老闆娘雲南米線

營業中

休息中

#hkgirl90s_yellowstore 如果要我數數荃灣最高質黄店 一定唔少得台風拉麵同老闆娘雲南米線💛今次介紹老闆娘雲南米線！佢最大特色係湯底同配料都獨特 好多選擇 例如有我最中意食嘅炸雞球同酸辣湯底 排隊同埋等上菜嘅時間雖然比較長 但依然客似雲來 就知有幾出色🤪.👉🏻蟲草花薑酒湯配豬潤米線($56)⭐️因疫情關係 只提供外賣自取⭐️今次試新湯底 此湯底只可選配牛肉/雞肉/豬潤蟲草花薑酒湯感覺好温和湯底好足料 有大量蟲草、薑同紅棗味道甜甜地 好香酒味！豬潤份量厚身 好爽脆好佩服呢間咁出名 但咁多年都keep到個質素😳💪🏻——————————————老闆娘雲南米線荃灣曹公街8號香車街熟食中心3樓28-29號舖

//#黃店地圖系列間野叫：老闆娘雲南米線邊度黎：荃灣曹公街8號香車街熟食中心3樓28-29號舖環境點：實行流水式等位落單法 請跟貼座位動向和保持耐性🌝：多次參與罷市 ▪蟲草花薑酒湯米線(配雞肉) $558.5分呢間老闆娘其實都唔需要多介紹 不過見蟲草花薑酒湯好似無咩人講過 就即管試下佢咩料 估唔到真係幾有料到 呢個湯底指定只可以配雞肉/牛肉/豬潤 好多蟲草花 湯底清甜味甘 雞肉無雪味 表現正常 米線有咬口 唔會過淋 最驚喜都係個湯底 值得一試▪酸辣湯米線(配酥炸雞球) $448.5分酸辣一向都係賣飛佛 湯底夠曬濃郁 夠酸夠辣 好惹味 不過飲得多 事後會極度口渴 慎飲 另外不用多說 一定要配酥炸雞球 份量多 即叫即炸 一咬開滿滿嘅雞油滋潤你嘴唇 唔鍾意肉碎記得走 咁湯底就唔會咁多肥肉浮面 不過同時辣度都會減低

【黃店推介 - 深黃知名老闆娘米線🍜】🐷🐷 💭大家好！多謝林奠婆婆（豬仔唔識字，冇叫錯呀可🐷？）封關不力，大家都少咗見面，冇得堂食，我哋豬仔家族🐷🐷🐷🐷仲要分台坐！？唔緊要，偉大又大隻嘅老豆💪就負責買外賣比我哋啦！今次介紹嘅深黃店應該荃灣街坊都聽過食過—老闆娘米線🍜🐷🐷💭呢間米線未係黃店已經出名到街知巷聞，參與咗罷市同支持手足被公開後更加要至少排隊半小時先有得食！佢即叫即煮嘅每碗米線🍜都用心制作，而家為咗大家安全，係林奠出台政策之前已經宣布咗只做外賣，希望大家繼續支持！🙏🐷🐷💬1⃣腩肉+炸雞粒+金錢肚+酸辣米線 （$69）小店最出名嘅餸有腩肉、炸雞粒、魚肉響鈴同埋腐皮卷等等。當日響鈴同腐皮卷賣晒，咁我地就改叫左金錢肚，都唔錯喎！有7-8塊！超多！好爽滑！似酒樓嘅味道！至於腩肉唔鞋，有肥有瘦，而且份量好多（食食下已經數唔到有幾多塊😂）雞粒就更加不得了！炸得好脆！仲比日式店食嘅更大粒添啊！雖然只得三粒，但已經好飽了！佢最出名當然係個湯！酸辣湯非常濃，好在只叫bb 辣，因為佢都幾辣下！入面有少量花椒，有少許麻，濃湯令所有餸更入味、更酸、更辣！米線一餸$47，每個餸加$10，外賣+

