翠林辣蟹舫

用左openrice訂座半價優惠。蟹同指定小菜可以半價。兩個人安排左個小包廂比我地。開心入座時咁啱師傅拿住一籮蟹行過。見到隻隻勁大隻。滿心歡喜。坐下即叫左個薑葱蟹，一個咕嚕肉，一個牛仔粒先講個薑葱蟹，係有少少失望既，原來唔係頭先見到成個藍球咁大果種。後尾問侍應，原來果d係要900幾一隻.不過唔怪佢，係我地唸太多。。個蟹好鮮,雖然唔係大隻，呢個半價價錢係物超所值既。味道唔錯咕嚕肉做得好好，又香口又好味。如果可以少d肥肉會更好牛仔粒味道好，全部勁大粒但又唔會硬，而且份量好多。呢個價錢好物超所值。下次叫佢少油會更好

媽咪成日話食蟹貴,我自己又唔識整,所以就決定帶佢出街食,翠林辣蟹舫--重點係有半價,平過自己煮係尖沙咀亞士厘道,地方都幾闊落原來拎過好奬每枱一碟花生好大個LOGO係門口,一定認到好大隻,自己係街市買都要$300+以上半價左之後先係$294,堅抵食而且炒得好香蟹肉好新鮮,啖啖肉,2個人食都覺得多蟹鉗好大隻,好易起肉,好易食再點多一碟食神炒飯,好似一隻魚咁,又好睇又好食,半價左之後先係$99呢個價錢真係抵食,2個人食仲可以打包走,我寧願係度食都好過自己煮,正!!

喺電台聽到介紹講到師傅好傳統好有heart去做嘅一間中菜館，想過嚟支持下，特登兩星期前訂位，用OpenRice訂位服務訂了兩位，並備注了要求卡位，朋友比我早到，當我到咗餐廳嘅時候，我企喺門口問職員使唔使量體溫，職員話唔使，我入去行去卡位發現搵唔到我朋友，然後我行返出去，我竟然發現我朋友坐咗喺餐廳門口嘅第一張枱，然後我坐低埋，完全無辦法忍受，兩星期前因為walk in叫我坐門口，我冇辦法接受先訂枱，我醒醒目目上網訂咗，兩星期後竟然都係要我坐門口，我背脊就係門口，所有人喺我背脊度出出入入都算，我右手邊就係廁所，我仲要喺嗰度除低口罩慢慢食蟹？係咪諗多咗？之後我就問職員咩情況、點解會係咁樣安排？第一我哋準時到，第二卡位冇人坐，第三我兩星期前訂，咩原因我要坐係門口食？而且我訂枱時候已經備注左要求卡位，佢話佢知，但只可以盡量安排，然後我問佢明明有位，咁點解你唔俾我坐？佢話人哋四位，卡位俾四位坐，但我見到有一男一女坐喺其中一個卡位度，我問佢咁嗰兩個人呢？佢解釋唔到，我再問佢，特登提前兩個星期訂位就係咁樣？佢冇嘢講，就話如果呢一個鐘內走就可以坐低，我話冇問題，我哋本來就係打算食完就走唔會係坐喺度傾一晚

今日家姐帶我去食蟹，在尖沙咀亞士厘道樓上一樓，似老牌飯店，專門食蟹的，幾乎台台客都有點蟹，門口仲擺咗幾隻巨型斯里蘭卡，勁吸引。唔知係咪肚餓嘅原因，覺得枱上的花生好好食，夠硬正，我清碟。話梅涼瓜，甘甘地、鹹鹹地，大大條，幾脆口。士多啤梨排骨酸酸地、甜甜地，越食越開胃，有骨有肉靚肉排。然後主角黃金蟹，用個有自己名嘅欖送上嚟別緻，最開心見到一片黃海，加了蛋黃的炸蒜非常香，早已敲碎晒啲殻，唔使用鉗，蟹肉幾多，真真大滿足。

今晚想食蟹，記得朋友曾經介紹過這間，少有入斯里蘭卡蟹，星加坡就是用這種蟹作為胡椒蟹，皆因是肉蟹，不過我們到步之後改變主意點了黃金蟹。加了蛋黃的風沙（炸蒜蓉）確實更加香口惹味，欲罷不能，點碗白飯送，同樣是男人的浪漫。一隻份量剛好足夠兩個人，蟹的菜式的確有水準。見到有就又試吓話梅涼瓜，有點脆，並非鹹酸，味道調教得好，入口有回甘，開胃，涼，適合夏天，好。瓦煲通菜非常夠水喉，我向來都認為這個煮法可令蔬菜味道昇華，不會令人抗拒。尚有士多啤梨骨，甜酸平均，都幾好。你好滿足的海鮮家常電飯餐一頓，價錢合理，今晚時間父親節滿座，生意認真唔錯。

