老闆娘雲南米線

營業中

休息中

聽過唔少朋友推介既米線好多人都專誠會去荃灣都食呢間究竟有幾好食？今日去一試。六點左右到達 可能仲係早 可以即刻入座入內之前 要揀好食咩揀咗一直好想食既酸辣湯底同埋揀咗招牌酥炸雞球 豆腐魚丸 一黎到 係大大碗米線 見到湯底有滿滿肉碎 湯底味道好濃 重口味實鍾意 作為「重口味湯怪」我直頭係咁飲個湯 係越飲越上癮既感覺🤣小食炸件都會分開上 冇咁易比湯浸到林 抵讚見到炸雞球真係好大件 唔怪得知叫招牌超級香脆 雞肉唔算嫩口 但味道幾好豆腐魚丸自己貪得意叫 冇見人推介既雖然好細份 但味道意外地好食 真係食得出係豆腐同魚膠整出黎咁 唔似出面一般魚腐個款魚蛋而且有炸過 又香口又好味食完會明白點解咁受歡迎既米線舖地點係街市上面 有啲難搵 環境都好一般 但都大把fans就證明唔簡單！

對於超級米線控嚟講，老闆娘米線絕對會係我嘅首選之一！湯底絕對係碗米線嘅靈魂，而老闆娘米線嘅麻辣湯底同麻酸湯底真係非常出色，食完一啖會再想食第二啖，果種麻辣真係會上癮😬如果唔食得辣嘅朋友仔，都可以試吓佢其他湯底，有蒙古湯、蟲草花雞湯同花雕酒湯底都好正好濃郁！唔好以為老闆娘米線剩係得米線嗌，佢仲有得嗌銀針粉同拉麵添！但係老闆娘米線嘅份量比一般嘅米線多，所以女仔來講可能會食唔曬。而餸菜方面有好多小食選擇，而我最中意食炸雞件同炸豆卜，超好食超鬆脆！腩肉同牛肚都好多人推介架！但環境方面可能就比較狹窄，4-5個人share一張圓枱，每次去食都要排隊等候，大約10-15分鐘，假日可能需要等耐少少，不過要食美食等下都無乜所謂喇

荃灣人氣老闆娘其實興左好耐😎我都係最近先去食 但都係要排隊😂首先講個小食 叫咗炸雞球 同埋炸鯪魚球個雞球炸得好好唔會太鹹入邊仲係好juice個鯪魚球就可以啦好講個精粹啦👍🏼 碗米線份量的確係好多至於個湯底係咪真係咁好味呢就真係見仁見智 佢個湯底偏濃 小辣嘅話都夠辣 雖然佢叫一碗米線都要$50以上 但佢個份量加埋個小食都抵既 至於個環境食碗咁熱嘅米線真係有啲熱啊

老闆娘米線，原來就係熟食中心上層，非常不起眼就算5點幾去到都已經坐滿左幾張枱啦餐廳係要先點好菜先俾食客入去既。入面比想像中細，但係好涼快，完全唔洗擔心夏天去食會好辛苦。分別點左麻酸辣同麻辣兩種湯底，同埋因為第一次試，所以都係點左BB辣only.米線一黎到，原來好大碗，味道好重好濃好麻，好正配料就點左腩肉，豬軟骨，招牌酥炸雞球，同炸豬排。 個炸雞球好正，好脆口，好香口。不過埋單既價錢就當然比連鎖店貴啦， 貴一倍。

係朋友介紹話好食，所以帶住期望去食🙏🏻環境：香車街熟食中心上，雖然好有老香港既味道，但真心覺得衛生一般，隔離垃圾站仲好臭🙌🏻 等位既地方無冷氣，但有大風扇👍🏻入到去相反好涼爽，亦相對乾淨。食物：出名既蝦膠豆卜💬好香口 好食既腩肉💬炆到好唸，不過無乜味道，唔算好食炸雞球💬即係炸雞髀肉，不過醃料好弱，炸得香脆又如何味道好好好普通！炸豬排💬日式炸豬排feel，又係純粹落漿炸脆，味道無特別麻辣米線中辣好夠麻酸辣BB辣想試下湯底味道，不過都好普通，好單調，同街外好多米線店差唔多，不值吹奏🙌🏻🙌🏻另外想講 員工應該做得辛苦 黑口黑面粗聲粗氣同枱另一組客人亦都話「老闆娘咁惡！」比佢喝一喝，下次唔想再黎啦吹奏到令人念念不忘既米線其實好普通姐！加埋環境服務，無下次lu

自從食過一次老闆娘之後就好似上左癮咁🤤成日都想食啲酸酸辣辣嘅米線一定會諗起老闆娘🤪次次泥親都會叫麻酸辣湯底，湯底好正 我叫左小辣 唔會話好辣 但個麻味好出 食食下成個嘴就會feel到好麻 有啲野係嘴到跳下跳下嘅感覺 好爽🤤再加埋啲酸真係令人流哂口水🤭今次叫左豬粉腸 豬潤 同蝦膠豆卜平時一定會叫野菌腐皮卷 可惜佢賣哂😭呢間小店值得推薦👍🏻👍🏻