見到openrice啲負評話間野服務態度差，心諗我買外賣啫，應該無野啩，點知都係中招。話說第一次幫襯，一去到，因為手攞住一袋二袋，就打算放一放低個手袋揾個銀包出黎叫野食，咁都要比條身穿全黑衫既妹喝，喂～嗰邊唔係我地嫁，心諗，我黎食野啫，唔洗好似喝狗咁喝呀嘛，你屋企人可能係狗，但我唔係喎，幫襯你都要受你氣。好，返到屋企，再試埋你個米線，真係唔知有嘜咁好食?味精超勁，食完口渴，米線過分淋，價錢又唔係經濟。仲有呀...落單既時候要留電話，收錢條女仲懶醒咁話用黎認返你叫過咩野食，攞餐既時候又大大聲講你貴姓同電話號碼，唔知有無違反個人私隱守則呢？其實收咗錢比張單顧客之後攞野食咪得囉，好多地方都係咁。你間鋪咁細，林鄭又唔生性話唔可以有4人聚會，我真係祝你好運喇。你都係做街坊生意啫，無街坊幫襯，你真係食X啦～ 所以對人客氣啲好啲，周圍積怨到頭來你自己受返哂。點都好，呢間野真係不可一，不可再。

要數荃灣區最好吃的米線，非老闆娘米線莫屬。老闆娘米線座落在香車街街市不起眼的角落，每次都要在街市昏暗破舊的走道尋覓一番才能找到。店鋪沒有刻意裝潢，門口擺著數十張塑料椅子和紙皮箱堆疊而成的點菜前台。餐廳營業前半個小時，已陸續有客人坐在椅子上等候。用餐的地方簡陋，有5張大圓桌，即使夏天也只有馬力不強的冷氣和幾把吊扇緩緩轉動，可是夾著者汗水品嚐也不減客人們對這碗米線的期待。 麻辣湯米線★★★★（滿分五星）麻辣湯米線是店裡的招牌，愛吃麻辣的人絕對不能錯過。老闆整日用了30磅豬骨和雞熬製湯底，麻辣味道來自3-4種四川花椒、辣椒和印度辣椒。我點了麻辣湯底的小辣，大大碗的米線一放上來份量十足，撲鼻的麻辣味一聞便知這碗麻辣米線不可小覷。果然一嚐伴著大量蔥花、韮菜、芽菜及肥豬肉碎的麻辣湯，讓人精神一振！忍不住跟著米線一口接一口地吃。湯底不算辣，卻很夠麻！讓人吃到舌頭、嘴唇發麻，鼻水和汗水也禁不住滴下來，繼而讚嘆好吃！ 野菌腐皮捲★★★★★野菌腐皮捲是店裡的招牌，即叫即炸。香脆的腐皮一咬下去發出「咔滋咔滋」的聲音，裡面包裹著含湯汁的菇菌和玉米粒，外脆內嫩，野菌夾著玉米粒清甜可口並解除了炸腐皮的油膩感。每一

唔係成日來荃灣，但知道只要細心一找，就必能找到好野食。來到香車街既熟食市場，疫情關係，驟眼睇十分冷清，唔講仲以為係華南海鮮熟食市場（汗）一場來到，俾下面入去睇埋先算，果然沒令我失望，老闆娘既米線店撐起左成個「海鮮市場」既人流。接近先去到條長仲好長就知唔簡單。等左半個鐘終於有位。老闆娘雲南米線係即叫即做，而且係四個爐頭逐碗滾既，老闆下廚，老闆娘落單，個女幫手上菜，家庭式既經營已經比較少見。我叫左中麻酸辣米線，炸雞，老婆叫左BB麻酸辣米線，蝦滑豆卜。本身仲想叫鯪魚春卷同雜菌腐皮，怕食唔曬就放棄了，下次再來食埋呢兩寶。商業秘密關係，餐廳唔講得湯底成份，只知有四種辣椒，不同香料。先試試湯底，麻香好強，唔係死辣，中辣既辣度似X仔二小辣，配埋葱香同酸菜，香味同味道都係夢幻級的。麵質都好爽。炸雞係外脆內軟，多汁，雞肉同油都係新鮮既，又沒多餘既炸粉，唔使落任何既醬汁都好好味。蝦滑豆卜係將蝦釀入豆卜，再成個豆卜炸到脆透。我都係第一次食，兩者既香味出奇地夾，又互相豐富了口感。唯一美中不足既係麵既份量有點少，可能係太多人食剩既關係吧，同埋加枝裝飲品有點貴。總而言之，味道同氣氛都好好，又唔係連鎖。我會再來的！

