翠林辣蟹舫

營業中

休息中

係禁制令下好久也沒有出外吃晚飯，終於等到可以放寬食到十點，即刻約埋閨蜜去食好西！閨蜜知我至愛是蟹，所以訂了此間餐廳，好讓我大快朵頤！到此餐廳不食蟹就對不起自己，今晚要了黃金流沙蟹，整隻蟹是用木架搬上枱的，賣相吸引，隻蟹好夠份量，大大的蟹鉗，舖滿蛋黃炸蒜，食落口啖啖肉，非常有滿足感！吃歡食辣的朋支，就要像我們要香辣左宗堂鷄，鷄肉好惹味，辣中又帶點香，鷄件也頗大，最啱嚐辣的食肉獸！最後還要一碟鷄湯野菌燴面筋，免得全部都只係肉類，沒有想到竟然有驚喜，面筋吸收曬鷄湯，有咬口之餘又夠味，鷄湯底非常濃，整個組合非常恰當，可能之前兩樣都是啖啖肉，跟著食這碟餸變得好清新！值得再試！