜花膠雞湯，話呢個雞湯真係不得了呀。除咗拎黎打邊爐之外我哋都飲咗好多碗湯，雞湯都濃，不停一碗接一碗。調料方面就有少少貴啦要$25一位，不過勝在食材高質所以都會再嚟食多次。我哋叫咗個豬皮，$50，豬皮仲落冬瓜湯底琳琳地又嗦味都幾正。另外鍾意食脘魚，$138，大概有六舊左右，不過非常之新鮮，都幾脆口。原來都幾推介佢哋呢度嘅餃子，佢哋係手工包嘅，可以講係皮薄喊靚。

見到有優惠所以試下、點知原來幾高質雖然吾係叫左好多野、但食物的質素係好好的、送左個海鮮拼盤都吾hea既、成隻蟹幾新鮮、食完隻蟹又可以飲左個湯先、個湯勁多骨膠元❣️好好飲！之後先開始打邊爐就加返啲清湯、啲牛都香牛味、淮山就比較容易溶、所以要快食。萵筍都好爽好好味。另外叫左揸 竹蓆水、好清、不甜、我中二！最後仲有甜品送、要左個水信玄餅、好特別、好似日本的甜品❣️整體我對呢間餐廳評價都很高、包括服務、食物、環境、都做得好好！希望可以一直keep住！水信玄餅

當你地打邊爐仲食緊皮蛋芫茜湯底、沙嗲湯底、壽喜燒湯底......我哋當然要食得夠尖，今日就嚟到銅鑼灣耀華街嘅胡爐，嘆一嘆佢個冬瓜花膠雞翅鍋啦。冬瓜花膠雞翅鍋喺開始打邊爐之前，當然要飲湯先啦！呢個冬瓜花膠雞翅鍋，夠晒足料，大概有半隻雞、金華火腿、鮮翅、冬瓜，仲有好多花膠！所以湯底勁鮮甜，而驚喜在於勁多花膠，大大隻又厚身，飲咗大半，店員又會再加湯，真係食晒成個湯底都已經半飽喇。黑毛豬豚肉豚肉肥瘦均勻，好嫩口，豬肉味香濃！蘿蔔索晒湯嘅蘿蔔，好入味，而同樣地蘿蔔令到個湯底更加鮮甜。梅菜豬肉丸人手自家製嘅梅菜豬肉丸，口感豐富，入口爽口彈牙。

返工返得咁辛苦, 都係為左得閒可以同朋友週圍揾好野食! 講笑! 個中學friend生日, 放工同佢去食胡爐, 打邊爐, 天時煮熱打邊爐, 哈哈, 唔怕, 呢度既冷氣好足, 所以夏天打邊爐一啲都唔辛苦。呢度一黎就serve好多醬汁, 有XO醬, 麻醬, 豉油, 沙嗲醬, 鮮指天椒, 蒜蓉, 蔥花, 芫茜等等, 以前好鍾意全部都落啲, 大混醬, 不過次次都溝得唔好食, 今次唔貪心, 只係用左3款: XO醬,沙嗲醬,蔥花, 個醬好香好好味呀! # 冬瓜花膠雞翅鍋 # ***** **** 9/10我地好浮誇地叫左個 “冬瓜花膠雞翅鍋” 做湯底, 勁鮮甜! 應該有半隻雞係度, 個湯入面見到有金華火腿、好粗既鮮翅、一大圈既冬瓜, 仲有啲花膠, 花膠同魚翅都要一早食, 如果唔係烋融左或痴底就浪費晒啦! 花膠都幾厚身, 超足料! 好浮誇! Haha! 啲雞件都係要早啲食, 煲太熟就唔好啦! 打邊爐到最後尾我地發覺, 個冬瓜係精髓, 煲冧晒後超級鮮甜!# 黑松露蟹肉餃 # ***** ***** 10/10唔比10分唔得, 超級極度世界級香, 好鍾意呢陣松露味, 入面食到啲菇同埋一絲絲既蟹肉! OMG