老闆娘係我食左多年既愛店 亦係最愛既米線 沒有之一❤️呢到既湯底除咗一般既麻辣/酸辣/酸/原味之外仲有啲好特別既湯底 eg 蒙古/水煮等等不過我每次黎都係食麻辣 因為真係一試上癮+愛上食得出佢既麻同辣係分開既 好有層次辣夠香 麻都好過癮 真係口都震埋嗰種 好正曾經我都試過嗌錯麻酸辣 我自己就唔鍾意不過食開酸既朋友就話好正 所以呢到既湯底真係好睇個人口味😌除左湯底特別之外 佢既餸都好好味滷水配料己經正 不過炸物更出色 唔會有陣千年油味又脆卜卜！近年我既最愛都係圖中既蝦膠豆卜 同長洲甘x泰嗰款其實差唔多味不過呢到更大粒 豆卜炸得更加脆卜卜 入口要小心戒親內饀係蝦膠 又彈又有鮮味 感覺似住家手打嗰種😋😋作為佢既打手級忠粉 比少少建議大家1. 好x多人排隊 聽住老闆女指示一路郁一路填食咩好快有得入去 不過入去都預等返陣先有得食2. 米線同炸物不時都分開上 唔洗出奇 等就得3. 接近50蚊一碗米線仲要得一餸好似好貴 但你食完就知抵4. 星期三例休 平日不定期係fb突發休息小心摸門釘(我已經奶過好多次☹️) 

雖然天寒地凍，多人到要企係戶外等位，但都真係值得排隊等。一行入舖頭，個陣麻辣味已經會令你即刻標口水🤤，叫左個魚肉響鈴，酥炸雞球，再加多支茶，都只係$65。以食米線黎講唔算好平，但女仔黎講份量好足，細食既話，一個餸都夠晒，（圖入面個份量只係一人份！），同friend一齊仲可以叫唔同餸一齊Share，試多啲唔好同野。本身個人唔太好炸物，但佢啲炸物真係唔錯，唔會太油，而且係即製，唔會番炸，個酥炸雞球唔係小球，係雞件，成舊雞扒黎，3大舊，勁飽😋（但佢切走埋啲肥膏會更討好）環境係一般大排檔，唔好期望太多，尚算乾淨。有好幾把風扇仔唱住，冬天可以令空氣流通啲，同你碗麵快啲凍，但夏天應該起唔到咩作用，怕熱既人就唔好夏天去啦，又食辣又熱，真係攞苦黎辛😂

見好多人都話好食 今日專登去幫襯下 2點幾去到 排左4個字左右就坐低左我男友叫左豬膶吉列豬扒麻辣小辣米線($55)我叫左清湯蒜香椒鹽雞翼米線($45)食果陣ok嘅 豬扒好食炸到好腍唔乾身 豬膶都大件又好食雞翼就有啲一般 就咁求其炸完再落啲辣椒粉係面 一啲都唔入味 不過2個湯底都幾好嘅本身都覺呢個價位有啲唔值 後來我地食完之後都有啲唔舒服 索性早啲返屋企休息好死唔死我地都真係腸胃炎 嘔返晒啲米線出黎 又肚屙肚痛成身冇力暈陀陀 真係冇下次 衛生差 講到幾好食都冇用

📍老闆娘雲南米線午餐一樣要支持經濟圈，還好這附近很多小店可以選擇，唯一是要煩惱... 今天到底試哪家好呢🤣.🔸 椒鹽雞翼老闆娘米線其實最愛吃的是酥炸雞球，但再好吃的東西還是要換換口味，不然會膩。雖然.. 好像真的沒炸雞球好吃，但還是不錯的～比較濃味🔸麻辣銀針粉（小辣）＋雜菌湯底真的很香，所以有時不吃米線換銀針粉，就可以邊吃粉邊吸湯～.💲Hkd 54 （兩餸）外賣＋1🏡荃灣香車街熟食中心3樓🕐12：00 - 15：30/17：00 - 22：30（星期三休息）.

