翠林辣蟹舫

上次嚟過 , 已經對這間"辣蟹坊"念念不忘。 限聚令下，今晚同朋友再嚟捧場。餐廳地方寬敞，新裝修更顯明亮舒適。有大檯也有窗邊卡位，更有包房，確是相聚聊天的好地方。這裡主打雖然是蟹，但其實各式小菜也有很多選擇，現在更是半價優惠，非常抵食！先來的是《避風塘炒蟹》原價$588，現在半價$294 ～這裡的招牌菜，賣相別緻。香噴噴的炒蟹令人垂涎三尺，蟹肉吸收了蒜香味道，令新鮮蟹肉香惹好味，風味濃厚， 色香味俱全，必食 👍🏻《紅燒乳鴿》～肉香四溢，油脂均勻，皮香肉嫩！《 豆角炒斑球》～斑球滑溜，豆角鮮甜有鑊氣！

之前已經有朋友同我介紹過翠林辣蟹坊啲蟹好抵食 所以今日突燈呢一試我哋叫咗黑白胡椒炒蟹 個醬汁似平時食開嘅椒蜜牛仔粒 辣辣地又甜甜地好開胃 蟹桿方面廚師亦已經幫手拍開咗 所以要食裏面啲肉都好方便 而且夠味入味 重點係隻蟹好新鮮 大隻得嚟更加係啖啖肉除咗食蟹我見好多枱都叫咗呢個炒飯 所以都加咗單一試 食神炒飯 一上盤炒飯排列到好似一條魚咁 炒飯裏面有蟹子粒 蝦粒 四季豆粒 仲溝咗啲糙米糯米 口感層次更加豐富其實兩個人食完隻蟹加埋碟飯已經夠曬飽 夠曬滿足我見餐廳門口仲有個簽滿好多唔同人嘅簽名既牆 亦有唔同明星喺店面影嘅相 同時餐廳裏面亦掛滿唔同地方拎嘅獎添 可見呢度有一定名氣同人氣

近排朋友話畀我知, 佢睇電視留意到, 翠林辣蟹坊有好多嘢食, 都係做半價優惠, 好回味個避風塘辣蟹, 就一齊去食啦 避風塘香辣蟹, 賣相真係非常之震撼, 大大隻嘅 肉蟹, 放喺一個 華麗器皿上面, 鋪滿咗無數嘅香炸蒜, 辣椒, 畫面真係非常之掂 香噴噴嘅蒜香, 真係吸引 無比, 口水流, 肉質非常鮮嫩, 新鮮嘅蟹, 配埋炸蒜香脆, 口感非常的豐富, 啖啖肉, 另外再食咗個 蜜桃咕嚕肉, 咕嚕肉通常都已菠蘿為主, 配搭轉蜜桃, 增加咗個新鮮感, 非常的juicy嘅蜜桃, 再配搭住香脆嘅咕嚕肉, 肉質非常的juicy, 那嘅口感令人回味Xo醬龍躉球, 龍躉真係非常之大塊, 用咗xo醬, 令到個味道更加提升, 香噴噴, 而青豆亦都非常爽脆, 送飯真係一流

今日心血來潮好想食蟹即約埋個老友到亞士厘道啤一啤！ 最近疫情似乎緩和左啲，街上見多咗人出來食飯。 來到都幾多人氣，仲問有冇訂位添！好彩两個位都仲有，卡位就已滿。 成年冇來過，環境唔同左原來裝修過，光猛，佈置都靚咗！來得合時！近月餐廳做緊半價！好抵食！首先叫隻蟹同乳鴿皇啤一啤先！上次試過“ 避風塘炒蟹”，今次試下“黃金流沙炒蟹”！ 果然係 鎮店之寶！賣相靚，蟹嘅質素保持水準！啖啖肉爽口彈牙，卜卜脆 鹹鹹香香嘅配料真係好惹味！乳鴿皇都冇令我哋失望！皮脆肉嫩，冇腥味，鴿肉纖維有質感！味道好！餸酒一流！而家去食好經濟實惠！今晚食得好開心！

