翠林辣蟹舫

好耐冇食過小炒，今日經過尖沙咀見到呢間有得食蟹又唔貴，就黎試下🤪呢到既環境都唔錯，床位夠闊夠大，完全唔洗驚會同人地枱坐得太近。一開始係潮式酸菜魚湯，酸酸地幾開胃，入面既魚塊有少少骨，魚肉好彈牙，好食😋。然後係銀魚小炒皇，平時都鐘意食呢味餸，佢既銀魚同平時唔同，係一個炸物黎，幾特別，好岩黎飲番兩杯🤪。終於到期待已久既避風塘炒蟹，好足料，每一啖都好入味，蟹都幾大隻，兩個人夠晒食，蟹殼好硬，但一打開入面好鮮甜，好滿足😋。最後仲有魚造型炒飯，上面有三文魚籽，好特別，炒飯好好食。呢個價錢食到咁多野都幾抵。

蟹醬焗香辣蟹蟹固然是今日的主角，其實除了避風塘炒蟹，都仲有好多選擇。包括黃金流沙、黑白胡椒蟹、薑蔥蟹等等。今日揀了蟹醬焗香辣蟹，店員推介可以理解為「濕的」避風塘，其實上面一樣有避風塘的蒜粒配料，只是用蟹醬焗香，而非爆炒。超級好食，好味道。1）蟹 大隻，夠厚肉，而且係實肉的新鮮蟹。2）香料 足夠，食得出香味。3）價錢 半價中(超級吸引，所以座冇虛席)星期1，7點半都已經坐得滿滿。 黃酒煮雞平日不太常見於小菜list, 今日決定一試。因為平日不太常吃酒煮的美食。第一口食，覺得有點甘。但越食越回味，因為裡面配有杞子、紅棗，其實有啖啖的甜味。加上雞件的美味，入曬落去湯底裡面。而且並不會油，反而是一個曖笠笠，又補身的湯，加上裡面再加上洋蔥等等配料，好回味，會令人越食越想食。 黑蒜京蔥牛肉比起平日的洋蔥及蔥，京蔥給予牛肉更多一層香味。可以說是食出了穫氣及爆炒的味道。牛肉炒的時間亦剛剛好，不多也不少。用來絆酒，絆飯都不錯。 最後黎個食神炒飯炒飯是有咬口的炒飯，每粒飯都炒到好分明，不會油膩地黏成一舊，另外，外表已經十分正，魚的形狀，加上蟹子等等，蟹子混入飯之後錦上添花，令它更加香餐牌上都是半價

2人晚餐叫了燉湯/炒蟹/乳鴿/豬手/通菜/青瓜/聖子埋單1千食物都嚟得快同可以, 服務亦可以, 但全部都味精怎重, 未食完飯已經不斷發渴了, 食完回家不斷飲水都成晚口乾及發渴, 相信味精重得後, 我想這情況應該改善一下!

鐘意食海鮮既人應該都鐘意食蟹，雖然食既時候麻煩，但就真係好鮮甜，靚既蟹更加唔洗講～朋友約黎尖沙咀食蟹，叫左黃金炒蟹，炸到金黃色，十分吸引，咸蛋黃味唔算重，但就唔會掩蓋到蟹既味道～ 另外叫左幾款小菜都唔錯，當中炒菇配豆腐係我最欣賞既一道菜，炒菇加咗醬油食落係超級惹味！然後豆腐都好滑。另外仲叫左魚雲，但因為唔係特登識食魚雲所以冇得介紹～最後食埋呢個招牌食神炒飯，炒飯加左好多種配料，口感好豐富，而家金魚既造型都十分有心思。

今日是星期一，想食中菜，朋友又是蟹迷，所以就去搵蟹食。蟹!最重要色香味俱全。最重要用料新鮮，肉先會彈牙。而且炒蟹必須食出其香味，香料要足，但又食出海鮮的鮮味就最好。今日的蟹就做到了一定水平。隻蟹又大又新鮮。好好味道。而且正在做半價優惠。半價但水準都仍然KEEP到，沒有將價就貨。朋友正在品味蟹滋味的時侯，我就開始品嚐其他小炒。黑蒜京蔥炒牛肉炒牛肉火喉夠，而且時間岩岩好，不會太硬。爆香的京蔥實在好正，香噴噴又熱辣辣。令人愛不釋手。還有必食的食神炒飯。食神炒飯不是一般的楊洲灱飯可比。粒粒飯都好好味道，炒到層次分明，而且香味十足。真係越食越開胃，加上油不多，不會令你滯。加上蟹子量一點都不少，蟹子混在炒飯，鮮味十足。最後黃酒煮雞一定要飲個湯，連雞與配料一齊食。整番碗，真係好正。帶有酒的甘味，又有雞的香味。整碗一齊食，實在不錯

