翠林辣蟹舫

聽朋友介紹，話呢間餐廳而家做緊堂食半價優惠，而且食物高質，今日就同朋友一齊去試吓！醬焗香辣蟹 （HK$588) 泥到翠林辣蟹舫，當然要order返個鎮店之寶 - 炒蟹啦！ 炒蟹有唔同做法選擇，有避風塘炒蟹，黑白胡椒蟹，薑蔥蟹，醬焗香辣蟹等等！ 經店員介紹，order 了醬焗香辣蟹 。醬焗香辣蟹，同避風塘炒蟹的配料差不多，也是用炸蒜粒爆香，再加上醬汁焗香。蟹肉肥美鮮甜，肉質厚實，食下去啖啖是肉。而且蟹殻佈滿著香濃的辣蟹醬汁，十分惹味，令人不顧儀態將醬汁全都啜乾。XO醬爆白鱔 (HK$188)白鱔片皮脆肉質厚，咬下去質感較爽口，而且用秘製XO醬爆香，十分香口。拍蝦香芋娃娃菜 (HK$128)食咗咁多海鮮，梗係要食返啲菜解下膩。芋頭夠香又夠粉，而且上湯用鮮蝦來調味，令娃娃菜更加鮮甜。埋單有半價優惠，真係好抵食㗎！

來這間蟹店吃飯，不是不吃蟹吧！來這間蟹店吃蟹，不是不吃招牌「避風塘香辣蟹」吧！這間「翠林辣蟹舫」以辣蟹為名，店內雖有多達 30款的海鮮小菜可供顧客選擇，但一場來到不吃辣蟹實在有點不像話。其實這店的蟹菜，有惹味的「避風塘香辣蟹」、特別的「蟹醬焗香辣蟹」、甚有星洲風味的「黑白胡椒蟹」和完全不辣的「黃金流沙蟹」等，既然這店以辣蟹為名，那便吃最有港式風味的「避風塘香辣蟹」好了。這「避風塘香辣蟹」（原價 $588，半價 $294）以朱紅色的盛器裝載，被大量炸蒜圍繞的原隻肉蟹整齊地伏在黑盤子上，其實這蟹的蟹蓋、蟹鉗、蟹爪、蟹身早被分離，厚硬的蟹鉗更已被體貼地夾至裂開，方便客人食用。這其實算不得辣的菜式，蟹夠新鮮，蟹肉鮮甜好味，雖然只得一隻，但正所謂小食多滋味，我與太太都吃得津津有味，甚感滿意。另一道同樣惹味的菜式是「拍蝦啫啫通菜煲」（$98）。在客人面前即場製作的啫啫菜式雖然不算稀奇，但啫啫菜式熱氣騰騰，香氣撲鼻的效果就總是教人歡喜，而這裡的「拍蝦啫啫通菜煲」的特別之處，是除了爽脆的通菜和細碎的豬肉粒外，還下了少許拍過的蝦粒，在原來簡單的菜式中加添了新鮮的元素，那濃郁惹味的醬汁，亦足以讓人連下兩碗

翠林辣蟹舫🦀整體評價: 所有食物味道控制得非常好，本來預期叫嘅菜式應該會屬偏油，但一食落感覺不到過分的油膩，可見厨師功夫過人。而且招牌的幾道菜包括蟹同得奬蝦球，都做緊半價👍🏻 想最抵食就建議盡量叫半餐牌上嘅菜式。另外問咗開酒同切餅都唔收費~ 1. 避風塘香辣蟹 半價後$294 (推介)蟹肉彈牙新鮮，味道夠曬香濃。可以選擇大、中或小辣。個人認為佢唔會做到好辣，鐘意食辣嘅可以叫大辣。2.黃金蝦班 $38/隻 （推介）哩個都係必叫，炸得啱啱好，外面香脆但唔油膩，入面啲蝦依然係爽口彈牙。3. 豉椒炒蜆 $98蜆係新鮮，同味道調較得啱啱好。不過冇半價㗎留意下4. 黃金豆腐磚 $34又係半價抵食之選，哩個我會話好食，不過未至於好出色。但半價係非常值得叫碟！5. 上湯娃娃菜 $98(推介)又係冇半價，不過見全部濃味所以叫碟菜清清地。點知有驚喜喎，全因個上湯真係出式，配合埋娃娃菜好高質。媽咪飲埋啲湯