好耐冇出去堂食，一家人講起想食下海鮮食下蟹..諗起之前同朋有都有黎過..所以今次決定起行去翠林..網上睇已經見到佢寫半價優惠..心諗應該可能會細碟左..點知黎到一樣的大大碟老細響我地諗緊食咩既時候仲拎左隻好大隻既蟹問我地有冇興趣..不過因為我地想食兩款唔同味道.所以就放棄左冇叫喇。我地叫左避風塘炒蟹同薑蒽炒蟹..再叫左手拍青瓜，薑蒽蠔，黃金鮮尤，炒飯碟炒飯黎到好靚 ，上面仲鋪左好多蟹籽..口感同味道都唔錯..跟住中間職員問我地食唔食炸鏝頭..為食既我地都係忍唔住口叫左..最後食左好似食左9碟野..埋單都係1500左右..計返真係好抵趁呢段期間再去多幾次先😄

趁疫情冇之前咁嚴重，真係要多D出去食飯，同太座諗有咩好食呢?突然個腦“叮”咗一聲，竟然想起電視廣告呢間食肆，一於打電話去訂位試試!地點旺中帶靜好易搵，門口大大個招牌實見到，上到去坐低侍應好有禮貌介紹餐牌，同我地講現在好多餸菜都做半價優惠，睇睇真係街邊都唔止呢個價錢，抵食!我地喺鎮店之寶四款蟹之中點了“黑白胡椒蟹”，惹味情度十級，越食越想食，幾乎連有手套隔住都想啜埋手指，哈哈，兩個人只能食到一款，下次一定要試埋其他三款鎮店之寶蟹先得!“蜜桃咕嚕肉”，好多地方都食到嘅菜式，但呢度煮得超好味道，我好耐冇試過食咁多舊咕嚕肉同埋桃，肉嘅表面有d脆而內裡肉汁豐富唔韌，如果個仔喺度一定啱哂佢!“雞湯野菌燴麵筋”，邊個估到食完隻蟹同一碟咕嚕肉之後，食一啖呢個餸係會令人唔會擺低筷子，忘記自己有幾飽，真心強推，麵筋夠哂入味，狂讚!兩公婆食三樣餸都捧住個肚走，下次一定要叫埋親戚朋友嚟食吓其他嘢先得，後會有期!

在朋友口中得知''翠林辣蟹舫"小菜做半价，即约同爲食蟹控好友前往！ 由於疫情關係一段時間沒外出吃飯了！ 今次來到一心吃蟹，要吃過痛快的！原價588，現在298！非常抵食！餐廳裝修了環境比之前舒適了。半價推出，小菜更加經濟抵食！二人套餐配搭很不錯！小菜選擇很多！除了小菜， 鎮店之寶……避風塘炒蟹和風沙黃金蟹！點了兩種不同製法的。 蟹蓋 滿滿甘香蟹糕，肉質扎實鮮甜，炸得酥脆的蒜粒香氣樸鼻！蟹肉吸收了配料的香和蟹肉的鮮這道 避風塘炒蟹果然名不虛傳！十指大動下不要停！再嚐嚐這個~風沙黃金炒蟹咸香脆脆沙沙的咸蛋黃金粒堆滿蟹上，蟹一樣的高質！啖啖肉！又是另一個風味！兩款蟹都好滋味！我個人偏愛避風塘炒蟹多一點，點點辣比較惹味！一次過吃兩款蟹，大大的滿足啊！

朋友選擇我們至愛食蟹,就來到翠林辣蟹舫食晚飯來相聚。*這翠林辣蟹舫餐廳獲得多款獎項,相信質素有一定信心。* 餐廳裝潢優雅,地方寬敞。 *滋味蟹有五款味道選擇, 全都有半價優惠*另外還有多款小菜都有半價優惠                 **                                                                           【酥脆珊瑚蝦餅】師傅將蝦打成泥,做成餅成狀,接著去炸。 酥脆珊瑚蝦餅勁脆卜卜帶點煙韌,配上鮮美彈牙的蝦餅,拌飯或酒簡直一流,蘸上秘製醬,更為惹味,作為小吃或小菜都適合。**【黃金流沙蟹】以料爆炒咸蛋黃入味,酥咸蛋黃香氣四溢,十分濃烈香濃咸香味,更令肉蟹更惹味非常,蟹肉好鮮甜。啖啖甘香的蟹鮮味,而咸蛋黃炒得好香唔油膩,味道及口感十分豐富,胃口大增,不消一刻整隻蟹已清晒 !**【金絲酒槽骨】啖啖肉金沙骨,外脆肉嫩軟稔, 掛了香酥金絲及秘汁,肉質帶有淡淡酒香,有多層次口感及味道, 香濃而不膩,不但又香又惹味,佐酒也不錯!

