翠林辣蟹舫

營業中

休息中

呢一日喺尖沙咀開完會，約咗個friend食飯，咁啱喺openrice見到呢間食辣蟹嘅餐廳有唔少好評，一於就揀佢。我哋一共嗌咗三個餸，嚟得食辣蟹嘅餐廳點可以唔食蟹呢？呢個避風塘炒蟹夠曬份量，大大隻蟹，啖啖都係肉，鍾意食蟹嘅人唔可以錯過。至於呢個野菌炒斑球，用嘅係龍躉肉，魚肉肉質有彈性，加埋唔少蔬菜，食落好有鑊氣。另外呢個係侍應推介嘅避風塘炒魚仔，味道辣辣地，加埋椒鹽同香蒜，魚仔好脆，好有風味，非常適合麻甩嘅我哋！三個餸都已經食得好飽，價錢又唔貴，加上做緊優惠，希望快啲放寬限聚令，可以約多啲朋友一齊再食下其他菜式。