疫情緩和左，同朋友約出嚟聚餐想食好少少。我係呢頭返工，再加上平時好鍾意食蟹，次次經過都想食，所以就膽粗粗去咗呢間想食好耐嘅餐廳試下。大約七點去到，唔算多人，餐廳四成滿，唔使等位就入得，座位之間幾闊落，坐得幾舒服。講翻食物先，三個人總共嗌咗五個餸。本身麻麻地食蠔，成日驚佢嗰浸海水腥味，但呢度個薑蔥生蠔煲，隻隻蠔都好大隻，好肥美好飽滿，仲要一啲都唔腥。睇食評嗰個都有叫個食神炒飯，就叫咗碟嚟試吓。個炒飯擺盤幾得意，放到成條鯉魚咁。佢嘅分量亦都比想像中多，好足料，啖啖都食到蝦粒同蟹子。而香辣土豆絲同雞煲就中規中矩，冇乜特別，可能因為已經食得太飽。最後當然有佢嘅招牌菜，避風塘香辣蟹。一上枱見到啲炸蒜慷慨嘅份量已經好吸引，隻蟹基本上已經拆好，唔需要太花功夫，稍為用個鉗鉗兩三下就已經剝到殼。隻蟹好厚肉，好新鮮，肉質鮮甜，連一個平時出街食飯因為懶唔會用手食嘢嘅朋友都爭住黎食。 食淨啲炸蒜我忍唔住用嚟撈飯食，好㘃味，好想打包返屋企。

同朋友約咗食飯 有人想食大排檔好友鑊氣嘅小炒但有人又想食蟹喎所以就嚟咗呢間翠林辣蟹舫叫咗呢到最出名嘅避風塘辣蟹 食神炒飯 薑蔥生蠔煲 香辣土豆絲 同埋雞煲個避風塘辣蟹一黎到個擺盤好有架勢而且佢啲蒜粒炒得好香 啲蟹啖啖肉食得好過癮 而且啲蒜香味都好入味 真係要連殼都吮埋食神炒飯嘅大盤得好有心思 將佢擺成 一條鯉魚咁而且好足料淡淡都有蝦肉 仲好有鑊氣添 同埋仲加咗黑米落去 口感有少少煙煙韌韌 好特別個薑蔥生蠔煲就最有驚喜 平時好怕喺香港食蠔因為如果唔新鮮就會好腥 但呢個薑蔥生蠔煲就完全冇呢個問題 仲隻隻都大大隻 再加上佢啲醬汁好惹味 送飯一流個香辣土豆絲好爽口 個種辣味好清爽好解膩最重要係依加仲有半價優惠 真係好抵食啊！

剛剛有半價優惠,立刻約朋友過來試一試。地道的海鮮菜式，好有風味。今次試了時曰招牌燉湯，韓國朋友讚不絕口，枇杷花膠燉龍躉骨，十分清甜。避風塘炒蟹是他們的招牌菜,是必食之選。加上半價優惠，簡直是超值! 我們更點了陳皮蒸鮑魚，好大隻，十分鮮味，一d都唔韌。 啱啱看見水煮魚,便叫了潮式酸菜水煮魚，魚則是用靚的魚肉，和一般用桂花魚的魚肉不一樣，很有鮮味，朋友們爭着吃。跟住還叫了避風塘豪餅，都ok. 侍應更介紹這個芝士龍蝦烏冬，朋友們吃不停，芝士味十分濃郁，沾了烏冬後，嘩！一絕。最後更叫了他們的招牌食神炒飯,這個炒飯是用意大利米炒的，十分煙韌，及有好濃郁的蟹子，好多咬口及好好味。後來更加了椒鹽白飯魚，可惜今次炸得太窿，有點兒乾。但係總括來說，菜式好有水準，值得一讚!!!

