翠林辣蟹舫

營業中

休息中

媽媽一直都超鍾意食蟹，見佢生日就帶佢食靚蟹啦～之前同佢去新加坡食過胡椒蟹，一直都好回味，今次就試下黑白胡椒蟹啦！黑白胡椒蟹（$588)珍貴嘅寶物，永遠都受到重重保護，堅硬嘅外殻底下，當然埋藏瑰寶！蟹肉超鮮甜爽口，大大啖咬落去，勁滿足！胡椒醬香而不辣，洋蔥都好甜。呢個醬用黎點黃金豆腐($68)勁正，最後成碟甜酸醬都無掂過，反而所有胡椒醬都點乾淨曬！黑蒜京蔥牛肉($98)一啖將黑蒜、京蔥同牛肉放入口，牛肉好軟滑，京蔥又夠清爽，後調又有黑蒜香味，超夾！一啖又一啖，食到停唔到！