老闆娘雲南米線

營業中

休息中

講起雲南米線，大家一定會諗到三哥、或者譚仔，其實呢兩間連鎖店，真係開啟左香港人食米線風潮。不過講到用心嘅米線，當然不得不提良心小店——老闆娘雲南米線。地點確實唔係好就腳，由地鐵站行過去都有一段距離，不過為咗食好西，即使行幾遠，我都一定會係爬到過去！ 同朋友一人一碗，一個要咗麻辣，一個要酸辣。因為擔心會辣到飛起，所以都只不過係叫咗BB辣姐。料方面，叫咗豬軟骨、金錢肚、豬手同豬腸；另外仲叫咗老闆娘雲南米線最出名嘅炸雞、同埋雜菌腐皮卷。先講豬軟骨，呢個料次次黎都會點，因為豬軟骨煲得非常之淋，而且又充滿骨膠原，食落口嘅感覺非常之好。十級推薦！金錢肚份量非常足，絕對唔係細細塊得幾件，每一件都大大塊，而且非常多！豬手方面，對我同朋友來講都真係太辣啦。下次未必會再點，不過想挑戰麻辣，同埋好食得辣嘅朋友仔來講，我相信你哋絕對可以挑戰呢一個菜。豬腸方面，條條都好大條，而且又粗，識落絕對唔會有異味，仲有啲粉粉地，非常之好食。炸雞簡直就係靈魂，外皮非常之脆口，而且肉汁非常之多。建議第一次嚟食老闆娘嘅各位朋友仔，一定要點炸雞。雜菌腐皮卷，撈埋酸辣米線嘅汁一齊食，非常之好食！碗非常之大，分量極之多，兩個女仔食，

【💛 黃店 】​🉑 ：外賣自取 | MaMaEat 
​⭐評分: 7.5/10​——————————————————​傳說中嘅荃灣名物！終於有機會試到啦！​湯底同炸物都名不虛傳💛——————————————————​
▪️ 小麻酸辣 野菌腐皮卷 豬潤米線 ($54)​▪️ 中麻辣 豆卜 炸枝竹米線 ($54)​​呢度嘅湯底係行重口味路線，韮菜、芽菜、肥肉碎加上濃厚香料，熱辣辣嘅米線索晒啲湯汁，勁正呀！👅 麻辣湯聞落好香花椒味，唔係辣椒油個種低B死辣，真係麻到嘴唇Ti Ti震，好耐無試過由條脷麻到個頭嘅觸電feel！​麻酸辣湯都，入口先有麻香，搭真啲就帶啲酸辣香，不過稍為鹹咗啲！😁 上咗年紀唔好亂試！成碗嘢仲要真係超級大碗，千祈唔好叫得太多餸，飽到上頭殼頂​😂​豬潤足足有四大舊又厚身，仲要好爽，唔係又硬又韌個種👍🏻 豆卜同炸枝竹索Q晒啲湯，再係個口爆發，勁正！野菌腐皮捲即叫即炸，一咬落去一層層勁脆口，入面堆熱辣辣嘅菇同粟米，流出帶忌廉雞湯香氣嘅汁，心急食小心淥親條脷～​😏​​​✨ 老闆娘雲南米線 ​ ✨​📍荃灣曹公街8號香車街熟食中心3樓28-29號舖​⏰ 1200-1500 | 1700