呢到環境幾闊落，可能今日早食飯，唔洗點等位就入得！本身都好鐘意食海鮮，黎到呢到緊係要試最出面既避風塘炒辣蟹，唔話太辣，d炸蒜好香口！ 用黎送飯食一流！蟹都幾肥美，幾多肉下！仲有蟹膏！ 好滿足呀！之後叫左個炒飯，上碟係成條鯉魚咁，好有趣，上面鋪滿蟹籽 ， 入面有蝦粒， 味道又幾夾喎！ 之後仲叫左個土豆絲，好好食，每條薯仔都好幼身，辣辣地，幾開胃！作為前菜係幾唔錯！ 另外，叫左個雞煲，好惹味，d雞吸收曬d醬汁，雞件數量都幾多，唔會死咸！ 仲叫左個蠔，本身怕食蠔會有種腥味，但呢個完全冇，可能因為個醬汁好入味，唔食蠔既我都隊左幾舊！

蟹 蟹 蟹 昨晚食咗ㄧ餐好美味嘅蟹😋😋😋 還有其他有撚手小菜。 黑白胡椒蟹 隻蟹肉質新鮮爽嫩就基本啦, 黑白胡椒調教的辣味唔會蓋過蟹肉鮮甜, 真係食到啜曬手指。黑蒜京蔥牛肉京蔥牛肉食得多, 但加埋黑蒜的甜香蒜味 又有另一種特色風味。蜜桃咕嚕肉咕嚕肉唔會有太多肥豬肉, 外皮炸得 鬆脆,食到最尾嗰粒都是脆口的。黃金豆腐豆腐夠曬香滑, 外皮一樣炸得很鬆脆。加上服務員親切有禮嘅款待👍,呢餐真係食出師傅用心嘅製作👍,絕對唔會有投訴。

老婆大人鍾意食蟹佢見到喱間翠林辣蟹舫嘅招牌炒蟹做緊半價，我梗係識做即刻同佢去擦蟹啦！ 一去到門口有海量嘅名人名星合照和簽名，原來戴龍師傅親自傳授咗食神炒飯比辣蟹舫總廚，相信大部份人都有睇過星爺套食神啦！ 除咗招牌炒蟹做半價外原來仲有成40款半價小菜24蚊就有交易！真係抵到冇朋友喎不過最緊要係好唔食！ 我哋鍾意食香口嘢叫碟椒鹽白飯魚食吓先，嘩炸得好鬼脆喎仲有啲脆脆原來仲有鹹蛋黃味好正啫！ 薑蔥生蠔煲半價咗60幾皮真係抵食，仲要入面有成7、8隻生蠔冇呃秤架！ 老婆大人揀咗黑白胡椒炒蟹唔使3舊水就食到一隻斤多啲大肉蟹認真抵食！ 黑白胡椒嘅味道香但係唔辣啱晒怕辣嘅我嘻嘻！ 有老婆大人喺道食蟹我就最幸福，因為佢會剝埋殻比我食吖嘛！大家睇吓隻蟹鉗大到呢，一啖咬落去真係好鬼有咬口，啲蟹肉好鮮甜加埋個黑白胡椒汁好好味！ 一場嚟到唔係唔叫食神炒飯＄188呀！上枱一睇又幾精緻喎整到成條鯉魚咁真係栩栩如生呀！味道又真係好得喎炒飯好乾爽仲有紅米喺入面，加埋啲蟹子菜粒同理蝦仁口感勁豐富，嚟喱道一定要食喱個食神炒飯先對得住自己！

媽媽一直都超鍾意食蟹，見佢生日就帶佢食靚蟹啦～之前同佢去新加坡食過胡椒蟹，一直都好回味，今次就試下黑白胡椒蟹啦！黑白胡椒蟹（$588)珍貴嘅寶物，永遠都受到重重保護，堅硬嘅外殻底下，當然埋藏瑰寶！蟹肉超鮮甜爽口，大大啖咬落去，勁滿足！胡椒醬香而不辣，洋蔥都好甜。呢個醬用黎點黃金豆腐($68)勁正，最後成碟甜酸醬都無掂過，反而所有胡椒醬都點乾淨曬！黑蒜京蔥牛肉($98)一啖將黑蒜、京蔥同牛肉放入口，牛肉好軟滑，京蔥又夠清爽，後調又有黑蒜香味，超夾！一啖又一啖，食到停唔到！