好想食海鮮啊，朋友話呢間唔錯，一於Book枱來食。呢間舖頭位於亞士厘道，一啲都唔難搵，地鐵站行過嚟先幾分鐘，遠處已經見到佢個招牌。上到2樓，見到好多明星相，仲有好多簽名，睇嚟我哋冇揀錯地方，好心急想快啲食😋一坐低就聽到侍應同隔離枱講有靚湯飲，係羅漢果龍躉雞腳湯，一聽見已經覺得好甜，即刻叫咗一份嚟試吓。 嚟得呢度，冇理由唔食佢個招牌菜——避風塘炒蟹啦，然後整個薑蔥生蠔煲，叫多個醒胃咕嚕肉，再嚟食神炒飯。重點係餐牌嘅嘢食都係半價🤣羅漢果龍躉雞腳湯：一聽到有羅漢果，就知道呢個湯好甜，龍躉好新鮮，碗湯一啲都唔腥，雞腳仲可以補充骨膠原。避風塘炒蟹：氣勢十足，淨係個碟都已經好架勢堂，大大隻蟹，拆開啖啖肉，夠新鮮，配上滿滿嘅炸蒜，香味十足，如果唔係怕熱氣，我連啲蒜都想食埋。😛薑蔥生蠔煲：好鍾意薑蔥，真係好夾，生蠔好大隻，而且拖過油先連埋薑蔥爆炒，所以生蠔表面好脆口，咬入去入邊好軟熟。咕嚕肉：酸酸甜甜，好開胃，唔叫個飯都覺得對唔住自己，啲肉唔算好肥，而且冇骨，啖啖肉。食神炒飯：估唔到佢除咗海鮮小菜整得好食，炒飯都可以好精彩，竟然有紫糯米，令到成個飯嘅口感提升左，啲飯粒粒分明，紫糯米煙煙韌韌，加上蝦仁，

最近經濟不景，尤其在尖沙咀的食店，影響也非常的重大。但是熊貓的在尖沙咀區找到一間亦是時間亦人山人海的食店，全憑他的高質食物，所以今天想推薦給大家，尤其喜歡食辣蟹的你們，絕對不容錯過。原來這間賣點，做緊一個短期優惠。可以用非常優惠的價錢，吃到非常高質的辣蟹，怪不得平日也非常爆滿。我們一人兩行，點了一隻蟹，分量非常多，大大隻的蟹👍🏽👍🏽廚師的功夫很了得，調味料沒有搶走蟹肉的鮮味，蟹鉗啖啖肉😋這間餐廳除了主打辣蟹，其實佢哋嘅小菜亦非常高質素。我們的點了一個咕嚕肉同薑蔥蠔，令人非常回味。如果在香港找一間好食的辣蟹和小菜，熊貓第一時間會想到這一家。襯優惠未完前，快來品嚐一下。

因為朋友想食蟹，就搵左呢間餐廳黎試，位置都幾易搵，入去發現環境都唔錯，座位又闊，仲可以望到街景。我地兩個人首先叫左潮式酸菜魚，仲有湯可以飲，魚肉質彈牙又夠味，酸酸地好開胃，入面仲有芫荽，好味。之後叫左銀魚小炒皇，見佢都好似係招牌菜，佢啲銀魚唔係平時食果種，係炸到好脆，連埋花生一齊好有咬口👍🏻👍🏻之後就到避風塘炒蟹，蟹肉份量都幾多，不過係啲殼比較難開，啖啖肉，果然冇失望🤪，下次想試下另一款薑蔥炒蟹。最後仲有炒飯，上碟果時好驚喜，竟然整左個魚圖案，仲有三文魚籽，呢個配搭幾好食😋兩個人好夠食啦，每碟份量都好多👍🏻。