今次介紹呢間🏘 佢係長期👨‍👩‍👧‍👧都好多人排隊🚶🏼‍♂️亦會令你上癮嘅店舖🤤🤤老闆娘雲南米線🍜 蒙古🇲🇳湯 BB辣 配左清湯牛腩🐪 單餸$45 每款餸加$10其實本身食個麻辣🌶 都幾好食但我見冇乜人試蒙古🇲🇳湯所以決定試吓🤤呢個湯底🍜真係好正 食完😘之後會回味成日諗住好想食🥳 佢好香孜然味🥢加上少少辣🤏 簡直係Perfect啊佢份量都幾多 幾大碗🥣 好抵食👍🏼👍🏼然後啲米線🍜唔會話霖晒 係啱啱好嘅🤹🏻‍♂️清湯牛腩 睇得出佢係有浸過🍲另外一隻湯底嘅 所以你食落去呢又係另一種味👻牛腩係唔韌嘅 霖霖地又有趙口🐂蒜香椒鹽🧂雞翼 （餸）佢哋唔似🙅🏻‍♀️一般店舖會放埋雞翼落個湯度 佢另外用碟🍽裝好好食 佢啲粉🤩令成個雞翼好好食👍🏼啲雞翼係好大隻🐣嘅 咬落去係Juicy🙊如果要嗌餸一定要嗌佢 ❤️招牌酥炸雞球🧆 （餸）佢亦都係分開咗俾我🍽呢個係一咬 😋就會咬到好juicy🥳🥳好大舊 $10 3大嚿真係好抵👅呢個都一定要試 👍🏼👍🏼總括 佢啲餸都整得好出色😈一啲都唔馬虎 🧑🏽‍🍳👩🏼‍🍳唔會諗住整好喎湯底就算🍵🍜係明顯係有心❤️整 一定一定要試🤩回頭度：🌟🌟🌟🌟🌟（滿分）

因為前一晚食完觀塘果間麻辣麵，搞到麻辣隱起，所以搞到今日經過荃灣開工個時心思思，就再次黎左呢間老闆娘米線，咁之前都介紹過佢係食麻辣係出名的，所以之前疫情搞到咁耐都無出黎食過，今次就決定食番名本。咁今日2點幾黎到個時都唔算話太多人，大概前面有5台客(10人左右)等緊，但大家黎開都知呢度係舊式街市的上層，所以係門口又熱又焗的情況下等十分鐘都咪話唔辛苦。幾經辛苦，終於等到位入去食，咁通常會係你出面排緊隊個時已經叫你寫定你想食D，咁到時有位你入到去就可以即刻等食，唔溉再曬左時間係諗食咩個度啦。咁今次我就叫左招牌雞球，配拉麵，再加麻辣湯底BB辣，呢個係我每次黎都叫的組合^^。咁今次都一如既往無令我失望的，紅卜卜的湯底中每啖都充斥著滿滿的麻辣味，而且闊闊的拉麵索曬呢D麻辣的精華，真係一個字形容，正 !雞球就正正常常，炸得唔會好干身，同埋食落入面仲係好juicy的!大家如果下次經過都可以黎試一試，但夏天黎的話會有點熱，黎食的朋友仔記住要有心理準備啦!

📍老闆娘雲南米線 酥炸鯪魚球 魚肉腐皮卷 酸辣bb辣@ $54-小妹之前住係荃灣，一直以來都未食過老闆娘米線，撞正佢有開門，就一於試下啦。-除左米線，仲有拉麵/銀針粉；分清湯/麻辣/酸辣/麻酸辣，有30款配料，單餸盛惠$44-酸辣湯既酸味係鹹酸味程，辣味都出，但唔夠麻同香。但飲落唔會好salty，比坊間一般米線店出色-最出色要數炸物了，嗌左炸鯪魚球同埋魚肉腐皮卷，會用細碟分開上，唔會因爲浸係湯度淋曬。兩樣都非常酥脆可口，魚肉餡唔會腥。下次我決定要試埋佢既其他炸物-地址：荃灣曹公街8號香車街熟食中心3樓28-29號舖