大家也應知道電影《食神》內的名菜食神炒飯吧！這夜跟車爸爸外出拍拖吃飯便到了翠林辣蟹舫與食神蟹逅！ 來這兒主要想吃出名靚的招牌的炒蟹，而且現正推出半價優惠更是必到的理由！ 店子裝潢簡潔而且十分光猛，更設有數間廂房小的4人房更不設最低消費，大房也只是＄3000最低消費十分合理，最正是免收開瓶費我們的酒局真的可以諗諗！！ 點了壺鐵觀音茶味不錯耶翻沖多次仍然夠味這＄10/位的茶錢抵比呀！ 一看餐牌原來有成40款半價菜式可選真的超級優惠！款款也十分吸引弄得我選擇困難症發作了！ 好不容易跟車爸爸選好心水菜式！不消一會先上檯是我最期待的黑白胡椒蟹原價＄588，熱氣騰騰的到來那香氣撲鼻的味道教人期待擦蟹一刻。 用上新鮮越南蟹目測約一斤鬆點，選了平時自己少煮的黑白胡椒味炒蟹，霸氣賣相實在冇得輸不知味道又如何呢？ 先品嚐蟹蓋內有不少我愛的肉蟹羔，那胡椒汁醬内有滿滿的香甜洋蔥，汁內除了胡椒的辛香外更帶上幽幽的牛油香氣，味道相當誘人吃到吮晒手指真滋味！ 大家看那蟹鉗真的好巨大耶，除殼後內裡盡是鮮甜的飽滿蟹肉，跟車爸爸一人一隻Chrees隊了它哈哈哈........

今日黎朋友介紹既呢間中餐廳食晚飯~~朋友話好正, 叫我一定要黎試咁話喎黎到先知原來而家做緊半價優惠呀!!!!! 好抵食丫!!!餐廳好旺好多人喔~~ 記得BK定枱先丫半價餐牌~~~好多菜式選擇呀!!!避風塘香辣蟹 $294呢個一定要食~~ 可以稱得上鎮店之寶隻蟹好大隻, 超級澎湃!!! 避風塘炒非常惹味~~蒜香味濃, 好好味好鬆脆~~先食配角已經覺得冇得頂到主角出場--大肉蟹大蟹非常新鮮, 鮮味十足, 肉質結實, 每啖都啖啖肉好大隻蟹鉗~~超厚肉!!黃酒煮鮮雞 $84好特別既一道菜式~~ 平時好少食到~~材料十分豐富!!! 有,紅棗, 杞子等滋補食材...好補身, 女士之選另外黃酒味香濃, 飲左非常暖胃半隻雞份量都好多~~仲有2隻大煎蛋

今次嚟到著名既翠林辣蟹舫！點解出名？因為同星爺個套食神有關！最近疫情好轉，大家都忍唔住要出黎食下飯！話明係蟹舫，一定要食佢地既大肉蟹！做法有五種，我同朋友揀左相對惹味既避風塘做法。而佢依家做緊半價優惠，更經濟實惠隻蟹非常大隻，蟹鉗夠大，肉夠紮實，食落真係鮮甜又啖啖肉。雖然有大量炸蒜同辣椒，但一啲都唔油膩。最甘香都係蟹蓋中既蟹膏，回味無窮！另外都叫試左兩個小菜，欖菜肉碎四季豆同蘭豆炒龍躉片欖菜肉碎超好味， 可能我本身鍾意欖菜個種特別既咸香，加上軟硬適中既四季豆，用黎送飯真係一流！豆炒龍躉片比較普通，值得一提係龍躉片，厚身唔老，而且魚鮮味十足！食神炒飯更加係經典之作係周星馳《食神》入邊客串既炒飯廚神 - 龍哥既嗰傑作。我自己偏愛較乾身既炒飯，呢份食神炒飯真係做到粒粒分明，爽而不乾，香而不鹹！配料命有蝦仁、帶子，蟹子，口感非常豐富