老闆娘雲南米線

營業中

休息中

聽聞這間在荃灣頗有名氣，而且有同事介紹，便一起來試試了。地點是在街市上面，如果唔係有人帶路都幾難搵。一上到去便見到兩條長長的人龍，不過都排得幾快，因為太多人，個個一食完都不敢霸住張枱就要離座。店內只有幾張大枱，搭枱是必須的，排隊時已經要填寫一張落單紙，配料勁多選擇，而且很多都幾特別，自家制的出面食唔到，單睇這些都十分有誠意。我們叫了招牌酥炸雞球、反斗蝦膠豆卜、豆腐魚丸。米線超大碗，而且超多肉碎湯底超濃郁，重口味人士最愛，湯底比較偏麻不太辣。雞球好大件仲要有三件，都幾香脆，雖然唔太特別，但就好扺食。豆腐魚丸和蝦膠豆卜則食出得自家的味道，夠曬特別有驚喜，魚膠味突出，十分推薦。另外朋友推介雲醬豬軟骨，這個是加在麵一起食，雲醬加湯又別有一番風味。而且這裡有很多特別湯底例如蒙古湯，下次嚟想再試。老闆娘的確是一間值得一試的小店。