【超人氣排隊米線 馳名麻辣×炸物】🔸麻酸辣湯米線(一餸) $44推薦餸：招牌酥炸雞球 魚肉響鈴 魚肉/野菌腐皮卷雖然係熟食中心入面但去親都排晒隊嘅！次次都食最出名嘅麻辣/麻酸辣米線，如果自問好鍾意食辣呢度應該滿足到你～個湯辣到眼水鼻水一齊流，跟住個咀同條脷打晒震，飲埋啖汽水真係想爆炸咁🔥（唔係誇張我真係次次都食到咁，但又好想食😂）嗌餸一定要嗌炸野，雖然熱氣但又係好好食，炸雞嫩滑juicy，魚肉響鈴同腐皮卷都係外脆入面啖啖肉～呢間係我最喜愛米線排行榜排前五，唔係前三因為係爽爽米線，我鍾意食腍之之米線多啲🤗-老闆娘雲南米線荃灣曹公街8號香車街熟食中心3樓28-29號舖

🟡⁣隱世米線，街坊味道⁣⁣住荃灣嘅朋友都應該會識呢間米線店，又係長期都要排隊先有得食，係香車街街市入面，一直以來都係我嘅米線舖top3🏅⁣⁣麵底有得揀米線、拉麵、銀針粉 ⁣($45一餸，加餸每款$10)⁣湯底有傳統嘅酸辣、麻辣、胡椒湯底，仲有個好特別嘅蒙古湯底 (但我唔夠膽試🤣唔知會唔會好蘇)⁣⁣佢地米線比較粗，食落好彈牙👍🏻⁣但黎到一定要點嘅餸就係佢地嘅炸物⁣⁣👍🏻招牌酥炸雞球 全部都係即叫即炸，雞球好大舊又juicy，咬一啖啲肉汁噴出黎，皮脆肉滑⁣⁣👍🏻野菌腐皮卷 餡料充足，大量雜菇和木耳，味道好鮮又清爽⁣⁣👍🏻反斗蝦膠豆卜 豆卜釀上蝦膠再炸，有少少乾身，如果浸落米線湯再食就一流了🤤⁣⁣雖然係街市入面，但係有冷氣的，即使好似呢排咁熱黎食都唔怕。但要留意係佢地星期三係全日休息架😎⁣

#fafafoodblog #fafafoodblog荃灣 #fafafoodblog米線 #fafafoodblog懲罰系列 #黃色經濟圈 #黃藍是政見好食是良知 <荃灣區好好食既黃店米線>👍🏻呢間黃店係喺香車街街市樓上 雖然交通唔太方便 不過見朋友話又好食又係黃店就專誠去食下 見到都幾多人排隊 點完野食直接入去坐 環境普通 大排檔格局 重點係 d野食好味又大件 👍🏻🍴蟲草花薑酒湯豬潤拉麵 56 蚊 🐷勁大碗湯 充滿住蟲草花 紅棗 仲有爽口芽菜 仲有好多豬潤 所以湯底飲落去夠香甜再加上豬潤既香味 豬潤勁足料 有成7 定8 舊 夠厚肉 熟程度剛好 十分爽彈 🐷拉麵係比較粗身嗰 d食落去好有飽肚感 盡吸湯汁 好味🍜😆🍴麻辣湯中辣米線 85 蚊呢個米線85 蚊唔貴 因為我點左5 樣野食 全部大大件足料😂 首先湯底係好四川味 辣得黎有後勁 麻辣味香 胡椒既麻香味維持得幾耐 佢個米線 係比較幼身嗰款 都算幾爽口 盡吸辣汁 5 樣餸有 新鮮 鮮牛肉 🐂彈牙爽口 火爆豬手 🐷 有 d 失策 點埋呢個同湯底一齊 所以佢個辣味唔太出 依俙食得出 佢個樣係冇湯甘麻 而且佢充滿骨膠原 夠

