翠林辣蟹舫

食物係OK,個避風堂炒蟹係好掂。雖然半價，但份量好足。全場爆滿，但見每個職員都好盡力用心，除左個知客。向唔同侍應叫左3次汽水都未黎，個知客行過，咪諗住叫佢，一叫唔該，佢望都唔望繼續行左去，都唔止，仲大大聲回句:好忙呀，我唔得閒招呼你！母親節，費事同佢嘈。埋單，佢攞張單過黎，6個人，張單＄3000，樣樣都正價，咪問佢有冇折到。佢答:你出黎。真係得呢3隻字，跟住行左去。佢行去部機度㩒幾個制，又係背住話:你自己睇。四字真言。究竟睇咩？佢先話:係呢度先睇度特價，張單係冇既。呢個時勢，做食肆咁艱難，請著個垃圾知客，真係趕客。咁多選擇，我以後唔會再幫襯。

疫情稍為舒緩，當然要與好耐冇見的朋友聚聚。 今次揀咗位於尖沙咀的翠林炒辣蟹， 貪其環境舒適之餘， 最重要係 其招牌菜炒辣蟹 ，每日從越南返貨 ， 保證生猛新鮮 ，再者大廚功架十足， 無論炒辣蟹定其他粵式菜式， 也炒得鑊氣足。 唔使坐喺街邊大排檔汗流浹背 ， 當然可以拆多兩隻蟹。黑白胡椒炒蟹半價炒一隻蟹當然要食返隻， 餐廳慎選每日空運抵港嘅越南蟹， 越南蟹肉肉質飽滿， 而 且拆開蟹蓋睇下，雪白非常。 蟹肉本質入口甜美，啖啖肉，非常好食， 配以惹味非常的黑白胡椒， 微辣得嚟帶點爽勁 ，鮮味濃厚， 令人食慾大增 。喇沙牛仔粒牛仔粒沒有炒到過熟，而且肉味香濃， 粒粒都juicy非常, 薯仔粒非常香口，外脆內軟，以 喇沙 調味，讓菜色味道不單調。黑松露醬炒龍躉球食落去就知廚師功架十足，龍躉肉質鮮嫩，膠質及油脂豐富，大廚炒得甘香可口。 黑松露醬更是提鮮之選, 突顯 龍躉 鮮味 之餘，更能讓 龍躉 更上一層樓。食神炒飯最尾當然仲要嚟多一道食神炒飯， 呢度食神炒飯果然不是浪得虛名， 先是賣相已經極度吸睛， 橙色嘅蟹籽晶瑩通透，鋪滿喺魚形狀的炒飯上高， 勁有睇頭。 加上炒飯以日本珍珠米混合意大利野米加上

以前經過尖沙咀亞士厘道人潮不斷，遇上疫情亞士厘道即刻變得冷清，唯獨是翠林辣蟹舫特別受歡迎，walk-in 都要等左一陣先有位。除咗因為翠林辣蟹特別有風味之外，而家餐廳正進行半價大優惠，係半價大優惠呀！餐牌多款小菜，仲會有幾款蟹做特價，半價食真係優惠到極致，所以基本上每台客人都一定會食蟹。話明係鎮店之寶，廚師功夫當然有番咁上下，鑊氣夠而且味道濃郁可口。黑白胡椒蟹一講到食蟹我就會諗起星加坡胡椒蟹，呢度就有嗰種回味嘅感覺，一食過就會好容易上癮。用花轎抬左隻蟹出嚟，哈哈出場果然夠派頭。蟹好大隻又夠鮮甜，味道就跟我在星加坡吃到的很像樣，蟹肉入口綿滑而且非常入味。這裏真材實料，蟹很肥美，肉質飽滿，蟹蓋裏面長滿豐腴金黃的蟹膏，蟹肉雪白柔嫩，我哋雖然相機先食，但香氣四溢確實令大家垂涎三尺。喜歡以黑白胡椒為主要調味料的胡椒蟹，胡椒味道濃烈，味覺上有點刺激但不會嗆喉，味道層次豐富，用料新鮮，鑊氣十足，很有避風塘風味。食神炒飯 鯉魚造型的食神炒飯 ，大家仲記唔記得星爺《食神》呢套戲啊？總廚真功夫，經理推介炒飯的時候是用意大利米混合日本珍珠米，口感十分有趣，炒飯做到粒粒分明，香而不鹹。炒飯配料亦是非一般，海蝦