作為一個米線控，呢間老闆娘米線系必食架！自從食過一次之後，成日都好掛住佢個湯底，佢個又酸又辣既麻酸辣味，諗起都流口水啊...話說第一次去食，睇過食評話要排隊，又話服務差甘，但見到好多人都話好好味，所以都系決定去try try 佢。甘果日就5點幾就去，所以都吾洗排隊叫左個反斗蝦滑豆卜同雞塊，加麻酸辣湯底（大辣），完全系為我呢d鐘意又酸又辣既重口味人士。個米線黎到見到原來個湯底有加好多肉碎粒架，第一時間試試佢個湯底先，哇！又酸又辣又麻。個雞塊同反斗豆卜極度出色！脆卜卜好香口。米線勁大碗，食吾曬啊d米線。抵食！服務態度我覺得正正常常，吾會差。我真系搵吾到佢有咩缺點啊....每日食我都吾會厭啊真系。

📍老闆娘雲南米線總括黎講，係好在夠大碗，同埋啲餸好食，尤其係炸物！撇除環境同服務，值得一試嘅，侍應黑口黑面，態度認真麻麻，非常認同d人嘅批評，不過三餸連飲品都要七十蚊，價格偏高，試過一次就夠！—————————————————————❣湯底🐷同🐷爸都嗌麻辣湯底，麻好香，但我覺得麻過頭，老闆娘嘅米線出名大碗，份量好足，我都剩左好多米綫.❣吉列豬扒/野菌腐皮卷/生菜（$64）炸物係會分開上，所以唔使驚d湯會整到淋哂。啲炸物即叫即炸，吉豬好食一d都唔韌好淋，勝在熱辣辣，鬆脆可口。野菌腐皮卷超級好食，炸到出面個皮勁脆但食落唔算好油，一咬即碎入面d菇菇又湧曬岀黎，同埋🐷本身好中意食菇菌類，嘻！.❣招牌炸雞球/蝦膠豆卜/豬軟骨（$64）炸雞件好好食，炸到超脆咬落去唔乾，仲好juicy，雞件肉質好滑，果然係鎮店之物，難怪幾乎每枱客人都有點此物。反斗蝦膠豆卜反而太酥炸，炸得略為乾身，要浸湯先得，🐷就唔中意食。豬軟骨又係炆到勁淋啲fd，軟骨位炆到一咬就碎，正！.❣津路烏龍茶/可樂（+$10/+$6）正常價錢啦，冇搶錢，但如果有豆漿就好！！！—————————————————————不專業評分👅好味指數:

推薦指數：🤩🤩🤩老闆娘米線 夠哂酸夠哂麻 大大碗！嗌左兩碗米線🙂👉🏻麻酸米線配雞亦同反斗蝦膠豆卜👉🏻麻酸米線配孜然豬頸肉同牛肚湯底米線配料好足，而且濃郁夠麻，但我個人覺得偏酸，但係麻得黎好爽！一大碗米線好正，湯底好濃但無咩味精，食碗成碗都唔會好口渴👍🏻相信係真材實料的湯底👌🏼配料方面都有別於一般的米線店，有比較多特別的配料，例如魚肉響鈴、野菌腐皮、豬手等等。我地嗌左的四款配餸，反斗蝦膠豆卜係炸得好香脆，浸係湯到食一流！孜然豬頸肉都好入味，同牛肚一樣份量好多！反而雞翼好普通，下次唔好嗌可以試其他😬😬😬不過呢到服務態度就真係有待改善啦，因為黎食野大家都想開心，被店員黑口黑面對住都會影響食野的心情🤔😯而家大家記得留意營業時間，周一至五都係淨開夜晚，周末就有埋午市。周三休息呀🙊

食開米線不能不提荃灣的老闆娘米線.都幾個攝，搵左幾轉先知道在荃灣街市三樓.好多人排隊.都等左勁耐.本人唔食辣，所以點左牛肚清湯米.牛肚無異味，軟身.入味，湯雖然係清湯但都濃肉味.米線口感幾好.比譚仔XX出色好多.

今日終於食到想食好耐既地線，今日2到先去到，都要等左5分鐘先有位，因為係街市入面，環境一般，但食物質素都幾好，叫左個雜菌麻酸辣米線，麻好香，有點似周黑鴨既味道，酸程度剛剛好，總括來味道是十分好食，但米線可以煮淋少少，偏硬，仲叫左個炸雞件，個雞件都好好食，內面咬落去唔乾，仲有汁，雞件肉質都好滑。果然係鎮店之物。但服務就一般，今日阿姐倒瀉汁落隔離男人件衫度，對唔住都冇講聲，仲要黑面，人地叫佢下次小心d都冇出聲，但其他服務員都態度良好。