最近群組不停post食蟹的相片，唔得，我又要食，約麻三五知己一於食餐飽。這間辣蟹莊位於尖沙咀區，地鐵A 出口，大約行三分鐘。亞士厘道入口就系，見到樓下大大一隻蟹招牌就知道冇找錯地方。一出𨋢，周圍post 左好多明星光顧相片和簽名。喜歡的話大家都可以簽名留念，🤣就知道冇找錯地方。一入門口，比人感覺地方開掦，光猛，長長大㕔，窗口全部是卡位，好歸一👍，並沒有擠擁的感覺。待應話今日燉左個老火靚湯：羅漢果，龍躉，雞腳，青欖，一於叫，羅漢果清熱解毒，龍躉和雞腳有骨膠原，青欖，甘甘甜甜，原來咁夾，尤其配合今晚主菜避風塘炒蟹，掂曬😋😋。一睇餐牌，唔系掛，餐牌內小菜，包括蟹，一律半價，唔食真的對唔住D 蟹，通常一般咁優惠，一定將價錢提高，但這裏並沒有，蟹原價$588，有幾種不同煮法，悉隨尊便。折扣左之後大約$3xx. 平時一般食閒閒地都七八佰一隻。而且並沒有因為價錢而降低質素👍，蟹肉豐厚，膏多，新鮮，大隻，絕對是超值，眾望所歸🙌🏻，🧄蒜蓉味並沒有遮蓋蟹鮮味道。再來一碟啫啫薑蔥焗生蠔🦪，嘩，又系那句，大，有肉汁，有咬口，停唔到口。食肉的我，怎可以少左我至愛蜜🍑咕嚕肉，半肥瘦肉鎖住肉汁，醬汁不多不少，食多幾

有個朋友好耐冇見我決定去食過好嘢朋友最鍾意食蟹所以我哋就去翠林辣蟹坊門口有好多明星合照睇樣就知真係幾把炮去到仲要等位當然唔少得呢個避風塘炒蟹首先上嚟好架勢成個蟹嘅造型非常之靚仔首先成個蟹非常大隻仲要灑滿着炸到好嘅蒜先試下啲蒜蒜已經本身係非常鑊氣又香又脆之後梗係食蟹啦個蟹實在太大雖然已經附上左折蟹工具但係我哋兩個女就真係開唔到最後店員仲好好同我折開左味道方面蟹嘅鮮味加埋避風塘非常惹味薑蔥蠔都係一個推介因為蠔非常之大隻加埋薑蔥味真係食得過癮而食神炒飯亦都係一流㗎本身個炒飯粒粒分明加堆蟹子口感豐富最後個通菜因為有鑊氣係都變得不一樣兩個女仔食好到飽到成個蟹但係大家都舉晒手指公

喺OpenRice見到呢間舖頭做緊半價優惠，連蟹都可以半價，一於嚟試吓！避風塘炒辣蟹勁多炸蒜，隻蟹夠兩個人食，蟹鉗啖啖肉！廚師好細心咁樣將啲蟹殼卜咗先，咁食嘅時候可以方便啲！-薑蔥生蠔煲超有鑊氣，一上枱嘅時候仲係滋滋聲，生蠔大大隻，好惹味！-咕嚕肉越簡單嘅菜越顯得出師傅嘅功架，咕嚕肉炸到面頭係趣嘅，肥瘦適中。-食神炒飯嚟到梗係要試吓呢個招牌食神炒飯，係一條魚嘅造型，炒飯上面鋪滿左蟹籽，炒飯亦都好足料，有蝦有帶子，炒得好乾爽，飯粒粒粒分明，果然對得住個招牌。

呢間攞過好多獎，門外有好多老闆娘同明星的合照，門外仲有兩張梳化椅，好窩心的佈置。避風塘香辣蟹呢道必食，枱枱都會見到有人嗌，好大份，原隻蟹分好唔同嘅部位，仲配有好多香蒜，唔會太辣，我諗個個都食到，隻蟹啖啖肉，好肥美。蜜桃咕嚕肉咕嚕肉啖啖肉，無骨，我好怕食啲硬身而有骨嘅咕嚕肉，呢個超好食，咬落去好軟人，而且炸得岩岩好，蜜桃好甜。薑蔥生蠔煲上枱超級熱辣辣，啲蠔超好食，好新鮮，連薑蔥都好入味。食神炒飯佢整到整條魚形，賣相好有心思，放用左蟹籽去突出魚的輪廓，非常吸引，食落唔油唔會太咸，蟹籽令個炒飯好有口感。宜家仲要做緊半價咋，大份夾抵食。