『熟食中心即煮米線//湯底配料取勝』@老闆娘米線，荃灣⠀⠀其實已經bookmark咗呢間米線好耐啦，今日專誠由港島出發到荃灣，特登黎呢度朝聖！ 今日一點左右到去到，好彩等咗十分鐘左右就可以坐低！呢度嘅米線係標榜每一碗都係會獨立咁樣煮畀你嘅，所以可能等佢上菜會耐少少，不過其實我自己覺得都算好快㗎啦😂 我同朋友都係嗌咗麻酸辣湯底小辣米線，配料方面我哋分別選擇咗呢度最出名嘅炸雞球、魚肉響鈴、雜菇腐皮卷同埋豬軟骨！⠀⠀ °麻酸辣湯米線(小辣)(兩餸) $55⠀湯底夠酸夠麻，不過小辣對我黎講就唔夠辣啦。整體黎講，湯底唔算好重口味，不過勝在食完唔口渴 👍🏻⠀°炸雞球⠀岩岩炸起就非常脆，不過擺耐左就開始淋，同埋好油。不過雞肉就好嫩滑好Juicy 😋⠀°魚肉響鈴⠀好脆好脆，魚肉份量都幾多。不過同樣都好油～⠀°雜菇腐皮卷⠀有少少茶樓叫點心既感覺🤣 唔太特別，不過都好多菇菇，算足料。⠀°豬軟骨⠀有驚喜，好軟稔，不過可以再入味少少！⠀⠀⚠️呢間米線舖不定期會休息嘅，所以大家如果想嚟食嘅話，最好都係提前喺佢哋嘅社交平台專頁，睇下佢哋有冇開門啦！⠀⠀老闆娘雲南米線⠀荃灣曹公街8號香車街熟食中心3樓28-29號舖⠀

慕名而來既老闆娘米線終於開番。第一次黎，我叫左 {bb麻酸辣米線 • 拼反斗蝦膠豆卜• 蒜香椒鹽雞翼} Total 一客HK$55。我完全認同最好食既麻辣湯底係小麻然後係舌頭上跳動既感覺🥴 所以bb辣對我呢啲譚仔十小辣既人剛剛好。好多朋友都知我唔好豆卜，因為炸物浸過湯口感怪怪的🤣呢個蝦滑豆卜，不得了，炸得又脆又香口，另上唔浸湯放入口，正（純粹個人口味)。連雞翼同雞球都好高質，有種唐揚炸雞既感覺。好抵食，下次想試胡椒湯底🔙

呢間小店係荃灣都好出名，12點開鋪已經有客排隊。大家都係門口拎定張點餐紙，剔定食啲咩，排到你既時候再交俾店員，就可以入座食野❤️-次次黎都打算試佢個蟲草醉雞湯底，但次次去到門口都俾佢個麻酸辣吸引左。所以今次都係食麻酸辣小辣米線拼魚肉豆卜（下）！同行哥哥就嗌左清湯銀針粉拼魚肉響鈴（上）-麻酸辣：話明麻酸辣，梗係有齊曬啦😏麻就要食多幾啖先係嘴邊feel到🥴係我食過最正既麻。但酸就無咩酸菜🥺米線：軟硬適中魚肉豆卜：即係炸魚肉釀豆卜👻熱辣辣索曬味！溫馨小提示🤩：1. 呢間既炸物都係自家出品，出面食唔到架！炸物再浸一浸湯底，簡直人間美食❤️2. 去之前上老闆娘fb睇下有無開門，因為小店講明未必日日開架

武肺疫情下，老闆娘只做外賣，不設堂食。雖然係有啲唔環保，但都無辦法喇🤷🏻‍♀️去親老闆娘雲南米線，我都必叫麻辣米線。佢個麻辣好香，又夠麻，係出面真係食唔到😍 唔食辣嘅，可以叫清湯，再叫朋友分啲麻辣湯比你，亦可以輕嘗佢個麻😋配料方面，亦有好多嘅選擇，今次我叫左招牌酥炸雞球，鮮菌腐皮卷同反斗蝦膠豆卜。雖然係外賣，行左15分鐘番屋企先食，但食物仍然好有水準👍🏻 招牌酥炸雞球都仲好juicy，鮮菌腐皮卷依舊有濃濃嘅菌香，反斗蝦膠仲係又熱又脆，浸落麻辣湯仲吸哂啲湯嘅精華🤩🤩🤩

