老闆娘雲南米線

營業中

休息中

星期六朋友約我去熟食中心食米線，聽佢講喺荃灣都幾出名，經常大排長龍！入到巷仔真係好焗，但可能天氣太熱，無想像中咁多人，在門口等左一陣，落埋單就入得地方不大，只有幾張圓枱，一定會同其他人同枱，比較擠迫不食辣的我當然選擇清湯底，略帶少許鹹味。至於配料，見到好多人叫炸豬扒、炸鯪魚球，應該比較出名，但我怕熱氣所以無叫到，簡簡單單叫左呢三款！《健康有營》素食之選- 有蕃茄、什菌、豆卜，好似仲有枝竹《豬耳》連軟骨食 口感柔韌又爽脆《雞肉》肉質嫩滑最掃興係岩岩食完米線，飲緊可樂個時，女員工行過黎話出面好多人，叫我地出去埋單，姐係趕我地走🙄 你做生意當然明白，我地唯有拎住罐可樂走，但出到去只得兩個人等位，真係有必要趕客走？另外見到男員工對客人的語氣好敷衍，難怪喺op 見到好多人話黑口黑面，態度麻麻，非常認同🙋🏻‍♀️ 除左大大碗之外，我覺得好普通，仲以為有咩咁特別需要排隊先食到🤷🏻‍♀️而且三餸連可樂埋單七十蚊，價格偏高，再加埋環境和態度一般，試過一次就夠！

香港已經好難搵到大碗既米線食，小編經網民介紹發現荃灣香車街熟食市場有間米線店適合大胃王～～老闆娘雲南米線。店舖因在熟食場內，所以環境衛生不太好，愛乾淨既朋友可以唔洗黎。食物方面，絕對值得一試，尤其是炸物，由於沒有椒鹽雞翼，所以小編改點酥炸雞球及吉列豬扒，兩者都係即叫即炸，雞球方面，肉汁好多，咬落去鬆化可口，配合埋店內的汽水簡直絕配，豬扒方面，食落有d韌，但勝在熱辣辣，鬆脆可口！雖然價錢不便宜，但勝在大碗好食，大家可以試一試！

聞名已久既老闆娘米線食過番尋味。午飯時間12點左右去到，門口已經有2組人等入座，好彩仲有位，唔洗係排隊慢慢等。2個人，各自叫左2款餸，分別係鮮牛肉、招牌酥炸雞球、反斗蝦膠豆卜同埋魚肉響鈴。湯底叫左清湯同酸辣（微辣）。好想講，我地第一次食完，已經好想返去食第二次，鮮牛肉同招牌酥炸雞球encore再encore鮮牛肉新鮮嫩口，煮得岩岩好，醃料又唔會過咸！！好重要！！而招牌酥炸雞球外皮真係好脆，但內裡依然保留左好多肉汁好味呀每樣餸要加$10，酥炸雞球份量夠大，抵比！反斗蝦膠豆卜同魚肉響鈴反而太酥炸，個人唔中意食不過見到都唔少食客都有點。最重要係，我地食完唔會好口渴，返到office唔會不停灌水，呢點好重要

一早已經聽過呢一間米線好食係位於香車街街市嘅熟食中心今日大約1:00去到已經好多人係門口外面坐低排隊湯底選擇有清湯、酸辣、麻辣同埋我最想試既麻酸辣今次揀左麻酸辣中辣餸個方面就揀左秘製豬腩肉招牌酥炸雞球同埋蒜香椒鹽雞翼魚肉響鈴同野菌腐皮卷炸物係會分開上所以唔使驚d湯會整到淋哂最鍾意呢度既酥炸雞球好好味一d都唔會好乾而且麻酸辣食落去麻麻又酸酸地嘅感覺食落去好開胃👍🏻同埋老闆娘嘅米線都好大碗份量好足夠所以如果唔係好大食嘅人可以點一個餸就夠哂飽喇😁同埋建議如果唔想等好耐嘅朋友就12點開門既時候去啦🤓