呢排天氣癲癲哋嘅，神早起身出門口感覺犹如秋天，秋天的風，秋天的雨，秋天的涼意，哈哈，所以人都癲埋，朋友話去打邊爐，好嗎?我話好，於是呢日就來到銅記嘅『胡爐』。一般都有6樣調味料，呢度多2樣，多選擇係好事。嗌咗鮮椰青雞鍋，然後係待應來到即場炒雞件，加酒，加椰青水，真材實料，幾好。亦都係我第一次有咁嘅體驗，祝生意紅紅火火廣島蠔够大隻，灼完後仍然好大件，亦够鮮甜。黄金墨魚丸亦都係第一次吃，入面的蛋黄有流沙效果，而且酥酥鹹鹹香香，好吃，值得推介。炸魚皮吃過唔少，蛋黄炸魚皮亦試過，而呢個炸魚皮完全可以同蛋黃炸鱼皮較一高下。一大碟好快就畀我哋消滅哂。手打蝦膠好彈牙，蔬菜亦好甜，好味。

呢間位於銅鑼灣樓上舖既火鍋店，店內座位私隱度幾高，每卡座位都有屏風隔著，有兩人枱、四人枱，餐前店員會俾你先自選調配醬料，有多款醬汁可選，其中XO醬為必選系列，因為好足料好多干瑤柱同蝦米🤣🤣鐘意食辣既仲可以加麻辣醬🤤呢度既椰子雞鍋幾出名，店員會幫你親自落料煮，佢地會先炒一炒個雞，再灑上少少酒，成個過程非常吸睛之後佢地會用原隻椰青做湯底，加上椰子水，再煲一煲，滾後先飲湯，湯水味道濃郁，椰子雞湯，好味又有益，真係養生之選！火鍋配料都有好多選擇，其中丸類都係以手打為主，粒粒都好爽口😋 唔知食咩菜好就一定係叫個雜菜拼盤，有四款蔬菜🥬生菜、油麥菜、娃娃菜、菜心，每棵都好靚～好新鮮。之後都有平時食開既芝士腸同芋絲😋😋價錢雖然唔係平，但勝在環境舒適偶然食下都可以同朋友慢慢享受寧靜既晚餐😋

聽朋友介紹話呢度嘅椰青雞打邊爐唔錯，於是就搵晚同朋友上咗嚟試啦～開始之前，職員攞咗一盆醬汁俾我哋自己調配，選擇都好多有XO醬、沙茶醬、麻辣醬，當然都唔少得一般配置嘅調味料～我個人就推介食麻辣醬，因為同行朋友都唔食得辣，但係如果自己又有癮想食下麻辣，就可以拎少少呢個醬～我哋叫咗椰青雞湯底，湯底本身有好多椰子肉，雖然椰肉唔算好林，唔係好食得，但係本身個湯底應該有加椰青，所以好清甜入味，加上雞肉非常之新鮮，就咁點豉油食已經好滋味！識食椰青雞，一定係要飲咗個湯先至落火鍋料～朋友都大讚個湯底好夠鮮甜～另外一提嘅事，係食椰青雞前，會有職員過嚟幫你炒雞，成個畫面都幾啱打卡，因為會落啲酒噴下火咁樣，大家就當表演咁樣睇，同行朋友勁細膽，係噴火個下嚇親左，勁好笑！配料方面，我個人比較推薦嘅係呢度嘅餃子，我哋叫咗韭菜餃，啱啱四個人一人一隻，皮薄餡靚，值得推介另外，呢度啲蔬菜，特別係粟米好新鮮！係選料方面都睇得出餐廳嘅用心，粟米係嗰種大大粒好多汁既，用黎打邊爐正呀～呢度丸類選擇非常之多，我哋叫咗牛丸、手打墨魚丸、蟹子丸，味道都夠濃郁。由於上到嚟已經有點夜，所以即刻叫咗個小食頂下肚，點知都好有驚喜，我哋叫咗椒鹽