最近開始約朋友出去食飯，因為疫症令我哋見面時間少左，朋友話好想食蟹，而朋友係尖沙咀收工，佢話知道尖沙咀食蟹不錯，我哋收工決左一齊去翠林辣蟹航。餐廳係1樓，可以選擇性坐lift或暫行上一層，上到去熱情侍應招呼我哋，安排我們坐卡位，～避風塘炒蟹 ⋯一上枱好香，好大隻蟹同好多肉，好新鮮，食到我同朋友食到舔舔脷。～食神炒飯⋯ 啲飯放到一條魚樣，好得意，炒飯都會怕佢好油，佢完成無呢個問題，而佢食落去少少甜，食唔停口，～話梅豬手⋯豬手好淋，好有骨膠原，食落去一陣陣話梅味道，食落酸酸甜甜，好開胃。 ～我自己推介避風塘炒蟹，好野味。

朋友話想食蟹、炸蠔，唔知去邊間好，上黎呢度搵下食評先。見呢間翠林辣蟹舫喺尖沙咀亞士厘道幾就腳，食評又ok, 一於試下先。既然朋友已經有心水食物，蟹同蠔都係必點嘅，咁我地點多兩個小菜就搞掂。我哋點左下面嘅野食：話梅涼瓜：涼瓜酸酸甜甜入晒味，咬落去好爽脆，之後有啲回甘。黃金炸蠔：有六大隻金蠔，廚師都唔嗇色鹹蛋黃份量，多到食唔曬。食落去好香口鮮味，口感滿足。秘製醬油蟹：隻蟹上枱時有個紅色木架盛載住，未食已經係視覺享受。隻蟹超大隻，個秘製辣椒好好味，香辣甜味。蟹肉鮮甜，食嗰陣啖啖肉，呢下真係冇得頂！醬油蟹個樣好靚仔呀！個秘製辣椒配合埋個蟹味鮮甜，可謂洽到好處，唔會搶咗原食材嘅味道之餘，亦都食得好開胃想繼續食。酸菜魚好好味。原來佢用咗龍躉頭，d魚肉大大舊，好雪白，肉質彈牙鮮味。個湯又清，唔會有層油，少左d罪疚感。食神炒飯以鯉魚形上枱，感覺好驚喜。用左唔同嘅米飯，食落多左層次。蝦仁、菜同飯嘅比例好好。但已經好飽食唔落，打包聽日再食。總括嚟講今晚好滿足，食物質素好之餘又坐得舒服。

媽咪特別鍾意食海鮮，又就快到母親節，所以就提早同佢去食飯，一早上網見到餐廳有半價優惠，就即刻訂咗枱。當然要叫餐廳嘅招牌菜，避風塘香辣蟹，隻蟹又大隻又多肉，食落去非常鮮甜，加埋出邊嘅炸蒜，好惹味。餐廳其他嘅海鮮都好出色，酥炸生蠔，係用大大隻嘅蠔，加上薄薄嘅粉漿，非常香脆。餐廳其他嘅菜式都好好食，豬手又淋又滑，而用梅子煮令到個豬手冇咁膩，又可以補充滿滿嘅骨膠原，另外仲叫咗一個有唔同料嘅食神炒飯，入邊有粒粒蝦肉、菜、仲用咗兩種唔同嘅米炒，加埋蟹子，一個炒飯裏面有好多種唔同嘅口感。

本身好鍾意食海鮮龍蝦同蟹更係首選🦀🦞今次搵到呢間專門食蟹嘅餐廳仲要係高質嘅一定要介紹比大家😋餐廳仲做梗優惠有一個menu上面嘅所有菜式都係半價⚠️以下我地叫嗰幾款都包含係呢個半價Menu入面❤️🍴避風塘炒蟹👍🏻(原價$588)果然係專門食蟹嘅餐廳呢個避風塘炒蟹係我暫時食過最好食嘅❤️😋蟹肉鮮甜厚肉好新鮮~蒜粒勁多一啲都唔吝嗇🤤脆卜卜配埋食勁惹味❤️仲要menu有半價二百幾蚊就食到性價比極高👍🏻🍴豉椒炒鵝腸(原價$118)鵝腸份量好多食落爽脆唔會有陣味😋洗得幾乾淨❤️第一次食打邊爐以外嘅鵝腸配豉椒又幾正😋🍴白飯魚煎蛋(原價$118)落足料有好多白飯魚仲要好大條😋煎到啱啱好金黃色❤️👍🏻🍴食神炒飯(原價$188)究竟星爺炒飯係有幾好食🤣炒飯入面有好多料包括蝦仁、紅米、豆同蟹籽~每啖都好多料好正😋😋📍 翠林辣蟹舫 (尖沙咀)尖沙咀亞士厘道24-38號天星大廈1樓A號舖