近幾年來辣蟹、雞煲都在香港盛行，今次同朋友出走，試一試好多人都說不錯的【翠林辣蟹舫】最出名的菜式包括避風糖香辣蟹🦀、食神炒飯，以及各式小炒、肉類、海鮮。在辣蟹眾多餐廳料理中，這裡特色屬於出眾的。就算是口味偏西式化的客人，也絕對能夠欣賞辣蟹、雞煲呢。 尖沙咀亞士厘道24-38號天星大廈1樓A號舖 Shop A, 1/F, Astoria Building, 24-38 Ashley Road, Tsim Sha Tsui 去到天星大廈1樓上去，點知係後門嚟，要落返去過隔黎先份得，大家小心找錯門口喔！認住呢個入口，咁就岩架啦！上到去中式餐館環境，辣蟹、雞煲為打，所以都係偏中式的裝修，設計元素比較貼近親民，整個格調很舒適，服務員非常友善，沒有西餐廳可能會感受到的拘束和講究，價錢也合宜，選擇很多，設加一 。餐牌簡潔，另有半價即刻抵很多呢！▪️黃金豆腐炸豆腐加埋鹹蛋嘅鹹香，令到平平無奇嘅豆腐增加左一份層次感，細細粒，一口一口，清得最快喔！將豆腐炸至香脆，真正外脆內軟，再沾滿濃香的鹹蛋黃，令人回味再回味，好受歡迎呢。▪️薑蔥生蠔煲喜歡吃薑辣味，所以對呢個薑蔥生蠔煲都有唔錯既印象，上枱時還是「咋咋聲」。

很久沒有吃中菜，今天經朋友推介來了這間翠林辣蟹舫。本來都沒有想過吃蟹，但一來到見到每枱都起碼叫一隻蟹，經過都已經聞到非常香。一看餐牌原來有優惠，所有菜式有半價，點蟹就非常抵食！所以我們先來點個避風塘炒蟹。  蟹一上枱真的是非常的香！一陣陣蒜香味撲過來，食慾即時大增。而且視覺上都很驚人！那麼多的炸蒜，看上去好似在蟹身湧出來般，非常吸引。加上未吃都已經感受到那股熱氣，真的新鮮滾熱辣炒出來的！  先吃蟹鉗，殼已經很貼心地破開一點裂痕，所以非常容易地啪開，一拆已經有非常完整的蟹肉。非常肥美，肉質非常鮮嫩，軟滑，配上炸蒜吃，十分香口。蟹身都吸收了蒜的香氣，而且切到bite size，很易入口，一咬已吸入了一絲絲的蟹肉，再加上外殼煮到非常脆，是完全輕易咬碎可吃，超級棒！  有炸蒜一定要配飯，因為名字很有趣，所以我們點了食神炒飯。一上枱又令我哇了一聲。一般炒飯只會兜起上碟就完，它竟然整成魚的形態，好有心思。炒飯都很有驚喜，因為我很喜歡吃硬飯，而這個炒飯都是偏硬而且炒得乾身，所以非常好吃！加上竟然加入了硬身的紅米，增加咬口。 炒飯材料有豆，蛋，帶子，蟹籽等，看似普通，但其實耍了一點小心機，那些蟹籽是神

同朋友慶祝生日當然要食好野，今次一於食辣蟹！食神炒飯有驚喜。飯底加左糙米，多左咬口仲多左健康。加埋卜卜聲飛魚子，口感豐富有層次！唔好講笑，可以加埋避風塘炒蟹既炸蒜一齊食，多左蒜香又可以食左碗飯。食神炒飯有驚喜。飯底加左糙米，多左咬口，仲有卜卜聲飛魚子，口感豐富有層次！潮式酸菜魚夠酸夠辣，魚肉大片有厚度，屬於有咬口既魚，而且魚皮都勁厚，好似幾成塊骨膠原食落口咁。百合蓮藕炒雞柳夠鍋氣，蓮藕爽口雞柳夠嫩，出色！避風塘炒蟹平時屋企食蟹都係食蒸蟹多，要食惹味果然要出街食。一入口果種滿足感真係超正。先唔提蟹鉗啖啖肉，連蟹身都切到size岩岩好，勁容易食哂啲肉。炸蒜都一流，炸得夠脆又勁足蒜味！推！