老闆娘雲南米線

營業中

休息中

之前去到香車街街市食野都見到呢間米線係好多人排隊，今日黎開荃灣，就突然唸起想黎試下啦，時間仲算早所以吾需要得太耐時間。呢度同一般餐廳吾同，係用紙點左野食先可以入座，米線配一餸係44蚊一碗，額外既餸要加10蚊一樣。今次叫左酸辣米線配野菌腐皮卷同豬軟骨，同埋bb辣米線配豬腩肉加酥炸雞球。首先米線質感好滑而份量足夠，另外亦有不少配料，個人好鍾意佢既酸辣，酸度平均，同埋我叫bb辣既關係，就算平時吾多食辣既人都會食到，非常惹味招牌既酥炸雞球真係無得輸，外皮香脆而且薄，大大啖肉但整得吾會乾吾會油膩，仲有肉汁，必食推介而野菌腐皮卷都係吾錯，炸到外皮香脆而內裡既野菌保持水份吾會乾，豬腩肉同豬軟骨既味道都醃得好好，食哂成碗都真係幾飽！不過今次真係無黎錯，必定會再黎食啊！

荃灣好多出名的米線🍜，平時多去路德圍個邊食，但想試新野😎，然後成日聽到荃灣香車街街市有間好出名店鋪食米線既，咁就一於星期日去試下🚗。有聽到朋友意見，去之前要check下Facebook睇下佢地營業時間。為左唔想等咁耐，我地中午12點就到左了，果然唔洗排隊⭐️！一碗米線配1餸，$44💰，如果加一餸就加$10。湯底我就揀左小麻辣（都真係幾麻），有朋友就揀左蒙古湯（有少少似三哥個胡辣）。碗麵超級大碗之餘，原來餸好足料。雞球有四塊，不油不乾超好味，而野菌腐皮卷有三條剪成一半有六塊，真的非常足料！💥下次想試一下這家的拉麵！同埋會配吉列豬扒，有兩大塊，食極都食唔完😂

上次無緣，今日終於食到佢新出嘅麻辣胡椒湯底，一打開成陣胡椒味，色同平時一樣，入口充滿麻味，但未到覺嘴麻，BB辣所以辣味唔搶，反而油感過重，對米線唔適合，更適合水煮魚。米線一向地多，雞肉好似比之前大舊，煮得剛好。假日下雨天，下午去無客，果然午市係做學生，晚市停咗兩日，今晚應該會開。

專登喺金鐘過去食，見到到咩叫老闆娘。同大家嘅公司一樣，老闆 ....從來都係俾氣你受嘅。如果諗住好好地食一餐嘅，真係要諗諗。點解？首先環境，酷熱嘅天氣，坐喺度都出汗，如果女仔係有化裝，個裝應該會溶。雖則話食好野唔係食環境，但係大前提係d野係值得你受。我覺得唔係要有正常禮貌，有基本禮貌都係好低要求啫入到去，坐得都唔迫嘅。但係真係好熱，尤其是係食辣野，隔離檯熱到要開個風扇，點知俾佢鬧。話"風扇爛架，你見唔到呀？" ....咁爛嘅你唔整，個開關又放喺度。d客點知啫好咸，好咸，好咸。好多味精。1/6張檯，有3 張都俾佢呼喝過2/拎碗野黎，幫佢受，佢鬧你3/有人熱，開風扇，又俾佢鬧4/加餸，又俾佢喝5/食完口乾到番金鐘6/遇到d食客都幾靚真係要提醒下各位。

呢間餐廳一向喺荃灣十分出名，今次慕名而至，果然無令到我失望😋😋今次叫左bb辣麻辣湯，湯底極麻，完全係成碗麵既重點，食完只有條脷有麻脾既感覺，而唔會感到嗆喉。連我唔食辣既朋友都忍唔住飲左幾啖湯！44蚊呢個價真係物超所值，就算無配餸加，我都覺得好抵，甚至可以食哂碗麵。😋😋鍾意食麻辣嘅朋友不妨一試！.招牌酥炸雞球幾脆口，炸粉唔會太乾，雞肉幾滑，味道似係用咖喱粉整的，但可惜味道唔夠濃，仍然有進步空間。