米線控嘅我，老闆娘雲南米線一直係我至愛list 之一！疫情開始之後，冇開門咗一段時間，已經心郁郁好想食，開返冇耐又遇上限聚令，暫時只做外賣！不過唔緊要，外賣都好好食！可以選擇分湯，不過我唔算太遠，唔分湯米線都唔會淋晒！佢嘅炸物非常出色，好多款都好好食！隔一段短時間就會想返嚟再食😋😋😋每次食完都好滿足！😚🍴 蒙古湯米線中辣+一份招牌酥炸雞球 +同人share 半份魚肉腐皮卷（$45 + $5 share 餸 +$2 外賣）蒙古湯係我自己最鍾意嘅湯底，其他米線舖係冇嘅～ 湯底好濃厚，明顯係用好多肉同骨煲嘅，有好多肉碎，同埋牙菜，蒙古湯最特別嘅係有孜然味，對於食得辣嘅人嚟講，中辣以上真係食得好鬼爽！炸物最出色之處係，非常之香脆，唔好以為外賣會淋晒，呢度嘅炸物係「絕。對。唔。會」！就算係外賣後，加埋慢慢食，差唔多成40分鐘個雞皮同腐皮都仲係脆㗎！真係好不得了！每次一定會叫酥炸雞球，因為實在太好食啦，絕對係膽拖嘅膽！有4大舊炸雞，調味出色，外脆內軟，雞一定唔會嚡；魚肉腐皮卷有好實在成個圈嘅魚肉，仲有少少粟米粒，皮脆魚肉實淨，好足料！

現時每個星期日回娘家都煩惱午餐吃什麼加上限制令更令我們不想堂食！所以這星期天我們走到老闆娘雲南米線去買外賣，趁著現時老闆娘只做外賣生意人沒那麼多又去重溫嚕！中午12時到達已有幾位客人等著外賣，點好餐後約20分鐘便可以取貨比起有堂食的時候真快了不少！ 小妻點了麻酸中辣湯底配米線，配菜有蒜香椒鹽雞翼、鮮豬膶、秘製豬腩肉和魚肉腐皮卷，而小夫則點了爽彈入味的滷水豬手粒、甘香淋身的豆瓣金錢肚和鮮牛肉，不吃得辣的他當然吃清湯米線啦哈哈.......試了一口清湯挺有鮮味最重要吃罷不口渴絕對是返兜的重點 即叫即炸的蒜香椒鹽雞翼會分開包裝保持香脆，雞皮香脆惹味肉質不老配上香氣撲鼻的蒜香椒鹽好和味。 太好味的關係吃了一陣子才記得影相，小夫那碗已剩得殘骸不影了！呷一口麻酸中辣湯底鮮、麻、香辣共存確有它的魅力啊！而鮮豬膶炮製得甘香爽口處理功夫好到家，秘製豬腩肉則入口即化而不膩還肉香滿滿很好味耶，米線的質感爽滑彈牙好有口感絕對是我喜歡的質地和味道。

一向都將老闆娘米線放喺心目中top 2，唔係住哩區都會特登坐車黎食。最近，因為疫情關係，老闆娘淨係做外賣，分上下兩場。嗰日跑到去剛剛好15:29（上場1530完），佢話已經截左單，但好彩都俾我哋買。第一次試麻辣胡椒湯（+$6），係有啖啖嘅胡椒味，但都係酸味比較重。朋友叫左酸辣，比較過兩個湯，佢嗰個好似仲香啲🤔個人都係比較好麻酸辣湯，層次多啲。餸我點左豬膶同雜菌，好多料。豬膶唔係爽嘅類型，粉粉哋，都ok！雜菌有冬菇、雞髀菇等等，夠曬豐富！快啲黎食啦！