銅鑼灣一向是美食集中地，火鍋更加係多不勝數，近年超流行食養生邊爐。養心殿、老鍋等出哂名既邊爐都食過好多次啦～今日專程同朋友搵下其他火鍋餐廳，結果搵到喱間同醉胡爐相差一個字既同集團餐廳-胡爐。可能因為係樓上，加上係平日晚上，到餐廳既時候唔算多人，平時食個飯都要等好一陣，喱到就正正合我心意，可以舒適咁食餐飯！黎之前都估唔到喱到環境超好，每台兩人位中間都有個「屏風」，為客人製造難得既私人空間。服務可謂非常周到，每台都配有一個小桌放配料，入座時店員會先放醬料，一待完成就會取走，服務比起其他餐廳細心很多～記得係深圳吃過一個椰子雞湯既邊爐，當時覺得好清甜，原來胡爐都有喱個湯式，即刻試一試！湯底上時鍋中已有大約十幾舊雞，店員幫忙落酒炒一炒～再加少少湯～勁！甜！再吃雞，喱個時候雞肉非常滑嫩～到試完湯，店員就會加湯，喱個時候就正式開始打邊爐啦！好期待呢～打邊爐總是少不了牛，於是筆者去每間邊爐餐廳必叫的一定是牛拼盤～～喱到既拼盤好豐富，有手切牛、牛胸爽、牛柳粒等，賣相都滿分～～由於湯底超清甜，所以非常可以帶出牛肉的鮮味，入口先係湯底味道，咬落牛味超足，好有層次感呢～ 當日仲叫左牛丸,黑松露墨魚丸，魚皮餃～

之前已經幫襯過胡爐幾次估唔到佢越開越多分店證明質素真係好好咁啱天氣又涼涼地梗係要烚吓烚吓啦醬料夠多，其中一隻辣醬超好味但其實胡爐既湯底已經好夠味我都唔太需要加醬食椰子雞湯底首先職員會將雞爆炒兩下清酒倒入去吊下味再加椰子水即是已經聞到好香椰子味貨真價實絕對唔會好似一般火鍋店咁加椰奶個湯一滾即刻就飲左兩碗先正呀好潤好補胡爐牛拼盤極力推介呢一個拼盤 有晒幾款牛唔使心大心細一次過試晒肥牛當然係正但牛胸腹都好推薦，爽爽地想叫多一碟極力推薦芝心牛丸同黃金墨丸黃金墨丸唔講得少真係得胡爐先做到咁出色咸蛋黃既咸鮮配埋墨魚既鮮甜彈牙，正呀黑松露餃又係必食好香好濃黑松露味，配埋彈牙既蝦肉絕配

天氣轉涼，與媽媽逛過銅鑼灣，大家一致贊成吃胡爐火鍋暖身，兼提早慶祝生日及母親節 ~先奉上一壺充滿花香茶香的熱茶暖胃，非常貼心~我們點了卜卜蜆鮮蟹魚湯鍋，海鮮足料，加入原隻鮮蟹及大量海蜆，多重海鮮味道共冶一爐，湯甜味鮮，單喝魚湯已令人回味不已 ~蟹肉鮮甜細緻，蟹膏甘香軟滑，蟹鉗肉質結實爽口，原汁原味~ 海蜆，數量頗多，肉嫩飽滿，盡收魚湯精華，鮮甜味美!椒鹽雞脆骨，外酥內脆，佈滿椒鹽及黑椒，鹹香微辣，香口惹味，必吃小食!招牌炸魚皮，魚皮炸得酥脆可口，油而不膩，充滿辛香的胡椒及鹹香的鹽味，還富魚鮮味，單食或配湯皆香口惹味!椒鹽一口豆腐，外酥內嫩，既有椒鹽的鹹香，也有濃厚的豆香味，啖啖香口滋味，趁熱食最好味!椒鹽鮮魷，炸得爽脆彈牙，以椒鹽、黑椒、胡椒等調味，鹹中帶辣，又一道香口小食~勝瓜，口感爽脆，清甜多汁，放入魚湯鍋中，吸收鮮甜的湯汁，份外甜美~湯甜味鮮的海鮮鍋，佐以惹味的招牌小食， 配搭自調醬料，大家吃得滋味飽足，媽媽對生日飯大感滿足，值得再來!

是日嚟到呢間餐廳食～佢既格局係坐位同坐位之間有塊簾隔住既雅緻又有私隱度～唯一問題係冷氣太凍了叫左職員較完都仲係好凍。醬料的器皿亦很雅緻，不用另加醬料費。我地叫左個鮮椰青雞鍋（$298），職員會即場幫係加湯、加酒炒熟啲雞，過程很好看～雞略微少雞味。我地仲叫左牛舌芯（$188），略微有點貴，而且很薄身，但牛味很重，好食。另外再叫左兩隻蟶子（職員推介$96），超級好食，好有鮮味，又大隻！再加叫個蝦滑（$98）同蛙蛙菜（$58）。蝦滑好彈牙，正！蛙蛙菜亦很嫩～總括而言，呢間野係有質素但略貴，耐唔耐食一次都ok!