其實已經係第二次幫趁，因為男朋友好迷呢到嘅湯底。同事推薦呢間野先想黎試食，呢間野位於樓上街市，位置都幾偏，但我每次去都見好好生意，多人食。食完發覺間店係實力派，所以留到客！酸辣湯米線：本人最愛酸辣，坊間好多酸辣米線湯都唔夠酸。呢個湯夠酸，所以深得我喜愛，酸味突出，湯底肉碎又大大粒，係可以「畢」到黎食，我覺得不俗！！米線就正常啦，偏粗同彈牙，反而覺得譚仔米線岩食啲。麻辣湯米線：本人就唔太好，試食左男朋友個碗。一食完第一感覺「哇，好正呀」，我飲完一啖湯，個口即刻feel到輕微麻嘅感覺，難怪男朋友咁鍾情啦。豆腐魚丸：鯪魚mix豆腐整嘅丸，正常，唔需要特別試豬手：唔係「林」豬手，可不用試雜菌腐皮卷：呢個好有驚喜，腐皮新鮮炸起，薄又脆口，夾埋菇菌係入面，外脆內軟，好夾！！！不過新鮮炸起，所以見碟比較多油，入口又唔覺油膩。必試！！！炸雞球：脆、滑、有汁，鍾意食雞球可試！有三大舊，份量黎講算多，建議同fd share食豬耳：大條、軟身、多肉，普通，可不試整體黎講值得一試，佢未話去到超級好食，但雲南米線黎講算係高質，主打湯底同配料，中。價錢黎講屬偏貴，食一個餸加埋野飲要$50，不過佢米線配料好豐富，都

大愛老闆娘🥰荃灣其中一間我最愛嘅酸辣米線🍜 個晚大約九點幾行過去，好彩唔洗排隊，但最愛嘅銀針粉竟然賣哂😫 超中意銀針粉，出面都已經買少見少，加埋呢度嘅酸辣湯超夾好好味！唯有轉米線🙈 朋友叫左呢度獨有嘅麻酸辣，我就叫左酸辣～ 麻酸個味好特別，但真心好麻，會last好耐嘅麻😂😂 之前都會叫幾餸但次次都食唔哂，所以後來都只係叫一餸，每次都係豬耳，好中意個口感，好有咬口！老闆娘出色嘅地方係每碗都係即時煮，黎到超熱，冬天食係超保暖！今次都係叫豬耳，不過啲毛清得唔係太乾淨，係咁食到🙈

聽聞這間在荃灣頗有名氣，而且有同事介紹，便一起來試試了。地點是在街市上面，如果唔係有人帶路都幾難搵。一上到去便見到兩條長長的人龍，不過都排得幾快，因為太多人，個個一食完都不敢霸住張枱就要離座。店內只有幾張大枱，搭枱是必須的，排隊時已經要填寫一張落單紙，配料勁多選擇，而且很多都幾特別，自家制的出面食唔到，單睇這些都十分有誠意。我們叫了招牌酥炸雞球、反斗蝦膠豆卜、豆腐魚丸。米線超大碗，而且超多肉碎湯底超濃郁，重口味人士最愛，湯底比較偏麻不太辣。雞球好大件仲要有三件，都幾香脆，雖然唔太特別，但就好扺食。豆腐魚丸和蝦膠豆卜則食出得自家的味道，夠曬特別有驚喜，魚膠味突出，十分推薦。另外朋友推介雲醬豬軟骨，這個是加在麵一起食，雲醬加湯又別有一番風味。而且這裡有很多特別湯底例如蒙古湯，下次嚟想再試。老闆娘的確是一間值得一試的小店。

下午在荃灣同朋友行完街，說帶我去香車街街市食雲南米線，我話好熱喎，佢話有冷氣。此店在頂層，店外走廊挺熱的，但店內開著冷氣加風扇，還好不算太熱。不過店外放著椅子，要先選好食物下單才可入內。44元一碗，加餸每款10元，飲品6至10元。我點了牛腩加蝦膠豆卜米線，蒙古湯，加枝裝夏枯草，66元。米線上枱就陣陣香氣噗鼻，店家說是孜然味。蝦膠豆卜分開上，好像沒有炸粉，外層就是豆卜，內包著蝦膠，牛腩好有嚼勁。朋友就點了豬腩肉加炸雞球，麻辣湯，bb辣，加罐裝飲品，64元。bb 辣果然是一點點辣，就是皮毛。豬腩肉肥肥的，沾著麻辣更香。炸雞球分開上，炸粉不厚，份量很大。

一直都聽朋友講荃灣嘅老闆娘米線好好味，今晚終於有幸一試 初頭諗住喺街市熟食中心樓上，雖然好多人都話好食但自己心入邊都有少少驚中伏，嚟到門口店內已經人山人海，我哋兩個人等左大約5分鐘終於有位入去坐低，望望餐牌見到有想食嘅雞翼同埋炸雞球，我就揀咗炸雞球、雞肉、豆卜同麻辣湯底米線，由於驚麻辣實在太辣所以最後我揀咗BB辣米線口感非常之好，唔太硬唔太淋，平時唔係好食辣嘅我，聞到呢個麻辣湯底味道非常之吸引，試一啖湯又唔算太辣，本人可以接受到，但麻辣嘅感覺會停留一段時間係口內鍾意食米線嘅朋友我都推介大家一定要嚟試吓呢間老闆娘米線