呢一日喺尖沙咀開完會，約咗個friend食飯，咁啱喺openrice見到呢間食辣蟹嘅餐廳有唔少好評，一於就揀佢。我哋一共嗌咗三個餸，嚟得食辣蟹嘅餐廳點可以唔食蟹呢？呢個避風塘炒蟹夠曬份量，大大隻蟹，啖啖都係肉，鍾意食蟹嘅人唔可以錯過。至於呢個野菌炒斑球，用嘅係龍躉肉，魚肉肉質有彈性，加埋唔少蔬菜，食落好有鑊氣。另外呢個係侍應推介嘅避風塘炒魚仔，味道辣辣地，加埋椒鹽同香蒜，魚仔好脆，好有風味，非常適合麻甩嘅我哋！三個餸都已經食得好飽，價錢又唔貴，加上做緊優惠，希望快啲放寬限聚令，可以約多啲朋友一齊再食下其他菜式。

尖沙咀亞士厘道真係好多嘢食，喺樓下望上去見呢間餐廳座無虛席。再睇埋個餐牌，無論係必食推介同好多小菜都做緊半價，一於上去試下先。套餐價錢都好抵，我估二人餐夠三至四個人食鎮店之寶-避風塘辣蟹蟹賣相好精緻又大隻，所以食落去好鬼正啖啖肉咁。蟹肉好新鮮，辣度啱啱好，啲蒜炒到好香又可口。蟹蓋成隻碟咁大金絲酒糟骨好特別嘅一個小菜， 面層嘅芋絲炸到脆卜卜，好香口，酒糟骨有好香嘅糯米酒同甜味，個骨外層焦香，裏面啲肉質仍然粉嫩又juicy餐廳員工唔多，但都好親切同客人有傾有講仲好禮貌，讚👍🏼

我最鍾意食蟹，有時覺得係餐廳食蟹會好貴唔抵食，但比我發現翠林辣蟹坊做緊半價優惠，佢地既蟹總共有五種食法，店員介紹佢哋最出名嘅就係避風塘香辣蟹，所以我地就叫左呢個！個蟹超大隻，淨係睇個蟹鉗就睇得出好大隻！個蟹調味好惹味，仲有勁多炸蒜，炸蒜好香口，建議用黎撈白飯食都幾正！蟹蓋仲有蟹羔架！蟹件既蟹肉好鮮甜！仲有巨型蟹鉗啖啖肉，非常滿足！我地仲叫左個蜜桃咕嚕肉，脆卜卜，個醃料幾特別，除左酸甜味仲食到層咸香味！除左蟹有半價，小菜都有半價呀，都幾抵食！

係禁制令下好久也沒有出外吃晚飯，終於等到可以放寬食到十點，即刻約埋閨蜜去食好西！閨蜜知我至愛是蟹，所以訂了此間餐廳，好讓我大快朵頤！到此餐廳不食蟹就對不起自己，今晚要了黃金流沙蟹，整隻蟹是用木架搬上枱的，賣相吸引，隻蟹好夠份量，大大的蟹鉗，舖滿蛋黃炸蒜，食落口啖啖肉，非常有滿足感！吃歡食辣的朋支，就要像我們要香辣左宗堂鷄，鷄肉好惹味，辣中又帶點香，鷄件也頗大，最啱嚐辣的食肉獸！最後還要一碟鷄湯野菌燴面筋，免得全部都只係肉類，沒有想到竟然有驚喜，面筋吸收曬鷄湯，有咬口之餘又夠味，鷄湯底非常濃，整個組合非常恰當，可能之前兩樣都是啖啖肉，跟著食這碟餸變得好清新！值得再試！

好耐無出街食晚市，開返晚市堂食對唔少人嚟講都係好事，朋友話想食啲鑊氣嘢，咁啱見尖沙咀呢間辣蟹舫有半價，睇落都幾吸引，就一齊去試試。餐廳環境舒服，檯同檯之間好闊落，好大，唔少人都專登嚟食蟹，亦有多款小菜，通通都有半價，計起嚟都幾抵食。先叫個避風塘炒蟹，肉蟹夠曬大隻，見測起碼兩斤，配上大量炸蒜，香口十足，辣就唔算太辣，但就好惹味，蟹鉗足足有個湯匙咁大，肉質鮮甜，真心好味。鐘意食熱氣嘢嘅我亦嗌咗個避風塘魚仔，每條魚仔都炸得脆卜卜，加上蒜蓉同香蔥，好啱送酒同撈飯！野菌炒帶子龍躉斑球，味道唔錯，帶子鮮味，龍躉肉質結實，魚皮有膠質彈牙，甜豆同野菌都炒得香，不過就多咗啲油，但整體嚟講都好味。整體食物味道唔錯，加上做緊半價，性價比高，尖沙咀呢個地段嚟計，實在抵食。