之前都因太多人排隊而放棄，今次我在店子剛開始營業時到達，終吃到荃灣人氣店「老闆娘雲南米線」的出品了，結果亦沒有令我失望。 畢竟是在舊式街市熟食中心內的店子，而等位位置是沒有冷氣的，夏天都幾「惡頂」。幸好今天早到，先填寫了點菜單，不一會便能安排入座（店內有冷氣），我還在門口處要了一瓶烏龍茶。我選了米線配酸辣湯底中的小辣，合共要了豆瓣金錢肚、招牌酥炸雞球同反斗蝦膠豆卜三個餸。期間都要等十多分鐘食物才全數送上。果然沒令我失望。酸辣湯底不算勁酸勁辣那種，但喝起來尚算舒服又不失刺激，也不算太鹹，配上滑溜的米線剛好。至於湯中有不少肉碎，就算不加餸其實也可接受。不過，基本order一碗米線的話，當中已包了一款餸。豆瓣金錢肚沒有夾雜草肚等部位，沒欺場，而且炆得夠入味又軟硬適中，唔錯。至於另外兩個炸的餸中則分碟另上，不會給湯浸淋，其中我最愛還是那個招牌炸雞球。大大件炸得外酥肉軟，雞肉尚有肉汁，而且不用沾汁也夠味，難怪幾乎每枱客人都有點此物。至於反斗蝦膠豆卜也不俗。其實此物是反轉豆卜釀上蝦膠而已，不難做，但總算弄得脆口且蝦肉也算充足，只是炸得略為乾身，吃到一半浸一會湯剛好。總括而言，此店的米線勝在即叫即

今晚工作真係好忙,搞到好夜先走得結果今日去到荃灣曹公街8號香車街熟食中心老闆娘雲南米線今晚都係叫外賣返去家食今晚就叫左魚肉春卷,炸雞球,麻辣小辣米線魚肉春卷-炸得幾香口,都唔會好油膩炸雞球-雞都幾入味,都幾好食麻辣小辣米線-辣辣地幾野味可口

老闆娘米線兩年前睇動新聞已經想試，不過當時住得太遠而佢開店時間係平日晚/假日好難食得到，自從公司搬左附近可以經常去幫襯。店舖環境就好一般，大排檔feel，大家去食就要接受到至得我就最鍾意食佢的酸辣，味道濃郁，夠酸夠辣，大大碗一定食得飽今次我地叫左牛腩，腐皮雜菌牛腩肉夠嫩，用料足。大家去食記得預留時間排隊

荃灣出名食米線，多數舖頭集結係大坡坊、路德圍，唯獨呢間老闆娘米線位於香車街街市樓上，頗為偏遠，都仲好多人排隊大受歡迎，一食就知點解如果想食要留意老闆娘FB營業時間，廢事大家摸門釘，而家好似只做一個晚市時間了，呢度所有米線都即叫即整，絕對冇一早煮定淋晒再翻熱俾你，好多炸物都係新鮮熱辣，粉量又夠大碗另外最特別之處，有很多特別湯底，例如蒙古湯、蟲草花薑酒湯、酸菜胡椒湯等，其他米線舖邊會咁多款俾你揀，所以未食過既朋友仔都好值得去試下

FINALLY!!!要成功食到老闆娘雲南米線係靠運氣記得去之前要上一上佢facebook 通常開夜晚.必食系列:酸辣米線配腩肉蝦膠豆卜~脆到索索聲 好味啊酥炸雞球~原來係炸咖哩雞蒙古湯(即係孜然味🤣)

放假去食 今次都係第一次嚟 6:30左右去排隊門口已經有10幾個人坐喺度等緊 排隊嘅時候就要落定單 佢哋手腳好快所以都唔係等左好耐 點咗蟲草花薑酒湯拉麵配牛肉個麵嚟到時 第一眼就見到好多蟲草花紅棗同杞子 感覺係足料既 牛肉都有六七塊 麵嘅份量都好多 我食到一半已經覺得飽 個湯幾好味 易入口 飲落都唔係好重酒味 所以唔好比佢個名呃左原裝個喉嚨好乾 應該冇落味精 食嘅時候 發現同台另外四個人都點左蒙古湯米線 聞落都幾香 橙紅色嘅湯好吸引 下次再嚟試吓蒙古湯係咩名先

