翠林辣蟹舫

營業中

休息中

我最鍾意食蟹，有時覺得係餐廳食蟹會好貴唔抵食，但比我發現翠林辣蟹坊做緊半價優惠，佢地既蟹總共有五種食法，店員介紹佢哋最出名嘅就係避風塘香辣蟹，所以我地就叫左呢個！個蟹超大隻，淨係睇個蟹鉗就睇得出好大隻！個蟹調味好惹味，仲有勁多炸蒜，炸蒜好香口，建議用黎撈白飯食都幾正！蟹蓋仲有蟹羔架！蟹件既蟹肉好鮮甜！仲有巨型蟹鉗啖啖肉，非常滿足！我地仲叫左個蜜桃咕嚕肉，脆卜卜，個醃料幾特別，除左酸甜味仲食到層咸香味！除左蟹有半價，小菜都有半價呀，都幾抵食！