限聚令下少左出街食 又唔可以多過四人 唯有兩小口食個晚飯啦 想食蟹🤪 聽朋友講呢間抵食有優惠👍🏻當然一定叫個蟹食Order左黑白胡椒辣蟹，叫左個菜、黃酒煮雞、食神炒飯叫到成枱餸先發現自己眼闊肚窄🙈🤣即叫即整嘅關係都等左陣先有蟹食 Yummy 個胡椒蟹好個穫氣，夠入味，用洋蔥🧅胡椒炒蟹 👍🏻 熱辣辣 正食神炒飯 外型係一條魚 都好足料 用左兩款米炒 有啲咬口😋都幾多粒蝦仁🍤同蟹籽 唔會好油Staff推介左個客家人嘅家鄉菜 黃酒煮鮮雞 半隻雞 好濃郁嘅酒米香 又落左唔少紅棗同小洋蔥 好滋補 湯面上仲有兩隻煎蛋 🍳仲要係流心嘅 索哂黃酒精華叫餸食飯點都要叫個菜嘅 就叫左黑松露醬炒龍躉球 龍躉球大大片 用紅椒荷蘭豆拌底 幾健康

一向都無蟹不歡🦀😍 見到呢間專食蟹既餐廳又點可以錯過🙈有一個menu係做緊半價優惠 每個月menu入面既菜式都會唔同 連蟹都半價😍 下面介紹呢啲都係做緊優惠😆 🥢避風塘香辣蟹 (原價$588)叫左小辣 建議唔怕辣既可以叫中/大辣😛 肉蟹肉質鮮甜又厚肉 好新鮮 炸蒜好香脆 勁惹味😋👍🏻 我地仲加左啲蒜入炒飯度食 好正🤣 真係超推薦!! 食過番尋味😋 而家又想食了🤤🥢食神炒飯 (原價$188)先唔講味道 鯉魚既造型已經好吸睛😍材料好豐富 有蟹籽 蝦仁 豆 紅米 炒到粒粒分明 蝦仁食極都仲有😆 啖啖都有餸 一路食一路諗起食神😂🥢白飯魚煎蛋 (原價$118)白飯魚都幾大條🤣 送飯一流☺️☺️🥢豉椒炒鵝腸 (原價$118)鵝腸爽脆 唔算好多肥膏 條條都掛住豉椒汁 而且份量超多😋

呢幾個月好多時候都係屋企自己煮嘢食，屋企煮嘢食好就好在比較清淡同健康，但有陣時都想來個大解放咁岩見到公司附近嘅翠林辣蟹坊做緊半價大優惠，連最出名嘅海鮮都有半價即刻二話不說訂咗位先海鮮方面我哋叫咗避風塘香辣蟹我哋只係兩個人，叫一隻都相當足夠因為隻蟹都幾大隻又肉多，而且夠新鮮、肉質結實，蟹嘅鮮甜味亦冇比炸蒜覆蓋蟹鉗可以食到啖啖肉都幾過癮我哋仲叫咗一個邪惡小食，就係黃金豆腐份量係比想像中多好多，分量冇因為半價而有所減少，呢一點真係好好脆粉混入咗調味料，所以味道並唔單調，豆腐就真係夠晒滑為咗飽肚我哋仲叫咗個食神炒飯原來會擺到好似一條魚咁，上面仲加咗小蟹籽作為點綴，都幾花心思而入面嘅材料都唔少，飯粒仲夠晒鑊氣

今晚行完I square後，搵食行返過去亞士厘道，這裡真的比之前靜了好多，但幸好仍見到佢，而且還有菜品半價優惠，上去就見到有好多名星都增到此，感覺又升級了😜！這裡最出名就係食蟹，而在半價菜單上就有店員推介黑白胡椒蟹，平時食開都係避風塘口味，所以就試試，平時都係海鮮價，今晚一個半價價錢就可以食到，上枱時用了個木盤上枱，真係好大隻，上面放了整整一隻炒得好香嘅蟹，師傅已折開不同件數，蟹蓋蓋住了蟹腳，蟹肉十分鮮味帶點辣嘅味道，十分惹味。同平時個種金蒜口味又係另一種感覺！而啖啖肉嘅感覺真係要食大隻嘅蟹先可以有！另外還點了個油鹽水浸魚雲，上枱時魚雲浸在香滑鮮味嘅漁湯內，上面放了芹菜薑絲，將魚雲嘅醒味去除，湯底入口口十分香滑，加埋煮得滑滑嘅魚雲，雖然唔係啖啖肉，但肉質真係十分嫩滑，加埋當中嘅膠質，喜歡吃魚雲又係另一推介！兩個人慢慢食又一餐了！