最近有了小轉變，經常食米線，呢一切可能源於早兩個月黎過潮聖老闆娘，總係記掛住呢種重口味嘅感覺。事隔兩個月，再次到訪。今次醒目仔啦，預先上過店家專頁，確定有開門先前來。平日晚上果然冇咁多人，8點後可以即時入座，當然啦依然係搭枱。但唔需要好似假期時食得咁匆忙，旁邊嘅女士可以悠然追看愛回家滷味炸物等配料30款，單餸定價$44，額外$10/款，可能時間較夜，有唔少配料都已沽清，例如雞翼、餃類、炸醬等。另外點左一份網友推薦嘅蟲草花薑酒湯雞肉米線。蟲草花薑酒湯雞肉米線 $55除左雞，可配牛肉或豬潤，份量幾足，可以見到湯底有紅棗、蟲草花、蔥，油份少。可能食得辣野或者重口味野多，薑酒味冇我想像中咁濃郁呢個湯底好清，飲大半碗都冇問題。雞肉份量大器，稱唔上滑，但絕對唔鞋。食哂成碗，飽肚滿足。酥炸雞球、魚肉響鈴、秘製豬腩肉米線 $64/麻辣小辣上次食過麻辣湯底幾啱胃口，炸物亦出色，可惜雞翼賣哂啊。麻辣小辣好過癮，唔敢話自己食過好多間米線，但平日食開嘅，都好少真係食到有麻味炸物水準穩定，即炸香脆，推薦雞球、魚肉響鈴。正所謂無比較就無傷害，撇除環境同服務，值得一試。天氣開始熱，佢地嘅營業時間都有改動，由7月6日

夏日熱辣辣好熱好熱，但係都無阻肚腩男同知音烈日當空去到香車街街市整返個米線。其實老闆娘米線為荃灣區名店，雖然位於衛生程度堪稱惡劣嘅舊街市二樓，但係嗰日佢都會排長龍。小弟並非第一日幫襯此店，要講下哩度食野既規矩。去到門口首要留意開門時間，因為係彈性上班制的，睇你彩數。講底人數之後店員就會安排你一個特定嘅排隊凳仔，再分發落單紙，請在左上方寫底你想佢今日點嗌你，大約係30度高溫底下等10至15分鐘，你就會有機會入閘。入閘前請自行開雪櫃取飲品。入到間房仔會被安排同搭枱既人有親密既接觸，此時亦都會賞賜你享用超凍既冷氣。佢既米線係即叫即煮既，大約等十五分鐘就可正式品嚐。是日肚腩男叫左麻酸中辣金錢肚燒豬頸肉，等左十幾分鐘就會嗌名俾你。碗麵目測色調豐富，湯底有大量肉碎，濃厚得黎配上大量香料。佢食材用料亦係唔錯既。食過幾次，小弟都覺得佢味道略為偏鹹。價錢方面，佢算係中價米線，兩餸連野飲都60, 不過份量十分充足。總結佢如果你想去朝拜，就要有去澳牛食光速餐嘅心理準備。

星期六朋友約我去熟食中心食米線，聽佢講喺荃灣都幾出名，經常大排長龍！入到巷仔真係好焗，但可能天氣太熱，無想像中咁多人，在門口等左一陣，落埋單就入得地方不大，只有幾張圓枱，一定會同其他人同枱，比較擠迫不食辣的我當然選擇清湯底，略帶少許鹹味。至於配料，見到好多人叫炸豬扒、炸鯪魚球，應該比較出名，但我怕熱氣所以無叫到，簡簡單單叫左呢三款！《健康有營》素食之選- 有蕃茄、什菌、豆卜，好似仲有枝竹《豬耳》連軟骨食 口感柔韌又爽脆《雞肉》肉質嫩滑最掃興係岩岩食完米線，飲緊可樂個時，女員工行過黎話出面好多人，叫我地出去埋單，姐係趕我地走🙄 你做生意當然明白，我地唯有拎住罐可樂走，但出到去只得兩個人等位，真係有必要趕客走？另外見到男員工對客人的語氣好敷衍，難怪喺op 見到好多人話黑口黑面，態度麻麻，非常認同🙋🏻‍♀️ 除左大大碗之外，我覺得好普通，仲以為有咩咁特別需要排隊先食到🤷🏻‍♀️而且三餸連可樂埋單七十蚊，價格偏高，再加埋環境和態度一般，試過一次就夠！

香港已經好難搵到大碗既米線食，小編經網民介紹發現荃灣香車街熟食市場有間米線店適合大胃王～～老闆娘雲南米線。店舖因在熟食場內，所以環境衛生不太好，愛乾淨既朋友可以唔洗黎。食物方面，絕對值得一試，尤其是炸物，由於沒有椒鹽雞翼，所以小編改點酥炸雞球及吉列豬扒，兩者都係即叫即炸，雞球方面，肉汁好多，咬落去鬆化可口，配合埋店內的汽水簡直絕配，豬扒方面，食落有d韌，但勝在熱辣辣，鬆脆可口！雖然價錢不便宜，但勝在大碗好食，大家可以試一試！