疫症時期好多間店舖都做緊半價優惠😇依間店我bookmark左好耐架啦😍只要去過既人都對依到既蟹🦀讚不絕口🤤.🦐黃金蝦球 $38/隻黎到依到緊係想食海鮮啦🙈我對鹹蛋既產品完全抗拒唔到🤗黃金蝦頭係拎蝦肉撈鹹蛋醬去炸🥰啲蝦仲要新鮮既蝦打成蝦滑🦐岩晒中意食蝦既你☺️蝦肉質地完全係鮮味十足，仲好有口感❗️蝦滑仲配埋沙律😋撈埋蝦球一齊食，可以減少油膩既感覺🤩呢個配搭緊值係💯.🦀避風塘香辣炒蟹 $588依個蟹吸引到甘多人黎🤤完全知點解🤣蟹肉好鮮甜🥰又多肉😋如果中意食蟹肉既你真係唔好錯過🤗依隻蟹都有少少膏🤣可以拎碗白飯黎❗️啲蒜仲要好多🤗，炸到好香🤤身成蟹控既你千奇唔好錯過啦🤗

平時過時過節先會食蟹 趁住中秋節來臨同朋友喺翠林辣蟹舫提早食個中秋節飯🌕餐廳除咗而家做緊半價優惠 仲有唔少二人套餐可供選擇 一個價錢就可以試到唔同嘅廣東菜 都幾抵食👻我哋叫咗個蟹醬焗香辣蟹、客家小炒皇同燒乳鴿 全部都做緊半價 趁住有呢個優惠梗係唔好執輸啦🤭香辣蟹好易就食到 因為除咗有個蟹鉗之外 仲有膠手套提供 店員仲教我哋點樣容易啲整開啲蟹殼 好貼心 呢隻蟹色香味俱全 份量都唔少 夠兩三個人食 肉質鮮甜多肉 蘸埋蟹醬一流😍小炒王即係炒雜錦 經常係中式菜館同埋大排檔都見到 係一流嘅熱門招牌菜 呢到嘅客家小炒駕馭得好好 炒得香濃夠火候 仲落足唔少料 有鮮蝦 煎鯪魚肉 臘肉 蓮藕條等😋最後緊係要講下呢個燒乳鴿 一上枱嗰陣我哋都嘩咗一聲因為真係好吸引 影相一流 之後職員就將乳鴿一開四 方便我哋食用 估唔到細細隻乳鴿都幾多肉 而且皮脆多汁 $44一隻咋 一個人食多幾隻都仲得😂不得不提佢哋嘅服務都幾好 會主動換碟同加水 仲會主動介紹吓餐廳嘅特色食物Nice👍🏼

餐廳：翠林辣蟹舫 (尖沙咀)地址：尖沙咀亞士厘道24-38號天星大廈1樓A號舖網上見到尖沙咀天星大廈呢間翠林辣蟹舫做緊疫市半價優惠，有五款蟹同埋其他特色小菜都可享有5️⃣折😍，加返原價嘅加一，都依然咁抵食😎蟹醬焗香辣蟹 $353難得黎到緊係唔可以錯過餐廳嘅鎮店之寶啦🏆，原價$588，依家唔洗$400就食到👍🏼，因為朋友唔係咁食得辣，所以叫咗少辣🌶，驟眼睇呢隻蟹有接近兩斤，有青紅辣椒同蟹膏醬去點綴，蟹肉豐富鮮嫩，仲有即棄手套比你用手拎住黎食，更加滋味😆乳鴿 $44最近新推出嘅優惠，半價就可以品嚐到呢隻乳鴿，唔單止擺碟精美，外皮仲燒得香脆可口😋，啖啖肉，仲有專人係我影完相之後即場剪開埋四件，服務周到👩🏼‍🍳客家小炒皇 $83小炒皇有蝦仁🦐、豬腩肉🐷、蓮藕、荷蘭豆等，夠哂鑊氣，炒得好惹味，望到都垂涎三尺🤤，雖然睇落好似有啲油膩，但食落口又感覺恰到好處，係值得encore嘅菜式🤗