家陣好多餐廳做緊優惠價吸引食客光顧，係平時食都未必咁平可以食得到真係適逢呢個時機，是日去了尖沙咀亞士厘道呢間翠林辣蟹坊食番一餐佢嘅招牌菜式炒辣蟹，係每人都會必點嘅菜式，家陣係餐牌上所有菜式做緊全部半價，當然包括埋鎮店之寶呢四款不同口味嘅蟹，鍾意食蟹嘅朋友切勿錯過機會基本上每枱客人都會點其中一款蟹連同其他小菜一齊享用，平時食蟹多數人都會食避風塘口味居多，呢度仲有多三款特色風味炒蟹供應，我哋就點了呢款黑白胡椒蟹品嚐一下，再加多兩三款小菜一同品嚐，先來係今晚主角黑白胡椒蟹炒得色香味俱全又賣相十足，隻蟹都咁上下份量絕對超值足料，先食番件蟹鉗入口肉質鮮嫩香甜用了黑白胡椒炒會慢慢食到香辣味道越食越惹味，尤其係蟹身部位吸收晒醬汁精華，更加食得津津有味輪到小菜有水蜜桃脆皮大腸大腸炸得金黃香脆，每件大腸肉質飽滿香嫩，食到滿口脂肪嘅油香口感十足另一款香辣土豆絲睇落似普通菜式，但要炒得入味都要靠廚師廚藝發揮出色，一絲絲幼細土豆絲，入口爽滑之餘辣味滲透晒每條土豆絲食落滋味又刺激會有一番風味，一餐超值人氣美食又品嚐完。

近日因疫情問題已經好耐冇出街食飯就決定人少少兩個朋友見面朋友仔更加搵咗一間專門食蟹嘅餐廳菜單仲有半價，當中有唔少菜式都係海鮮，相當抵食呢度最出名嘅菜式就係避風塘香辣蟹半價後嘅價錢$300都唔使，份量足夠兩至三人享用大蟹被避風塘口味炸蒜覆蓋，賣相非常之澎湃而且大廚已經劏開有缺口，唔需要太大力就已經可以折開殼方便進食而且蟹肉係非常結實，有鮮味，味道並唔會比出面嘅炸蒜搶盡風頭炒龍躉球都係我哋認為一個好抵食嘅菜式難得只需半價，就可以食到龍躉龍躉很厚身，而且肉質對比起普通魚肉來講結實好多，而且帶有更強膠質黑蒜京蔥牛肉牛肉肉質厚同滑身，加上京蔥嘅香味，味道帶有層次加上黑蒜帶來既點點甜味，估唔到味道方面三者又幾夾

餐廳最近進行緊半價大優惠，喺樓下見到餐牌咁吸引就上左去食😍 先量體溫，再消消毒，衞生措施做到足🙋🏻‍♀️限聚令下，依然有唔少人幫襯，食物質素果然始終係最重要既！避風塘炒香辣蟹每次來都一定要食蟹，今次就選擇左避風塘炒香辣蟹，一上枱已經好香🥰 食落好惹味，肉質好新鮮，厚肉又爽口，必點招牌菜😋椒鹽鮮魷又係好香口既一碟餸，平時最怕好厚既炸粉，呢度就唔會喇🤘 炸粉好薄又脆口，鮮魷熱辣辣，送啤酒一流蜂蜜脆麻花呢個甜品又係必食😭😭 即叫即煮，脆卜卜。配上蜂蜜唔會過份甜，食完好滿足😆

今日同朋友慶祝生日，咁就梗係帶佢去食佢最愛嘅避風塘香辣蟹， 嚟到餐廳樓下見到有一排相片，朋友話原來有咁多明星嚟過😍😍，咁真係要試真個味道啦，呢度地方都好闊落同朋友食吓美食，傾吓計係一個唔錯嘅選擇避風塘香辣蟹🦀🦀呢道菜係呢一間餐館嘅招牌菜，宜家好抵呀做緊半價，我哋叫咗一隻，餐館介紹話係用越南嘅蟹，好大隻又好多肉，肉質非常鮮甜，避風塘炒，更加惹味，私心推介必食海參炒蛋白😋😋呢款菜賣相好靚，海參爽脆，蛋白嫩滑，加埋蟹籽鮮艷嘅顏色，可以話係色香味俱全，佐飯一流香煎北海道大元貝👍🏻👍🏻呢個元貝真係好大隻，煎得啱啱好元貝嘅中心剛剛熟，所以唔會韌，鮮甜無比