今日難得早收工，相約左個好姊妹去尖沙咀shopping，行完街就梗系搵好野食啦，路過門口見到我嘅至愛“蟹蟹蟹”，即時相眼發光，再望下menu有好多菜式都做緊半價，即時衝上去睇下有無位，好彩地有位重可以坐到窗邊卡位原來師傅大有來頭 今次無選擇錯誤先黎一碟花生，開下胃先，濕紙巾印左一隻隻蟹，好cute主角到啦，招牌黃金流沙蟹，未食剩系睇個賣相已經好吸晴，師傅好有心機砌得隻蟹栩栩如生，隻蟹好厚肉，掛住食吾記得映比大家睇侍應推介，香辣左宗堂雞，好惹味，吾食得🌶都絕對接受到黑椒蜂蜜牛仔粒，牛肉好嫩滑，連配菜（薯仔）都好好味食左甘多惹味食物，梗係要整返杯凍檸茶啦多款菜式都做緊半價優惠，真系好抵食

疫情終於稍為綬和, 可以出外走走, 同朋友食個飯咁!想食蟹好一陣子啦, 最後揀咗呢間!地點位於尖沙咀, 好就腳! 出 isquare 出口, 轉個彎就到!餐廳仲做緊優惠, 好多款式都特價我地叫咗薑蔥炒蟹, 隻蟹上枱好大隻, 而且仲用一個牌架裝住咁, 好別緻餐廳都經已將蟹剪開, 所以都非常易食, 啖啖肉雞煲亦係我至愛之一, 佢地嘅雞係炒過再做雞煲, 所以D雞趣卜卜, 辣度適中, 唔會過辣而搶去其它食物嘅味道, 仲好足料, 有木耳, 菇類同豆卜在內蕃茄蝦仁炒蛋係朋友喜歡嘅, 個蛋意想不到地滑, 仲好大碟, 抵吃呀!另外餐廳生意不錯, 很多顧客, 呢個令我好鼓舞, 希望經濟快D復甦 

媽咪一向好鍾意食呀，朋友就推介我地黎翠林辣蟹坊，因為而家做緊半價優惠避風塘炒蟹係翠林既招牌菜，原價$588，而家只係半價就食到啦，即係300幾就食到原隻蟹，都幾抵除左蟹有半價之外，仲有好多款小菜都係做緊半價優惠我地當然要叫個招牌菜，避風塘炒蟹一上菜已經聞到好香既味道，隻蟹都好大隻蟹下面仲鋪左炸到金黃色既炸蒜，個炸蒜真係香口，仲要脆卜卜個蟹肉都好鮮甜，食得出係新鮮蟹，而唔係急凍死蟹，啖啖肉真係好正我地另外仲叫左個金絲酒糟骨，係一字骨黎味道都幾特別，個醬汁甜甜地，一字骨既肉唔會韌佢係半價小菜黎架，鍾意食炒蟹既朋友可以黎試下呀