餐廳簡潔、明亮， 中式裝修， 環境舒適寬敞，最近仲有半價優惠享用小菜， 十分抵食。鎮店之寶黑白胡椒蟹$588(半價優惠)黑、白胡椒蟹十分肥美，新鮮由越南空運到港 ， 上枱時砌出原隻蟹的樣子， 賣相吸引， 相機食先，陣陣誘人胡椒香氣撲鼻而來， 蟹用上黑、白胡椒烹調， 十分搭配 ，擦出火花，醬汁濃香惹味，帶啖啖辛辣味道，配上厚實彈牙蟹肉， 卻沒有搶去蟹的鮮味 ， 辛辣刺激， 衝擊味蕾，惹味過癮。潮式酸菜魚$168 (半價優惠)魚片大件厚身 ，魚肉雪白 ， 入口鮮甜滑溜， 魚皮爽口彈牙，充滿骨膠原， 是女士們美顏恩物 ，酸菜魚湯， 鮮味十足， 湯底將麻、辣、酸、香 ， 發揮得淋漓盡致， 最後 我還把所有酸菜魚湯， 一滴都不浪費，通通喝乾了， 大呼過癮。

今日同朋友喺尖沙咀食飯 知道呢間餐廳出名食蟹 而朋友就係海鮮愛好者 所以我揀咗呢度食飯而家仲有半價餐牌 我哋叫咗醬油蟹 隻蟹一上枱已經比佢嘅擺盤吸引 好似日本鳥居既大盤 裝住熱辣辣炒起既大肉蟹 蟹肉彈牙啖啖肉 醬料夠味搞埋吸滿醬汁既蒜蓉粒 夠香夠惹味另外佢嘅得獎名菜之一黃金流沙蝦球 外皮鬆脆 蝦肉爽口彈牙鮮甜 脆醬帶有淡淡嘅鹹蛋味 食落唔會覺得油膩 配上溝咗少少什果粒嘅沙律醬 感覺更清新黑蒜京蔥炒牛肉 黑蒜其實都係第一次食 原來係甜甜地 食落有d似羅漢果 牛肉醃得夠味 京蔥炒得夠嫩 擺盤更加顯突出廚師嘅心思 將京蔥整齊地排列食完呢度已經好滿足 食物質素唔錯 建議大家呢一試

之前都嚟過呢間食一次，今晚朋友生日帶佢嚟食吓中菜，叫咗個避風塘炒蟹，避風塘口味都幾惹味，干蒜辣椒爆香，炸香芫荽，所有配料一齊估唔到都幾入味。肉蟹size都算幾大隻，兩個女仔綽綽有餘，肉質比起五月份食果一次唔算係太結實，可能季節問題 ？啲肉有啲癡住蟹殼，勝在口味整得唔錯，係咁選蟹殼蟹肉避風塘口味充滿係個口。😍😍另外我哋都叫咗一個小菜，爆炒洋蔥牛肉片，鑊氣足夠 ，牛肉黑椒味為主，好下飯，洋蔥都好香。另外呢度都有其他海鮮食，好似賴尿蝦鮑魚聖子等等，想食海鮮大餐可以試吓。

平時在附近工作常見到翠林辣蟹舫，但今晚是首次品嚐。疫情關係，他們的小菜系列，半價優惠，只是加一正價。 咪以為咁樣好貴，當我看到黃金豆腐同炸小魚的份量，就覺得今次叫多左食物。因為對方真係一份錢一份貨，食得出新鮮炸，唔係用翻炸油。而且每件炸物都非常香脆。 即使食唔哂打包放微波爐，翻叮都一樣好味。至於麻辣雞煲，先用少少熟油泡過雞件，食到底一樣夠麻辣味道。炒蟹好入味，而且上菜時已經壓碎， 一剝就食得。非常方便。最後，蕃茄滑蛋炒蝦仁。 蕃茄汁的酸甜度適中，唔算加上特別多的糖，似係新鮮蕃茄的甜度。 蛋亦係非常滑。蝦就不是細蝦，偏向中蝦尺寸，而且蝦仲多過滑蛋。 好抵食。不管食物，服務亦很好。即使疫情暫見回落，人客特別多，但侍應仍會抽時間解釋每款菜有什麼材料及推介其他撚手菜，歡迎我們再次食。