今天終於來了老闆娘潮聖，原來店鋪在街市內，眼見其他店鋪都沒開，有點擔心老闆娘也休息呢～幸好，看到了人龍了，是日星期日，所以有很多人排隊。店家在門口外放了一排座椅，雖然人龍有約十多二十人，但都不是等了太久就能入座了！排隊時已經要下單，菜單如下：配料並不是一般坊間的普通餸菜，選擇很多，結果我們選了較特別的清湯牛腩蒙古湯拉麵，及魚肉響鈴招牌酥炸雞球酸辣湯米線。等了一會，麵來了酸辣湯湯底濃郁，夠酸夠辣，適合重口味人士，有些芝麻，令湯底更香，忍唔住飲了幾啖，米線就不過不失。 蒙古湯底十分特別，很香孜然味，配合拉麵亦好夾，不過同樣都是重口味之選。魚肉響鈴稍後才到，炸得十分出色，好脆好脆，感到非常熱氣～～炸雞就因為疑似漏左單，好遲先黎，我反而認為炸雞沒那麼特別，有點乾身，而且多肥肉，下次不會再點。總括而言，湯底出色，配料特別，下次會再試其他配料

荃灣海濱跑步後到此店一嚐，约7点羊半左右，果然要等一等位，15分鐘有位，排隊先選好喜爱種類，多款選擇，坐下5至10分鐘就有得吃,叫了酥炸雞球酸辣米線BB辣，再加了蝦交豆付和魚肉响鈴，熱辣外脆內軟彈牙，推介必吃酸辣米線皇者之選

終於等到老闆娘米線開中午啦，之前一直都冇開，只係夜晚五點後先開門。今日大概都係十二點左右到， 唔算多人好快就可以入去啦我例牌都係食麻酸少辣，下次可以食中辣，味道就同之前差唔多不過感覺上好似冇之前咁啦

為左食一碗米綠可以去到幾盡？我地就一行四人👭👭由九龍灣特意搭的士🚕黎荃灣為左食一碗廣為人知係平民街市入面既一間不平凡米線店。一去到首先要排櫈仔等入位，同時每人俾張點餐紙，成功落左單✏️先叫正式可以等籌號，我地就因為選擇困難，搞好耐都未圈完，結果俾後面幾組客人捷足先登，大家記得唔好學我地啊。等左一陣唔算好耐就可以入座，我地一共叫左七款小食同三款配料，湯底有叫麻辣、酸辣、麻酸辣。🍜🍜🍜🍜先由湯底講起，酸辣湯既酸味係咸酸味重，酸味辣味都出，但辣味🌶唔夠香；麻酸辣係酸辣加上麻味，感覺層次多啲，麻感刺激舌頭👅神經；麻辣都係失色左係香味，做到麻感但辣味好死實。不過，當然湯底係比坊間一啲米線店用心，食落唔會好渴，但可能辣到渴。至於米線都煮得岩岩好，唔會過軟或過硬。-其中兩碗都叫左腐皮，一般材料正常；豬腩肉🥓係原片五花肉，煮到入哂味，脂肪位置算係入口即溶，哩個唔錯；豬頸肉爽口帶筋，有啲孜然味，都可以試下🤙🏻。輪到重頭戲就係小食配料，點解叫重頭戲？因為我覺得全晚最突出就係小食，好食程度可以遠勝碗米線。我地分別叫左魚肉響鈴🐟、豆腐魚丸、酥炸雞球、反斗蝦膠豆卜🦐、野菌腐皮卷、酥炸鯪魚球🐔、魚肉腐皮卷。大家都知

覺得呢間係全港最串既米線店，營業時間唔太固定，建議去之前去check下佢Facebook，睇下今日開唔開，唔係就好易摸門釘。近排開始做埋午市，令我返工多左個選擇黎老闆娘當然係要食佢個麻辣米線，佢個湯底係比較麻，但又唔會好油，令人一試難忘，米線就煮得好淋，吸哂湯底，好惹味。值得欣賞既係會用細碟裝起炸物，分開上。我就點左反斗蝦膠豆卜，本身以為係平日食開既豆卜，但原來係另一款，冇乜味，舊蝦好細。要配合埋個米線食先叫做有味。推薦佢個酥炸雞球，唔會好厚粉，炸到個皮好脆，但肉質依然鮮嫩多汁，令人回味無窮