#翠林辣蟹舫 位於尖沙咀，一直想試好耐，皆因佢地出名既鎮店避風塘辣蟹和招牌炒飯，趁勢半價優惠，即刻去試下先！半價優惠，有逾40款菜式選擇，就連店鋪5款招牌炒蟹都有半價，好正啊😜😜🔹避風塘香辣蟹 $588 (原價) 一上枱，已經很給睛，排場很有氣勢，超巨型的🦀🦀 金香蒜味直頭撲鼻，香蒜炸得金黃色，蒜配鮮嫩香甜蟹肉，蒜香中帶點辣，非常惹味！蟹肉肥美鮮甜，原來老闆是從越南空運到精選港，怪不得這家店的蟹咁可口美味❤️❤️🔹潮式酸菜魚 $168 (原價) 和平時一般食開的酸菜魚大大不同，湯底除了咸酸菜魚湯味，還有潮州風味，就像胡椒豬肚湯的味，很開胃，魚肉嫩滑，用上龍躉魚肉，菜式撈飯一流😋😋😋🔹食神炒飯 $188 另一鎮店之寶，建議堂食，因為師傅精心裝飾上碟，一條像鯉魚般的炒飯，心機分100。必定要打卡啊！ 心諗，夠膽叫食神炒飯，除了外型靚，原來米是用上三種不同的義大利米合炒，有糙米、白米，入口煙韌， 唔會散修修既感覺，由蝦肉，豆，蛋，蟹籽和其他材料，好味👍👍👍👍🔹黃金流沙蝦球 $38隻 (原價) 沙灘椅裝飾，很夏天啊 流沙像海灘上的清沙，很有意思。黃金流沙差不是濕既咸蛋黃汁，而是炸到脆米般的咸蛋黃

男朋友不嬲都係鍾意食蟹 偶然機會下知道呢度出名食蟹 就過嚟試試呢度有個menu係做緊半價 超級抵食 亦有啲好豐富嘅二人套餐 而我哋就根據自己口味叫咗唔同嘅小菜黑白胡椒蟹隻蟹一上枱已經畀佢嘅裝飾吸引住 而且店員亦好細心 除左有蟹鉗跟之外 亦會配上手套 等你可以用手食 更加原汁原味 隻肉蟹好大隻好新鮮 D肉爽彈 配上黑白胡椒汁帶有少少辣又小小甜 好岩我同男友口味拍蝦啫啫通菜煲通菜煲係原碟去到你面前先落落熱鍋 啫啫聲又好香 蝦醬味重 除左主角通菜夠嫩之外 配角肉碎同蝦粒一樣炒到好香 d蝦仲好彈牙tim 成碟炒得超惹味 送飯一流 難怪店員話係招牌之一生蔥牛仔骨煲牛仔骨淋滑得嚟有咬口 夠牛味亦夠油脂 而且炒得好香口 值得一試Overall呢度其實幾抵食 服務店員好有禮貌食物質素亦唔錯 入座期間仲聽到店員話當晚booking已full tim 能夠喺疫情底下都可以full booking就可想而知呢間餐廳既質素係可以留得住客人嘅心

朋友心血來潮想食蟹, 介紹呢間食蟹專門店, 有多款蟹嘅招牌菜, 辣蟹、避風塘炒蟹、胡椒蟹, 當然最吸引我哋嘅梗係黃金流沙蟹啦！而家招牌蟹和小菜, 晚飯堂食都有半價優惠, 又幾經濟實惠！樓上鋪地方幾分行地方幾寬敞, 裝修古色古香, 有很多窗口卡座亦有包房二人傾計和大夥兒聚餐都適合。每檯奉送餐前小食脆口花生。黃金流沙蟹採用新鮮膏蟹, 肥美肉厚, 肉質鮮甜嫩滑蟹殼較為堅硬厚身, 蟹膏豐盈。黃金鹹蛋黃非常濃郁惹味, 滲透蟹殼非常入味。上碟鋪滿炸薄脆, 有避風塘炒蟹嘅效果, 我就鍾意佢冇咁熱氣和蒜頭味！黑蒜京蔥牛肉造型仿似圖畫, 賣相精緻吸引。黑蒜養生通血管降血壓, 用上炒京蔥牛肉, 牛肉鮮甜嫩滑, 咸道適中, 鑊氣十足, 非常惹味！

｜獨特水鄉風情 令人一吃難忘｜黎到先知原來好多菜式做緊半價！正！！🤣所以同個朋友黎食 買單都唔叫貴黑白胡椒蟹 $588 呢個係鎮店之寶其中一個做法 相當惹味 啖啖蟹肉而黑白胡椒份量恰當 唔會完全蓋過蟹嘅鮮味 又唔會太搶味 最鐘意係有洋蔥絲去吸收蟹嘅精華🙈金絲酒糟骨 $128 酒糟香味濃 金絲擺盤相當精緻 雖然比起黑白胡椒蟹稍為遜色一點但配飯都絕對一流👍🏻 另外一提 侍應服務非常好 貼心咁準備咗手套俾我哋食蟹用 亦不時為我哋更換新嘅碟同用具😊😊