老闆娘雲南米線係荃灣好出名既人氣米線店。米線係一碗一碗煮。外面張期出玩人龍。等侯時間約15-30分鐘。環境就好簡陋，木枱圓櫈。入座後上菜都算快，但炸物會等耐少少。鐘意佢米線係幼身彈牙。酸辣湯底就好重醋既酸味，鐘意食酸既人一定好鐘意，辣味會係慢慢散出黎，亦係比較溫和既辣。麻酸辣既酸味都突出，仲好重麻味。食完個嘴都麻麻地，麻突出過辣味，就算係揀左中辣都唔算好辣。最鍾意嘅湯底好多肉碎但又唔油膩！配菜方面，佢地人氣一定係炸物。#招牌酥炸雞球炸得酥脆，肉質嫩，又有肉汁。#野菌腐皮卷：腐皮有層次同炸得好酥脆，有足夠既菇同木耳，好食。對於食物覺得佢哋真係用心製作，雖然環境麻麻哋，但係都會再幫襯。

最近有要事到荃灣🤪所以一星期吃了2次老闆娘雲南米線😂也是第一次😙聽聞他們會每一碗米線湯底用心烹調 所以等候時間一般比較長2次都分別試了不同配菜、湯底一餸米線HKD$44加款每款+HKD$10🍜湯底🌶麻酸辣湯 酸菜量多 但酸味不太突出麻很夠 整個嘴唇都麻到發抖🌶🌶麻辣楜椒湯 新湯底 好夠勁 🥬配菜：欣賞他們會用心製作一些在別家米線店也不會吃不到的配菜就在店外上演一場製作過程全部即叫即炸 確保食材新鮮出爐🍄野菌腐皮卷粟米、雲耳、菇 調味比較清淡 適合素食人士🐟魚肉響鈴份量較少 魚肉溝了粉 可是炸得超脆啊 浸湯吃也要浸一段時間才淋🐷秘製豬腩肉滷得非常入味 脂肪和肉的比例大約是三比一 肉質比一般嫩🐷雲醬豬軟骨老闆大推 不同位置吃也有不同味道 甜咸適中 脂肪位較多

服務：差,黑口黑面,冇礼貌,又似吾想做甘！不自在生意！環境：no good.街市上,衛生好清楚．食物：選乜餸都冇．又晏開,開下午五点多,冇lunch time.⬆️吾好食又冇芫荽/葱得個紅字⬆️炸雞件新鮮炸夠熱不太細件

地方細，坐位窄，裝修較舊，服務員態度小小寸，唔憂做，因為人多，所以尚算可以接受今次介紹四川米線，呢間之前結束左一段時間，最近先至開返，由於不斷都有好多人食，人氣都幾高，所以今次專程去試一試首先點餐方式就好似一般車仔麵嘅方式係點心紙上逐個餸，揀，然後湯底方式都有好幾種我哋試咗清湯同酸辣湯，清湯嘅用了分別係豬骨同埋雞淆成嘅，個酸辣湯都幾濃味。清湯我哋就揀咗銀針粉配菜方面就有牛腩同埋豬頸肉，而酸辣湯方面呢就有酥炸鯪魚球同埋魚肉腐皮卷,牛腩都幾嫩滑多汁食落口唔會太硬又唔會太軟口感適中，孜然豬頸肉味道唔錯，因為豬頸肉本身外脆內軟而且亦都好有香味酸辣湯方面我揀咗配米線，餸菜呢就係腐皮卷同埋炸鯪魚球爭兩球呢雖然只有得三粒但係食落口冇咩腥味口感都幾彈牙腐皮卷呢就比較失色，應該係炸時間太長，導致太乾，無咩味道因為佢鋪面地方比較細，所以一食完就會好快收碗，流轉率好快，即使門口坐滿等15分鐘一定入到，如果要再等耐啲就唔值。食完後有啲口乾，🤔估計落咗都幾重味精/調味料，總括嚟講呢間鋪係由於人氣過高所以好多人食，實際又唔好特別，經濟既一餐，啲餸都多既！我晚飯時段食，想食既蝦膠豆卜同吉列豬都賣晒🧐P.S.好多人食

滿懷希望，終於有時間去食，點知原來都係不外如是的米線，重味精，食完好口渴，魚肉腐皮卷炸到油淋淋，但又唔係太脆，怪怪地，蝦膠豆卜炸得太過火，不是想像中咁好味，試過便算，沒有下次。