上網見荃灣有好幾間米線推薦，呢間係其中一間大推既，所以搵左一日早收工既日子黎食。由於仲未到七點，所以揀得餸黎已經有位了。（因入座前要落單先）選左麻酸辣湯底，BB辣，果然特別！本身鐘意食麻辣但又唔太受得辣，呢個湯底岩岩好麻而不辣，十分惹味！淨係湯底已經值得我再返黎幫襯了！餸方面選了炸雞、豆腐同埋豬軟骨。豆腐我以為係炸既，會另上，點知係放埋入碗湯度，所以少失望（比左男朋友食，哈哈）。豬軟骨都唔錯，正常發揮。但老闆娘既拿手好戲真係炸物，個炸雞皮超脆，但肉質係嫩滑既，真係好好食！另外試左男朋友叫既魚肉響鈴，又係勁脆，好味。結論係三個餸對女仔黎講有點太多，叫埋飲品都差不多六七十蚊。環境方面就一般啦，預左要搭檯，但因為湯底同炸物太出色，所以都係會再返黎食的😍

呢間老闆娘食左一次真係返唔到轉頭，今晚想食米線，上Facebook page一check有開，即去！今次6:30到，係門口排左15分鐘，外面好熱，但為左食老闆娘，都值嘅繼續再食酸辣過橋米線餸就揀左魚肉腐皮卷，剪開上，足足有成九舊，抵食湯底就依舊咁正，好中意老闆娘呢個秘製湯底，酸酸辣辣，真係食幾多次都一樣咁高質！無失望過

身為荃灣人，每次想食米線，第一時間一定係諗起香車街嘅老闆娘～經過多次摸門釘嘅經驗之外，每次去食之前都會上老闆娘facebook check下佢到底開唔開。今晚六點黎到，完全唔洗等位，係門口點好野食就入得啦。今次我都係揀左酸辣小辣米線，餸就揀左魚肉腐皮卷（$44）。汽水就另外加$6～剪開左嘅腐皮卷足足都九粒餸哂成配米線絕對夠，所以唔大食嘅我通常都係叫一個餸就夠。個湯底真係無得輸，中意食酸辣嘅一定要試，係其他地方絕對食唔到呢個味道。

早前在該店進食時，於麵內發現曱甴一隻。原隻浮在湯內，畫面相當嚇人及惡心。曱甴一事讓人擔憂該店的衛生情況並未預理想。另外，店舖對此事回應更讓人生氣。近日在報張發現該店回應店舖曱甴一事，該店表示是樹大招風被人屈。但有不小食客也在店內見過曱甴的蹤影。可惜店舖沒有正視問題並針對問題作出改善，只是隻眼開隻眼閉，當重來沒有事發生過似的。此外，該店食物味道一般，等候時間耐。無論衛生和服務態度個人認為不值得到訪該店。

早幾日同男友一齊去食聞名已久嘅老闆娘米線，聽就聽得多，怕排隊所以一直無去。難得今日出荃灣愉景，仲要6點左右就餓，仲唔係好機會等我去試試？！老闆娘米線係香車街熟食中心最頂層，上到去唔洗排，老闆娘（真正個位）好好禮貌同招呼，仲有耐性教我地揀食咩～揀好哂食咩就入去坐定定等食！自己揀好位，老闆娘仲同我地講定一陣可能要調位，態度非常好，完全唔會覺得被冷落！等多一陣就有野食～我揀咗酸湯配腩肉同反斗蝦膠豆卜，腩肉本身微辣，係酸湯嘅絕配薄薄一層肥肉令人咬落唔會硬掘掘。香濃嘅湯底除咗酸菜，仲有瘦肉碎，比起一般落好多肥肉嘅街鋪好食得多。蝦膠豆卜炸得香脆，咬落落有咔唰咔涮聲，浸一浸豆卜吸埋湯，諗返起都流口水男友個碗同我一樣係酸湯，但餸菜揀咗蒜香椒鹽雞翼同吉列豬扒。雞翼香口，上菜前再加香料的確令味道更上一層。而豬扒鬆軟，可惜放耐咗先食，個底有少少油，相信啱啱炸好個陣好好食！埋單之後行出一睇，嘩！等候區已經坐滿人，好彩早到先食到好野